مشاهدة النسخة كاملة : تطبيقي لبغرير.......كارثة
ام احمد وائل
2014-01-18, 21:03
طبقت بغرير لعضوة نسيتها من هي البغرير لي دريه 5 دقايق في المكسور ومن بعد زيدي خمارة تع القاطو ودريه 2 دقايق التطبيق كا جيد لحد ما وصلت للكارثة الطياب كل حبة نطيبها تلصقلي في مقلة التيفال ونجي نحيها تتعجن ونحطها في ساشي حبة ما صدقت جبدت قع المقلات لصقولي بليز ما هو السبب لي البغرير يلصق في المقلة واش نديرلو والبغرير الي نجربو يلصق من لديها طريقة ما تلصقوش ساعدوني عفكرة تثقبلي روعه لصقلي برك ما كليت منو والو قع في الساشي جيت نصورو حشمت
علاش ماجربتيش تمسحي مقلاة تاعك بالزبدة أو زيت قبل ماتطيبيها
نعطيك نصيحة مرة اخرى قبل ماتطيبيه مسحي مقلاة تاعك بالملح مليح مليح اذا كانت مستعملة ديجا يعني حطي ملح فالمقلاة وبالسرفيات اضغطي عليه وكأنك تحكي فيه
لانو مقلاة تيفال جديدة موحال يلصقلك حنونة
على العموم انا درتو شحال من مرة وكل مرة يخرج خير من الي قبلو
بشرى2008
2014-01-18, 21:57
أنا جربت والله في مقلات كارثة ونجحلي
المشكل راه في المقلة حاولي كل مرة تدهنيها بالزيت
جربته جا هايل وساهل ويحمر الوجه
سلام أختي دائما ندير البغرير بهذه الطريقة في المرة الأولى سخني المقلى مليح وبعد برديها بالماء و ديري العجينة فيها و حطيها فوق النار حتى طيب و في كل مرة عاودي حتى تكملي وحبة متخسرلك إن شاء الله
مريم سلمى الجزائرية
2014-01-19, 00:06
السلام عليكم و رحمته تعالى و بركاته:
أختي قمت بتجربة الوصفة مرتين و طهيت الحبات مرة في " الطاجين المخصص للخميرة " و مرة في مقلاة تيفال " جديدة" وكانت النتيجة في الحالتين رائعة.
أعيدي التجربة واستعملي مقلاة و خصصيها فقط "للبغرير" و عليك تسخينها جيدا قبل البدء بالطهي.
وفقك الله.
ام احمد وائل
2014-01-19, 06:43
شكراااااااااااااااااااااااااا عمروركن اخوتي الاعزاء
ان شاء الله تصلحلك اختي
ممكن الاخوات تعطوني وصفة للبغرير
أم صوفيا
2014-01-19, 15:09
بدلي القلة نتاعك ممكن السبب فيها
http://photos.azyya.com/store/up2/080921165939jnYU.gif
ام احمد وائل
2014-01-19, 19:47
ممكن السبب ربما جريتها شوي كان احتمال
هههههههههههه ااختي انا صرالي كيما نتي جربت بغرير الميكسور نتاع حورية المطبخ و ما صلحليش قع قلبتو خبز مطلوع جا روعة و شريت مقلة تيفال سبيسيال كريب و بغرير ما نطيب فيها حتا حاجة وحداخرا نشالله يصلحلك و يصلحلي
angel_forever
2014-01-21, 16:10
انا جربتو برشا مرات ودارنا عجبهم ودايما يطلبو اني نديرو بصح لازمك تدهني شوي المقلة بزبدة ومتكونش النار لا قوية ياسر ولا ناقصة خلاص والمقلة تاني لازم متكونش مخدوشة يعني جديدة وان شاء الله تتوفقي المرة الجاية
رحمة من المولى
2014-01-21, 18:42
انا جربتو عادي خرجلي عاوديه
ام احمد وائل
2014-01-22, 16:39
شكرااااااااااااااااااااااا لمرورك راح احاول مرة تاية
أم لجين هيثم
2014-01-22, 20:01
حاولي مرة أخرى و دهني المقلة تاعك بالزيت
aya la belle
2014-01-28, 08:21
أنا جربت واللهنجحلى من اول مرة ورانى معتمداتو
nawel zed
2014-01-28, 08:39
انا عن نفسي جربتو تاع 7د جاني روعة المشكل عندك في واه قاعدة طيبي فقط طيبيه في طاجين الحديد تاع المحجوبة و ادهني شوية زيت فقط
vBulletin® v3.8.10 Release Candidate 2, Copyright ©2000-2024, TranZ by Almuhajir