مشاهدة النسخة كاملة : عندي مشكل ....!!!
hadjer.m
2013-06-28, 23:48
السلام عليكم .. ان شاء الله تكونو كامل لاباس
حبيت نشاركم بالمشكل نتاعي عسى تلقاولي حل ان شاء الله
مشكلتي هي اني نطول بزاف كي ندير الحاجة .. اليوم درت بقلاوة .. بديتها على 6 قليت الكوكاو و استنيتو يبرد باش نرحيه و درت العجين و خليتو يرتاح مبعد رحت تقهويت و رجعت رحيت الكوكاو و درت الحشو و بديت نحل في العجينة درت 6 التحت و 5 لفوق و زينتها بالورود من العجينة و رشقت اللوز .. المهم كملت على حطيتها في الكوشة9 :confused::confused::confused::confused::confused:
يسما راني عاطلة هكدا .. هدا مثال برك
بالاك لاني نقرا ندخل للكوزينة غير في الصيف انا :sdf:
ولكن ولات تقلقني هاد الحاجة .. قريبا رح نكون في داري لازمني نولي سريعة .. و لا وش قلتو ؟؟
و للملاحظة حوايجي يجو ملاح .. و تقريبا جامي فسدت حاجة .. و الناس الكل يقولولي ايدك بنينة .. بصح حابة نولي تاني سريعة
انتظر آراءكم و اقتراحاتكم بفارغ الصبر
و شكرااااااااا :o
هاهم صور البقلاوة .. شكرا حبيباتي على التشجيع .. و باذن الله رح ندير تدريب مكثف .. و راني نخبركم بالنتائج .. تفضلو البقلاوة .. ان شاء الله تعجبكم ;)
http://www14.0zz0.com/2013/06/29/20/701728424.jpg (http://www.0zz0.com)
http://www14.0zz0.com/2013/06/29/20/253121075.jpg (http://www.0zz0.com)
fatouma45
2013-06-29, 02:01
:1: مدام طيابك زين اخلاص راكي هايلة يخصك شوي تعجلي برك
اختي. خذيها نصيحة من عندي او تولي اسرع. من البرق. يعني او تبقى يدك بنينة ههه متخافيش
منتي وجدي كل المقادير. قدامك قبل متبداي اي حاجة
من بعد ابداي تحضيرها قبل متبداي قسمي وقت راحة العجينة و وقت تزيين او وقت الوز او ما شابه
في وقت الانتظار اغسلي ماعن لي متسحقيهمش من بعدها تحضير الحلوة كي طيب اغسل ماعنك
او في الأخير تصيبي روحك كملتي حلوتك او كوزينتك نقية. او من الأحسن عدم الانشغال ب حاجة اخرى.
الأمنيات
2013-06-29, 14:16
شوفي المهم تعرفي
اولا كي تحبي تخدمي حاجة وجديها من قبل مثل الكاوكاو والصوالح الي تطحنوا ويتنقو توجديهم قبل
كي توجي عاد خدمي ربي يوفقك
نور السلام 16
2013-06-29, 15:57
المشكل اختي مش في السرعة بل في تنظيم الوقت و التحظير المسبق مهم جدا بالتوفيق
نجمة ساطعة
2013-06-29, 16:07
انت عادية عند خلل فقط في التنظيم
كي تحبي ديري حاجة حطي في راسك كامل المقادير واللي تتطلب منك توجاد وجديها من قبل
زيدي ابداي برمجي روحك من ذرك انو تخدمي كذا صالحة في نفس الوقت مثلا مش نهار طيبي لبقلاوة
راح نهارك كل حاجة متوقفة عليها ....هذا يتعبك يعني راكي معولة ديري بقلاوة خمي في فطورك
في وقت الانتظار اغسللي لماعن و كذا .....
fee des neiges
2013-06-29, 18:12
حدثنا سليمان بن حرب حدثنا شعبة عن الحكم عن ابن أبي ليلى عن علي
أن فاطمة عليهما السلام شكت ما تلقى في يدها من الرحى فأتت النبي صلى الله عليه وسلم تسأله خادما فلم تجده فذكرت ذلك لعائشة فلما جاء أخبرته قال فجاءنا وقد أخذنا مضاجعنا فذهبت أقوم فقال مكانك فجلس بيننا حتى وجدت برد قدميه على صدري فقال ألا أدلكما على ما هو خير لكما من خادم إذا أويتما إلى فراشكما أو أخذتما مضاجعكما فكبرا ثلاثا وثلاثين وسبحا ثلاثا وثلاثين واحمدا ثلاثا وثلاثين فهذا خير لكما من خادم
وعن شعبة عن خالد عن ابن سيرين قال
التسبيح أربع وثلاثون
ملامح خجولة.
2013-06-29, 19:22
معليش حنونة مدام يدك بنينة
مش مشكل ذرك كي توالفي الطياب
تعودي سريعة
كون تشوفي انا منجي ندير الحاجة غير بذراع
مش مشكل تعودي طيبي برك
الرسمي في الطياب لبنين
ام راضية
2013-06-29, 20:13
المشكل اختي مش في السرعة بل في تنظيم الوقت و التحظير المسبق مهم جدا بالتوفيق
احسن رد
touta2010
2013-06-29, 20:22
السرعة مشي شرط اكيد المهم تكون النتيجة مليحة وبنينة مييي مترقديش في الخط ههههههه لاوم وجدي الحاجات قبل ولما تبدي يكون كلش واجد ماعليك غير تصنعي
اختي كامل االاخوات عطاوك الحل يعني مثلا كي تحبي تحضري البقلاوة هي براحها تشد الوقت تكوني مبتدئة او لا لا بصح المقادير و جديهم قبل الكاوكاو يشد الوقت باش تحمريه ف الفرن و ترحيه لازم نهار قبل هكذا تسرعي و ما تعبيش روحك خاطرش اذا كملتي هاك رايحة تكرهي الطبخ والمطبخ و تعودي ما تدخليش لا فالعطلة و لا فغيرها و الاهم اختي انو طيابك يشهي و متقون لقول الرسول صلى الله عليه و سلم \ خيركم من عمل عملا و اتقنه\
انتي بلون الورد
2013-06-29, 22:18
ماعليش مداااااام الروطار كامل هداك و تخرج كيف هاكا طولتي قيس محبيتي هههههههههههههههههههههه.لالا اختي انا تبانلي قضية تنضيم و قت و خلااااص و ب الوقت تولي سريعة..خرجتلك 444444444444444444
hadjer.m
2013-06-29, 22:22
ربي يخليكم كامل .. و ان شاء الله نستفاد من نصائحكن ..
هايلة و تبان بنينة يعطيك الصحة بالعقل دوك توالفي مع الاول ديما تكوني ثقيلة و اومبعد بالعقل و كي توالفي راح تولي يدك خفيفة نشا الله و الصح كامل كي تجي ماكلتك بنينة ربي يكملك حنونة
ساندي 28
2013-06-29, 23:04
بقلاوه خرجتلك تحفه ماشي خساره الوقت الي ضيعتيه عليها بفايده وعن السرعه تنظيم الوقت فقط ومع الدخول المستمر للمطبخ تلقاي روحك لحقتي بالتوفيق
أمـــــــــــــــيرة
2013-06-29, 23:16
السّلام عليكم
أوّلا أختي الله يبارك راه جاك التّطبيق هايل بصحتك
أختي راه المسألة غير في الوقت
وغير تتعودي خلاص
ربي يهنيك ويوفقك
hadjer.m
2013-07-03, 00:11
شكرا لمروركن حبيباتي .. ربي يفرحكم ان شاء الله
amina nourhanne
2013-07-03, 12:37
الله يبارك جاتك متحوفة
vBulletin® v3.8.10 Release Candidate 2, Copyright ©2000-2024, TranZ by Almuhajir