ارواحو شوفوا بصح ردو

[zaho207]

سلام عليكم هاذي السمانة ان شاء الله عندي عرضة نتاع عشاء
خصني عاونوني واش نحطلهم عشية كي يجو
و واش ندير عشاء و نوجدلهم في السهرة
هدي العرضة خاصة لازم تفوت بطبع
و شكرا ليكم خواتاتي لي تعاوني و لي لا ربي يخليكم كامل
شكرا

[ام احمدي]

حنونة كنت من قبل درت عزومة غدا وفاتت هايلة بمساعدة العضوات الرائعات
درتلهم حريرة وبوراك والسوفلي والحميس والسلايط وطاجين الحلو وجاج محمر مع اللوبيا سوتي على طريقة ليزابيل والمتوم
والخبز بطريقةام سهام
والتحالي درتلهم سلطة فواكه بطريقة عازفة الناي والعصير
والعشية مع القهوة درت الصابلي نوعت فيه والسويس رول تاع ام انس
نتمنى حنونة اني افدتك

[nadia38]

الحريرة سوفلي وسلايط وتارتلات الطبق الرئيسي اعملي دجاج بالمرقاز لام اماني مع بطاطا سوطي نتاعالهام وزيدي محاش البطاطا ولا الفلفل ام التحليات لحم الحلو زيدي تيراميسو بالنتيلا لام اماني ولا faux تيراميسو بالفراز راه وقتها و لا تشييز كيك ولا ايسكريم زينب بصوص الفراولة و المطلوع دائما حاضر اما الحلويات المنتدى راهو معمر بالوصفات

[zaahra]

اختى ديري كيش نتاع فلة هااايل

[zaahra]

ديري بطاطا شاورما نتاع الهام هايلة

[zaahra]

وسوفلى ديري نتاع نينافرتت تانى هايل

[bonbon]

وسوفلى ديري نتاع نينافرتت تانى هايل

انا تاني جربتو روعة :19:

[أم غيلاس]

سلام أختي ديري مقبلة سلطة ماسيدوان و بوراك و كفتة على طريقة أم أماني و ديري ثاني خبيزات بالفرينة و السميد تاع ام اماني و الطبق الرئيسي ديري جاج محمر بالباطاطا أو باللوبيا سوتي و ديري طاجين حلو و التحلية ديري محلبي و تيراميسو بالنوتيلا تاع ام اماني و عصير من الأفضل تعمليه في البيت شوفي تاع إلهام07 عصير البرتقال المجمد رائع و بالنسبة للسهرة ديري تاي و ذيول محشيين بالزبيب و عين بقرة و المشماش المجفف و ديري بسبوسة تركية تاع ام اماني هائلة و الله انشاء الله تكوني استفدت و بالتوفيق

[أم عاكف ( الأم المعلمة )]

ربي يقدرك اختي ...ان شخصيا لا احب العزايم ما نقدرش وحدي وزيد كيراني خدامة نعيا بالزاف ربي يكون في العون اختي

[douda-hammadi]

ديريلهم طاجين زيتون و طعام و فالسهرة ديري لاتاي و المكسرات