طلب مساعدة

[أم هاجر البسامية]

السلام عليكم
أخواتي في الله ربي يحفظكم الي عندها طريقة تحضير لابيري لام رامي تساعدني راني محتجتها غدوة وربي يجزيكم

[om kamilia]

السلام عليكم ورحمة الله وبركاته

انا نعطيك طريقتي في انتظار يدخلو الاخوات لي مجربين تاع ام رامي

خذي البطاطا قس الكمية لي تحبي الافضل خيري الصغيرة غسليها مليح بلا ماتقشريها ديريها في طاوة او مرميطة غطيها بالماء ملحيها وزيدي رمي زوج سنينات ثوم غليها حتى تطيب, سكرفجيها بالشوكة و لا رحاية الخضرة اليدوية ,

من جهة ديري حليب يفيض قس ما تتشرب البطاطا من الاحسن لي عاقد و لآ ضيفي لو ملعقة كبيرة بودرة الحليب وزبدة او مارغارين بنكهة الزبدة ممم غير تذوب الزبدة في الحليب فرغي لو البطاطا و الثوم وخلطي شوفي القوام تاعو و لآ يحتاج حليب ضيفي غير بشوية و لا جاري خليه يتشرب شوية و لنكهةاكثر ضيفي مربعات جبن كيري مممم و اكيد تعجبك و خاصة مرفوقة بصوص الدجاج المجمر و لآ ستيك اللحم و لآ اسكالوب ولآ حتىوحدها

:19::19::19::19::19::19::19::19::19::19:

[أم هاجر البسامية]

السلام عليكم ورحمة الله وبركاته

انا نعطيك طريقتي في انتظار يدخلو الاخوات لي مجربين تاع ام رامي

خذي البطاطا قس الكمية لي تحبي الافضل خيري الصغيرة غسليها مليح بلا ماتقشريها ديريها في طاوة او مرميطة غطيها بالماء ملحيها وزيدي رمي زوج سنينات ثوم غليها حتى تطيب, سكرفجيها بالشوكة و لا رحاية الخضرة اليدوية ,

من جهة ديري حليب يفيض قس ما تتشرب البطاطا من الاحسن لي عاقد و لآ ضيفي لو ملعقة كبيرة بودرة الحليب وزبدة او مارغارين بنكهة الزبدة ممم غير تذوب الزبدة في الحليب فرغي لو البطاطا و الثوم وخلطي شوفي القوام تاعو و لآ يحتاج حليب ضيفي غير بشوية و لا جاري خليه يتشرب شوية و لنكهةاكثر ضيفي مربعات جبن كيري مممم و اكيد تعجبك و خاصة مرفوقة بصوص الدجاج المجمر و لآ ستيك اللحم و لآ اسكالوب ولآ حتىوحدها

:19::19::19::19::19::19::19::19::19::19:
بارك الله فيك حنونة وربي يعطيك ماتتمني من خير لابيري درتها مرة بالوصفة نتع ام رامي وذقوها عندي الضياف وعجبتهم بزاف واليوم زادو طلبوها مني وحوست عليها مالقيتهاش ربي يجزيك اختى

[oum anas 69]

السلام عليكن ورحمة الله وبركاه
كيفكن حبيباتي ؟؟ ان شاء الله تكونوا في احسن الاحوال
اليوم نعطيكم طريقتي في البطاطا بيوريه اللي اعطاتهالي صديقتي ومن يومها وانا لا استغني عنها لذوقها الرااائع
اولا 6حبات بطاطا بيضاء صغيرة او اربعة كبيرة غليهم بلا ما تقشريهم حتى يطيبوا مليح

بطاطا كوكوت وبطاطا بيريه بخلطة سرية للاخت رامي

قشريهم وخليهم حاميين شوية حطيهم في الروبوا زيدي ملح فرماج كيما تحبي قد ما تكثري تجيك بنينة +كاس تاي حليب دافىء **هذه عادية
الان الاضافة اللي تعطيها بنة رائعة هي
صفار بيضة واذا كانت البطاطا كثيرة ديري بيضة كاملة +ملعقة خل كبيرة +
فنجان قهوة زيت واللي يحب نكهة الثوم يدير ربع فص مرحي شغلي الروبووخليها
مدة باه تجيك مليحة
لانه وبكل بساطة هذه مكونات المايونيز لما تمتزج تطلع وتخثار وتطلع معاها البطاطا وتعطيعا بنة وخفة جربوها باه تعرفوا ذوقها
الزيت يسكب كيما المايونيز يعني خيط رقيق
حطيها في صحن التقديم وزينيها بالطون نتاع الطماطم

بطاطا كوكوت وبطاطا بيريه بخلطة سرية للاخت رامي


بطاطا كوكوت

هذه البطاطا لا استغني عنها ابدا
لانها طبق سريع وبسيط ومشبع ولذيذ

حبات بطاطا حسب عدد افراد العائلة
دجاج استعملي الاطراف الصغيرة كالجوانح والرقبة والقانصة فقط للبنة +حبة بسباس اختياري انا نحبه وديما نديره

في كوكوت حطي البطاطا مقسمة على اربع والبسباس على اربع والدجاج اضيفي ما يلي
زيت +ورقة رند + قرن فلفل حار +ثوم +ملح +فلفل اسود +كسبر مرحي +وتوابل
تفضليها لكن كل التوابل بكمية قليلة ولا تكثري الملح لانها راح تنشف
ملعقة قهوة هريسة واخرى طماطم


الان حطيها على النار قليها دقائق مرقيها بحوالي لتر ماء سخون الغلقي عليها
20 د بعد ما تنضج اتركيها على نار حتى تنشف المرقة وتبقى حوالي ملعقتية
صوص اسكبيها مباشرة في صحن التقديم وزينيها بالدبشة او المعدنوس




نقره على هذا الشريط لتكبير الصورة
بطاطا كوكوت وبطاطا بيريه بخلطة سرية للاخت رامي

جربوها راهي بنينة بزززززا ف
واذا كان عندك ضيوف حطي قطع مليحة دجاج

شهية طيبة لكن اتمنى تجربوها

ا

[منى المسيلة]

السلام عليكم ورحمة الله وبركاته