شكون تعاوني

[souma.sousou]

:1: راني محتاجة وصفات ساهلين وغير مكلفين ...نقدر نديهم لاختي زوجها راه جاي من الحج .وبارك الله فيكم.ارجوكم ثم ارجوكم وصفات يكونو مجربين ومضمونين

[oumhana]

ان شاء الله الخبيرات يفيدوك بالنسبه ليا اختي جايه من الحج راح نعمللها لي صابلي طبقتهم من منتدانا الرائع و ندير حلوه المحقن للاخت أم كوثر راني طبقتها في هذ العيد و جات تشهي و تداوم متيبسش تمتم -إن اء الله نكون افدتك بتجربتي

[souma.sousou]

ان شاء الله الخبيرات يفيدوك بالنسبه ليا اختي جايه من الحج راح نعمللها لي صابلي طبقتهم من منتدانا الرائع و ندير حلوه المحقن للاخت أم كوثر راني طبقتها في هذ العيد و جات تشهي و تداوم متيبسش تمتم -إن اء الله نكون افدتك بتجربتي


اولا حج مبرور وذنب مغفور ان شاء الله لاختك ..ولعقوبة ليك نشاله .......بارك الله فيك اختي على الرد .لكان مفيهاش تعب اختي اعطيني وصفة لصابلي مجرب ويقطع كمية كبيرة وين نبحث على وصفة المحقن:confused: :)

[oumhana]

اقاطو لمحقن للاخت ام رامي أنا غلطت و قلت ام كوثر يعطيهم الصحه في زوج على المجهودات إذا حلوه المقن للاخت ام رامي تلقايها في قسم الحلويات صفحه 2 العنوان "قاطو المحقن لفطور الصباح" اما لصابلي انا نديرصفار4 بيض +2بيضات كاملين + 250غ مرقارين فلوريال +نص كاس تاي زيت +كاس سكر قلاص من الأفضل +كاس و نص نشا +نص باكي خميره حلوه و تلمي بالفارينه الطريقة :اخدمي لمرقارين مع السكر بالباتور ولا بيدك حتى تولي كما البوماد +زيت وخدمي مليح+البيض +النشا + الفرينه مغربله مع نص باكي خميره الحلوه و تلمي ملزمش جي يابسه عينك ميزانك خليها ترتاح قيس ما تلمي دنيتك و قطعي الشكل لتحبي وحطي في سنيوه مرشوشه بالفارينه و حطيهم يطيبو في فرن مسخن مسبقا و عسيهم متخليهمش ينحرقو انا كنديرهم نوقف عليهم نعسهم يعني يطيبو دوغي و منكثرش المعجون انا نستعمل تاع المشماس و نزيدلو شويه ملون احمر و نقطعهم كاري بالطابع الصغير يعني تاع 4سم على 4 سم وعوض نتقبهم فالوسط انا نتقبهم فالزاويه نخلي شويه باه متتقطعش لعجينه و نقطع ونرمدهم فالوز مرحي رقيق ولا الكوكاو ولما يطيبو نحط المعجون غير شويه ونغطي نصف الحبه من الجيهة المتقوبةباكاغط و نرش بالسكر قلاص يجيو روعة من حيث الذرق و الشكل.اسمحيلي طولت بصح لازم لأنو ضميري ميهننيش.إن شاء الله نكون وفقت فالشرح و ي استفسار انا فالخدمه

[oumhana]

نسيت حاجة كتحلي لعجينه مديريهاش خشينه بزاف انا نحلها شويه فوق رقيقه كما les biscuits petis beureتاع بيمو ولما تحطي وحده فوق وحده يجيو شابين

[نسائم الصباح]

أولا مبروك عليهم الحج .
أسهل حاجة وأبن حلوة المحقن لي أم رامي .هايلة وقريوش تاع ام كوثر تامك عجبني ولابات فيلو تاع ام كوثر كذالك رائعة شكليها كيما تحبي

[ام ساجد]

ديري الغريبة تاع ام كوثر

بالتوفيق روعة وديري صابلي

[souma.sousou]

ديري الغريبة تاع ام كوثر

بالتوفيق روعة وديري صابلي


بارك الله فيك مشكورة على الرد...

[souma.sousou]

أولا مبروك عليهم الحج .
أسهل حاجة وأبن حلوة المحقن لي أم رامي .هايلة وقريوش تاع ام كوثر تامك عجبني ولابات فيلو تاع ام كوثر كذالك رائعة شكليها كيما تحبي


الله يبارك فيك ولعقوبة لعندك........ان شاء الله ندير حلوة المحقن .اما لقريوش نخاف يتفتت المنطقة لي نروحلها بعيدة .مشكورة اختي :)

[souma.sousou]

اقاطو لمحقن للاخت ام رامي أنا غلطت و قلت ام كوثر يعطيهم الصحه في زوج على المجهودات إذا حلوه المقن للاخت ام رامي تلقايها في قسم الحلويات صفحه 2 العنوان "قاطو المحقن لفطور الصباح" اما لصابلي انا نديرصفار4 بيض +2بيضات كاملين + 250غ مرقارين فلوريال +نص كاس تاي زيت +كاس سكر قلاص من الأفضل +كاس و نص نشا +نص باكي خميره حلوه و تلمي بالفارينه الطريقة :اخدمي لمرقارين مع السكر بالباتور ولا بيدك حتى تولي كما البوماد +زيت وخدمي مليح+البيض +النشا + الفرينه مغربله مع نص باكي خميره الحلوه و تلمي ملزمش جي يابسه عينك ميزانك خليها ترتاح قيس ما تلمي دنيتك و قطعي الشكل لتحبي وحطي في سنيوه مرشوشه بالفارينه و حطيهم يطيبو في فرن مسخن مسبقا و عسيهم متخليهمش ينحرقو انا كنديرهم نوقف عليهم نعسهم يعني يطيبو دوغي و منكثرش المعجون انا نستعمل تاع المشماس و نزيدلو شويه ملون احمر و نقطعهم كاري بالطابع الصغير يعني تاع 4سم على 4 سم وعوض نتقبهم فالوسط انا نتقبهم فالزاويه نخلي شويه باه متتقطعش لعجينه و نقطع ونرمدهم فالوز مرحي رقيق ولا الكوكاو ولما يطيبو نحط المعجون غير شويه ونغطي نصف الحبه من الجيهة المتقوبةباكاغط و نرش بالسكر قلاص يجيو روعة من حيث الذرق و الشكل.اسمحيلي طولت بصح لازم لأنو ضميري ميهننيش.إن شاء الله نكون وفقت فالشرح و ي استفسار انا فالخدمه


يا اختي واش نقولك الله يفرحك ويخليك ويهنيك ويعطيك ماتتمني ويخليلك هناء ويحفظها ان شاء الله.........حبيت نتاكد كمية الزبدة 250غ.صابلي نتاعي نفسه لي قولتيه بصح انا ندير 500غ زبدة و زوج مغارف كبار زيت.ومشكورة سامحيني على التعب

[oumhana]

صباح الخير نعم اختي انا درت 250 غ مرقاين+1/2 كاس تاي زيت رني متأكده والله شاهد على ما اقول جاني طري وهشوش خاطر فيه 4صفار بيض و 2 برك لكاملين و علابالك بلي حتى لصفر تاع بيض راه يطري لعجينه وانت متيبسيهاش بالفارينه إن شاء الله ينجحلك وادعيلي بالصحة خاطر هذيك هي الصح.اما إذا خفت المغامره اعملي المقادير لمالفا بيهم و ربي يوفقك و حج مبروك لكافة المسلمين لعقوبة لينا إن شء الله.انا في خدمتكم

[عطرالذهب]

اختي ديري صابلي غولي بنين وما يتكلفش الكيلة تجيبلك حتى 100حبة والسلعة ماتفوتش 100الف
اذا تحبي نعطيك الوصفة راهو بريزونتابل وهايل

[souma.sousou]

صباح الخير نعم اختي انا درت 250 غ مرقاين+1/2 كاس تاي زيت رني متأكده والله شاهد على ما اقول جاني طري وهشوش خاطر فيه 4صفار بيض و 2 برك لكاملين و علابالك بلي حتى لصفر تاع بيض راه يطري لعجينه وانت متيبسيهاش بالفارينه إن شاء الله ينجحلك وادعيلي بالصحة خاطر هذيك هي الصح.اما إذا خفت المغامره اعملي المقادير لمالفا بيهم و ربي يوفقك و حج مبروك لكافة المسلمين لعقوبة لينا إن شء الله.انا في خدمتكم


سمحيلي حبيبتي على السؤال ولكن حبيت نتاكد قلت بالاك غلطتي او منتباهتيش وبلا ماتحلفي وانا اسسسسسفة .راح نديره كيما قلتيلي وانا متاكدة يجي 4444444444444 ....سامحيني ماقصدتش اهانة او نكذبك برك حبيت نتاكد وبارك الله فيك والله يعطيك الصحة والعافية :):o

[souma.sousou]

اختي ديري صابلي غولي بنين وما يتكلفش الكيلة تجيبلك حتى 100حبة والسلعة ماتفوتش 100الف
اذا تحبي نعطيك الوصفة راهو بريزونتابل وهايل


اكيييييييييييييد بلا ما تسقسي راني في انتظار الوصفة ويعطيك الصحة وكل ماتتمني:)

[عطرالذهب]

http://www.up.djelfa.info/uploads/138297418401521.jpgراني رجعتلك
المقادير 500غ زبدة لابال +2كيسان سكر ناعم +لافاني +4 بيضات +2 كيسان نشاء+تخلطي مليييييح بيدك برك وتقسمي لعجينة على2 نص كبير شوي على نص
النص لكبير شيحيه بالفرينة وخليها مش ناشفة بالزاف والنص الصغير زيديلو 4 ملاعق اكل نوادكوكو +2ملاعق اكل كاكاو وشيحي بالفرينة وخليهاطرية شوي على خاطر لانوادكوكو ييبسها
عندك الان 2 كرات نتاع عجينة وحدة بيضاء ووحدة بنية
قسمي كل كورة الى كرتين صغار باش يسهال العمل
اضربي العجينة البيضا فوق ساشي نتاع السينيات وخليها رقيقة شوي ونفس الشيء مع العجينة البنية وهزي العجينة البيضاء بالساشي واقلبيها فوق البنيية المحلولة وعاودي رققيهم فوق بعضاهم واقلبيهم بالساشي تولي البيضاء هي التحت رولي العجينة 3دورات واقطعي تتحصلي على حربوش نظميه اذا خشين رققيه شوي وقصيه مربعات قيس زوج صباع رايحة تتحصلي على هذا
http://www.up.djelfa.info/uploads/138297382466281.jpg
حطيه يطيب في فرن متوسط حتى يحمار من التحت
كي يبرد غطسيه في شوكولا انا استعملت البيضاء لازملك باكي ب20الف اسمها العصفور وذرذري عليها البيستاش مرحي ما ترفدش بالزاف لازملك ب16الف بيستاش وارحيه في الدار وهذا شكلوا النهائي
http://www.up.djelfa.info/uploads/138297418401521.jpg

موفقة وكانش حاجة ما هيش واضحة راني هنا

[اماني نجاح]

السلام عليكم
اختي حج مبرور و سعي مشكور
ديري هادا القاطو للاخت وهرانية جزاها الله خيرا يجي هايل
http://www.djelfa.info/vb/showthread.php?p=1052604549
او نتاع الاخت ميميشة :
http://www.djelfa.info/vb/showthread.php?t=764931
شخصيا ال2 جربتهم و يجو شابين

[oumhana]

صباح الخير لالا ختي انا مقلتش إهانه ولا عدم ثقة عندك الحق تسقسي وتزيدي هذا عادي وربي يوفقك و يعاونك وماشي عيب لسقسي انا عندي عادي

[souma.sousou]

مساء نور مشكورة اختي .وبارك لله فيك