يومياتكم مع البراءة

[*سندوسة*]

السلام1

اليوم اردت ان احكي لكم عن ابن اختي

عندي ابن اختي صغير عنده عام ونص ختي كل يوم تخليه عندنا بما انها عاملة

لوكان تشوفوه تقولو ناكلوه :1: الله بيارك ربي يحفظه لوالديه المهم يدير واحد صوالح نتاع كبار:sdf: يحوس على لخيوط نتاع ضو يلعب بيهم وخصوصا سيشوار نتاعي يحوس عليه ويجبده من بلاصته ويلعب بيه :1:

ولميكرو نتاعي ديما دايراته يتشارجا يقعد يبكي باش نطلعه فالسرير ويبقى يخرب ههه:) وغير يغفلني ويعضني هه راهم ينوضولهم سنين راه مشيطني :sdf:

ويلا بات عندنا تلقاه مقصر حنا نعسانين وهو يلعب وكي يدير حاجة وتعيط عليه يقتلك بذيك الضحكة نتاع تسيتيت والله ماتقدر تضربه نزيدو نبقاو نسلمو عليه هههه

ومع ماماه تعضه من حنكه ايا حنا كي نعضوه من جهة يدورلك وجهه باش تعضيه من الجهة الاخرى ههه

كي نتفكر صوالح وخدخرين نزيد نقولك


وضرك حكولي على البراءة لي عندكم وكيفاش تتعاملو معاهم :)

[staifia]

احنا ماعندناش براءة في الدار ههههههههههه بصح كاين ولد خالتي يهبببببببببببببببل طمبوز
يعجبني كي يعيطلي اووووفا اوووفا هههههه زعما وفاء
كي نتفكر نقلكم

[*سندوسة*]

احنا ماعندناش براءة في الدار ههههههههههه بصح كاين ولد خالتي يهبببببببببببببببل طمبوز
يعجبني كي يعيطلي اووووفا اوووفا هههههه زعما وفاء
كي نتفكر نقلكم

اهلا اختي اوووفا اوووفا :mh31:
ربي يرزق اختك المتزوجة بيبي طبوز وتتلاهاي بيه ولعقوبة ليك بعد الزواج طبعا ;)
نورت الموضوع

[eBusiness]

يا الخاوة ما معنى هذه كلمة "طبوز"؟؟؟ ههههههه كلمة جديدة هذه الله يطبزكم على كل حال هههههه
رب يحفظ أطفالكم وأطفالنا يا رب...

[*سندوسة*]

يا الخاوة ما معنى هذه كلمة "طبوز"؟؟؟ ههههههه كلمة جديدة هذه الله يطبزكم على كل حال هههههه
رب يحفظ أطفالكم وأطفالنا يا رب...


اللهم امين

طبوز بمعنى مكور مليان ومعمر وجاية من كلمة مطبز
كيما هاد طبايزة

https://i.ytimg.com/vi/-aSmn22zlvc/hqdefault.jpg

[eBusiness]

اللهم امين

طبوز بمعنى مكور مليان ومعمر وجاية من كلمة مطبز
كيما هاد طبايزة

https://i.ytimg.com/vi/-asmn22zlvc/hqdefault.jpg

شكرا أختي سندوسة المسندسة على التوضيح والله يطبز أطفالكم يا رب حتى تجدون مع من تلعبون وتطبزون :19:

[غزلانْ]

السلام عليكم فكرتيني بالبراءة هدي بنت أختي عندها عامين و نصف رسلتها أمها للحانوت و قالت لها روحي للحانوت و اشري لي راس الحانوت (توابل) راحت البنت و جات و قالت لأختي ماما الحانوت راهو مبلع و الراس ملقيتاهش . وسلامي لابن أختك .

[*سندوسة*]

شكرا أختي سندوسة المسندسة على التوضيح والله يطبز أطفالكم يا رب حتى تجدون مع من تلعبون وتطبزون :19:


العفو اخي
واللهم امين ولعقوبة لعندك :)
ههه والله اللعب مع الاطفال وخصوصا المطبزين نكهة خاصة يعرفها غير لي مجرب:1:

[*سندوسة*]

السلام عليكم فكرتيني بالبراءة هدي بنت أختي عندها عامين و نصف رسلتها أمها للحانوت و قالت لها روحي للحانوت و اشري لي راس الحانوت (توابل) راحت البنت و جات و قالت لأختي ماما الحانوت راهو مبلع و الراس ملقيتاهش . وسلامي لابن أختك .

وعليكم السلام ورحمة الله وبركاته

هههه والله ضحكتيني الله يعطيك الربح واللهم امين وربي يحفظ كل الاطفال

والله فكرتيني كنت صغيرة وقالولي شوفي شحال راهي ساعة كانت 12 pيل وعقارب الساعة كانو فوق بعضاهم هههه
قلتلهم رقاص واحد ره عند 12 ولاخر طاح وقعدت نحوس عليه تحت الساعة ههههه:)

[staifia]

يا الخاوة ما معنى هذه كلمة "طبوز"؟؟؟ ههههههه كلمة جديدة هذه الله يطبزكم على كل حال هههههه
رب يحفظ أطفالكم وأطفالنا يا رب...


طمبوز يعني عندو الخدود يهبببل و مبطبط ،،
ان شاء الله يكون وصل المفهوم :d:d
ربي يرزقك اطفال طمبوزين

[*سندوسة*]

طمبوز يعني عندو الخدود يهبببل و مبطبط ،،
ان شاء الله يكون وصل المفهوم :d:d
ربي يرزقك اطفال طمبوزين

ضرك يقولك واش معنتها مبطبط ههه :1:;)

[staifia]

ضرك يقولك واش معنتها مبطبط ههه :1:;)

ثاني :1: يا خرابي


مثل هذا



http://up.arabseyes.com/uploads2013/12_04_15142884641361181.jpg (http://up.arabseyes.com/) العاب (http://games.arabseyes.com)

[eBusiness]

طمبوز يعني عندو الخدود يهبببل و مبطبط ،،
ان شاء الله يكون وصل المفهوم :d:d
ربي يرزقك اطفال طمبوزين

لقد وصل المفهوم... هذا فاش فالحات بنات بلادي غي في اللعب مع الصبية نتاع الاخرين، لوكان جا فيكن الخير لوكان راكن متزوجات أنت والأخت ياسمين وراكن تلعبن مع أولادكن ماشي مع أولاد لالياتكم ههههههههه الناس تولد وأنتن تلعبن بأولادهن :1:كل واحد يلعب بولادو ويخلي ولاد الناس ترونكيل ههههههههه

ضرك يقولك واش معنتها مبطبط ههه :1:;)
لا هذه فهمتها... مبطبط بمعنى بطة يعني سمين كالبطة هههههه الله يبطبطكم يا بنات بلادي :1:

[ام نهوله]

واش نقولك نموت عليهم و ما نقدرش نعيش بلا بيهم عندي بنتي في عمرها 8شهور نمووووووووووووووووووووت عليها ما نقولكش شحال طلعلي المورال كي نكون عيانه و لا زعفانه حتى وليدي عندو 3 سنين بالنسبة لينا في الدار ظاهرة نحسو ذكي فوق العادة ماعلاباليش واقيلا كي وليدي ههههههههههه

[*سندوسة*]

شكرا اخي بزنس على كلامك بصح دير في بالك الزواج مكتوب ورزق من عند ربي
الله يهنيك

[*سندوسة*]

واش نقولك نموت عليهم و ما نقدرش نعيش بلا بيهم عندي بنتي في عمرها 8شهور نمووووووووووووووووووووت عليها ما نقولكش شحال طلعلي المورال كي نكون عيانه و لا زعفانه حتى وليدي عندو 3 سنين بالنسبة لينا في الدار ظاهرة نحسو ذكي فوق العادة ماعلاباليش واقيلا كي وليدي ههههههههههه


:dj_17:
ربي يحفطهملك ويهنيك بيهم ويفرحك بيهم

نورت الموضوع حبيبتي الله يبقي الستر عليكم

[ام نهوله]

شكرا حبيبتي وحفظ الله لك كل غالي يا رب

[*سندوسة*]

شكرا حبيبتي وحفظ الله لك كل غالي يا رب


العفو حبيبتي واللهم امين :)

[eBusiness]

شكرا اخي بزنس على كلامك بصح دير في بالك الزواج مكتوب ورزق من عند ربي
الله يهنيك

الله يهنيك يا بنت الأكابر... أمزح فقط لكن حاولو على ولاد الناس وبركو ما تاكلو فيهم ههههه
رب يرزقكن أزواجا صالحين وصبية رائعين :19:

[eBusiness]

واش نقولك نموت عليهم و ما نقدرش نعيش بلا بيهم عندي بنتي في عمرها 8شهور نمووووووووووووووووووووت عليها ما نقولكش شحال طلعلي المورال كي نكون عيانه و لا زعفانه حتى وليدي عندو 3 سنين بالنسبة لينا في الدار ظاهرة نحسو ذكي فوق العادة ماعلاباليش واقيلا كي وليدي ههههههههههه


رب يحفظلك ذريتك ويجعلها خيرا لك وعليك يا بنت الأكابر :dj_17:

[*سندوسة*]

الله يهنيك يا بنت الأكابر... أمزح فقط لكن حاولو على ولاد الناس وبركو ما تاكلو فيهم ههههه
رب يرزقكن أزواجا صالحين وصبية رائعين :19:

اللهم امين ولك بالمثل

[ام نهوله]

رب يحفظلك ذريتك ويجعلها خيرا لك وعليك يا بنت الأكابر :dj_17:


شكرا لك اخي كثيرا كثيرا على الدعاء الذي انا فعلا بامس الحاجة اليه
وانت ايضا ربي يحفظلك الوالدة و يطول في عمرها و تمطرك بادعية تعيش بها العمر كله

[وجدان الخواطر~]

بالنسبة لنا مازالت البراءة مازادتش ، قريب ان شاء الله يزيد ابن أختي و رانا محتارين وش نسموه

[سميرة10]

البيت الذي ليس فيه اطفال بيت كئيب انا بنتي الصغيرة عمرها 9 سنوات حتى وهي كبيرة بصح محليتنا الدار

[eBusiness]

بالنسبة لنا مازالت البراءة مازادتش ، قريب ان شاء الله يزيد ابن أختي و رانا محتارين وش نسموه

سموه "عبد المجيد" :rolleyes:

[*سندوسة*]

بالنسبة لنا مازالت البراءة مازادتش ، قريب ان شاء الله يزيد ابن أختي و رانا محتارين وش نسموه

ان شاء الله تولد اختك في ظروف جيدة وربي يسلكها على خير اما الاسماء نفيدة شوية
كاين بدر الدين
شمس الدين
حسام
جواد
امين
عبد المالك
عبد الجليل

[*سندوسة*]

البيت الذي ليس فيه اطفال بيت كئيب انا بنتي الصغيرة عمرها 9 سنوات حتى وهي كبيرة بصح محليتنا الدار

اهلا لحبيبة كيراكي ان شاء الله امورك بخير
سلميلي على بناتك والله شوقتيني باش نفوهم ونشوف هاد
الام الفاضلة الله يرزقك من فضله

وربي يحفظلك بناتك ويفرحك بيهم

[staifia]

يا عبد المجيد الزواج نهار يكتبلنا ربي رانا نتزوجوا مزالنا صغار ، حنا مزال فينا البراءة تحوس نربيو الاولاد ههههه

[zahra souf]

عندنا بنووتة بصح مزالت صغيرة مي عندها حاجة لييييييل كامل وهي تبكي :mad:

[*سندوسة*]

عندنا بنووتة بصح مزالت صغيرة مي عندها حاجة لييييييل كامل وهي تبكي :mad:

ياعمري ماشاء الله عليها ربي يحفظها ويفرحكم بيها

شوفو طبيب بلاك ينصحكم بكانش تيزانة

[الألماسة]

ربي يحفظو للوالديه

[ماريـام]

اخ ياسندوسة حطيتي يدك على الجرح راني 6 سنين نستنا ربي يفرج عليا بطفل مكعبر و مبطبط مكور اخ اخ ,,,

شوفي صالح للاكل ههههههههه

http://photos-images.net/images/img_1/58d854a3a9ed8a10623b7d211cafe62d.jpg

[*سندوسة*]

ربي يحفظو للوالديه

اللهم امين
بارك الله فيك
ربي يفرحك

[*سندوسة*]

اخ ياسندوسة حطيتي يدك على الجرح راني 6 سنين نستنا ربي يفرج عليا بطفل مكعبر و مبطبط مكور اخ اخ ,,,

شوفي صالح للاكل ههههههههه

http://photos-images.net/images/img_1/58d854a3a9ed8a10623b7d211cafe62d.jpg

والله يا حبيبتي اسفة اسفة اسفة جداااااااااااااااااااااااااا
ساماحات خيتو حقك عليا

ربي يفرحك ويفرجها عليك عن قريب
والله زوين بالبزاف ياعمري هادا يتكل ههه

[ماريـام]

والله يا حبيبتي اسفة اسفة اسفة جداااااااااااااااااااااااااا
ساماحات خيتو حقك عليا

ربي يفرحك ويفرجها عليك عن قريب
والله زوين بالبزاف ياعمري هادا يتكل ههه

هههههههههههههه لا تعتذري اختي عادي جداا ربي راح يفرج عليا بواحد كيف هاذا و نجيبهولك تاكليه ههههههههههههههه

https://s-media-cache-ak0.pinimg.com/736x/e0/74/63/e07463d9abed94bc84e17798f79294fa.jpg

[*سندوسة*]

هههههههههههههه لا تعتذري اختي عادي جداا ربي راح يفرج عليا بواحد كيف هاذا و نجيبهولك تاكليه ههههههههههههههه

https://s-media-cache-ak0.pinimg.com/736x/e0/74/63/e07463d9abed94bc84e17798f79294fa.jpg

ان شاء الله عن قريب رانا نستناو البشارة

ياعمري على ذيك لبنوتة ناكلها

[رندة نهاد]

بالنسبة لنا مازالت البراءة مازادتش ، قريب ان شاء الله يزيد ابن أختي و رانا محتارين وش نسموه

سموه هاني ههههههههههه ان شاء الله نزوج يجيني ولد نسميه هاني _ باه يعيش هاني _ يارب :1::1::1::1::1::1: ربي يقومها بالسلامة يارب
ولا سميه عبد المعز _ عبد الجليل _ عبد المهيمن كاين خير ربي سموا برك

[سميرة10]

اهلا لحبيبة كيراكي ان شاء الله امورك بخير
سلميلي على بناتك والله شوقتيني باش نفوهم ونشوف هاد
الام الفاضلة الله يرزقك من فضله

وربي يحفظلك بناتك ويفرحك بيهم


ويفرحك انت كذلك حبيبتي
على فكرة سندوسة عندي البنت الكبرى والصغرى والاولاد في الوسط توام واخوهم لي تحتهم عمرو11 سنة والتوام 17سنة
ربي يحفظك الله يعلم انك قريبة من القلب لا ادري لماذا وكانني اعرفك لو لم تقولي انك من الغرب

[*سندوسة*]

سموه هاني ههههههههههه ان شاء الله نزوج يجيني ولد نسميه هاني _ باه يعيش هاني _ يارب :1::1::1::1::1::1: ربي يقومها بالسلامة يارب
ولا سميه عبد المعز _ عبد الجليل _ عبد المهيمن كاين خير ربي سموا برك

الله يرزقك الزوج الصالح عن قريب ونفرحو بوليداتك بصح لازم يكونو بطابيط

[*سندوسة*]

ويفرحك انت كذلك حبيبتي
على فكرة سندوسة عندي البنت الكبرى والصغرى والاولاد في الوسط توام واخوهم لي تحتهم عمرو11 سنة والتوام 17سنة
ربي يحفظك الله يعلم انك قريبة من القلب لا ادري لماذا وكانني اعرفك لو لم تقولي انك من الغرب

:dj_17::dj_17:

اللهم امين انا من كتر لي ندعي بزاف يحسبوني شيبانية ههه
الله يبارك وماشاء الله على وليداتك ربي يحفظهملك
وفرحتيني بكلامك وربي شاهد قداه نعزك وراكي في مقام الوالدة
وربي يلاقينا في ساعة لخير
:)

[ام فيفي]

اخ ياسندوسة حطيتي يدك على الجرح راني 6 سنين نستنا ربي يفرج عليا بطفل مكعبر و مبطبط مكور اخ اخ ,,,

شوفي صالح للاكل ههههههههه

http://photos-images.net/images/img_1/58d854a3a9ed8a10623b7d211cafe62d.jpg

عزيزتي ماريام ربي يعلم شحال نعزك ...ربي يرزقك بالذرية الصالحة عاجلا غير آجل يا مجيب الدّعاء...أنا هذا الدعاء افادني كثيراا...ربّ إنّي لما أنزلت عليّ من خير فقير..عن تجربة اختي ...وربي يعمّر حجرك ان شاء الله...بالاولاد:mh31:

[sawsanafleur]

الاولاد نعمة كبرى من الله عز وجل ....يجعلون لحياتك معنى وهدف وطعم..رغم انهم متعبون ومشاغبون لكن كل ذلك يهون امام ابتساماتهم وبراءتهم ومرحهم ....اللهم ارزق الاخت ماريام الولد وكل من حرم نعمة الاولاد ..امين.
انا عندي ولد وبنت هما نور حياتي .

[وجدان الخواطر~]

سموه هاني ههههههههههه ان شاء الله نزوج يجيني ولد نسميه هاني _ باه يعيش هاني _ يارب :1::1::1::1::1::1: ربي يقومها بالسلامة يارب
ولا سميه عبد المعز _ عبد الجليل _ عبد المهيمن كاين خير ربي سموا برك
ان شاء الله كي ليوم ونباركولك
احنا قلنا نسموه شهاب الدين ولا شمس الدين ،، بصح الواآلد رااافض و ما اقترحش أي اسم :mad:

[ibtihal18]

سلام يسمين ان شاء الله راكي بخير
والله واش نحكيلك بنت اختي راهي عايشة عندنا و زيد هي الاولى فالاحفاء طيحنا مشتاقين فيها دايرة العجب فعايلها يكبرو و هي ما تكبرش و كيما قلتو نتوما وحد الطبوزة و عينيها كيما تاع الشناوة ................فالصيف اللي فات كانت وحد الغناية *الو وينك* يحطوها فالعراس بزاف منين تدور تسمعها حفظت هي الكلمة هذي و عندي خويا متدين كي يكون يهدر مع صحابو فالثيليفون تروح هي لودنو الثاني و تغنيلو **الو وينك** ملا يدور ليها يعطيها كف خفيف و يقولها نزيد نسمعك تغني نضربك هههه.........مالا كي نحبو نثاسثيوها نقولولها **الو وينك** تقولنا اشششششششششششش ما تغنيش يقتلك خالي كون يسمعك

[غصن البآن]

سلام حبيبتي يسمينو

تعرفي كي قريت العنوان دخلت متلهفة...........

ربي يحفظ وليد اختك حنونة ماشاء الله علييهم

نحكيلك على امورتي اسيل ...........راهي قاتلتني بالغيرة.........و كيما قلتي والله منقدر حتى نحط يدي عليها

تعرفي مشاتلي على عشر اشهر و خرجت كامل سنيناتها و جل اضرسها و زوج نيبان يضحكو.........و دك في عمرها عام و اربعة اشهر ..........عمر الشقاوة

كي نقوللها بنتي عنقيني تنحيلي يديا و تحط راسها على صدري و الميكرو منحكيلكش نرفدها من عندو و نديها لشمبرة اخرى كي نحطها تروح تجري للميكرو تقول راهي هاربة و كيفاش تطلع فوق السرير و تحسبي صح راها تخدم فيه
و كي نقلهاyeeeeeeeeeeeessss ترفعلي كفي و تضرب عليه......

و كلماتها سكر........كي تكمل بيبروها تجيني و تقولي هاااكيييييي......و كي نقولها بالصحة..........تقولي صااااااااااحاااااااااا
و كي تشوف باباها تنكر وجودي و متخلينيش نقربو........هههههههه
و الاكيد انو انا وبنتي نضلو مدابزين على شكون يقعد بحدا باباها....مي نقلك ولا راجلي يكلخلها كثر مني......و عدت نزعف راها داتلو عقلو كثر مني
و كي تجي اختها من المدرسة ......تجري ليها و وحد الضحكات
و ترمي روحها عليها

واسولتي تحقر اختها وئام و في الليل كي ترقد تروح تحكمها من شعرها غير باش تنوض
وعندها وحد القبلات تقتل..........و تحب كامل الناس........متبكي من حتى واحد.........على هدا الكل يحملها و يقلشها......

و زوجي الحبيب يخاف بزااف على اميرتو يقلي يضربوهالي بعين...هههه
وكي نقلو بنتي كي تكبر تكون عروسة سكر
يقولي مشكيتش لي نقدر نزوجها هههههه يمزح طبعا
وتلفون تحكمو و تقول....أَوُوووو.....
و بنتي كلامها كيف الشناوة
و كي يعيط راجلي في التليفون محال نهدر معاه الا اذا تخبيت و لازم نهمسلو لانها تفيق
و كي نقولولها وينها اسيل.....تحط يدها على صدرها و تقوللنا .....

هاااااااانيييييييييي

والرقص ههههه يضحك
و الخمار تان تموت عليه
و اكيد ويلات السقوط من فرط الحركة ....
قبل ما ننسى درك حاكمة سيالة و كراس قديم و وحد الخربشات .....لوحة فنية ههه

و ياويلو لي ينسا كتاب و لا كراسو في طريقها
مخربة
هادو بعض من مشاكسات اسيل قلبي

تحياتي..........موضوعك قمة ............

[*سندوسة*]

عزيزتي ماريام ربي يعلم شحال نعزك ...ربي يرزقك بالذرية الصالحة عاجلا غير آجل يا مجيب الدّعاء...أنا هذا الدعاء افادني كثيراا...ربّ إنّي لما أنزلت عليّ من خير فقير..عن تجربة اختي ...وربي يعمّر حجرك ان شاء الله...بالاولاد:mh31:

انشاء الله ربي يرزقها فالقريب العاجل وتفرح بأولادها

[*سندوسة*]

الاولاد نعمة كبرى من الله عز وجل ....يجعلون لحياتك معنى وهدف وطعم..رغم انهم متعبون ومشاغبون لكن كل ذلك يهون امام ابتساماتهم وبراءتهم ومرحهم ....اللهم ارزق الاخت ماريام الولد وكل من حرم نعمة الاولاد ..امين.
انا عندي ولد وبنت هما نور حياتي .

بارك الله فيك اختي على الكلام الجميل والطيب
ربي يعمر دار الاخت مريام بالذرية الصالحة

اختي ربي يحفظلك وليداتك ويفرحك بيهم

[*سندوسة*]

ان شاء الله كي ليوم ونباركولك
احنا قلنا نسموه شهاب الدين ولا شمس الدين ،، بصح الواآلد رااافض و ما اقترحش أي اسم :mad:

ماعليش اختي المهم اختك تقوم بالسلامة والطفل يولد فكامل صحته وعافيته

[*سندوسة*]

سلام يسمين ان شاء الله راكي بخير
والله واش نحكيلك بنت اختي راهي عايشة عندنا و زيد هي الاولى فالاحفاء طيحنا مشتاقين فيها دايرة العجب فعايلها يكبرو و هي ما تكبرش و كيما قلتو نتوما وحد الطبوزة و عينيها كيما تاع الشناوة ................فالصيف اللي فات كانت وحد الغناية *الو وينك* يحطوها فالعراس بزاف منين تدور تسمعها حفظت هي الكلمة هذي و عندي خويا متدين كي يكون يهدر مع صحابو فالثيليفون تروح هي لودنو الثاني و تغنيلو **الو وينك** ملا يدور ليها يعطيها كف خفيف و يقولها نزيد نسمعك تغني نضربك هههه.........مالا كي نحبو نثاسثيوها نقولولها **الو وينك** تقولنا اشششششششششششش ما تغنيش يقتلك خالي كون يسمعك

:dj_17::dj_17:
وعليكم السلام ورحمة الله وبركاته

الحمد لله اختياللهم دومها نعمة
ههه الله يبارك وماشاء الله والله راني نقرا ردودكم بكل تفاعل راني نقرا وندير فلي جاست هههه
ربي يحفظها ويخليهالكم وربي يفرحكم بيها

[*سندوسة*]

سلام حبيبتي يسمينو

تعرفي كي قريت العنوان دخلت متلهفة...........

ربي يحفظ وليد اختك حنونة ماشاء الله علييهم

نحكيلك على امورتي اسيل ...........راهي قاتلتني بالغيرة.........و كيما قلتي والله منقدر حتى نحط يدي عليها

تعرفي مشاتلي على عشر اشهر و خرجت كامل سنيناتها و جل اضرسها و زوج نيبان يضحكو.........و دك في عمرها عام و اربعة اشهر ..........عمر الشقاوة

كي نقوللها بنتي عنقيني تنحيلي يديا و تحط راسها على صدري و الميكرو منحكيلكش نرفدها من عندو و نديها لشمبرة اخرى كي نحطها تروح تجري للميكرو تقول راهي هاربة و كيفاش تطلع فوق السرير و تحسبي صح راها تخدم فيه
و كي نقلهاyeeeeeeeeeeeessss ترفعلي كفي و تضرب عليه......

و كلماتها سكر........كي تكمل بيبروها تجيني و تقولي هاااكيييييي......و كي نقولها بالصحة..........تقولي صااااااااااحاااااااااا
و كي تشوف باباها تنكر وجودي و متخلينيش نقربو........هههههههه
و الاكيد انو انا وبنتي نضلو مدابزين على شكون يقعد بحدا باباها....مي نقلك ولا راجلي يكلخلها كثر مني......و عدت نزعف راها داتلو عقلو كثر مني
و كي تجي اختها من المدرسة ......تجري ليها و وحد الضحكات
و ترمي روحها عليها

واسولتي تحقر اختها وئام و في الليل كي ترقد تروح تحكمها من شعرها غير باش تنوض
وعندها وحد القبلات تقتل..........و تحب كامل الناس........متبكي من حتى واحد.........على هدا الكل يحملها و يقلشها......

و زوجي الحبيب يخاف بزااف على اميرتو يقلي يضربوهالي بعين...هههه
وكي نقلو بنتي كي تكبر تكون عروسة سكر
يقولي مشكيتش لي نقدر نزوجها هههههه يمزح طبعا
وتلفون تحكمو و تقول....أَوُوووو.....
و بنتي كلامها كيف الشناوة
و كي يعيط راجلي في التليفون محال نهدر معاه الا اذا تخبيت و لازم نهمسلو لانها تفيق
و كي نقولولها وينها اسيل.....تحط يدها على صدرها و تقوللنا .....

هاااااااانيييييييييي

والرقص ههههه يضحك
و الخمار تان تموت عليه
و اكيد ويلات السقوط من فرط الحركة ....
قبل ما ننسى درك حاكمة سيالة و كراس قديم و وحد الخربشات .....لوحة فنية ههه

و ياويلو لي ينسا كتاب و لا كراسو في طريقها
مخربة
هادو بعض من مشاكسات اسيل قلبي

تحياتي..........موضوعك قمة ............


اهلا ام اسيل زارتنا البركة
اللهم امين ونتي تاني ربي يحفظلك عايلتك ويفرحك بيهم

والله فرحني رد وقريت الرد نتاعك كلمة بكلمة ياعمري على هاذوك لبنوتات على بالك نموووووووووووت على لبنات

مشكورة حبيبتي
وربي يوفقك ويسعدك

[mansoni]

allah yebark

[*سندوسة*]

allah yebark

يبارك فيك اخي
شكرا لك نورت الموضوع

[hajark2]

السلام عليكم
اختي ياسمينة ممكن. نعرف منك كيفاه نبعث طلب
للمشرفين تاع المنتدى
اسفة مي ما عرفتش الطريقة

[*سندوسة*]

السلام عليكم
اختي ياسمينة ممكن. نعرف منك كيفاه نبعث طلب
للمشرفين تاع المنتدى
اسفة مي ما عرفتش الطريقة

وعليكم السلام ورحمة الله وبركاته
شوفي في كل قسم له مشرفين روحي ادخلي لملف كانش واحد فيهم وابعثيلهم رسالة

[hajark2]

اهلا ياسمينة
قصدك نشوف المراقبين تاع القسم
ونشوف الملف تاع اي واحد
وكاين تم مكتوب ابعث رسالة خاصة

هدا واش راكي تقصدي

[*سندوسة*]

اهلا ياسمينة
قصدك نشوف المراقبين تاع القسم
ونشوف الملف تاع اي واحد
وكاين تم مكتوب ابعث رسالة خاصة

هدا واش راكي تقصدي

واه انا هكدا ندير

[canopus]

السلام عليكم
الله يحفظ ولد اختك و يرزقكم باخوتو و خواتاتو

[حضنية28]

سلام عليكم
حنا عندنا 5 احفاد
والحفيدة 6جاية في الطريق
المهم اصغر واحد فيهم عمرو عام ونص ههههههه واش نقلك العين الزرقا والشعر اصفر ومبطبط نغير منو
يدير واحد الطوايش يقتلو
تعرفي وين يلقا الكواغط ياكلهم هههههههههههههه
وحدو الطفل هذا
وماماه كي تجي لعندنا للدار يلا غابت عليه لحضة
يحوس الدار كامل والعباد كامل يخزر فيهم بحثا عن امه
مرة غلط فيا انا ههههههههه جا يجري ليا ومنبعد كي لحق
شاف فيا مليح ومنبعد دور وجهو وراح هههههههههههههه

[*سندوسة*]

السلام عليكم
الله يحفظ ولد اختك و يرزقكم باخوتو و خواتاتو

وعليكم السلام ورحمة الله وبركاته

اللهم امين
وبارك الله فيك

[*سندوسة*]

سلام عليكم
حنا عندنا 5 احفاد
والحفيدة 6جاية في الطريق
المهم اصغر واحد فيهم عمرو عام ونص ههههههه واش نقلك العين الزرقا والشعر اصفر ومبطبط نغير منو
يدير واحد الطوايش يقتلو
تعرفي وين يلقا الكواغط ياكلهم هههههههههههههه
وحدو الطفل هذا
وماماه كي تجي لعندنا للدار يلا غابت عليه لحضة
يحوس الدار كامل والعباد كامل يخزر فيهم بحثا عن امه
مرة غلط فيا انا ههههههههه جا يجري ليا ومنبعد كي لحق
شاف فيا مليح ومنبعد دور وجهو وراح هههههههههههههه


وعليكم السلام ورحمة الله وبركاته

الله يبارك وماشاء الله عليهم وربي يحفظهم ويفرحكم بيهم

اطفال صغار لماكلة يرموها ومايبغوش ياكلوها بصح الالعاب والكواعط ياكلوها هههه حتى الحشرات ههه

مشكورة حبيبتي على المرور الجميل خليتيني نتخيل شكلو هه:)

[ماريـام]

عزيزتي ماريام ربي يعلم شحال نعزك ...ربي يرزقك بالذرية الصالحة عاجلا غير آجل يا مجيب الدّعاء...أنا هذا الدعاء افادني كثيراا...ربّ إنّي لما أنزلت عليّ من خير فقير..عن تجربة اختي ...وربي يعمّر حجرك ان شاء الله...بالاولاد:mh31:

الله اسلمك اختي ربي يبارك فيك و شكرا على النصيحة ان شاء الله راح نداوم عليها و ربي يعطيك واش تتمناي

الاولاد نعمة كبرى من الله عز وجل ....يجعلون لحياتك معنى وهدف وطعم..رغم انهم متعبون ومشاغبون لكن كل ذلك يهون امام ابتساماتهم وبراءتهم ومرحهم ....اللهم ارزق الاخت ماريام الولد وكل من حرم نعمة الاولاد ..امين.
انا عندي ولد وبنت هما نور حياتي .

شكرا ليك على الدعاء اختي ربي يبارك فيك

[الأصيــل]

عجبتني كلمة طمبوز ههههه
شكرا لك على الموضوع