هل من طريقة للإجبة عن أسئلة الأنجليزية -بكالوريا

[cnasdjs]

إخوتي السلام عليكم ورحمة الله تعالى وبركاته
الحقيقة أنا في صدد الإعداد لشهادة البكالوريا نظام قديم ، إلا أن مستواي في هذه المادة يقرب الصفر، عندي الكثير من المراجع لكن دون جدوى . أرجو أن لاتبخلوا علي وأن لا تمروا مرار الكرام .

[rabab200]

مثلا اخي كي تشوف كلمة في الاسئلة حوس عليها في النص و حطلوا الجملة كاملة لاشتا يعطيوك نصف النقطة
هدا في الاسئلة نتاع الفهم و تاني في الكلمة وضدها او معناها كي يمدلك كلمة و يقولك جيب عكسها اداكانت فعل فاكيد راك تحوس على فعل وادا كانت اسم نفس الشي و النهاية نتاع الاسم هداك او الفعل نفس النهاية كي تحوس عليها في النص على الاقل بهاد الفكرة تقدر طيح في الكلمات المطلوبة و كي تلقا سؤال بدالك بديد did اعرف بانو الجواب هو يا yes ولا no لااكثر
اما في الاسئلة نتاع اللغات فعليك حفظ القواعد في الصرف و الجمع و الباسيف و لاكتيف والستيل ديراكت وانديراكت والله احفظ برك وراهم ساهلين ماتهابش منهم
و اخيرا في التعبير ادا كنت فاهم النص حاو اختيار التلخيص ودالك بكتابة الاجوبة اللي جوبت عليهم في اسئلة فهم النص و جمعهم و ربطهم مع بعض
اما ادا مفهمتش النص حاول كتابة تعبير باستعمال كلمات ساهلة واسرق من النص شوي و بالدراع لم تعبير فيه 4 سطر و ربي يوفقنا كامل

[rabab200]

راني حاولت نفهمك و نعاونك بكل ما نقدر وادا مفهمتنيش في كاش حاجة صقصيني او كاشما عندك سؤال في لغة اخرى راني هنا باه نعاونك وشكرا

[cnasdjs]

بارك الله فيك يا رباب بالرغم من أنني أحسن الفرنسية إلا أن ألإنجليزية بالنسبة إلي شئ رهيب.مشكلتي انني لا أملك رصيد كافي من المفردات في هذه اللغة و بالتالي فأنا لاأفهم النص.