كيف تطبخون شربتكم يا جزائريات

[Tawba2]

هل تتفضلن علي بالوصفات من مناطق الجزائر :19:

[حب الله لا يعادله حب]

قطعي الخضروات اللي هي حبة بصل حبة بطاطا 4او 5جزر ورابي حبة طماطم وسنينات ثوم وديري عود قرفة وواحدة نجمة .ديري اللحم والتوابل اللي هي ملح حرور فلفل احمر جومبو ادا حبيتي كركب زعفران وقليهم في الزيت.اضيفي الماء وحفنة حمص 2ملاعق طماطم مصبرة ربطة قصبر وبلعي لاكوكوت وخليها فوق النار كي تحسي بلي اللحم طاب ونشفت شوية جبديها وصفي الخضروات وارمي الشربة وحركي كي تشوفيها بدات تنشف ضيفي شط نعناع ورشي شوية قصر وبالهنا والشفا .وادا خصك الحريرة راني هنا:1::1::1:

[جيجلية]

انا ندير حبة بصل او زوج حبة قرعة وحبة جزر ونص حبة بطاطا ولحم او جاج وزيت وتوابل فلفل وراس الحانوت اذا فارميسال ندير قرفة واذا فريك ما نحطش

نخليها تطيب ثم نرحيها ونرمي فريك او شربة فرميسالوكنطفي نرمي حزمة حشيشة وكرافس او نعناع

[Tawba2]

قطعي الخضروات اللي هي حبة بصل حبة بطاطا 4او 5جزر ورابي حبة طماطم وسنينات ثوم وديري عود قرفة وواحدة نجمة .ديري اللحم والتوابل اللي هي ملح حرور فلفل احمر جومبو ادا حبيتي كركب زعفران وقليهم في الزيت.اضيفي الماء وحفنة حمص 2ملاعق طماطم مصبرة ربطة قصبر وبلعي لاكوكوت وخليها فوق النار كي تحسي بلي اللحم طاب ونشفت شوية جبديها وصفي الخضروات وارمي الشربة وحركي كي تشوفيها بدات تنشف ضيفي شط نعناع ورشي شوية قصر وبالهنا والشفا .وادا خصك الحريرة راني هنا:1::1::1:

الله يبارك,, زيدي ادا حبيتي :d

[Tawba2]

انا ندير حبة بصل او زوج حبة قرعة وحبة جزر ونص حبة بطاطا ولحم او جاج وزيت وتوابل فلفل وراس الحانوت اذا فارميسال ندير قرفة واذا فريك ما نحطش

نخليها تطيب ثم نرحيها ونرمي فريك او شربة فرميسالوكنطفي نرمي حزمة حشيشة وكرافس او نعناع

كي طفي باش تريهم ???

[fati57]

انا من العاصمة و هادي شربة فريك و نديرها فقدرة تع الفخار حطي طراف لحم مقطع صغير زيدي قطعي بصلة و قرعة و حشيش مقطفة و كمشة حميصة و كرافس و ملح فلفل اكحل عكري و قرفة و زيت و سمن و قليها شوية وحطي فوقها كسكاس فيه طماطم مقطعة مع نعناع كتمرقي ديري طماطم مصبرة و عبزي الطماطم الحب باش يحبط الما تاعها من بعد ارمي عليها لفريك حتى يطيب و زيديلها شوية حشيش

[nasma007]

سلام لبنات

الشربة ديالنا نحضروها هكا :


تحطي في كوكوت نتاعك اللحم لي قطعتيه ديريلو ملح +1/2 مغرف فلفل احمر + شوية دوا رقيق ( راس الحانوت) ربع مغرف

متكثريش منو بزاف + شوية كسبر مرحي تقدري مديريهش +شوية نعناع يابس مرحي + دبشة مقطعة صغيرة + ثوم مرحي +

زيت+ طماطم علب ثم تحطيها على نار هادئة تغليها مليح ومن بعد تبداي تزيدي بالشوية الماء وتخليها تغلي حتى تزيدي

الماء الكمية لي بغيتي وتفرمي كوكوت على حساب يطيب اللحم تنحيها

وتزيديلها الفريك او التشيشة وتحلي فيها فلفل اخضر باه يطلق البنة واذا متحبيش لحرور لوحيه بلا متحليه وخليه طيب

التشيشة نحيها من فوق النار. ومن بعد كي تقدميها زوقيها بالدبشة لي قطعتيا وفلفل اخضر مقطع اذا حبيتي .

بالنسبة للفلفل احمر تقدري ديري مغرف حسب ماتحبي لحرور وحسب الكمية لي حديريها وتقدري تزيديلها حمص الي طايب من قبل وهاذا كما تزيدي التشيشة



شهية طيبة

[رُقية]

حنا نديرو لحريرة

[*نآدرة~]

حنا نديرو الحريرة شوفي هاذ الرابط
http://www.djelfa.info/vb/showthread.php?t=1360280

[سأضل أحلم]

انا من العاصمة و هادي شربة فريك و نديرها فقدرة تع الفخار حطي طراف لحم مقطع صغير زيدي قطعي بصلة و قرعة و حشيش مقطفة و كمشة حميصة و كرافس و ملح فلفل اكحل عكري و قرفة و زيت و سمن و قليها شوية وحطي فوقها كسكاس فيه طماطم مقطعة مع نعناع كتمرقي ديري طماطم مصبرة و عبزي الطماطم الحب باش يحبط الما تاعها من بعد ارمي عليها لفريك حتى يطيب و زيديلها شوية حشيش


تقريبا هكذا نديرها الفرق في الطماطم انا نرابيها ونخليها اطيب مع الخضرة ، كي تطيب الخضرة كامل نرحيها بالbras
ونمرقها وكي تغلي نرمي الفريك حتى تغلي 2 غليات (قيس مايطيب الفريك ) ونطفيلها ونرمي فوقها نعناع وحشيش مقطعين
شهية طيبة

[fattouna]

ana ndir lbasla wthoum w7aba tmatam wchwi krafas wma3adnous nar7ihom mn ba3d nonsobha bchwi za3afran w7amar wkosbor wndir zit mais b1 sur l7am jaj kayan hhhh wmnba3d kitib lmar9a ndir lefrik wala sal3asfour hakda 7naya stayfiya

[islam02]

قطع لحم +ربطة مكونة من الكرفس والقصبر +3حبات جزر+قرعة وحدة+بصلة +2او3حبات طماطم +حبة بطاطا+ كمشة حمص+القليل من القرفةوالفلفل الاسود+ملعقة فلفل عكري+قطعة جومبو دجاج +ملعقة ونصف طماطم مصبرة+3ملاعق زيت اوبدون زيت.نضع كل المقادير دفعة واحدة ونضيف الماء يعني بارد*بارد بلا مانقلي على نار هادئة حوالي45د .عندما ينضج اللحم نرحي الخضار ونضيف المرمز بعدما نغسلو ونصفيه . وفي الاخير نضع ربطة قصبر +نعناع يابس+ملعقة راس الحانوت نخليهم يغلو غلية وحدة ونطفي.

[islam02]

ملاحظة لم اضع الملح لان جومبو مالح

[Tawba2]

يعطيكم الصحة

[مرام]

انا ندير شربة فريك:
في طنجرة ندير اللحم وبصلة مرابية وثوم مرابي جزر مرابي وعود صغير قرفة ورند وشوي جوزة الطيب وراس حانوت ونقلي كلش فوق نار هادية بلا ما ننساو الزيت ونحرك مليح وندير الطماطم المصبرة ومكعب ماجي دجاج ونحرك نديرو قرن فلفل حلو والدبشة ونخلط ومن بعد نرمي الفريك وندير فنجال ماء ونخليها تكتك شوي ومن بعد نمرق
وبعد ما تطيب ونخليها تعقد ندير فيها شوي دبشة وراس حانوت وشوي فلفل اخضر حار لي يحب الحرور ولي مايحبش يدير حلو ونسكر النار

[فـرح]

شربة قسنطينة:
في قدر الفخار نحط : بصل وثوم مرحيين مليح + وشوية زيت وسمن مدينة + كرافس + ملح وفلفل اسود + لحم خروف ونقليهم مليح
من بعد نزيدلهم طماطم حب مرحية وطماطم مصبرة ونزيد نقليهم شوية ومن بعد نمرق بماء ساخن وكي تغلي المرقة نرمي الفريك وكي قريب تطيب نرمي فلفل حار
وفي التقديم نقص عليها شوية دبشة وتجي بنينة تهبل

[le chameau]

انا نذير الفريك نقلي اللحم و البصل مرابي و حبة بطاطا صغيرة وطماطم واحدة مرابية و توم و كسبر و كمشة حمص وراس الحانوت و عكرى و طماطم مصبرة و نمرق ثم كى تغلي و يطيب تقريبا نرمى الفريك و نخليه على نار قليلة لانى نديرو فى برمة الفخار بعد ما طيب نرمى فلفل حارو شوية توم و بصحتكم

[maloo]

بارك الله فيك اختي يعطيك الصحه

[hayette82]

444444444444444444444444444444444444444444

[hayette82]

القري كرهت الشوربة والدويدة في رمضان بصح سخفتوني