اريد اقتراح حول حفلة بكالوريا

[جوهرة الأخلاق]

السلام عليكم

اولا ابارك لكل ناجحي الباكالوريا وشهادة التعليم المتوسط مبروك عليكم ولعقوبه لمزيد من النجاح والتفوق
ثانيا عندي طلب من الاخوات الفاضلات ارجو ان لا ترودوني
بمانسبة نجاحي اريد اقامة حفلة صغبرة للاهل اريد منكم مساعدتي في اختيار الحلويات بحيث تكون جديدة ومليحة بصراحها طلعت على وصفات المنتدى لكن احترت مذا اختار فكلها روعه ماشاء الله
اريد منكم مساعدتي في كل مايتعلق في الحفلة خاصة لما لديه خبرة يعني مذا اقدم مع العصيو وقازوز والى آخره
واللي عندو وصفة مجربة لرفيس قسنطينة اريد ان اعمله
وهل يصلح مع العصير ليفولفون ولالالا ؟؟؟؟؟
واللي عندها اي فكره اريد ان تساااااااااااااااعدني ارجوكم



انتظر ردودكم

[غزة في عيوني]

السلام عليكم انا تاني راني حايرة شوية في الحفلة نتاع خويا مي نقولك انا واش راني حابة ندير اول حاجة ندير الرفيس العادي ما نعرفش نتاع قسنطينة واشنو عجبتني وحد العفسة شابة هي نديرطاجين الحلوبالمشماش والعين والزبيب في الوسط وتقدري ديري المكسرات بكل انواعها من الفوق وفي الجوانب الرفيس المقطع بالمقص والمدهون بالزبدةو تخلطيه مع المكسرات [ الكاجو+اللوز+الكوكاو ]
الحلويات والله مازلت ما خيرتش
وندير البسبوسة في لي مول نتاع الطمينة هدوك الكارية ونقسمها بلاتاي ونسيتك في الاول نقسم سلاد دو فروي او لا كريم وادا تفكرت شي عفايس نرجع للموضوع انشاء الله يعجبوك اقتراحاتي

[manel 123]

في العام لي فات درنا حفلة لاختي جابت الباك وانا درت لاسوتنونس
المهم نعطيك واش درت ونتي ادي الفكرة الي عجباتك
في الاول قدمنا سلاد فروي سلاطة الفواكه وتقدري ديري اومباسادور ومن بعد قدمنا القهوة والحليب مع البقلاوة والمخبز ومباعد درنا تارتة وقدمناها مع القازوز وفي الاخير الرفيس القسنطيني مع اللبن
وكي عادو المعزومين مروحين مدينالهم الباروك
انشاء الله نكون فدتك دعواتك حنونة

[عصفور الجنة]

السلام اختي اولااالف الف مبرووووووووك
http://forum.sedty.com/imagehosting/146930_1291653298.jpg

شوفي اختي فالاول حطيلهم لا كرام ومبعد ديري لصالي مع القازوز زاذا كان فمقدورك ديري سلاطة الفواكه مبعد قهوة حليب مع القاطو انت واش تحبي
وديري تاي مع مكسرات ولا حلوى النوقة تجي روووووعة اذا تحبي نعطيك الوصفة تاعها .


مبروووووووووووك مرة ثانية ومتناسيش تعرضينا هههههههه

[سارة يعرب]

الف مبروك خيتو لعقوبة لشهادات عليا
شوفي حنونتي ديري لاموس موجود في المنتدى او فلون طبقة فراز وطبقة فانيي وطبقة شوكولا وزيني من فوق بلكرام شونتي ومكسرات وافضلهم بيسطاش وسلاد فروي مزينة بلفواكه الجافة وميرانق ومبعد ديري قهوة بلي قاطو ومبعد ديري اللبن و رفيس القسنطيني يجي حطة بنين ويحمر الوجه تحبي ديريه في صحونة جوطابل وتقلاصيه الاختيار ليك وقشقشة ديريها في سرة ولا كاش فكرة اخرى كاين بزاف خيري واختاري وديري فيه شوية كوكاو بلا قشور ومكسرات بلا قشور وحبة شوكولا هذا اذا تحبي يديوه معاهم واذا لا زيني في صحنة كبيرة مع لاتاي
ان شاء الله نكون افدتك

[جوهرة الأخلاق]

بارك الله فيكم جميعا على اقتراحاتكم والله فرحتوني

راني الآن محتاره بين القاطو تاع القهوه اللى ندير

شكرا بزااااااااااااااااف بزاف واللي عندها طريقة عمل الرفيس القسنطيني تعطيهالي بصح تكون مضمونة ومجربة
واي نوع تاع قاطو تاع قهوه يكون مليح وشكرا جزيلا

طبعا عضوات المنتدى اول المدعوات للحفلة واللى ردو علييا واطاوني ارائهم مدعوين لعشاء ثاني هههههههه

[جوهرة الأخلاق]

ممكن ايضا وصفه السيقار اللي يديروه مع القازوز هو يجي مقلي على ما اظن وبارك الله فيكم

[أم عبد الناصر]

ممكن ايضا وصفه السيقار اللي يديروه مع القازوز هو يجي مقلي على ما اظن وبارك الله فيكم



lممكن تبدلي في مكان لي سيقار ديري المخاخ بالكريمة

حاجة جديدة

http://www13.0zz0.com/2013/07/03/20/126066323.jpg (http://www.0zz0.com)

تترافق مع العصير الوصفة لام اماني

هاهو رابطها

http://www.djelfa.info/vb/showthread.php?t=1318165

او لي تارتولات بالفواكه

http:// (http://)http://up.top4top.net/uploads/2012/08/03/top4top_3925406d041.jpg (http://up.top4top.net/)

رابط الوصفة

http://www.djelfa.info/vb/showthread.php?t=1075662


وبالنسبة للحلويات اقترح عليك

تشارك مورق بلات فويتي لام اماني

http://www13.0zz0.com/2013/07/03/21/260377173.jpg (http://www.0zz0.com)

رابطها

http://www.djelfa.info/vb/showthread.php?t=1293174

حلوى الجلجلانية باللوز (ممكن تغيريها كوكاو على حسب جهدك)


http:// (http://)http://up.top4top.net/uploads/2012/06/23/top4top_64a45eab201.jpg (http://up.top4top.net/)

رابطها

http://www.djelfa.info/vb/showthread.php?t=1056183


يزاموندين بالمورانغ

]http:// (http://)http://up.top4top.net/uploads/2013/04/17/top4top_13d9bfeba11.jpg (http://up.top4top.net/)

رابطها

http://www.djelfa.info/vb/showthread.php?t=1271845

واذا حبيتي زيدي المقروض نتاع الفرن

http:// (http://)http://up.top4top.net/uploads/2012/12/22/top4top_d593712dec1.jpg (http://up.top4top.net/)

رابطها

http://www.djelfa.info/vb/showthread.php?t=1175289

والبنات ماقصرو في اقتراحاتهم

موفقة عزيزتي والف مبرووووك الباك