الكروكي من جديد ؟؟؟؟؟؟؟؟؟؟

[سماح 88]

عاودت طبقت اسهل الوصفات ولم ينجح وتبهدلت للمرة..........راح اتجننننن ومش عارفة وين الخلل يمكن في الفرن وحرارته اللازمة

http://im36.gulfup.com/o84YN.jpg (http://www.gulfup.com/?hUGt5Q)

[عطرالذهب]

اختي راهو زعمى ماكانش ما اسهل من الكروكي بالصح حاجة لازم تعرفيها كيلي البيض في كاس بنفس الكاس عبري مرةو نص السكر و الزيت وفي كل 4 بيضات 1 خميرة الخبز والفرن يكون سخون
ما تياسيش وعاوديه بطريقتي وحطي الصورة راني متاكدة بللي ينجحلك

[فاطمةع]

نعطيك طريقتي في صنعو انا تاني كان ماينجحليش مي دوكا مع هاد الطريقة راني نخدم ونعاود
5حبات بيض
كاس سكر عادي
كاس زيت
زاست ليمون
2خمارة كميائية
الفرينة
ديري البيض والسكر والزيت وتخلطي مليح وتضيفي قشور الليمون ثم تضيفي الفرينة والخمارة مع بعض والسر هنا متكتريش
الفرينة يعني لازم العجينة تجي طرية مش يابسة وخدميها في البلا ودريها طيب وكي طيب قطعيها وهي سخونة

[nawel zed]

بصحتكم يعطيك الصحة المهم المحاولة سقسي مولات الوصفة

[سماح 88]

شكرااا لردودكن ودمتن طيبيييين
انا عملت في هاد الوصفة 4بيض .كاس سكر قدر البيض واخر زيت 1 خميرة وملعقة حليب بودرة وفني ولزاست وفرينة وخليته طري شوي
فييييين الخطا ؟؟؟؟:mad::mad::confused::confused:

[حواء 19]

يبان يسخف بصح ناقص شوية فرينة مانشفتيهش برك هادا ما كان انا ندير كيلة بيض و كيلة سكر و كيلة زيت وفي كل 3 بيضات ندير 1 خميرة و نشف بالفرينة بصح ما نشيحوش بزاف و نبلو صباح و نخليه حتان العشية و نطيبو هكدا يزيد ينشف وحدو و يجي خفيف و بنين انشاء الله تنجحي فيه

[الأمنيات]

تبارك الله تطبيق موفق
يعطيك الصحة

[الحركاتية]

نظن أختي خبزتيه رقيق فقط
المرة الجاية خشني الحربوش تاعك وشوفي

[it's me]

عاوديه ماتفشليش فقط عندي ملاحظة الكروكي كي تحطيه في البلاطو مادخليهش طول يطيب خليح يرتاح على الاقل 15 د

[سماح 88]

سعدت كثيرااا بردودكن مما شجعني على تجربته مرة اخرى
لكن مش عارفة درجة الحرارة الي يطيب فيها ومدة اللازمة وهل من الافضل في الفور ولا الكوشة؟؟؟