شكشوكة السيبيا والشومبينيو [الأرشيف] - منتديات الجلفة لكل الجزائريين و العرب

مشاهدة النسخة كاملة : شكشوكة السيبيا والشومبينيو

طاعة زوجي ..

2013-12-11, 16:22

السلام عليكم أحبتي في الله واش احوالكم لاباس
هي أكلة سهلة وبسيطة بصح بنينة أولا نجيبو السيبيا نقوها مليح أنا هدا واش نكره فيها تشد الوقت وخدمتها سامطة وممبعد نغسلوها ونقطعوها مربعات صغار ونغلوها حتى طيب مليح
ونجيبو الشومبينيو نغسلوه ونقلوه في شوية زيت ونحوه في هاديك المقلة نخدمو صوص تومات عادي زوج مغارف زيت كبار شوية مليح كي تجي مزيتة شوية وحبة طوماطيش وسنينات ثوم ووقات رند وشوية معدنوس وملح وكمون وفلفل أكحل والحار إذا حبيتي أو الهريسة نقلوهم شوية ونمرقوهم بشوية ما برك لاخاطر كلش طايب كي يبدا يغلى لوحيلو الشومبينيو والسيبا اللي تكوني غليتيها حتى طابت
وكي تشرب طفيلها وشهية طيبة ، أكلة بنينة وساهلة سيرتو لاعطيتي لراجلك يسقملك السيبيا مايبقالك والو ، أنا سقمتها وحدي ظهري تكسر ماكملتها مزية عاونتني سلفتي يعطيها الصحة
هاياك صورة السيبيا قبل وبعد ماتتنقى شكلها بشع بصح طعمها بنين ، طبعا الصور من النت أنا كنت مقلقة كي كنت نسقم فيها ويديا كاااااااارثة على هاديك ماقدرتش نصور

https://encrypted-tbn3.gstatic.com/images?q=tbn:ANd9GcSsPkIzd-HA7NodLg3XYeJKYBoh4YdQxp69JncuMeQP9gSUmGTuFg (http://www.google.fr/imgres?start=180&client=firefox-a&rls=org.mozilla:fr:official&hl=fr&biw=1019&bih=448&tbm=isch&tbnid=nk9H9SOHfhyFIM:&imgrefurl=http://www.startimes.com/%3Ft%3D31508621&docid=pdyl89T5xesQPM&imgurl=http://www.jaalan.net/atharwat/images/30.gif&w=520&h=304&ei=UoGoUu_pKYjUkwWVloDwBQ&zoom=1&iact=hc&vpx=124&vpy=60&dur=1451&hovh=172&hovw=294&tx=140&ty=65&page=13&tbnh=137&tbnw=219&ndsp=15&ved=1t:429,r:86,s:100,i:262)
https://encrypted-tbn3.gstatic.com/images?q=tbn:ANd9GcQIWV302FvJjdN7N2n6_yy9rkZlT2Tx3 Ard6bS4_aulMnvOHkgf (http://www.google.fr/imgres?client=firefox-a&rls=org.mozilla:fr:official&hl=fr&biw=1019&bih=448&tbm=isch&tbnid=d-ebb7Guh0TbYM:&imgrefurl=http://www.canaryfans.com/forum/viewtopic.php%3Ft%3D17677&docid=o3VllkfY62xrVM&imgurl=http://www.canaryfans.com/upload/image/dsc063283ja.jpg&w=640&h=480&ei=fn-oUtCwL46KkwWTh4GYBg&zoom=1&iact=hc&vpx=351&vpy=97&dur=3734&hovh=194&hovw=259&tx=151&ty=89&page=2&tbnh=138&tbnw=182&start=10&ndsp=15&ved=1t:429,r:12,s:0,i:119)

https://encrypted-tbn3.gstatic.com/images?q=tbn:ANd9GcQz3gwQdo03rlBFUBJGo14B0gqliglcG 2hRlkLThILG5BWkRz6N (http://www.google.fr/imgres?client=firefox-a&rls=org.mozilla:fr:official&hl=fr&biw=1019&bih=448&tbm=isch&tbnid=yo6LI7L98_8BrM:&imgrefurl=http://akhawat.islamway.net/forum/index.php%3Fshowtopic%3D271427&docid=LlkQKtkWpVhDPM&imgurl=http://media.kenanaonline.com/photos/1238038/1238038069/large_1238038069.jpg%253F1277714980&w=400&h=267&ei=fn-oUtCwL46KkwWTh4GYBg&zoom=1&iact=hc&vpx=549&vpy=152&dur=607&hovh=183&hovw=275&tx=149&ty=85&page=2&tbnh=138&tbnw=206&start=10&ndsp=15&ved=1t:429,r:13,s:0,i:122)

وهادي الشكشوكة بعد ماطابت

http://im39.gulfup.com/CBMzT.jpg (http://www.gulfup.com/?4sEWpN)

ملاحظة برك أنا متعودة نزيدلها صدر دجاج مقطع مربعات ومقلي في شوية زيت يزيدلها البنة ولا الكروفات مع القرنيط اللي هو الأخطبوط بصح اليوم ماكانش عندي درتها غير بالشانبينيو

أم ماجد

2013-12-11, 16:41

الله يبارك
عمري دقت هاد الاكلة
شاطرة بصحتكم

طاعة زوجي ..

2013-12-11, 16:45

الله يبارك
عمري دقت هاد الاكلة
شاطرة بصحتكم
الله يسلمك حبيبتي ام ماجد انا راجلي يموت على الماكولات البحرية بكل انواعها حتى مرات نوض نبكي نكون عيانة ويزيد يجيبهلي نسقمهم :sdf:
ربي يحفظك حنونة مشكورة على الرد

almazalina22

2013-12-11, 16:47

يعطيك الصحة على الافادة شكرااااا

بريق الامل&

2013-12-11, 16:47

نحب نقولك بلي راني امية في السيبيا عمري ما طيبتها
يعطيك الصحة فهمت طريقة الطياب وباينة بنينة خاصة من يديك
بصح كفاش انقيها هذي انت الي موالفتها وحصلتي انا كفاش وواش نخلي وواش نرمي ههههههههههه
كاش نهار نقول لراجلي يديني ناكلها في كاش مطعم المهم نذوقها
موضوع رائع
الهم زدني علما

أم سراج الدين

2013-12-11, 16:47

يمي يمي
عمري لا ذقتها مي من يديك اكيد بنينة
بصحتكم عزيزتي

الأمنيات

2013-12-11, 16:50

تبارك الله اختي ربي يجازيك اكله رائعه
ونحب السيبيا بصح نشريها واجده عمري لخدمتها
يعطيك الصحة

hadjira195

2013-12-11, 16:51

شاطرةة يعطيك صحتك أم محمد

houdehoud

2013-12-11, 16:52

طاعة زوجي ..

2013-12-11, 16:53

يعطيك الصحة على الافادة شكرااااا
الله يسلمك حنونة مشكورة على المرور
نحب نقولك بلي راني امية في السيبيا عمري ما طيبتها
يعطيك الصحة فهمت طريقة الطياب وباينة بنينة خاصة من يديك
بصح كفاش انقيها هذي انت الي موالفتها وحصلتي انا كفاش وواش نخلي وواش نرمي ههههههههههه
كاش نهار نقول لراجلي يديني ناكلها في كاش مطعم المهم نذوقها
موضوع رائع
الهم زدني علما
هي البنة بنينة بصح التنقية اللي سامطة ، حتى أنا كي كنت في دارنا ماكنتش نعرفها بصح راجلي ورالي كل عجب في البحر :1:
وبينانا أنا البارح من العيا الساهل سقمتو والواعر رميتو قلتلها لسلفتي شكون شافني ظهري قريب تكسر من الوقفة قدام البوتاجي
شوفي في قوقل طريقة التسقام حوسي بالاك تلقاي
يمي يمي
عمري لا ذقتها مي من يديك اكيد بنينة
بصحتكم عزيزتي
الله يسلمك حنونة مشكورة يالغالية

بريق الامل&

2013-12-11, 16:57

اضن السيبيا هي الكالمار يصلح يحشوه او و ييغلوه من بعد يلوحوه في الفرينة و يقلوه روندال كاين حتى اللي يزيدو في البيتزا يخي هو ام يوسف ممممممممممممممممممممممممممممممممممم يعطيك الصحة
حتى انا شكيت هدهد في ذوك شكيورات هههههههههههه والحلقات البيضا خفت نقولها تضحك عليا امية في الاسماك نعرف غير السردين ولي كروفات والروجي :sdf::sdf:
عندي كتاب غير مرمي في الدرج في مستغانم كنت نروح لسوق الاسماك نتفرج ونحفظ ونسقسي ونرجع ننسى ما شديت والو
ونعرف معلومة الاخطبوط لازم يكونجلوه باش يجي لحمو طري والا يقساح في الطياب بصح ما طيبتو ما ذقتو
ولا ذوك ال****اجات تاع لا بايلا اسكتي برك عالم اخر ههههههههههههه لي مول يقولولهم من فواكه البحر

ميمنة الجزائر

2013-12-11, 17:00

معانو نكره الحوايج تاع البحر لكن ذقتها مرة وعجبتني بزااف مع الروز

وانا ثاني راني نكره التنقية تاعها نحبها واجدة يعطيك الف عافية حنونتي

والله نستعرف بيك فحلة ونص

طاعة زوجي ..

2013-12-11, 17:00

تبارك الله اختي ربي يجازيك اكله رائعه
ونحب السيبيا بصح نشريها واجده عمري لخدمتها
يعطيك الصحة
الله يبارك فيك حنونة ، تهنيتي من تسقامها أنا راجلي يجيبها من البحر ديراكت
شاطرةة يعطيك صحتك أم محمد
الله يسلمك نسيبتي لعزيزة مشكورة :)
اضن السيبيا هي الكالمار يصلح يحشوه او و ييغلوه من بعد يلوحوه في الفرينة و يقلوه روندال كاين حتى اللي يزيدو في البيتزا يخي هو ام يوسف ممممممممممممممممممممممممممممممممممم يعطيك الصحة
هادا يقولولو بالفصحى الحبار مانعرفش بللي يسموه الكالمار الله أعلم بصح تقدري تحشيه من داخل وللبيتزا تاني يجي هايل كيما الكروفات

بريق الامل&

2013-12-11, 17:02

يا ختي ينوبك ثواب فينا حطينا ملف للاسماك
كل مرة وريلنا نوع كفاش يطيب
بلاك لعلى وعسى نتعلمو
اموموان يسقسينا واحد نعرفو نجاوبو نزوخ شوية بالطريقة تاع الطياب هههههههههههه
ونطبعهم ونراجعهم حتى نحفظهم
الي يسقسيني ايه ساهل نعرف نطيبو غير جينا بعاد على البحر هههههههههههه
عداتني حسوب الزواخة ههههههههههههه

أم ياسين الزهراء

2013-12-11, 17:22

عمري لاكليتها بصح راهي تبان هايلة خاصة من يديك ياحلوة الله يعطيك الصحة

تعيشي حنونة عندي كروفات المكنجلي دبري علي كاشي اطباق بيه ولو تحطيلي برك في واش طيبتي وربي يخليك

ام إثري

2013-12-11, 18:12

يعطيك الصحة ام يوسف انا ثاني ذقت هذي الماكلة من غير السردين والطون
يعطيك الصحة

بنت غليزان

2013-12-11, 18:57

سبق لي و دقتها و طعمها اكثر من رااائع
شكرا لك

طاعة زوجي ..

2013-12-11, 20:20

معانو نكره الحوايج تاع البحر لكن ذقتها مرة وعجبتني بزااف مع الروز

وانا ثاني راني نكره التنقية تاعها نحبها واجدة يعطيك الف عافية حنونتي

والله نستعرف بيك فحلة ونص
الله يسلمك منمنتي مشكورة حنونة
يا ختي ينوبك ثواب فينا حطينا ملف للاسماك
كل مرة وريلنا نوع كفاش يطيب
بلاك لعلى وعسى نتعلمو
اموموان يسقسينا واحد نعرفو نجاوبو نزوخ شوية بالطريقة تاع الطياب هههههههههههه
ونطبعهم ونراجعهم حتى نحفظهم
الي يسقسيني ايه ساهل نعرف نطيبو غير جينا بعاد على البحر هههههههههههه
عداتني حسوب الزواخة ههههههههههههه
ضحكتيني بروقة نتاع وجهي حتى انا راني نتعلم بصح ان شاء الله كي يجيبو الحوت بانواعو نسقسيهم على الاسم ونحطولكم مايكون غير خاطرك :):)
عمري لاكليتها بصح راهي تبان هايلة خاصة من يديك ياحلوة الله يعطيك الصحة

تعيشي حنونة عندي كروفات المكنجلي دبري علي كاشي اطباق بيه ولو تحطيلي برك في واش طيبتي وربي يخليك
الله يسلمك حنوبنة مشكورة ربي يحفظك
الكروفات تقدري ديريه مع البيتزا تقليه شوية وديريه من فوق ، ولا ديريه شكشوكة كيما قلتلك مع الشومبينيو وصدر دجاج موالفة نديرها تجي هايلة ولا طيبيه صوص حمرا ولا بيضا كيما تحبي وخلطيها مع الدجاج والشومبينيو وطيبي الروز سقيها بيه وكي يطيب رابيلو الفرماج من فوق تاني موالفة نديرها تجي خفيفة وبنينة حنا نحبوها في العشا وانتي وواش تحبي وقلبي في النت بالاك تلقاي وصفات يعجبوك

طاعة زوجي ..

2013-12-11, 20:23

يعطيك الصحة ام يوسف انا ثاني ذقت هذي الماكلة من غير السردين والطون
يعطيك الصحة
الله يسلمك حبيبتي مشكورة على الرد
سبق لي و دقتها و طعمها اكثر من رااائع
شكرا لك
الشكر لك على المرور اختي

mounia hse

2013-12-11, 21:57

الله يبارك انا عمري ماذقتها ربي يحفظك
شكرااااااااااااااا

نسائم الصباح

2013-12-11, 23:53

و يبقى الامل

2013-12-11, 23:57

حنا من السردين للطون للروجي مانخرجوش لا خلات خلاص نجيبو الكروفات كونجلي ههههههههههههههه يعطيك الصحة اتعب صح مي تبان تشهي بارك الله فيك

om sisso

2013-12-12, 16:28

اعطيك الف صحة وهنا انشاالله شحال وانا نحوس على وصفة تاعها نفيتها وخبيتها على خاطر من القلقة تاع تنقية تاعها تقطعتلي وماولاتش تصلح نحشيها بصح بفضلك لقيت واش ندير بيها شكررررررررررررررررررررررررررااااااااااااااااااااا

ام اياد ولؤي

2013-12-12, 16:35

جامي لا كليتها بصح تبان بنينة يعطيك الصحة

طاعة زوجي ..

2013-12-12, 17:06

الله يبارك انا عمري ماذقتها ربي يحفظك
شكرااااااااااااااا

الله يسللمك اختي الشكر لك على المرور

طاعة زوجي ..

2013-12-12, 17:11

تعطيك الصحة أم يوسف على الوصفة
تعرفي أول مرة نعرف بلي وسموا السبيا .هنا يسموه الأخطبوط الصغير ولا المحار الأبيض

أنا هديك المرة درتوا ماسدوان .وحبيت نحطوا .كي معرفتش إسموا خليتوا ههههههههههه
أنا نموت على المأكولات البحرية .سلمت يداك

الله يسلمك غنوشي حتى انا ماكنتش نعرفو بصح كي تزوجت وليت نعرفلو ، انتي تاني بصحتك الماسيدوان مرة اخرى ديريهالنا موضوع

طاعة زوجي ..

2013-12-12, 17:15

حنا من السردين للطون للروجي مانخرجوش لا خلات خلاص نجيبو الكروفات كونجلي ههههههههههههههه يعطيك الصحة اتعب صح مي تبان تشهي بارك الله فيك

وفيك بارك الله حنونة ، تهنيتي منها واش ديري بيها اخطيك هادا ماخصك شغلك بزاف عليك ربي يعينك
الحوت تقريبا كامل مليح بصح تنقيتو سامطو يحيا السردين ساهل وبنين ههه

مشكورة حنونة على الرد ربي يحفظك ويهنيك

طاعة زوجي ..

2013-12-12, 17:20

طاعة زوجي ..

2013-12-12, 17:22

جامي لا كليتها بصح تبان بنينة يعطيك الصحة

الله يسلمك اختي شكرا على الرد

ام ادم فاروق

2013-12-17, 14:14

طاعة زوجي ..

2013-12-18, 16:24

تعيشي اختي هل السيبيا هي كلامار وتعيشي علمينا كفياش تتنقي راجلي هبلي على السيبيا ينوبك ثواب فينا في القريب العاجل واذا بعثتيلي على الخاص نكون ممنونة ليكىاكثر اكثر عاى بالك الوقت ضيق مع الخدمة برا وداخل الله يكون في العون
إيه أختي اسيبيا هي الكالمار وكاين اللي يقولولها الحبار نظن وهاذا رابط لطريقة التنظيف نتاعو إن شاء الله يفيدك برك حاولي باه ماتتقطعلكش الكيس الحبري نتاعو جاي في المعدة لاخاطر فيه حبر أسود بزاااااااااااف يقلقك في التنقية ويلا فجرتيه أغسليه بسرعة باه ماتتوسخلكش
وفي ظهرو كاين عظمة سميكة نوعا ما وبيضاء هاياك صورتها
http://1.bp.blogspot.com/-IxbZFs2PcQo/UdRCEPRhUvI/AAAAAAAAXC8/4s2vTahy6BA/s429/20.JPG

ساهلة باه تنحيها أسلخي الجلدة الخارجية تلقايها في الظهر
www.muslma1.net/vb/showthread.php?t=68751
وإذا كاين إستفسار قوليلي بالاك نقدر نعاونك أختي ، تتباع تاني كونجلي تجي سهلة خير بصح البنة ناقصة ماشي كيما اللي تجي من البحر ديراكت

oum malek

2014-05-06, 05:01

يعطيك الصحه اختي

طاعة زوجي ..

2014-05-06, 19:46

يعطيك الصحه اختي
الله يسلمك اختي مشكورة على المرور

تينا ماريا

2014-06-01, 23:01

يعطيك الصحة على الافادة شكرااااا

snowiman

2014-06-02, 15:30

444444444444444444444444444444444444444444444

aekmadrid

2014-06-03, 18:21

واوووووووووووووووووووو يعطيك الصحة

طاعة زوجي ..

2014-06-15, 19:41

يعطيك الصحة على الافادة شكرااااا

444444444444444444444444444444444444444444444

واوووووووووووووووووووو يعطيك الصحة
الله يسلمكم اخواتي مشكورين على المرور

sarra5

2014-06-15, 20:20

http://akhawat.islamway.net/forum/uploads/post-643584-0-37404400-1395133802.gif

طاعة زوجي ..

2014-07-01, 10:13

الاخت سارة شكرا على المرور :)

&ام ايوب&

2017-02-02, 21:33

يعطيك الصحة هادا شحال وانا نحوس على طريقة تنقيتها
عجبتني السيبيا بالشومبينيو ان شاء الله نجربها

سحابة باردة

2017-02-03, 09:36

:19::19::19::19::19::19::19::19::19::19:

سحابة باردة

2017-02-03, 13:05

:19::19::19::19::19::19::19::19::19::19::19::19:

طاعة زوجي ..

2017-02-06, 21:45

أم أيوب وسحابة باردة شكرا على المرور. للأسف صورة الطبق اختفت بما انو الموضوع قديم نوعاً ما.

أسعدني مروركما حقا. جزاكما الله خيراً. وكل الشكر لكل الأرواح الطيبة التي مرت من هنا. خصوصاً حبيباتي الكشرودات. هوما يعرفوا رواحهم.. :1:

جنة الفردوسْ

2017-02-07, 08:18

عمري مادقت والا شفت هاذ الاكلة ......شكرا لك على الاكلة الجديدة ويعطيك الصحة على الوصفة

jenah

2017-02-14, 08:58

meeeeeeeeerci bcp

طاعة زوجي ..

2017-04-06, 17:23

جنة الفردوس والأخت جنة شكراً على المرور. اممم الوصفة صح بنينة سيرتو اللي يحب الأكل البحري.
بارك الله فيكن

manoulamarina

2017-04-07, 22:27

حاجة جديدة باينة بنينة شكرا