ملف فيزا فرنسية

[ARIJ ELHOUDNA]

انا عندي موعد دفع ملف واجهل الاجراءات داخل تي ال اس فرجاااااااااء اللي عندو تجربة يقلنا الاجراءات و واش تسالك لجنة استلام وتقييم الملف خاصة اني ضعيفة في اللغة الفرنسية

[karima 40]

اختي شوفي انا تاني راني عندي موعد و راني سألت هنا في موضوع ( استفسار عن طلب فيزا ) ادخلي تشوفي الاجابات
اختي وكتاه الموعد تاعك ادا موعد تاعي قبلك نقدر انفيدك ولا العكس

[ARIJ ELHOUDNA]

انا عندي نهار26-11 يعني هذي الثلاثاء شكرا اذا كان الموعد نتاعك من بعدي رجعلك خبر

[karima 40 سابقا]

صباح الخير اختي راني انا هي كريمة 40 راحتلي كلمة السر حتى عاودت سجلت انا الموعد اتاعي يوم 12/22 /2013 احكيلي اختي كيفاه جوزيتي هاذ المرحلة ان شاء الله برك هدرو معاك العربية و كتاه تهزي الفيزا و كفياه تعرفي اليوم الي راح تهزيها فيه يبعثولك ميساج ولا اعيطولك و لا ابعثوهالك بالبريد.

[ARIJ ELHOUDNA]

السلام عليكم اختي كان كل شيئ عادي وبسيط ومنظم الموظفين جزائريين يهدرو فرنسية نتاعنا(هههههه) يعني تفهميهاعادي اما الاجراءات 1- وانتي تستناي البرا توجدي باسبور نتاعك والرونديفو لاخاطر يراقبهملك عند الدخول يدخلو بالدفعات على حساب الوقت نتاع الرونديفو 2-تدخلي في لاشان عادي ومنبعد كاين موظفات يشدو لك الباسبور والفطوات نتاعك ويدخلولك المعلومات ويرجعهملك مع حافظة بلاستيكية اذا كان الفوطو نتاع الفيزا ميش مقبولك يوجهوك لمخبر تصوير ثمة في الداخل ومن بعد تدخلي قاعة الانتظار 3-في قاعة النتظار تشوفي في الشاشة قدامك يطلع اسمك برقم البيرو لي تدخلي ليه تعيطلك الموظفة لي ثم وتوجهك بالرقم لي خرجلك 4- ثم في البيرو يراقبلك الوثائق نتاعك اذا ناقصة حاجة يقوللك عليها واذا زايدة يرجعالك يقللك اذا حبيتي ترجعي تهزي الباسبور والوثائق الاصلية نتاعك لي ترجعلك ولا يبعثوهلك هما انا خليت هما يبعثوهلي يعطولك اوراق تينيي فيها 5-تعاودي ترجعي لقاعة الانتظار ثم يشدو عليك العنوان ورقم الهاتف ويعطولك بعضالاوراق تسنيي فيها ويوجهوك لاكاس 6-تهبطي لاكاس تبعي الاشارات لي مكتوبة حتى توصلي ليه متديلهم الوثيقة لي مدهالك االموظفة ولا الموظفة نتاع المرحلة -5- وقالك سلميها للاكاس يقوللك قداش تخلصي تدفعي وتسنيي على الوثائق لثم ومن بعدتفوتي للمرحلة الاخيرة تبعي الاشارات والناس لي رايحة ثمة والله نسيت تزيدي تهبطي ولا تروحي لليسار المهم تبعي 7-المهم في قاعة الانتظار هذي كيما القاعة الاخرى تستناي يطلع اسمك في الشاشة برقم البيرو يعيطلك الموظف تدخلي ياخذولك صورة الكترونية مع البصمات وتسنيي ثم تبعي اشارة الخروج وتخرجي *الباسبور مع الاوراقلي يرجعهلك كيما شهادة العمل يرجع في ظرف 10ايام مع الفيزا اذا كاينةاما رد قبول اورفض طلب الفيزا على البريد الالكتروني نتاعك او عبرالهاتف-ميساج- اذا حبيتي ترجعي انتي تهزي الباسبور وقبلو يمدولك الفيزا كي يخبروك يمدلك الموعد لي تهزيها فيه انتي تابعي الحالة نتاع الطلب نتاعك على الموقع لي يمدهلك فيالو رقة نتاع استلام الملف-في البيرو لي شد عليك الملف- عذرا على الطالة اختي كنت نكتبلك في الخطوات بالتوفيق

[المهتدى بنورالله]

شكرا بارك الله فيك

[MEKKI DAOUADJI]

Salam 3alikom ta9adro tgoulouna le rendez vous ki dertouh par tel wala internet???

[كلمات مبعثرة]

صباح الخير اختي راني انا هي كريمة 40 راحتلي كلمة السر حتى عاودت سجلت انا الموعد اتاعي يوم 12/22 /2013 احكيلي اختي كيفاه جوزيتي هاذ المرحلة ان شاء الله برك هدرو معاك العربية و كتاه تهزي الفيزا و كفياه تعرفي اليوم الي راح تهزيها فيه يبعثولك ميساج ولا اعيطولك و لا ابعثوهالك بالبريد.

ماتخافيش كلهم جزائريين يهدرو كيما نتي حبيتي بالفرنسية حبيتي بالعربية المهم راجعي الملف تاعك حتى ماينقصك حتى وثيقة والفيزا كي توجد يبعتولك ايميل ومساج وكي تروحي ماتنسايش تدي معاك نسخة بطاقة التعريف بلا بيها مايعطوكش الباسبور

[karima 40 سابقا]

شكرا جزيلا اختي اريج الشرح وافي وشكرا لكل من اجابني .

[karima 40 سابقا]

Salam 3alikom ta9adro tgoulouna le rendez vous ki dertouh par tel wala internet???

انا زوجي هو اللي حكم الموعد على ما اعتقد عبر الانترنت اكتب في قوقل tlscontact تخرجلك الصفحة فيها وين تطلب الموعد.

[bouda 10]

بالتوفيق ان شاء الله

[sou2010]

Salam 3alikom ta9adro tgoulouna le rendez vous ki dertouh par tel wala internet???

https://adm.tlscontact.com/dz2fr/login.php

[adelvoira]

شكرا لك على الموضوع

[MEKKI DAOUADJI]

Merci pour l information

[hanane09]

انا حاية ندير دوسي تا الفيزا
قولولي مكوتانو

[k_youcef]

السلام عليكم و رحمة الله تعالى و بركاته

أختي الكريمة arij elhoudna أريد ان أسالك سؤال :

- انا تقدمت بطلب فبزا الى قنصلية عنابة يوم 26/06/2014 منذ اكثر من شهر وردني منذ مدة يوم 23/07/2014 انا جواز سفري رجع الى مركز تي ال اس و انا استعملت خدمة ارسال جواز upsالى اقامة بدل الذهاب ولكن لحد اليوم لم يتصل بي او مساج او اي خبر عن جواز سفري .
-هل هذا طبيعي تاخير ؟
-كم هي المدة مابين ارسال الايميل برجوع الجواز ة ارساله الى محل اقامتك؟
- اشرحي لي هذه المراحل انطلاقا من تجربيتك ؟

شكرا مسبقا في ردك في اقرب الاجال .