¤¤¤ السوق الجزائرية لمستلزمات الخياطة ¤¤¤

[sarra5]

السلام عليكم

صباح الخير عليكم

اليوم كتبت هذا الموضوع وكلي امل انه يكون فيه تفاعل قوي من عضوات المنتدى الجميل وحتى اعضاءه الي في تخصص الخياطة والتصميم

السوق الجزائرية ماشاء الله مليئة بكل المستلزمات

و مستلزمات الخياطة ماعندي مانقول الله يبارك

لذلك حابة يكون هذا الموضوع هو المقصد الوحيد لمستلزمات الخياطة

كل عضوة تحطلنا

اولا انواع الاقمشة الموجودة في السوق

اسعارها

بماذا يتميز كل قماش عن غيره

استعمالاته

ثانيا حوايج الي تزينو بيهم الفساتين والله ماعلابالي واش اسمهم :1::1: وخاصة اسعارها

ثالثا كل واحدة تسميهم كيما يتباعو في السوق الجزائرية

اذا كان بالفرنسية تكتبلنا اسمه بالفرنسية واذا كان بالدارجة تكتبه بالدارجة تاعنا

لان هذا هو المشكل الكبير مانعرفوش نسميو الحاجة :mh31::D

رابعا الي عندها صور مادابينا مانقولوش لا

يا ريت تكونو فهمتو مضمون الموضوع

ارجوكن ماتكونوش كي السارق يدخل ويخرج هههه:19: راني نهدر على بعضهن المعروفات بالدخول والخروج

المهم الموضوع هذا يحتاج لتفاعل وبدون تفاعل منكن ماراح يكون له حتى معنى:sdf::sdf:

انا والله مانعرف حاجةjamais في حياتي دخلت لحانوت يبيع حوايج خياطة وشريت غير نشوف من بعيد

كلي امل فيكن حبيباتي

[kadikirou]

slm habibati sarra baraka lahou fik 3al mawdo3 a3tini hak mansawarlak chwi sal3a ma li 3andi w nji nhotha m3a asmha heka nfidou chwi al akhawat

[sarra5]

mercii kadi ouii rani nesena

et biensur les prix aussi

aya les filles win rakom!!

[kadikirou]

awalan hadom rahom mostalzamat al harj
hadi anwa3 al fatla

http://im42.gulfup.com/9JEzy.jpg asmha mina al yamin ila al yassar fatla mcha3ra w dir ba 430da w mba3d fatla simple dir ba 380DA w mba3d mochté dir ba 150DA wla marque lamkhayra asmha toison d'or
http://im37.gulfup.com/qvjpe.jpg w hada cordon rguigue ydir ba 5da
http://im38.gulfup.com/YbUjm.jpg
w hada asmou khorkham w kayan li ysamih kontil mais si3rou ma3labalich pq nachri bal quantité
nchalah nkoun afdtkom wa law bi al kalil

[ام عبودة]

يعطيك الصحة فكرة روعة وان شاء الله رايحة تلقي اقبال كير من الاعظاء

[ام مريم اسراء]

موضوع حصري و متميز بارك الله فيك اختي سارة 5 و الله انا فكرت فيها من قبل لكن خوفني التفاعل و قلته كما راكي متخوفة و اكيد مرايحينش نخسرو بل رايحيين نستفادو و نفيدو و اكيد باختلاف الولايات قد تختلف اسماء المستلزمات لكن رايحين نبادرو و انا باذن الله راح نبدا كاشما نصورلك و نرجع

[ام مريم اسراء]

السلام عليكم اولا راني جبت لوازم الخياطة من الموجود :
هادو نوع من انواع العقاش يجيو على شكل وردة و يتباعو بالملعقة ب 2 د و في كل الالوان تقريبا تقدري تزيني بيح رواب الدار او الطرز من مفارش او غيرها و يقدر يدخل في اعمال الكروشي ...... او حتى السواري علاش لالا
http://im39.gulfup.com/TNQCY.jpg
http://im42.gulfup.com/D1TJS.jpg
هاذا يقولولو السوتاج يجي بالدوري او الفضي وفي الوان عادية باستيل و لماعة بكل الالوان يدخل في تزيين المفارش او الجبب او في بلاصة الفتلة و كاين طرز بالسوتاج حوسو عليه في عمي غوغل راه كاين و يتباع بالمتر على ما اضن 25 د و قد يختلف السعر
http://im37.gulfup.com/P0Fnb.jpg
وهاذو انواع بسيطة من الغالونات يدخلو في الجبب نتاع الدار او المنصوريات و هناك عدة انواع مختلفة و السعر اكيد مختلف
http://im40.gulfup.com/TlB7l.jpg
هذا عقاش عقاش بالسلسلة
http://im37.gulfup.com/ATPdX.jpg
هذا خيط الفتلة
http://im41.gulfup.com/SuYnX.jpg
iهاذا انواع الروبون
http://im39.gulfup.com/5nVVd.jpg
و هاذا الفيل دوبيش او سبيب او الخيط الشفاف + الكشتبان يستعمل في الاصبع باش مدققش البرا اثناء الخياطة او الطرز
http://im38.gulfup.com/HKcAL.jpg
الكالك الخاص بالبترون
http://im39.gulfup.com/9qakm.jpg
و هذو قفالي تيك تاك يتباهو 40 د
http://im37.gulfup.com/ZfplG.jpg
iهاذو لي بيي ستعملو في كف اشياء كثيرة و يعطو شكل جميل اكثر استعمال ليهم في الطابليات بانواعهم لي بافيت و الفساتين خاصة نتاع الاطفال و تروسو المطبخ و المترة على ما اضن 25 د
http://im42.gulfup.com/Nl1nL.jpg
هذا قماش الشهدة او الفيلي المتر ب 100 د و يستعمل في مفارش و تروسو و نبات العرائس و نقدملكم فكرتي المبتكرة نقصوه دوائر او شكل بيضوي و نخدمو ورود من الكروشي و نلصقوها ساير داير راني مكملتش خدمتو
http://im41.gulfup.com/zgp4J.jpg
iهاذا روبون اتو كولون يستعمل اكثر في كف البنطلونات خاصة الرجالية و يغنيكك عن الخياطة تطوي البنطلون و تخلي الروبون بين القماش و تحديه بالمكواة يلسق بالحرارة و يعطيك شكل واقف و متقن و السعر راني نسيتو
http://im37.gulfup.com/Ka4Xt.jpg
هذا كوتون بيرلي يخدموبيه الصدور نتاع الكروشي البوبينة الصغيرة ب 25 و الكبيرة ب 50 د
http://im42.gulfup.com/iPqNt.jpg
هدا اسمو خيط الفريزي يستعمل في الطرز او الكروشي
http://im39.gulfup.com/N08AO.jpg
هذا ستراس في شكل رشام يجي لاسق في سكوتش و يلسق بالحديد يتباع 70 د و يتغير السعر حسب نوع و كبر الرشام و يستعمل اكثر في العباءات وفي السواريهات
http://im38.gulfup.com/sVFLF.jpg
هذا شريط متري يستعمل في اخذ القياسات و هو ضروري جدا في الخياطة
http://im40.gulfup.com/vrRRO.jpg
و هذا الشمع نتاع البيسطولي يجي مع كابوس خاص لما يسخن يذوب نستعملوه في اغلب الاشغال اليدوية و هو ضروري و عملي جدا
http://im41.gulfup.com/VvohK.jpg

الي اللقاء و في موعد ثاني باذن الله و للبقية حديث

[om mohamed 1960]

مبادرة جميلة اناوحدة عندى مستلزاما ت خياطة نحطهم عن قريب للافادة. يعطيكم الصحة .

[nounoudjs]

موضوع حصري و متميز بارك الله فيك

[sarra5]

شكراا الاخت كادي وام مريم نورتو موضوعي بمشاركتكم فيه

افدتوني بزاااف

[laz chaima]

انواع الاقمشة و الاسعار كيما تحبي حسب المتر

http://img.alibaba.com/photo/138279072/58_60_Rose_Soft_Silky_CHARMEUSE_Fabric_Sewing_Fabr ics_100_Polyester_High_Twisted_Yarn_w_High_Density .jpg

http://www.irhal.com/image/stories/cities/Karachi/cloth-01.jpg

[sarra5]

شيماء هذا واش نحوس على اساميهم ياو مانعرف والوووووووووووووو ههههه

اعطيني اسماء اقمشة و واش نقدرو نخيطو بيهم واسعارهم

على حساب خبرتك المهنية

[sarra5]

ام مريم واش اسمهم بالفرنسية التجار يتعاملو بالفرنسية تجي تقولهالو بالعربية مايفهمش تقول عليه رومي هههههه

و قلتي الغالون ربي يعيشك اكتبهالي بالفرنسية باه نعرف ننطقها نعود نقولهالو كيما مكتوبة يشبع ضحك

وتاني الاستيراس ديما لبنات يحكبو عليه وانا الجايحة ماعلاباليش واش هو

ياخي هكا يتنطق الاستيراس ولا كيفاه؟؟؟

اسمحلولي والله راني حايسة بزاف في حوايج لخياطة

[ام مريم اسراء]

شوفي اختي اسمو بالفرنسية galon و يوجد galon de denttele و galon de satin و galon marocain نتاع القفاطن و ruban galon كل هاذو تقدري تحوسي عليهم عند عمك غوغل و تشوفي الصور

[sarra5]

aah d acc merciii hbibtiiii

[ام مريم اسراء]

لا اختي سارة 5 لا شكر على واجب

[ام مريم اسراء]

مساء النور

راني جبتلك اداة مفيدة جدا نعرفكم بيها بالصورة و من بعد نجيبلكم كيفية استعمالها
في هاذ الرد حبيت نوريلكم اداة اسمها la courbe . و هي مهمة جدا في الخياطة و صورها وهي في شكل مسطرة و تسمى بالعربية المسطرة المحدبة
http://im38.gulfup.com/ThZRa.jpg
وهي تساعدنا في رسم البترون في دورانات الابط و الكم و تقوسات و الانحناءات بسهولة
فعلا تعتبر مهمة اما عن سعرها اكيد متفوتش 150 د

[ام مريم اسراء]

اما الستراس فهو بالفرنسي strass و متواجد باحجام مختلفة منو الي يتخيط و منو الي يلسق بالمكواة اكتبي في strass auto colant يجي باشكال و احجام و الوان كثيرة
و راني جبتلك صور
http://im38.gulfup.com/0f5nu.jpg

http://im40.gulfup.com/7lc0L.jpg
و النوع الاول انتي تقدري تحطي رسمة معينة و تحطي حبة الستراس و تحدي اما الثاني فهو سهل تنحي الشريط الاصق و تحدي من الفوق بعدما تحطي ورق من الفوق
و في السنوات الاخيرة جات موضة تزيين الهواتف النقالة بالستراس و كاسن عدة فيديوهات منها

http://www.youtube.com/watch?v=05VXui3DWwk

شكرا

[ام مريم اسراء]

اكتب في google الجملة التالية strass auto colant وو روحي للصور اكيد راح تستفادي اكثر على شرط تدعي لاولادي بالحفظ

[ام مريم اسراء]

الف الف مبروك اختي سارة على تثبيت الموصوع شفتي راني عديتك و ان شاء الله رايحة نعاونك و انا عند وعدي

[fifiarch]

مساء الخير لبنات
واش احوالكم
انا جبتلكم بعض الادوات نتاع الاعمال الفنية لانو هاذ الصور المتوفرة والمرفوعة حاليا
الانترنت مهبلتني مانقدرش نرفع صور جديدة
وتان ماشاء الله كاين خياطات شاطرات هنا يحطولنا ادوات الخياطة المهم نبداو على بركة الله بالادوات

عندنا اولا الدبلة او الريبون يعني شرائط الساتان نستعملوهم للطرز والتزيين عندهم عدة احجام من نص سنتيمتر الى سنتيمترين
البوبينة نتاع كيما لي في الصور ب40 دج للسامبل و50 دج اللامعة

http://im12.gulfup.com/2012-03-11/133147404512.jpg

وعندنا ابرة الطرز بالدبلة وممكن تان نستعملوها لعمل الفتلة ويسموها ابرة الكوبرا راسها يجي واسع شوي والاخرى لي كيما الابرة العادية وكبيرة هاذيك تان نستعملوها في الدبلة والفتلة وخياطة البساطات يديرو 20 دج

http://im14.gulfup.com/2012-03-11/1331474603632.jpg

وكاين الطارة او القرقاف نستعملوها في انواع الطرز باه تجبدلنا القماش مليح ونقدرو نخدمو على القماش عندو عدة احجام من الصغير للكبير وهاذ لي في الصورة متوسط اشتريتو ب 250 دج

http://im14.gulfup.com/2012-03-11/1331474604133.jpg

وهنا القماش لي يتخدمو منو البساطات اسمو الكريستال او الجرزي او في مناطق يقولولو عبد الرؤوف :1::1::1:يتباع 80 دج للمتر

http://sphotos-e.ak.fbcdn.net/hphotos-ak-ash3/545218_515831658457174_1322786191_n.jpg

وهاذي الصبغة لي يرسمو بيها على القماش تدير 150 دج للقرعة

http://sphotos-e.ak.fbcdn.net/hphotos-ak-snc7/3418_471549349552072_1752020415_n.jpg

وهاذو من انواع الفرشاة لي نرسمو بيهم على القماش للاسف مانتذكرش الثمن نتاعهم

http://sphotos-f.ak.fbcdn.net/hphotos-ak-snc7/602456_471549406218733_1314433229_n.jpg

وهذا القماش اسمو البوبلين نرسمو عليه بالصبغة ونستعملوه للطرز ونخدمو بيه طابليات الولاد او الكوزينة يدير 200 دج للمتر كان ارخص مي ضك ولاو غلاو فيه

http://sphotos-d.ak.fbcdn.net/hphotos-ak-snc6/189373_471549459552061_1953499828_n.jpg

وهذا البريون او اللماع او الجليتر يرشو بيه على الصبغة او على القماش للتزيين يدير 20 دج للقرعة

http://sphotos-h.ak.fbcdn.net/hphotos-ak-ash3/545507_471549782885362_992755703_n.jpg

وهذا الناب نتاع البلاستيك هو سامبل يدير 50 دج
لكن بعد التزيين شوفي واش يولي

http://sphotos-b.ak.fbcdn.net/hphotos-ak-snc6/262763_504331469607193_954407980_n.jpg
http://sphotos-a.ak.fbcdn.net/hphotos-ak-ash4/379521_504332249607115_1178222451_n.jpg

[ام مريم اسراء]

مشكورة اختي fifiarch على المعلومات ربي يبارك فيك

[stayfiya]

سلااام ما حبيتش ندخل و يديا فارغين جبتلكم موضوغ ختي وفا ربي يخليها دارت موضوع باهي يمكن راكم شفتوه
http://www.djelfa.info/vb/showthread.php?t=1233671

[ام مريم اسراء]

مشكورة اختي على الرابط اكيد استفدنا منو كثيرا ربي يبارك فيك

[sarra5]

فيفي بارك الله فيك على المشاركة الفعالة و شكرا لتثبيتك للموضوع

السطايفية مشكورة على الرابط

في انتظار المزيد منكن حبيباتي

[بشرىa]

السلام عليكم

اود أن اشكر كم على هذا الموضوع ،،،،،،،،فعلا شحال من مرة نروح للسوق ونلقى حاجات جدد وبصراحة ما نسقسيش عليها،،،،الحشمة،،،،والحمد الله بفضل المنتدى نقدر نعرف حوائج بزاف،لأني نحب الفصالة و الخياطة ومحاكم تعلمت أمور جميلة بزاف
فالله يبارك فيكم ويحقق امانيكم

[sarra5]

اهلاا بيك بشرى رانا كامل نتعلمو وان شاء الله بفضل المنتدى و عضواته الفحلات نتعلمو بزاف حوايج

[مرام 1987]

Wallah ghir fikra hayla ana kif habssa f hwayaj khoyata malgre nhabha nmout 3liha ani dkika 3la dkika w nadrab tala 3la wach hato akhawat kachma natthakaf chwiya

[رحمة من المولى]

هادو لوازم صدر البلوزة الوهرانية
النيلون: يتباع بالميترا
العقاش الفضي عبارة عن سلسلة متلاصقة من العقاش
العقاش الغوز كم الفضي
التول: يتباع بالميترا
الكنتير يتباع بالكيلوhttp://www6.0zz0.com/2013/03/26/16/757185267.jpghttp://www6.0zz0.com/2013/03/26/16/246708967.jpghttp://www6.0zz0.com/2013/03/26/16/620050737.jpg
تحيااااااااااااااتي

[biba04]

مساء الخير جميعا
مشكورة سارة علي طرح الموضوع
فكرة لرائعة وحابة لي تدخل للموضوع
تفيدنا باي معلومة حتي صغيرة لانها عند البعض
كبيرة
راح نبدا مع بعض الاقمشة الموجودة
عندي في المنزل

هدا اول قماش شريتو الاسبوع لي فات
جديد لصيف
اسمو (ديجيتال)
السعر 55الف للمتر
http://im41.gulfup.com/MGrMM.jpg


وهدا بيزو بيزو
كامل تعرفوه كاين السامبل ولي فيه رشمات

http://im41.gulfup.com/orxNc.jpg


http://im42.gulfup.com/H40K6.jpg

http://im42.gulfup.com/XRFsB.jpg




وهدا القماش اسمو (كريستيان ديور)
السعر55الف للمتر
قماش رائع يناسب جدا البدرون او سواري

http://im37.gulfup.com/vw6og.jpg

وهدا القماش اسمو (دوبل فاس) يعني ذو وجهين
تقدري تخيطي من كلتا الجهتين وهدا القماش
جديد وكاين القديم
سعر الجديد 40الف للمتر
والقديم 30الف للمتر
الجديد فيه طيات صغيرة
http://im37.gulfup.com/27Kta.jpg

http://im37.gulfup.com/uHkPh.jpg

وهدا القديم سامبل
http://im40.gulfup.com/8XshF.jpg


هدا ساتان غومي (goمي)
45الف للمتر
فيه الوان بلا حدود ههه يستعمل لقنادر الميكرو او عادية
http://im41.gulfup.com/4X5o1.jpg


هدا الساتان ماروكان
السعر نسيت
http://im41.gulfup.com/FFNbz.jpg


وهدا قماش ميليسا اسوء قماش جربتو
عندكم تشروه لانو بعد الغسل يتحول
وايضا قماش لميس سيء
(عن تجربة)


http://im41.gulfup.com/2ZVk3.jpg


وهدا كراب عباية خفيف جدا
وسعر40الف للمتر
http://im41.gulfup.com/2YCVq.jpg


والان الاقمشة الشفافة
هدا القماش عجبني بزاف
سقسيتو علي اسمو قالي(لاشارماز مطروز)
وسعر 250الف للمتر بصراحة غالي وباهي
http://im40.gulfup.com/i3pIW.jpg


هدا لاشارماز سامبل
السعر45الف
يستعمل لسروال دزيري او سواري
http://im40.gulfup.com/7nMoI.jpg


وهدا لاموسلين معروف
http://im40.gulfup.com/RqIg0.jpg


ولي عودة مع الاقمشة جديدة
:mh31::mh31::mh31:

[sarra5]

شكراا لكي رحمة على استجابة الطلب

بيبا بارك الله فيك

كفيتي ووفيتي من ناحية انواع الاقمشة و اسعارها ايضا

[RANIA32]

مشكورين على الموضوع الرائع

[rim-25]

موضوع رائع فعلا

[ام مريم اسراء]

مساء النور اخواتي كيف احوال اختي سارة 5 اسفة لاني مقصرة في النشر في موضوعك و دلك لانو النت رتحت من منزلي و راني نكونيكتي من دار بابا قلت هكدا طلة على طلة خيرمن مكانش ان شاء الله لما ترجع النت راح نجيب الجديد باااااااااااااااااااااااااااااااااااااااااااااي

[sarra5]

لااا مافيها والوا علابالي كل واحدة فينا عندها انشغالاتها الخاصة وظروفها

الموضوع دوما في انتظارك حبيبتي

[ام صفوة 73]

راهو خرج عندنا قماش اسمو حريم السلطان اللى شراتو تنعتولنا من فضلها

[stayfiya]

http://www.anagulf.com/uploads4/70801abe11ec1.jpg

هاذو لي زيستراس و هذاك النيلو سيرسو يجي في لي روب قانفلي و انا ستعملتو في كورساج باش يجي واقف بيان

[ange du paradis]

يعطيك الصحة موضوع رائع
أنا عندي بعض الحوايح نحطهم وان شاء الله نفيد ولو بقليل


هذي satin tunisienne عرض 1.50 سم دير بـ 320 دج


http://im41.gulfup.com/VXzDo.jpg (http://www.gulfup.com/?za7LHE)



وهذي satin laser عرض ثاني 1.50 سم دير بـ 450 دج



http://im41.gulfup.com/dBCT5.jpg (http://www.gulfup.com/?w7WR37)




وهذا تيل لامع عرض 1.50 سم ب 160 دج



http://im41.gulfup.com/ZaOln.jpg (http://www.gulfup.com/?wOz4xQ)




وهذا مانعرفش اسمو مي يجي كي الخلية رايحة نخدم بيه ان شاء الله des napperons عرض 1.50 ب 150 دج




http://im41.gulfup.com/IWuhG.jpg (http://www.gulfup.com/?XbxpOq)



وهذي popeline عرض 2 و رربع وقيلا صحيح 2 وحاجة دير ب الله أعلم 250 دج نسيت



http://im41.gulfup.com/7egn5.jpg (http://www.gulfup.com/?SApsjE)




وهذي ribbon نقولولها سفيفة كاين من هذي عرض 0.5 وأكثر



http://im41.gulfup.com/wqPh7.jpg (http://www.gulfup.com/?t46bja)



هذي 50 دج


http://im41.gulfup.com/PLcTy.jpg (http://www.gulfup.com/?3jrLqq)


وهذي 40 دج



http://im41.gulfup.com/H4NVI.jpg (http://www.gulfup.com/?1YdvxZ)




وهذي la dentelle فيها 10 أمتار ب 130دج



http://im41.gulfup.com/wfbqL.jpg (http://www.gulfup.com/?CEjdSp)



وهذا fil de peche دير 25 دج أو 35 دج



http://im41.gulfup.com/BGD14.jpg (http://www.gulfup.com/?5pek1F)





هذا crochet دير 20دج كاين في أحجام من الرقيق حتى الغليض تاع الصوف



http://im39.gulfup.com/oqE5a.jpg (http://www.gulfup.com/?6vRQrt)




خيط coton perlé الكبير ب 40 دج والصغير dmc ثاني 40 دج



http://im39.gulfup.com/H7YsL.jpg (http://www.gulfup.com/?HlaOkN)



http://im39.gulfup.com/k6XIy.jpg (http://www.gulfup.com/?2mpGRR)



http://im39.gulfup.com/zzuuU.jpg (http://www.gulfup.com/?tYGNps)



وهذا cordon فيه 9 أمتار ب 100 دج



http://im39.gulfup.com/RbR8s.jpg (http://www.gulfup.com/?bquDmM)



وهاذو أنواع من العقاش




http://im39.gulfup.com/MjT4w.jpg (http://www.gulfup.com/?IRrJfQ)




http://im39.gulfup.com/wCpSR.jpg (http://www.gulfup.com/?GlskGA)



http://im39.gulfup.com/zDBTO.jpg (http://www.gulfup.com/?agkCO4)

[sarra5]

شكراا سطايفية و الاخت ange du paradis

بارك الله فيكن

[ange du paradis]

شكراا سطايفية و الاخت ange du paradis

بارك الله فيكن






وفيك بارك الله حبيبتي ;)

[laz chaima]

mercii kadi ouii rani nesena

[sabrinask]

ألف ألف شكرا ليكم على هذا الموضوع و على هذا الإفادة الوافية و ارائعة
جعل الله مجهوداتكن في ميزان الحسنات

[yakin]

بإذن الله سأحاول وضع ملف كامل عن مستلزمات الخياطة في موضوع مستقلو مفتوح للإثراء من طرف الجميع و بارك الله فيك على الفكرة المميزة

[meriem mirey]

مشكورة سارة علي طرح الموضوع
1-هذا satin duchaisse
http://www.arab4load.info/uploads/1d3d1370005116282.jpg
2-هذا satin marcain
http://www.arab4load.info/uploads/1d3d1370005116794.jpg
3-هذا satin crepe
http://www.arab4load.info/uploads/ff0c1370005114931.jpg
4-هذا satin de sois
http://www.arab4load.info/uploads/1d3d1370005116523.jpg
اسمحيلي اختي مشغولة الآن ماشاركتش بالصور !!

[sarra5]

مشكورة سارة علي طرح الموضوع
1-هذا satin duchaisse
http://www.arab4load.info/uploads/1d3d1370005116282.jpg
2-هذا satin marcain
http://www.arab4load.info/uploads/1d3d1370005116794.jpg
3-هذا satin crepe
http://www.arab4load.info/uploads/ff0c1370005114931.jpg
4-هذا satin de sois
http://www.arab4load.info/uploads/1d3d1370005116523.jpg
اسمحيلي اختي مشغولة الآن ماشاركتش بالصور !!

شكراا لكي اختي بارك الله فيك

[diia111]

رااااااااااااااااااااااااااااااااااااااااااااااااا اااائعة بارك الله فيك

[Oum alea]

موضوع رائع أفادني كثيرا

[assil2]

سارة مشكورة جدا جدا على الموضوع المهم جدا بارك الله فيك وفي اﻻخوات اللي افادو فيه

[nadia dadi]

موضوع ممتاز راح يخلينا نطلب من البائع دون تردد في اسم اللوازم

[sarra5]

يا ريت بقية الاعضاء خاصة الخياطات المتعودات على شراء كل ماهو جديد يفيدونا

[hope of life]

مساء النور

راني جبتلك اداة مفيدة جدا نعرفكم بيها بالصورة و من بعد نجيبلكم كيفية استعمالها
في هاذ الرد حبيت نوريلكم اداة اسمها la courbe . و هي مهمة جدا في الخياطة و صورها وهي في شكل مسطرة و تسمى بالعربية المسطرة المحدبة
http://im38.gulfup.com/thzra.jpg
وهي تساعدنا في رسم البترون في دورانات الابط و الكم و تقوسات و الانحناءات بسهولة
فعلا تعتبر مهمة اما عن سعرها اكيد متفوتش 150 د
مشكورين اخواتي على الافادة.....انا عندي هاذ المساطر يقلولهم بيروكي....شريتهم ب500دج زعما قالنا نتاع الخارج....ياريت الي عندها طريقة الاستعمال تحطهانا...وربي يجزيكم الفردوس

[امنة جاب الله]

:(:(:(:(:(:(:( ربي يعون منعرفش تحميل الصور ....واحد ما علمني

[sarra5]

مشكورين اخواتي على الافادة.....انا عندي هاذ المساطر يقلولهم بيروكي....شريتهم ب500دج زعما قالنا نتاع الخارج....ياريت الي عندها طريقة الاستعمال تحطهانا...وربي يجزيكم الفردوس

باه ترسمي الطابق على الباترون والتقويسات

[hope of life]

باه ترسمي الطابق على الباترون والتقويسات

يعني توضع مثلا على مكان الطابق ونرسم مباشرة!!!!!

[kaouka]

http://im41.gulfup.com/VXzDo.jpg (http://www.gulfup.com/?za7LHE)

[kaouka]

:dj_17::dj_17::dj_17::dj_17::dj_17:

[sarra5]

يعني توضع مثلا على مكان الطابق ونرسم مباشرة!!!!!

لااا اكيييد تحطي الطول تاع الطابع لكن هي تساعدة في عمل التقويسى حتى ماتجيش معوجة

[أم عبد الرحيم1]

شكرا على الموضوع والله صح اختى حتىانا مانعرفش اسماء القماش وفاش ينفعو شكرا على الموضوع وراح كامل نستفادو

[أم عبد الرحيم1]

بصح وعلاه الصور مايظهروش

[اسيا26]

شكرا على المعلومات