تعالوا شوفو تطبيقي الفاشل راني محطمة نفسيا ,,, ووووووووووعععع

[staifia]

صباح الخير عليكم :o:o:o:o:o
ليوم جيت وجبتلكم الكارثة لي درت هههههههههههههههههههههههههههههه
شبح الغريبية مزال يلاحقني :D
درت روحي فحلة قتلهم ليوم نديرلكم غريبية جامي دارها واحد ههههههه قالي ربي سبحانه متلعبيها ش بزاف حتى ما صلحتليش خلاص ,,,
شوفو كيفاش هبطتلي مافهمتش علاش زعما الفرينة ناقصة ؟؟؟ انا ما جربت نطيب بالحبة طيبت بلاطو طول :mad::mad::mad::mad:

وزدت درت 500 غ سمن هههههههههههههههه
شوفو كيفاش ساحت ماشي غير هبطت .... :confused::confused::confused::confused:

http://im36.gulfup.com/NEufQ.jpg (http://www.gulfup.com/?Cx21UU)

http://im36.gulfup.com/6zHgf.jpg (http://www.gulfup.com/?qnFt71)

http://im36.gulfup.com/RD4tW.jpg (http://www.gulfup.com/?6RNTGw)



واقيلا نحلف مانزيد نديرها طووووووووووووووووووووول :o:o:o:o:o:o:o:o:o:o:o

[أم يحي صهيب]

حبيبتي انتي واش درتي فيها الخميرة؟

[leilaz]

ياختي هادي ماتكون غير ناقصة فرينة ولا زايدة سكر وحسب شوفتي ناقصة فرينة كون جربتي كعبة وطيبتيها ادا بقات في شكلها يعني ماتزديش الفرينة وادا هبطت يعني ناقصة فرينة وهادا ادا كانت الكيلات قد قد وهادا هو المطبخ عزيزتي مرة تصيب ومرة تخيب بصح الغريبية راهي ساهلة ماهلة غير لازم تحفظي الكيل برك وخيرها في غيرها انشاء الله المرة الجاية تصلحلك

[أم ماجد]

سطايفية حتى انا نخاف منها هههههههههه
ندير تاع الهلالات مضمونة
تاع اللمبوط ساعات تتعوج

[سَـآجدة]

عادي اختي ما تزعفيش الكل يغلط بشوي بشوي ترجعي فحلة فيها

[أم محمد تاج]

سطوووووووووووووفة لحبيبة المرة الجاية اتبعي الطريقة بحذافيرها والتفاصيل المملة أوكي ونشالله تصلحلك خيرها في غيرها

[إلهام07]

لالا ماشي تحلفي ماتعاوديها تحلفي ماتزيدي طيبيها مباشرة
شوفي القاعدة اللي لازم ديريها " حلقة في وذنك " في الغريبية بالذات عمرك لا طيبيها أولا كي توجدي العجينة :
تسخني الفرن وطيبي غير حبة ولا 2 برك وتشوفي إذا ساحت معناها ناقصة فرينة زيدي شوية فرينة وعاودي جربي كي جيك مليحة وتبقى بنفس الشكل ديري بلاطو وابداي طيبي

ثانيا السكر لازم السكر مايكونش زايد لازم تتقيدي بالوصفة وتستعملي سكر ناعم ماشي ترحي السكر في الدار لازم تشري نتاع الأكياس

فقط هذا ماكان ولا أسهل من الغريبية :19:

[staifia]

حبيبتي انتي واش درتي فيها الخميرة؟

لاالا اختي ما درتش الخميرة
شكرا

ياختي هادي ماتكون غير ناقصة فرينة ولا زايدة سكر وحسب شوفتي ناقصة فرينة كون جربتي كعبة وطيبتيها ادا بقات في شكلها يعني ماتزديش الفرينة وادا هبطت يعني ناقصة فرينة وهادا ادا كانت الكيلات قد قد وهادا هو المطبخ عزيزتي مرة تصيب ومرة تخيب بصح الغريبية راهي ساهلة ماهلة غير لازم تحفظي الكيل برك وخيرها في غيرها انشاء الله المرة الجاية تصلحلك

هكدا شكيت ناقصة فرينة بلااكـ السكر تقيدت بالوصفة
شكرا ع المرور

سطايفية حتى انا نخاف منها هههههههههه
ندير تاع الهلالات مضمونة
تاع اللمبوط ساعات تتعوج
ههههههههههههههههههه
ماشي الناس كامل تصلحلها ,, دارتلي الشوك ههههههههههههههه

عادي اختي ما تزعفيش الكل يغلط بشوي بشوي ترجعي فحلة فيها


ان شاء الله المرة الجاية تصلحلي
شكرا لك اختي ع المرور

[بشرى2008]

ادا هبطت اعرفي انو الفرينة نااااقصة فقط

[staifia]

سطوووووووووووووفة لحبيبة المرة الجاية اتبعي الطريقة بحذافيرها والتفاصيل المملة أوكي ونشالله تصلحلك خيرها في غيرها

ايه صح أنا اتبعت كلشي بصح الغلطة تاعي ما طيبتش بالحبة
معليش في الحلقة القادمة هههههههههههههههه
يسلمووو

لالا ماشي تحلفي ماتعاوديها تحلفي ماتزيدي طيبيها مباشرة
شوفي القاعدة اللي لازم ديريها " حلقة في وذنك " في الغريبية بالذات عمرك لا طيبيها أولا كي توجدي العجينة :
تسخني الفرن وطيبي غير حبة ولا 2 برك وتشوفي إذا ساحت معناها ناقصة فرينة زيدي شوية فرينة وعاودي جربي كي جيك مليحة وتبقى بنفس الشكل ديري بلاطو وابداي طيبي

ثانيا السكر لازم السكر مايكونش زايد لازم تتقيدي بالوصفة وتستعملي سكر ناعم ماشي ترحي السكر في الدار لازم تشري نتاع الأكياس

فقط هذا ماكان ولا أسهل من الغريبية :19:

صح كاينة منها غلطت كي ما جربتش بالحبة
اما السكر جامي نرحيوه في الدار ديما نشريو سكر قلاصي تاع الشكاير
الفرينة لي خدعتني وووووووووووووووووووووووووووووووووووع




شكرا لكم جميعا ع النصائح لي مديتولي ربي يخليكم

[ام الهضاب]

السطايفية أنا هكذا جاتني في عيد الفطر كانت ناقصة فرينة لكن بعد ما اعطاتنا ام كوثر المقادير مضبوطة ما تجربي حبة ما والو طيبي طول

[algeroise16]

هههههههه صراتلي مرة مي انا كنت شاطرة عليك طيبت وحدة برك امبعد زدت الفرينة و جاتني روعة ... انت بينة مالفرحة رحتي طيبتيهم قع على ضربة ماصبرتيش ههههههههههههه ماعليش المرة الجاية و الله يعينك على لسانهم دوك يهبلوك ههههههه

[الأمنيات]

ما تكرهيش وعاوديها ناقصة فرينة
انا جربت غير حبة من بعد طيبت الصينية كامل
ربي يبارك فيك

[staifia]

شكرا لكم ع التشجيعات والنصائح حبيباااااتي
كاش نهار نعاود نجربها وان شاء الله تصلحلي

[حمدا لله كثير]

و انا تاني جامي درتها و كي مجي نديرها نحيها من لا ليت الا ندير كارته


كاش مرة نجربها انا تاني


بالتوفيق المرات القادمة

[نسائم الصباح]

خيرها في غيها سطوف .المهم تتاكل .وإنشاء الله المرة الجاية جيك خير
أنا تبالي نقصة فرينة
وتعطيك الصحة على المجهود

[mira la belle fraise]

والله غير صحكتيني فكرتيني بروحي