ساعدونيييييييييييي

[amal10]

:confused:


اللهم صل على محمد وعلى آله وصحبه أجمعين
السلام عليكم ورحمة الله وبركاته



أنا بنت وحيدة عند أبي أمي توفيت من مدة قريبة وانا الأن وحدي مع بابا
راني خايفة يجي رمضان ومنعرفش نطيب حتى حاجة
ساعدوني وأبعثولي كل الأطباق لي نديروها في رمضان ( شوربة . حريرة. بوراك ............. الخ )
والله غير راني خايفة ..........


شكرا

[fleur2007]

أويا اختي أمال ما عساك الا ان تقولي انا لله و انا اليه راجعون هدا هو قدر امك وكل واحد فينا لديه اجل مسمى و عمرنا محدود كم سنعيش 100 سنة او اكتر؟ لا يهم المهم هو ان نقدم في حياتنا ما يرضي الله لان في اي وقت يمكن ان يتوفى احد وكل نفس دائقة الموت ونصيحة لوجه لا تبكي يا اختاه و ان البكاء وراء الميت خسارة و انا اقدم لك احر التعازي يا اختي انا لا اعرفك ولكن هدا واجب كل مسلم و حقوق المسلم على اخيه ستة
معروفة عند الجميع المهم هده تعزيتي لك و ارجو ان تقبليها فابدئي صفحة جديدة و ارجي الرحمة لامك الحنونة يارب ارحمها ارحمها انا أقول لك هدا من قلبي
اللهم إن كانت أم أمال محسنة فزد اللهم في حسناتها . وإن كانت مسيئة فتغاض اللهم عن سيئاتها . وأعفو اللهم عنها وعافها وأكرم نزلها ... اللهم وأسكنها داراً خيراً من دارها وجيراناً خيراً من جيرانها وأهلاً خيراً من أهلها وأكتبها مع الصديقين في جنة العليين ... ونسأل الله لذويها الصبر والسلوان


ان شاء يا أخيتي سأساعدك بإذن الله.........

[أحلام 1234]

إنا لله وإنا إليه راجعون
بالنسبة للأطباق نقدر نقولك طريقة التحضير بصح ما شي كيما تشوفي الحاجة قدام عينيك لكن ماعليش نقدمو اللي نعرفوه .

[amal10]

أويا اختي أمال ما عساك الا ان تقولي انا لله و انا اليه راجعون هدا هو قدر امك وكل واحد فينا لديه اجل مسمى و عمرنا محدود كم سنعيش 100 سنة او اكتر؟ لا يهم المهم هو ان نقدم في حياتنا ما يرضي الله لان في اي وقت يمكن ان يتوفى احد وكل نفس دائقة الموت ونصيحة لوجه لا تبكي يا اختاه و ان البكاء وراء الميت خسارة و انا اقدم لك احر التعازي يا اختي انا لا اعرفك ولكن هدا واجب كل مسلم و حقوق المسلم على اخيه ستة
معروفة عند الجميع المهم هده تعزيتي لك و ارجو ان تقبليها فابدئي صفحة جديدة و ارجي الرحمة لامك الحنونة يارب ارحمها ارحمها انا أقول لك هدا من قلبي
اللهم إن كانت أم أمال محسنة فزد اللهم في حسناتها . وإن كانت مسيئة فتغاض اللهم عن سيئاتها . وأعفو اللهم عنها وعافها وأكرم نزلها ... اللهم وأسكنها داراً خيراً من دارها وجيراناً خيراً من جيرانها وأهلاً خيراً من أهلها وأكتبها مع الصديقين في جنة العليين ... ونسأل الله لذويها الصبر والسلوان


ان شاء يا أخيتي سأساعدك بإذن الله.........

شكرا أختي كثيرا على هذا الدعاء ، ربي يجزيك كل خير ورح نستنى الأطباق

[amal10]

إنا لله وإنا إليه راجعون
بالنسبة للأطباق نقدر نقولك طريقة التحضير بصح ما شي كيما تشوفي الحاجة قدام عينيك لكن ماعليش نقدمو اللي نعرفوه .

شكرا أختي احلام ربي يخليك إن شاء الله نحاول نجربهم وندعيلك

[amal10]

كت أضن أنني أجد المساعدة بينكم بس لأسف ما لقيت حد يساندني أنا زعلانه

[feryale]

البوراك الجزائري








المقادير

1. سـت ورقات بوراك الجلاش
2. ســت بيضات 2 حبات بطاطس كبيرة
3. 2 حبات بصل كبار
4. 1/2 رطل (1/4 كيلو) لحم مفروم 6
5. حبات جبن
6. بقدونس
7. ملح
8. زيت للقلي

الطريقة

1. نقشر البطاطس ونغسلها ونضعها تطهو في الماء المغلي ونضع معها الملح
2. نقشر البصل ونقطعه قطع صغيرة
3. نغسل البقدونس ونقطعه
4. نضع اللحم المفروم في المقلاة ونتركه ينضج
5. نرحي البطاطس بعد النضج
6. نأخذ ورقة جلاش ونضع فيها 2 ملعقة من البطاطس ثم لعقة هريسة ثم ملعقة بصل وبقدونس و3 ملاعق لحم ثم حبة جبن ثم بيضة ونطويها على شكل مستطيل مغلوق من الجهات الأربع ونقليها في الزيت الساخن.

وشهية طيبة


اختكم في الله فريال
منقول للافادة

[feryale]

طاجين الزيتون

وصفة جزائرية

أولا نحتاج لزيتون أخضر بدون نواة .. الأفضل تبليله في الماء يومين مع تغيير الماء مرتين في اليوم عوض غليه لازالة زيادة الملوحة و الحموضة

الطريقة :

نضع قطع الدجاج أو لحم + بصل مفروم + ملح + فلفل اسود + سمن أو زبدة قدر حبة جوز كبيرة (حسب كمية الدجاج)

نضع ما سبق في طاجين و نتركه يتقلى على النار حوالي 10 دقائق ، بعد ذلك نضيف الماء بقدر ما نغطي اللحم أو الدجاج

بعد أن يصير اللحم أو الدجاج مستوي نضع حبات الزيتون و جزر مقطع دوائر

لما يصير الزيتون و الجزر مستوي نأخذ قدر 3 ملاعق كبيرة تقريبا من الصلصة في كأس و نضيف لها ملعقة صغيرة طحين (مليئة جيدا) + ملعقة صغيرة خل .. نخلط جيدا و نضيف الخليط بسرعة إلى الطاجين و هو سخن بحيث نمسك الطاجين باليدين و نحركه حتى تصير الصلصة ثخينة قليلا

و بالهناء و الشفاء

ملاحظة : إذا كان الزيتون من النوع الكبير جدا ممكن نحشيف بلحم مفروم ، و فيه مناطق في الجزائر (الغرب ) يعملوا الصلصة بالطماطم بحيث تصبح حمراء .. لكن عن تجربة الصلصة البيضاء أحسن

و هذا طاجين الزيتون باللحم

--> الموضوع منقول <--

[feryale]

-طبق الكسكسي الجزائري بلحم الظأن
المقادير:
كيلو لحم ظأن مقطع حسب الأفراد , 300غ من حمص منقوع لليلة من قبل, 2 حبات بصل أخضر, 2 طماطم متوسطة, نصف ملعقة فلفل أسود و يمكن الإستغناء عنه للى عندو مشاكل في المعدة, ملعقة كبيرة ملح, 3ملاعق زيت, ملعقة صغيرة من رأس الحانوت (أي خليط من التوابل عندنا يباع و يسمى بهذا الإسم) لتتبيل اللحم, 4 حبات قرع, 4 حبات لفت, 4 حبات جزر, ملعقة أكل من فلفل حار يمكن الإستغناء عنه, كيلو كسكسي متوسط, 2 ملاعق طماطم مصبرة

طريقة التحضير:
قطعي اللحم قطع متوسطة و حطيها في قدر الكسكسي مع البصل مقطع رقيق, الملح, التوابل , الزيت, و قليه على نار هادئة حتى يذبل البصل , ثم أضيفي الطماطم مقطعة و المصبرة و يمكن الإستغناء عنها للحصول على مرق أبيض, أضيفي الماء والحمص و الخضر مقطعة طوليا بطول 4 سم و يترك لينضج,
من جهة أخرى يوضع الكسكسي في الكسكاس (اللى يستعمل فوق القدر حسب الصورة التالية)



ثم يسكب عليه الماء و يصفى و يترك ليتشرب الماء مع حكه باليد لتفكيك الحبيبات و لما ينشف و يتشرب الماء تماما ضعي عليه ملعقة زيت و وزعيها عليه باليد و لما يغلي الماء في القدر ضعي فوقه الكسكاس و خليه ينضج حتى تشوفي البخار يخرج من بين حبات الكسكسي ثم ينزع ويوضع عليه الملح ثم فوقه الماء و يقطر مع الإحتفاظ بهذا الماء و يعاد سكب هذا الماء عليه مرة ثانية و السر في هذه العملية هو أن الماء تشرب بالملح فيعاد وضعه على الكسكسي , ويعاد وضعه على القدر حتى يفور أي يرى البخار يخرج من حبات الكسكسي و ينزع لوضعه في صحن كبير + 2 ملاعق زيت و يحك باليد و يترك ليبرد

لما يبرد يسكب في الصحون و يسقى بالمرق و اللحم


بالصحة و العافية
م.ن.ق.و.ل

[feryale]

قلب اللوز بالطريقة الجزائرية



قلب اللوز




المقادير :
لكيلو من السميد الخشن , كيلو سكر , 300 غ الزبدة, ماء زهر, 2 ليمون كمية من اللوز مطحون ولكن مش رفيع كثيرللحشو , حبات من اللوز للتزيين و يمكن تعويض اللوز بالكاوكاو أو الفول السوداني

نبدأ بوضع السميد في إناء كبير
نضيفله نصف كمية السكر
+ السمن و نحكه باليد جيدا حتى يتداخل الزبدة مع السميد
نبدأ برش ماء الزهر على الخليط و لكن من دون اغراقه أو عجنه لأن المراد أنه لما نضعه في المول يتثبت عليه من دون أي يكون عجينة,
تقسم الكمية لنصفين و تاخذي مول الفرن دائري أو مستطيل , تحطي عليه نصف الكمية و بسمك 7ملم أو أقل يوزع فوقه اللوز المطحون و اللى يكون مبلل قليلا في ماء الزهر و يعاد وضع النصف المتبقي من خليط السميد , يسوى السطح جيدا باليد و يقطع بالسكين لمستطيلات و يزين كل مستطيل بحبة لوز و يدخل إلى الفرن لينضج من تحت و لما تحمر الجوانب طفي الفرن من تحت و اشعلي من فوق حتى يحمر ,
من جهة أخرى يتم تحضير الشربات بالسكر المتبقى بحيث يكون المكيال كالتالي: لكأس من السكر يوضع 4 كؤوس من الماء و نضيف شرائح من الليمون و يترك فوق النار ليغلي بحيث يذوب السكر و تنقس الكمية إلى 3كؤوس
يعني مالازم تكون الشربات سميكة, و بالتحديد يترك 15 دقيقة من بدأ الغليان و يترك ليبرد
و لما تخرجي الحلوى من الفرن ضعي 2 ملاعق من ماء الزهر فوق الشربات الفاترة و ضعيها على قلب اللوز الساخن لحتى يتشربها و اتركيه يتشربها و قدميه قطع في صحن التقديم مع الشاي



ملاحظة : يمكن الإستغناء على اللوز المحشي في الوسط (في هذه الحالة فهو قلب لوز مغشوش)


بصحتكــــــــــــــــــــــــــــــــــــــــ ـــــ ــــم

[amal10]

شكرااااااااااااااااااااااااااااااااااااااااااااااا ااااااا أختى فريال على هذه الوصفات والله فرحت بها كثيرااااااااا ربي يحفظك ويجازيك خيرا

[الكهف الجزائري]

يالبنات وين راها شطارتكم ساعدوا أختكم وساعدونا باه نبدلوا الطياب

[amal10]

والله يا الكهف الجزائري راني نستنا في الوصفات ،صح شريت كتاب بصح نحوس على وصفات مجربينها في البيت مش كيما لكتاب ، وراه قريب رمضاااااااااااااااااااااااان

[بنت تقديدين]

[B]اختي أمال ما عساك الا ان تقولي انا لله و انا اليه راجعون [/ B]
ال البيضاء بالدجاج
المقادير :
لحم دجاج
بصلة
3ملاعق من الزيت
كمشة حمص
الفلفل الأسودو القرفة والملح وكمون أبيض وكروية
3حبات بطاطا
ثوم
الفلفل الأخضر
التحضير:
نضع في القدر الدجاج الزيت والبصل المبشور والقرفة والفلفل الأسود والملح وكمون الأبيض والكروية ونتركها تتقلي لبعض الوقت علي نار هادئة
ثم نضيف الماء والبطاطا المقطعة حسب الرغبة والحمص والثوم الفلفل الأخضر ونترك الكل ينضج
نحصل علي مرق عاقدة
ملاحضة :يمكن قلي البطاطا وإضافة حبة بيض

[feryale]

والله يا الكهف الجزائري راني نستنا في الوصفات ،صح شريت كتاب بصح نحوس على وصفات مجربينها في البيت مش كيما لكتاب ، وراه قريب رمضاااااااااااااااااااااااان

السلام عليكم ورحمة الله وبركاته
اختي امال ماهي الوصفات التي تريدينها بالتحديد وانا ساحاول ان اساعدك باذن الله
اختك فريال

[feryale]

شكرااااااااااااااااااااااااااااااااااااااااااااااا ااااااا أختى فريال على هذه الوصفات والله فرحت بها كثيرااااااااا ربي يحفظك ويجازيك خيرا

عفوااااااااااااااااااااااااااااااااااااااااااااااا اااااااااااااااااااااااااااااااااااااااااختي امال
شكرا على الدعوة
ربي يحفظك ويجازيك خير اختي امال

[amal10]

وعليكم السلام ورحمة الله وبركاته
أختي فريال شكرا للمرة الثانية على الإهتمام والرد ، كنت حابه نعرف كيفاش نطيبو بعض اكلات رمضان مثلا الحريرة وكاش اكلات جديدة تقدر تساعدني وتساعد كثير من البنات لي تحب تجرب الاكلات الجديدة في رمضان . وإذا تقدري تقول لي كاش اسرار باه يولي الأكل بنين ........... شكرا اختي وراني حابه الكل يشارك باه الكل يستفيد

[fleur2007]

يا امال حنونتي اسمحيلي ..كانت عندي ظروف ان شاء نفي بوعدي قبل رمضان ....

[amal10]

:sdf::sdf: مطوليش عليا أختي يعيشك

[fleur2007]

يا امال يا حنونتي اسمحيلي طولت عليك كيما وعدتك حبيت نوريك طريقة طهي بعض الوصفات اللي نطيبهم بنفسي باه تفهميني أكثر ...ونزودك بنصائح في كل مرحلة باه تحافظي وتحصلي على البنة اللي راكي حابتيها..
أولا الشربة (مرمز ولا فريك حسب الذوق) الطبق الرئيسي في شهر رمضان( في بيتنا)
احضري كمية اللحم قطعيها قطع صغيرة ثم اغسليها وخليها تقطر
من جهة ثانية احظري الكوكوت( أو القدرة نطيبو فيها في رمضان فقط) هرسي 5أو6 سنون ثوم( الأفضل انو تهرسيهم في مهراس اذا كان عندك مع القليل من الملح)ثم ترابي حبة بصل وحبة طماطم وأضيفي ملعقتين كبيرتين من معجون الطماطم ثم وملعقة متوسطة من الأفاح (كسبر مرحي تجدينه عند اللي يبيعو التوابل) ولا تنسي ملعقة ملح ( عينك ميزانك) ثم ملعقة زيت( هذه الكمية تضيفيها بيكي درت اللحم اما اذا لم تضعي اللحم فضعي أربع ملاعق زيت ) ثم ضعي اللحم مع الخليط عل النار يتكتك لمدة 3د مثلا (باش يبنن اللحم) وفي الأخير تكوني طبختي كمية من الماء ضفيه على الخليط ومقدار ما ترفدي بلالوش كمية نتاع تشيشة( طبعا تكوني غسلتيها ) وسكري عليها الكوكوت لمدة نصف ساعة تقريبا ..افتحي الكوكوت وشوفي اذا كان طاب اللحم ولا مازال وتشوفي اذا كاشما كان خاصها ملح ولا معجون طماطم ...انت ادرى..
المهم عند التقديم قطعيلها الحشاوش( تقطيع الحشاوش يكون رقيق ) وروشيتات فلفل حار اخضر.... وبالهنا والشفا
ان شاء تكوني فهمتيني وأي سؤال انا جاهزة وفي المساء ان شاء الله نكملك وصفات اخرى ....سلام انتظر الرد....

[fleur2007]

وهذه أسهل طريقة لعمل ألذ بوراك
قومي بطبخ كمية من البطاطا( يعني شرشميها) وبعد نضجها قومي بهرسها( وهي ساخنة لتعطيك نتيجة افضل) اضيفي لها ملعقة صغيرة ملح ونصف الملعقة فلفل أسود ثم اضيفي كمية من الفرماج( اذا استطعت ضعي كمية الفرماج اكثر من كمية البطاطا لتكون البوراكة خفيفة ) خلطي الكل وقسمي الكمية اللي عندك على البوراكات (تعرفين الطريقة) وجهزي الزيت على النارلا تكثري ومن جهة اخرى احظري صفحة وضعي فوقها طرشونة كاغط( لتتشرب الزيت ) ضعي في وسطها البوراكات اللي قليتيهم ..
بعد ذلك ضعيها على طبق التقديم وقطعيها قليلا من الحشاوش وزعيها عليها وبعض روشيتات القارص للتزيين...
(الكمية لم احددها لك انت ادرى بها حسب عدد الأشخاص)
ان شاء الله تعجبك ..

[amal10]

شكرااااااااااااااا ويعطيك الصحة على هذ الوصفة والله غير جات في وقتها أنا كنت حابه وصفات مجربة والله غير عاونتيني بزاف .
وإذا تقدري تكتبيلي الوصفة نتاع الدولمة وإذا مكنتش رح نتعبك ممكن تساعديني في رمضان تبعثيلي الوصفات لي ديرهم ................
وشكرا للمر المليون ربي يجازيك كل خير كل خير والله غير عجبتني ورح ندعيلك في رمضان

[fleur2007]

الحمد لله اللي عجباتك الطريقة والله كنت خايفة ما تفهمينيش ....ولا شكر على واجب فأنا قد وعدتك..
طبق الكبدة المشرملة:كمية من كبد الخروف تقطع قطع صغيرة..
اهرسي 5سنات نتاع الثوم وحبة بصل صغيرة ثم اضيفي ملعقة صغيرة من: الفلفل الأحمر(مرحي) الحار -ملح ونصف ملعقة فلفل اسود لاتزيدي عليها وملعقة كبيرة طماطم مصبرة ورابي حبة طماطم وملعقتين صغيرتين كمون وورقة رند و4ملاعق زيت..
قومي بقلي قطع الكبد مع القليل من الملح قليا خفيفا للبنة ثم ضعيها على الخليط السابق وتركيها تطبخ حتى تنضج.. ثم قطعي الحشاوش وضعيها عليها.... ان شاء الله تعجبك انتظري المزيد

[amal10]

والله غير فهمتك مليح تعرفي تشرحي يعطيك الصحة
صح صحورك

[fleur2007]

الدولمة انواع هذه وصفة دولمة نتاع البطاطا والكورجات والفلفل الحلو
أولا قومي بغسل كمية اللحم اللي حابة ديريها ..
كالعادةهرسي 5أو6 سنون ثوم ثم ترابي حبة بصل وحبة طماطم وأضيفي ملعقتين كبيرتين من معجون الطماطم ( اذا كنتي حابة المرقة تجي حمرة واذا كنتي حاباتيها مرقة بيضة استبدليها بملعقة عرق اصفر) ثم ملعقة فلفل اسود وعودين من قرفة ( نصيحة لاتضعي القرفة المرحية في اي مرق لأنها تسودها بدل اللون الأصفر الذهبي ) ولا تنسي ملعقة ملح ( عينك ميزانك) ثم ملعقة زيت( كما قلت لك هذه الكمية تضيفيها بيكي درت اللحم اما اذا لم تضعي اللحم فضعي أربع ملاعق زيت ) وورقتين رند ثم ضعي اللحم مع الخليط على النار يتكتك(خطوة في كل أنواع اللحوم للبنة) لمدة 3د مثلا .. ثم اضيفي كمشة من الحمص حسب الرغبة وفي الأخير تكوني طبختي كمية من الماء ضفيها وسكري الكوكوت إلى ان ينضج اللحم..
من جهة ثانية تكوني حفرتي البطاطا والكورجات والفلفل الحلو) طبعا تكوني نحيتيلو الزريعة نتاعو).. باه تحشيهم باللحم المرحي..
كيفية تتبيل اللحم المرحي
هرسي 4سنات ثوم ونصف حبة بصل ملعقة فلفل اسود وملح وملعقة صغيرة طماطم مصبرة للبنة وكمية مقطعة من الحشاوش وكمية من روز طايب نص طياب (اضيفي بيضة ليتماسك اللحم هذا اذا مادرتيش الروز ) .. وامزجيهم مع بعض
خطوة مهمة للبنة:قومي بتحمير البطاطا والكورجات والفلفل الحلو تحميرا خفيفا بعد ما حفرتيهم..
ثم احشيهم باللحم المرحي وتكوني قد راقبت نضج اللحم بعد ذلك ضعي البطاطا والكورجات والفلفل
الحلو في المرق وخلهم ينضجو.... وبالهناء والشفاء

كاين ثاني دولمة الكرم ونفس الطريقة استبدليهم بالكرم
الكرم خليه ورقات كبار فوريهم ثم ضعي في داخل الورقة الواحدة كمية من اللحم المرحي ولفيها واربطيها بخيط نتاع خياطة رقيق( لكي لا تفتح طبعا بعد النضج تنزعيه بعد ميكون قد حافظ على شكلو)
...... ...............................
تصبحين على خير وصح سحورك وان شاء نغتنمو كل لحظة من أيام هذا الشهر المعظم

[amal10]

يعطيك الصحة على الوصفات اليوم إن شاء الله في الفطور نجربهم ونردلك الخبر شكرا ليك وراني عارفة بلي تعبتك معايا إسمحيلي ...

شكرا وراني نستنى في المزيد إذا كان ممكن

[fleur2007]

راني نستنى في النتيجة ان شاء تتوفقي في الطياب اذا نجحولك ننسى التعبة

[amal10]

إن شاء الله عولت ندير الدولمة والشوربة فريك وبوراك كامل الوصفات لي مديتهملي
شكرا

[amal10]

شكرا على الوصفات راني جربتهم البارح وجاو بنان لكن الشوربة فريك شوية حارة بصح مليحة يعطيك الصحة وكثر خيرك .....
وأنت واش طيبتي البارح؟؟؟ واش معولة طيبي اليوم ؟؟؟

[شذى القرآن]

اخت نعطيك شوربة VERMICELLE لا اسهل منها
و الكمية على حساب داركم
RAPPè حبة بصل و طماطم خليهم a part
3 حبات جزر و حبة قرعة و حبة لفت اذا كاين قطعيهم على 2
اجبدي ربطة قصبر قطعيه صغير مع عرف كرافس خلي شوية للتزيين
قطعي لحم غنمي قطع صغيرة على حساب عدد الاشخاص
طلريقة التحضير
اجبدي البصل و الطماطم و الخضرة و اللحم و القصبر *الحشيش* مع ملعقة سمن اقليهم مليح 10 دقائق بلا ما تنساي الملح و الفلفل الاكحل والاحمر راس مغرفة و كي راهي تتقلى زيدي ملعقة طماطم مصبرة خليه تقلي
امبعدة مرقي بالماء سخون و خليه يطيب
امبعدة اجبدي الخضرة و ارحيها ب mixeur و لا رحية تاع اليد و خليها تزيد شوية في الطياب
اخحيرا ارميلها حفنة vermeicelle 5 دقايق طفيلها
كي تسقي ارمي شوية حشيش من الفوق
اذا ما فهمتيش حاجة قوليلي

[amal10]

يعطيك الصحة والله غير اليوم راني درت شوربة vermeicelle وتقريبا نفس الطريقة بصح أنا الجزر والقرعة رابيتهم ...
يعطيك الصحة امينة وكا ماتزيدي تكتبي وصفات أخرى باه الكل يستفيد ولي حاب وصفة يلقاها إن شاء الله

[fleur2007]

يعطيك الصحة كنت عارفاتك تنجحي يا أمال والله قد احببتك في الله راني قلت ما نفتحش الميكرو حابة نتفرغ للعبادة في هذا الشهر الفضيل بصح عل جلك ندخل نشوف مشاركتك ونخرج... أما انا درت البارح نفس فطورك شربة ودولمة وبوراك وشلاطة خضراء وحلو وكبدة مشرملة واورداف..
واليوم راني طيبت الشربة وشطيطحة بوزلوف وطاجين زيتون والباقي.. راني نكتبلك وصفاتهم ...
صح فطورك حنونتي امال ..وماتنسايش قراءة القرآن عنده فضل كبير خاصة في شهر رمضان...
وصح سحورك...احبك في الله

[شذى القرآن]

ما كاش مشكل
نديرو عجيجنات بطاطا و لا اسهل منها و طيبي بكل حرية
اجبدي بطاطا على حساب عدد العئلة غليها و امحقيها بالفرشيطة زيديلها فرماج شحال حبيتي 5 حباات مثلا و زيتون خضر قطعيه صغير شوية ملح و فلفل اكحل و لميها بشوية بيض ما تلحقش حبة واحدة
كوريهم و رمديهم في الفرينة امبعد في البياض بيض امبعد في La Chaplure و اقليهم
و اذا حبيتي رافقيهم Avec Une Sauce Tomate

[amal10]

يعطيك الصحة أختى fleur2007 ربي عالم بلي أنا تاني نحبك في الله
ودايمن نحب نحل المنتدى غير باش نشوف واش كتبتيلي ...
وحبيت نقولك بلي أنا دايمن نقرى الٌقرآن قبل صلاة الفجر ومن بعد كل صلاة شوية وراني تاني نصلي في التراويح. هذا شهر واحد في العام لازم نستغلوه مليح ....وكيما قلتي انا ندخل للنت برك باش نحوس كاش مانرفد وصفات ومن بعد نخرج

صح فطورك

[amal10]

أختي أمينة يعطيك الصحة على الروسيت نديرها غدوة ان شاء الله وجابلي ربي هذي لي نسموها سفيرية صح وإلا لا ؟؟
شكرا
صح فطورك حبيبتي

[souna05]

أنا لا أعرف كثيرا في الطبخ لكن أنصحك بأن تتابعي حورية مطبخ في قناة فتافيت لانها تساعد كثيرا