طلب مساعدة

[نصال06]

علا بالي كترت عليكم بطلباتي اليوم راني نحوس على كاش وحدة متمكنة من الديول و تعلمني اسرار نجاحهم svp:dj_17:

[kroudja]

inchallh ifidok labnate

[إلهام07]

ماكثرتي ماوالو ، رانا هنا في الخدمة ، أي تساؤل تفضلي ، رانا هنا باش نتعلمو ،
هاذي الوصفة ، أسهل ما يكون :
http://www.djelfa.info/vb/showthread.php?t=1194340&highlight=%C7%E1%C8%E6%D1%C7%DF

[نصال06]

يعطيك الصحة اختي بصح انا راني نحوس على الديول لي يعجنو عجينتهم وتولي العجينة كي لاستيك

[نصال06]

اناقصدت ديول تاع الدقيق ارجو المساعدة على خاطر راني شريت السنيوة اللي يطيبو فيها ارجو ان اجد جواب

[المستغفرة]

اسفة اختي عندي تاع الفرينة

[عروبة2003]

اناقصدت ديول تاع الدقيق ارجو المساعدة على خاطر راني شريت السنيوة اللي يطيبو فيها ارجو ان اجد جواب
السلام عليكم ورحمة الله تعالى و بركاته
وصفة الديول تاع الدقيق تاخذي كمية من الدقيق او السميد من الاحسن الرقيق اللي تعملي بيه لمحاجب و كاين اللي يخلط بين السميد و الفرينة وتزيد قرصة او 2 تاع ملح وتبلي بالماء عادي حتى تتحصلي على عجينة متماسكة غطيها وخليها ترتاح حوالي 10 -15 دقيقة ثم تبدئي في عجنها مثل لمحاجب تعجني و تضيفي الماء بالشوية حتى تصبح عجينة بيضاء و تترشق و واصلي في اضافة الماء حتى تتحصلي على عجينة مطلوقة و جارية شوية على تاع لمحاجب و خليها ترتاح قليلا ثم تاخذي مقلة تيفال او سنيوة بعد ما نسخنها وتاخذي عجينة في يدك و تمسحي بها على السنيوة بلا ما تقيس يدك السنيوة يعني تمشي لعجينة باصابع اليد حتى تغطي وجه السنيوة كامل ثم كيما تشوفي لحواشي تاع الورقة تاع الديول بداو يتنحاو وحدهم من المقلاة تنزعي الورقة و تضعيها في قطعة قماش نظيفة و تكملي باقي الاوراق و تغطيهم و تضعيهم في الثلاجة لحين الاستعمال.
و اذا كان عند اي استفسار انا في الخدمة

[نصال06]

يعطيك الصحة اختي برك السنيوة ندهنها بكا ش حاحة و لا لا لا

[عروبة2003]

بلامزية اختي انا شخصيا نعملها في مقلة تيفال ماندهنهاش لكن ممكن تدهني بقليل من الزيت حتى لا تلتصق و جربي وكل مرة تعمليها توالف يدك عليها و تصبحي ماهرة في صنع الديول