الى كل من شارك في مسابقة الأساتذة 2015

[aroua]

سلام
كل واحد يدخل يكتب الأسئلة الموجهة اليه في مسابقة الأساتذة مع ذكر ردة فعله

[aroua]

انا اول مادخلت قالي علبالك انت ماتصلحيش استاذة
ضحكت قلتلو وعلاه
قالي على خاطر مكيش صبورة
ضحكت
ومن بعد عطاني نسنني سكت وبقيت النسنيي
قالي شوفي يأستاذة في الحقيقة انت استاذة لازم تمضى وتهدري
قلتلو من الأداب انو كيما تهدر مع واحد اكبر منك سنا ومستوى تشوف معاه وتهدر وهناك اختلاف كبير مع التلاميذ
وفي الأخير قلولي سمحينا غير حبينا نشوفوك تقلقي ولا لا

[aroua]

90مشاهدة ولا رد
اظن انه لم يعجبكم الطرح ؟؟؟

[عائشة 88]

السلام عليكم
انا سالني على مذكرة التخرج وقالي اعطيني من شعراء الاندلس وشعراء المهجر

[optimism]

السلام عليكم
من اجل ذلك .........افضل الامتحانات الكتابية .......والحمد لله لم اجتز مسابقات شفهية
زعمة كي يقول نشوف فيك الا تقلقلي ولا ......عندو فراسة ولا كيفاش........مهما كانت فراسته .......لن يعرف شخص على حقيقته من مقابلة واحدة ......
مثل هذه المسابقات تفتقد للمصداقية
ربي يوفقك وينجحك

[nada29]

السلام عليكم
س 1 وشي الحاجة ما تقدري تستغني عليها في إجراء التجارب العلمية في المخبر
س 2 ماهي إجابيأت التدريس بالكفاات
س 3 من وين تجيبي المعلومات باش تحضيري المذكرة
س 4 واش دير في الحصة الاولى مع التلاميذ

[aroua]

شكرا على الردود على الأقل اسئلتكم حول المادة

[علي لقواطي]

شاركت كأستاذ لغة إنجليزية للمتوسط المقابلة في دقيقتين أو أقل
what's your name ??
what are the four skills of learning a ********
و من بعد قالي يعطيك الصحة خويا ??

[hadjer english]

انا درت مسابقة استاذة التعليم المتوسط انجليزية
قاللي واش رايك في التغيرات اللتي طرات على التعليم
ماهي المقاربة بالكفاءات
ماهي ايجابياتها وسلبياتها
هل هي ناجحة ام لا
من المسؤول عن عدم نجاحها

[الجزائرية80]

السلام عليكم انا بحكم انى خدمت قبل سألنى كيف تتصرف مع التلاميذ كل بنفس الاسلوب وضحي ذلك ثم التلميذ المشاغب كيف تتعاملي معاه ماهي الخطوات اللي تعمليها

[nesserinebsf]

Salam alikoum
Seksrwni ala diplôme

[aroua]

شكـــــرا على الـــــــــــــــردود ...

[Elane]

أنا خريجة لغة انجليزية في البداية كان السؤال بالعربية و لما جاوبت بالانجليزية تضايقت مني الاستاذة و انهالت عليا بالاسئلة مدة 5د أو أكثر وكل سؤال أجبت عليه وفي الاخير زميلها قاللي انت اسأليها قاتلي معليش تفضلي سألتها أنا "عن مدى شفافية المسابقة و على أي أساس ياخذوا الخبرة بعين الاعتبار في الوقت اللي أنا و أمثالي جرينا بزاف باش نخدمو ولكن دايما يدخلو معارفهم" سؤالي كان باللغة الانجليزية و للأسف لم تفهمني قالها زميلها حبساتك هذي تستاهل العلامة كاملة شافت فيا بازدراءء و قاتلو "دوك نشوف أنا الصح وكيما نحب" والحمدلله لم أنجح ككل سنة تقريبا نفس السيناريو و هو حقد الاستاذة على امرأة مثلها اذا فاقتها مستوى وفي الاخير أتمنى أن تكشف الوزيرة عن ضعف الاساتذة المرسمين قبل أن تسلط الضوء على المترشحين

[ام جهينة.]

انا قالي متزوجة؟شحال عندك من أولاد؟ يقراو ولا لا؟ وش رايك في التعليم؟ ربي يوفقك

[mourad89]

دعاء الإمتحان اللهم إنى توكلت عليك وسلمت امرى إليك ،لا ملجأ ولا منجى منك إلا إليك، اللهم لا، سهل الا ما قد جعلته سهلا ، اللهم اجعل الصعب لي سهلا ، اللهم ذكرني منه مانسيت ولا حول ولا قوة الا بالله