اسود يوم في حياتي ماتضحكوش عليااااا

[ام محمد امير]

عندي اسبوع زوجي كان مسافر عندو عمل يوم واحد، راح فاليل وخلاني وحدي انا وليدي صغير،اول مرة في حياتي نبات وحدي فالدار;)
واش نحكي واش نخلي بايتا قاعدة خفت تاع الصح .وبداوالوساويس الشيطانية كون يجيني سارق كون يسرقولي وليدي وكون وكون وكون الحاصول مارقدتش مالخلعة وانا نطلع ونهبط وليت نقرا فالقرآن وانستغفر ،وقلبي يخبط يخبط حسيتو رح يحبس، وغاضتني روحي مكانش دار كبيرة ولام تاعو راحت معاها نتخيل في اصوات واشياء وهذا الكل مالتوسويس .وليدي مسكين على الرابعة تاع صباح نوض فيه باش يوانسني مابغاش ينوض:confused:
وليت نقرا غير فالقران حتى عادت السابعة تاع صباح سمعت ناس بدات تخرج، طمئنت ورقدت الرقدة لرقدنها تخيلت سراق دخل لدار يااااااااا يما نضت مخلوعة وقلبي يخبط والله صبحت مريضة وراسي يوجع فيا. كي جا راجلي حكيتلو بقا يضحك عليا قالي انت برك خوافة مكاين والو ،قتلو جامي تخليني وحدي راني قريب مت، لنحكيلو يبدا يضحك عليا والله واحد ماحس بيا تالمون نسمع بلي سرارقة هذو ليمات دايرين حالة حكمتها في قلبي والله ماخفت على روحي كما خفت على وليدي. هذي يوميات امراة خوافة ههههه

[الراغبة فى رضا الرحمن‎]

هههههههههههههههه أنت على أقل قعدت وحدك فاللدار
مالا كبفاش نقول أنا لنخاف من ظلمة !!!

[نُـون]

سلام ورحمة

فعلا الخوف يشلّ التّفكير
وتغيّر النّاس كثيرا
الأفضل ألاّ تبقي بمفردك

تحيتي

[ام مهدي 03]

الخوف صعيب بزاف. لكن لازم توالفى ما تدرى مرة اخرى تضطرى تكونى وحدك

[أم أمين2007]

اسال مجرب ولا تسال طبيب
اختك دكتوراه خوف حتى اني ورثتو لاطفالي

[سماح 2]

_ هههه ولمــآذا الخوف أقفلي الباب مليح و النوافذ و توكلي ع ربي ,مايكون غير الخيرْ =)

الحمد لله كي رجع على خيرْ ,,

[مملكة الغربة]

هههههههههههه ماعليش تصرانا كامل
انا تاني نخاف من القعاد وحدي
:sdf::sdf::sdf::sdf::sdf:

[المؤمنة التقية]

أولا الحمد لله على عودة زوجك بخير وثانيا صحيح كلنا نخاف عندما نبيت وحدنا في البيت ليلا لكن أعجبتني عندما قراتي القران واستغفرتي الله فهذا من أسباب هدوء النفس

[samar alil]

salam hata ana nkhaf hata fi nhar kima yokhorjo darana wa ykhaloni wahdi mi wach ndir naftah tilfizyon wndir goran wnarfa3 sawto bazaf

[أم شروفة]

على الاقل أنتي خفتي من السارق أما انا غير يتأخر زوجي في الليل نخاف من ...........................الغول اللي يخاف منو الذراري الصغار.نتخيلو تحت السرير او جاء ورايا.نعود غير نتلفت من الخوف

[حبيبة زوجها]

انت خافي من السراق هداك يجي من براااا ولي كحالتي تخاف من الغول كيمافالت الاخت وش دير هههه
الحمد لله على سلامته هدا المهم
ا

[maya hamza]

hhhhhhhh hanouna ma3liche wlh tassra bazefff lmohima lila w jazaet

[ثلوج الشتاء]

هههههههههههههه والله بعض التعليقات قتلتني من الضحك
متزعفوش مني الدموع في عينيا من الضحك ههههههههه

[نسيم الإيمان]

هههههههههه ربي يفرحك ان شاء الله و الحمد لله لي خرجت سلامات
انا مرة في السمانة نبات وحدي ديما
والفت المهم نقفل البيبان مليح و الجيران حذانا بصح تبقى التخيلات الله غالب

[ام محمد امير]

والله فرحتوني ودرتولي الكوراج يسمى مانيش وحدي الخوافة رانا فالهوى سوى ربي يكون معانا

[جويرية الإيمان]

هههههههه

فكرتيني بالذي مضى

أنا ثاني كان راجلي يسافر و يخليني وحدي انا و إبني

حتى الجيران ما نقلهمش بلي زوجي مسافر بيا الخوف

و كنت نسكن بعيد في الصحراء يعني أهلي و اهل زوجي بعاد علي 600 كلم

و حتى زوجي يلزمو يوم كامل باش يرجع

تصوري واش كنت ندير

كنت ندير الكسكاس و البرمة فوق كرسي و نحطهم قرب الباب

يعني حتى لو جا سارق و فتح الباب رايحة نفيق من النوم

و زيد حاجة اخرى نديرها :

نحط المونش نتاع الفروتوار عند راسي و الموس تحت المخدة .

الخوف لهذه الدرجة .ههههههه

[oum imane83]

انا في بلاصتك يصرا لي ثاني هكدا ولا اكثر لاني نخاف نقعد وحدي .... انا راجلي كي يكون عنده شغل ويضطر يبات خارج الدار نروح لدارنا مانقدرش نقعد وحدي رغم ان عجوزتي ولوسي في الدار مي مانقدرش نبات في غرفتي بلا بيه هههههههه خوافة اكثر منك... الحمد الله كي جازت على خير

[ام محمد امير]

على الاقل أنتي خفتي من السارق أما انا غير يتأخر زوجي في الليل نخاف من ...........................الغول اللي يخاف منو الذراري الصغار.نتخيلو تحت السرير او جاء ورايا.نعود غير نتلفت من الخوف

ههههه يا ام شروفة رانا خوافين تاع الصح

[ام محمد امير]

هههههههه

فكرتيني بالذي مضى

أنا ثاني كان راجلي يسافر و يخليني وحدي انا و إبني

حتى الجيران ما نقلهمش بلي زوجي مسافر بيا الخوف

و كنت نسكن بعيد في الصحراء يعني أهلي و اهل زوجي بعاد علي 600 كلم

و حتى زوجي يلزمو يوم كامل باش يرجع

تصوري واش كنت ندير

كنت ندير الكسكاس و البرمة فوق كرسي و نحطهم قرب الباب

يعني حتى لو جا سارق و فتح الباب رايحة نفيق من النوم

و زيد حاجة اخرى نديرها :

نحط المونش نتاع الفروتوار عند راسي و الموس تحت المخدة .

الخوف لهذه الدرجة .ههههههه

والله يا اختى نفس الشيئ لنديرو انا والله الخلعة هذي راهي سكنت فينا ربي يقدرنا

[ريتاج 09]

الكل لافي الهوى سوى أنا تاني خوافة قبل مانرحل للصحراء وكان راجلي يخدم فالليل كنت نجيب بنت جارتي تبات معايا mais دركا مالقيتش شكون يبات معاياو النعاس مايجينيش نبات قاعدة و نخلي الضو تاع الدار كاملة شاعل غير تاع البيت تاعي واش ندير نخاف من الظلمة

[دنيازاد بزاري]

السلام عليك بصح عندك الحق تخافي الوقت راهو صعيب و ليت ف النهار ونخاف .انت في الليل اصابك الخوف اما انا اصبحت في النهار اخاف. لاباس عليك اليوم ان شاء الله ترقدي بخير و كل يوم الله يحفظلك عائلتك و احبابك .ا

[دنيازاد بزاري]

هههههههههههههههههههههههه عجبني الكسكاس فوق الكرسي ههههههههههههههههه كونان .الله يحفظك من كل شر

[أم الحبايب 26]

اوعني من ارتفاع ظغط ادماوي لهدا انا نخاف كنكون وااحدي فنهار واقي ليل
كاش مايصرالي وا نكون واحدي

[mounyabiskra]

هاهاهاهاها.......الحمد لله انا مانخافش

[hamza18]

ههههههههههههههههههههههههههههصح خوافة

[جويرية الإيمان]

هههههههههههههههههههههههه عجبني الكسكاس فوق الكرسي ههههههههههههههههه كونان .الله يحفظك من كل شر

ماكيش غير انت لي ضحكتي علي

زوجي مات بالضحك

خالي مات من الضحك و قالي واش يديرلك المونش تجي تضربي بيه يتكسر

المهم

اضحكي و زيدي ههههههههههههه

الحمد لله ضرك راني رجعت للبلاد عندي عام و الحمد لله

[ايهان]

والله الليل يخوف مابالك وحدك .....
اما تاني نخاف

[knives66]

بسلمتكم شحال موسوسن

وتقلوا علاه راجل يهرب منكم

[bouchraamine]

رانا كل كيف كيف خوافين هههههههههههههههههههه

[om siduk]

صدقييني مرة كنت بايتة انا وولدي وحدنا كنت دايرة شوي كوراج كي شفت العنوان نتاعك وقريت سطر الاول ما حبيتش نكمل خفت يروحلي هذاك الكوراج ايا بدلت الصفحة وما كملتش واش كتبتي حتى اليوم كملتها

[ام محمد امير]

صدقييني مرة كنت بايتة انا وولدي وحدنا كنت دايرة شوي كوراج كي شفت العنوان نتاعك وقريت سطر الاول ما حبيتش نكمل خفت يروحلي هذاك الكوراج ايا بدلت الصفحة وما كملتش واش كتبتي حتى اليوم كملتها

هههههههههه

[fadi02]

انا بزاف خوافة واش انقولكم الحمام بعيد على بيتي الي نرقد فيه كي نحب نروح للحمام في الليل انوض راجلي اروح معايا مع الاول ما يحبش اروح معايا من بعد انغيضو و اروح معايا عاد في لعشا اعسني باش ما نشربش الماء و لا العصير اقولي اشربي برك و الله ما راني نايض معاك غير انتما الي حكيت لكم قلت له ما تخبر حتى واحد نخاف يضحكو علي

[كنوز المعرفة]

والله ماكي وحدك مم انا عندي هاد لبروبلام هههه سورتو في الصيف كي مثلا نخليو التاقة محلولة نبدا ان نقول دوك يخش علينا سراق ولا هذا امر عادي خاصة انك ماكيش مالفة تقعدي وحدك زيد مع واش رانا نسمعو كل يوم من سرقة وخطف تخافي بالسيف عليك

[ام ياسمين10]

اختى نورمال رانا قع خوافين

[ميااار]

انت اموا قاعدة في الدار وانا لي عسكري نضال في الجبال في الظلمة

[وردة الهوى]

ههههههههه شبعت ضحك

[سرور2]

يعطيكم الربح كامل والله غير شبعن ضحك خاصة الاخت الي حكات على الحمام يعني ولا يعس فيهاك ي البيبي ميشربش باه ميبولش على روحو في لفراش والاخت الي قالت ندير الخدمي تحت لمخدة حت انا وحد الوقت كان الزوج يخدم على ال4 انتاع الصباح نحط وحد العمود خشين وثقيل وخدمي تحتي ونبقى فايقى حتان 7 ونرقد منتهناش املا منيش وحدي خوافة رانا كامل

بصح الصح قبل زواجي مكنت نخاف ابدا غير كتزوجت

[roza montero]

والله غير جبتيها حتى انا خوافة وندير كيفك نقفل الابواب والنوافذ وكي يطلع الصباح وتبدا الحركة نرقد ويجيني ارهاق
صراتلي مرتين دارنا راحو وخلاوني في الدار وحدي ههههههههههه

[منار المنتدى]

السلام عليكم ورحمة الله وبركاته
تجربة مفزعة ترتعد لها فرائس الرجال فضلا عنا نحن النساء.
يعطيك الصحّة أختي أم محمد أمير فأنت بالفعل فحلة ونص.
ولكن لماذا لم تطلبي من أحد إخوتك أن يبيتوا معك ريثما يعود زوجك من سفريته؟

[ام محمد امير]

انا بزاف خوافة واش انقولكم الحمام بعيد على بيتي الي نرقد فيه كي نحب نروح للحمام في الليل انوض راجلي اروح معايا مع الاول ما يحبش اروح معايا من بعد انغيضو و اروح معايا عاد في لعشا اعسني باش ما نشربش الماء و لا العصير اقولي اشربي برك و الله ما راني نايض معاك غير انتما الي حكيت لكم قلت له ما تخبر حتى واحد نخاف يضحكو علي

ههههههه والله ضحكتيني من قلبي يعطيك الخير ان شاء الله

[قمر 77]

و الله يا اختي الخوف انا راني مريضة بيه و حاسة بيك انا و لادي كبار وكي يسافر زوجي ندورهم بيا و نرقدو مع بعضو الضو يبات شاعل خلاص راهم رجعو مرضى كيما انا الله يجيب الخير و ايلا زادت الزلزلة ارواحي و سقسي عليا اجارنا الله انا قلت لزجي راني حابة نسكن في مدينة ما فيهاش زلازل الله يستر

[يسرى 2000]

هههههههههههه ماعليش تصرانا كامل
انا تاني نخاف من القعاد وحدي

[حنين الشروق]

لا داعي للخوف فالله مع عباده

[youcefas07]

هههههههههههه
معليشش لازم الصبر

القضية قضية توالف برك مكا حتى مشكل خاة بالسب لساكنات في الديار المغلوق و مفيهاش حوش ولا نافذة مكسرة معنهم مايخافو

[كوثر تيارتية]

ههههههههههه نتيا راكي مليحة واش نقولك على ماما كي يروح بابا ماما تجي تجري عندنا تبات معانا و انا ليل كامل نخوف فيها

[يسرى 2000]

هههههه تخوفي يماك والله ما تشمي
انا ماما ماتخافش انا لي نخاف

[ام محمد امير]

السلام عليكم ورحمة الله وبركاته
تجربة مفزعة ترتعد لها فرائس الرجال فضلا عنا نحن النساء.
يعطيك الصحّة أختي أم محمد أمير فأنت بالفعل فحلة ونص.
ولكن لماذا لم تطلبي من أحد إخوتك أن يبيتوا معك ريثما يعود زوجك من سفريته؟


والله يا اختي جامي قعدت وحدي ماكنتش دايرة في بالي يصرالي هذا الشي كامل بالصح الحمد لله فاتت وماتتعاودش ان شاء الله :d

[ام محمد امير]

ههههههههههه نتيا راكي مليحة واش نقولك على ماما كي يروح بابا ماما تجي تجري عندنا تبات معانا و انا ليل كامل نخوف فيها

ههههههههههه :1:

[سماحة الاسلام]

السلام عليكم
تشجعي في المرة القادمة لا تخافي معك ابنك و هو رجل يحميك ان استلزم الامر ههه
لكن من اين للسارق ان يعرف بانك وحدك لياتيك؟؟؟وساوس و هواجس فقط لا غير

[pirata]

شيئ طبيعي أختاه لأنها أول مرة

[أم رمزي]

و الله يا أختي لقد صرتلي نفس الشيئ عندما كنت في الأعوام الأولى من زواجي . حيث كنت أنا وولدي ذو حوالي السنتبن من عمره , عندما تأخر


زوجي في السهرة و دخل الي البيت قبل طلوع الفجر بقليل و أنا ميتة بالخوف قلبي يدق حسيت راح يخرج علي فمي فقمت بانهاض ابني من النوم و هو


المسكين في سابع نومة و في ذلك لوقت لم يكن لدينا بورطابل و لا أنعيطلوا المهم عدات سلامات اليوم اابني في الثلاثين من عمره كي نحكيلو يشبع عليا ضحك


و مابالك أنت حبيبتي ليلة كاملة.