ساعدوني...قطي يحاول جاهدا الهرب من المنزل !!!...ما العمل؟؟؟

[مهدين]

السلام عليكم و رحمة الله تعالى و بركاته
:sdf::sdf::sdf:

قطي يبلغ من العمر 11 شهر تقريبا و اقتنيته منذ 9 اشهر
صحته جيدة و كل شيء تمام:19:
و لكن المشكل انه يحاول الهروب :confused::confused:
من المنزل منذ فترة لا تقل عن 30 يوم و لا ينفك يتوقف عن المواء :mad: رغم انني اوفر له كل ما يحتاج من طعام و العب معه انا و اخوتي طول اليوم تقريبا ولكنه يتربص بالنافذة او الباب و يهرب كلما سنحت له الفرصة ...
:confused::confused::confused:
اتمنى ان اجد الحل عند رواد المنتدى الكرام في اقرب الاوقات
فمواءه اثقل كاهلي و لم اجد للمشكلة حلا يرضي كلينا..

بارك الله فيكم و جازاكم خيرا...
:19::19::19:

[مشتاقون الى الجنة]

انت قلت عندك 9 اشهر وانت مربيه و في اخر 30 يوم يحاول يهرب ..نظن انه في فترة التزاوج
هذا امر طبيعي حتى قطنا يعمل هكذا

[مهدين]

انت قلت عندك 9 اشهر وانت مربيه و في اخر 30 يوم يحاول يهرب ..نظن انه في فترة التزاوج
هذا امر طبيعي حتى قطنا يعمل هكذا


شكرا على الرد

و لكن ما العمل..أنا لا أحبذ عملية الاخصاء (التعقيم) و هو ما اقترحته علي البيطرية الخاصة بقطي

فهل علي أن أتركه يخرج و هل سيعود بعد ذلك...

[مشتاقون الى الجنة]

والله يا اخي هو امر محرج شوي مي لازم نقولهملك ههه حنا قطنا شديناه في الدار و صرعنا بصوتو رجع صوته خشين و تصرفاته طائشة يدور كامل الدار و يصوطي من بلاصة لبلاصة و رجعنا نخلوه يخرج مرات يخرج من العشاء مانلقاوهش حتى للفجر والله رجعنا نستناوه في نص الليل هه كانو طفل صغير في غابةو خايفين عليه مي لالازم تخليه يخرج والاحسن تروح للبيطري و يعملو حقنة تحصنو شوي من الامراض
لانو قطنا في هذا الاسبوع مرضلنا ونظن اكثر الامراض لي نلقاوها في القطط هي بثور كبيرة شوي حوالي 1 cm
واذا خفت عليه من الاحسن تجيبلو قطة وخلاص ههه وتخليه في الدار

[مشتاقون الى الجنة]

والله لازم انت تولفو يريح قدام الباب يعني في البداية كي يخرج راح يشوفه عالم غريب والناس ميعرفهمش و يتخلع من صوت السيارات
و في الايام الاولى لازم انت تكون قريب ليه يعني متخرجوش برا و تخليه اخزر فيه من بعيد لبعيد واذا شفتو بعد جيبو وهكذا بشوي بشوي يوالف و خليلو الباب مفتوح شوي باش كي تخلعو حاجة يرجع وحدو عادي و رح يوالف يروح و يجي حنى قطنا في النهار مرات نخلو الباب مفتوح و مرات نغلقوه كي يكون مغلوق الباب نصيبوه يستنى عند الباب و رجعو الناس يصونو وحنا نهبطو نلقاوه عند الباب مريح ههه وهكذا راح يرجع قطك سوغتو كي يوالفوه الناس يعرفوه قطك متخافش نورمال

[فارس وجواد]

أخي جيب واحد آخر و تهنى ما عطا ربي غالقطوط.
تحب نبعثلك مجموعة و أنت خيراللي يعجبك.

[Kati70]

اخى هدا امر طبيعى و سنة الحياة خلى القط تاعك يعيش حياتو كتفوت مرحلة التزاوج راح يرجع وحدو و ماتقدرش تربطو فى البيت لازم شوية حرية سلام

[عماد الدين2]

عمبالي تسال عن المرأة التي حبست القطة تاعها
عندي حل اذا ترضاه
احبس نفسك في الدار و لا تخرج اذا لا يرضيك
فلا تحرم غيرك هذه الحرية
فالملاحظ انت لا تبحث عن راحة القط و مصلحته
انت تبحث عن مصلحتك انت
ما تزعفش مني هذا كلام واحد يحبلك الخير

http://www.faceprof.net/file/pic/photo/2014/02/1ae41e803409cda592fb6a1d9439e43e_500.gif

[زهرة كل يوم]

القط من الحيوانات الوفية

يعود الى المكان الذي عاش فيه وتدلل فيه

دع له نصيبا من الحرية وسيعود

[مهدين]

شكرا لكم جميعا على الردود و النصائح

بالفعل عملت بنصيحتكم و تركته حرا طليقا يخرج وقتما يريد و يعود وقتما يريد

و لكن حدث ما كنت اخشاه دهسته سيارة كان ينام تحتها في الحي

ليجده ابي ملقا على الارض

هذه سنة الله في الحياة و ذاك نصيب قطي منها

شكرا لكم على ردودكم و متابعتكم للموضوع

[tinna 19]

نعم لازم أنا قطي كي مخليتوش يخرج ولا يوكل فينا حتان وليت في المستشفى باه شفيت من جراحو أنا ميلي زاد و هو عندي

[دائمة الشكر]

شوفي هاذو شوي نصائح بالاك ايهمو اولا كي يكون عندك قط لازم اعليك اتعوديه ععالمكان و تعطيلو اسم و اتدلعيه وخطرات خليه يخرج و شوفي وين ايروح بالاك موسم التزاوج

[ghecham mohamed]

أخي نعطيلك معلومة
القط يوالف بالمكان الي تربى فيه و ما يوالفش بالاشخاص يعني لوكان ترحل من داركم القط هذاك ما يرحلش معاكم مي يبقى في نفس الدار الي تربى فيها على هذيك انا نقلك خليه يخرج راه يرجع ما تخافش عليه

[imene.imene]

شكرا لكم جميعا على الردود و النصائح

بالفعل عملت بنصيحتكم و تركته حرا طليقا يخرج وقتما يريد و يعود وقتما يريد

و لكن حدث ما كنت اخشاه دهسته سيارة كان ينام تحتها في الحي

ليجده ابي ملقا على الارض

هذه سنة الله في الحياة و ذاك نصيب قطي منها

شكرا لكم على ردودكم و متابعتكم للموضوع

هاذا لي يتبع راي العرب لوكان جبتلو قطة للدار ماشي خير
و ديجا علاش مادرتلوش العملية باش يولي عقيم انا سالت عليها قالولي ماشي حرام بصح ديرهالو كيكون عمروا 6 اشهر
و عادي جدا
على كل حال الله يرحموا