من غير حشمة

[ayadat81]

بسم الله الرحمن الرحيم


تحية طيبة لجميع الأعضاء المحترمين


طريقة تأديب الأطفال تختلف من جيل لجيل دعونا نتذكر أحلى أيامات الطفولة و ننصح الجيل الجديد و الأمهات كيف أدبنا و الطرق التي أستعملت معنا لتلطيفنا و ترييضنا

ملاحظة : هذه النصائح و الطرق ليس لتطبيق


كطارح للموضوع سأتحدث على طريقة إستعملتها أمي العزيزة

طريقة حشو ملعقة فلفل أحمر في فمي لكي أكون لطيف في ردي و كلامي

أترك لكم المجال من غير حشمة

[asmagirl90]

وهل هادي الطريقة جابت معاك نتيجة

[ayadat81]

علي ما مازلت نتذكر كان الوالد ربي إطول في عمرو وأنا صغير إذا عملت عملة وحظر عليها لازمني سرفاق ولا زوز وإزيد يمنعني باش نبكي بصوت تبدي الدموع تسيل ساكوتي ومينجم حتي حد إحز عليا.
شوي شوي وليت نتجنب الأغلاط إلي توصلني لطريحة،
رغم الي الوالد مقراش بزاف لكن أسلوبو في تربيتنا كان فيه جانب كبير من الحكمة وإلي يوم الناس هذا مازلت متأثر بنصائح الوالد وأسلوبو وإلى يوم الناس هذا ورغم إلي كل واحد فينا بعد علي بيت العائلة مازلنا انشاوروه في كل الأمور الهامة وغير ..
ربي إقدرنا ونردولهم شوي من الجميل متعهم وربي إرضيهم علينا

[مريم الصابرة]

السلام عليكم اخي موضوعك جميل جدا
صح والدينا إستعملو معانا طرق في وقتها كانت تباننا قاسية بزاف لكن فيها حكمة كبيرة
كنت لما نغلط الوالد رحمه الله يجيلي قرلو ويديرو في جيبي نموت بالبكا ويزيد يمعني نبكي وليت ما نغلطش نهائيا لكن كبرت وشيا ولينا اعز اصدقاء انا ووالدي وعادي ما يعاقبني ما والو وعقلي نضج شويا وحتى نغلط نصارحو ويفهمني بحكمة فالكلام كل كلمة محال ننساها وحتى ومات مازال كلامو في بالي بارك الله فيك شكرا.

[sarah1424]

hhhhhh dakrtouni f hadouk lyam pour mama jamais darbetna kaml impossible todreb mais kanet t3ayat 3lina konna nmoutou belkhouf menha ah kanet trop serieuse mais papa rabbi ysamhou mahouch hnin khlass kan l ydir haja mate3jbouch ykhalih lase9 f lmur whaz 2 idine wrjel yaaa 3dab marra 3a9ebni wkhrej wmen lkhouf b9it 5 h ala hadik lhal hattan rja3 mais ana maandich sbar f lfutur nchalah wladi zelga bfelga ana idi khfifa ldareb stt les enfant l yderangiwni aaah rabbi yostor

[sarah1424]

بسم الله الرحمن الرحيم


تحية طيبة لجميع الأعضاء المحترمين


طريقة تأديب الأطفال تختلف من جيل لجيل دعونا نتذكر أحلى أيامات الطفولة و ننصح الجيل الجديد و الأمهات كيف أدبنا و الطرق التي أستعملت معنا لتلطيفنا و ترييضنا

ملاحظة : هذه النصائح و الطرق ليس لتطبيق


كطارح للموضوع سأتحدث على طريقة إستعملتها أمي العزيزة

طريقة حشو ملعقة فلفل أحمر في فمي لكي أكون لطيف في ردي و كلامي

أترك لكم المجال من غير حشمة

ah wallah s3iba felfel f fomok k 9ritha dhaket et au mm temps khoft mrc k 9otli aliha bech ndirha lmes enfants

[djeriou]

قليل ما كلينا السوط حتى قلنا فيكس...

[fafou12]

انا يا خويامفهمتش فيها والو انت تتكلم على بباك كيفاش كان يعاقب فيك و جابت نتيجة بصح ولاد ضرك معدتش الاسليب هذي تجيب معاهم نتيجة بالعكس تزيد تجرمهم و ميعودوش يخافو من الضرب و زيد كي تقرا كتب التربية ينهونا عن الضرب و التخويف على خاطر شخصية الطفل تجي مهزوزة و يفقد الثقة بنفسه و الا حنيت عليه و عاملتيه كانسان محترم راح يسحب منك كل الاحترام و تكون انت شخص شخصيتك ضعيفة معاه المهم هي معادلة صعبة الشاطر اللي يوصل ليها هذا رايي و انا احترم كل الاراء بدون تمييز لاني قد اكون مخطئة في كلامي

[ayadat81]

انا يا خويامفهمتش فيها والو انت تتكلم على بباك كيفاش كان يعاقب فيك و جابت نتيجة بصح ولاد ضرك معدتش الاسليب هذي تجيب معاهم نتيجة بالعكس تزيد تجرمهم و ميعودوش يخافو من الضرب و زيد كي تقرا كتب التربية ينهونا عن الضرب و التخويف على خاطر شخصية الطفل تجي مهزوزة و يفقد الثقة بنفسه و الا حنيت عليه و عاملتيه كانسان محترم راح يسحب منك كل الاحترام و تكون انت شخص شخصيتك ضعيفة معاه المهم هي معادلة صعبة الشاطر اللي يوصل ليها هذا رايي و انا احترم كل الاراء بدون تمييز لاني قد اكون مخطئة في كلامي

وكما قال علي بن أبي طالب رضي الله عنه

((ربو أبنائكم غير تربيتكم فإنهم خلقوا لزمان غير زمانكم))

الله يقدرنا عليهم

[الأمنيات]

اعجبني موضوعك لي عودة احكي كيف تربيت وكيف راني نربي اولادي
شكرا

[الحنان المفقود]

الفلفل لا أحبه فكيف لهم أن يعاقبوني به:)
كان الضرب الوحيد في طريقة تأديبي وحتى منعي من الاكل:cool:

[amina-alaa]

صراحة انا استعملت هده الطريقة مع ابنتي الصغيرة 3سنوات
بكيت في البداية لكنها اتت ثمارها
سمعت كلام بديء من ابن الجارة و ظلت تردده عند الزعاف
ظل ابوها وانا مدة شهر نوجهها دون فائدة
حرمتها من الالعاب والتنزه
كل الطرق بلا فائدة
في يوم عملتها الفلفل وبقيت ربع ساعة تبكي
و من دلك اليوم لم تنطقها

[faty05]

ابي كان يعمل لم يكن حاضرا كثيرا لتأديبنا
لكن امي كانت بالمرصاد تفتح التيويو تع الغاز على 2 و تشحطنا بصح مش ديما و الحمد لله خرجتنا متربيين و الكل يشهد لذلك حتى ابي و كان كي يروح للدار كلمة ما يسمعهاش خاصة امي انها ربتنا انه ابي لما يعود للبيت لازم الهدوء التام
طريحت امي جابت نتيجة ههه

[sarra5]

mama kanet tkhawefna ktar hhh

par exemlp ki ndiro haja machi mliha t9olena ke rabi ki tregudo rah yeb3atelkem 3zraiil (wana makontch na3af chkoun hada hhh)

w zid t9olna y3ala9kom men 3inikom w ntoma tebko w hna manesem3okemch

wlh hna nwelo nera3cho kol manetfakro had lhadra

w nef3atna bzef pask lsrir y2amen b kolchi hata kberna w 39alna hhh

[wafa16]

ana je suis contre ederb
3la khater mayrabich
mama derbetni 2 fois kount mazel madkheltch l ecole
mais papa jamais

[ابراهيم سوفي]

ايييييييييي ما تفكرونيش

[mantota]

هههههههه على أيام زمان مانعقلش روحي تضربت من عند بابا مسكين كان حنين معايا بزاااااف مع أني بنت وحدة بين 4 دراري بصح كي نغلط يزقي(يصرخ)عليا ومع صوتو خشين تم تم نستعقل بصح ماما كانت مين داك تقرصني كنت مهبلتها ربي يسامحني ويخليهملنا تاج فوق رؤوسنا

[narimane1991]

والله اني ميتته باضحك الله يفرحكم ان شاء الله
حنا بابا جامي دربني مي ماما كانت تجيبب تديرلي اذونين كما تع الحمار حشاحكم وتقلي راكي رجعتي حمار وانا نبكي ونموت كي نرجع حمار درتهالي زوج مرات منها رجعت حصان ميقباحش هههههههههههههههههههه
وكنت كي نعمل حاجة شينة كانت تكتب رسالة للمعلمة نتاعي الي هي صديقتها وتقلها عاقبيها في القسم ههههههههههه وانا غبية كنت كل مرة ندي هاديك الرسالة لمعلمة وبعدها نتعاقب هادا وين فهمت مضمونالرسالة هههههههههههههههههههههه
ربي يحفظكم

[~~ أغيلاس ~~]

كنت مشاكسا جدا في الصغر، و كانت أمي بدل أن تقبلني من خدي تضع فمها على خدي و تعُضني عضا رهيبا و مؤلما جدا جدا، يعني شبعت عضان،،،،،،،،،،

[روجين]

انا نتفكر لما كنت صغيرة و كنت رايحة ندخل نقرا لسنة اولى ابتدائي اداني بابا الله يرحمو باش يشريلي طابليامن السونيباك ، امالا شرالي و لما جا يخلص كانت الي شادة لاكاس مرا اعطالها الدراهم و جينا خارجين و انا راكبة معاه في الطونوبيل قاعدة نقولو اههههههههههه كنت تحكي معا مرا لما نروحوا لدار نقول لماما و هو قعد غير يضحك............:rolleyes:
و مادارهاش في بالوا و لما دخلنا لدار رحت نجري للكوزينة قلت لماماعلى المرا كانت تقلي في الحوت و زعفت عليا الي نعاود الخبار حكمت القوطي تاع الهريسة ودارتلي في لساني هههههههه:o واش نقولكم وليت نطير و ننزل ...:D:D
غضتو بابا و قالها علاش مسكينة متعرفش ، و ماما قالتلوا هكذا مليح باش ما توالفش تعاود الاخبار و صح من ذاك النهار ماعودتش ديت خبر لبابا و لا لماما :1:

[ايمان نور الجزائر]

في صغري كنت فتاة لا تثير المشاكل ابدااااا
اذا ماما قعتذدتني في الدرجة نتاع الباب ما نتحركش من مكاني
اما ابي فكان يدللني كثيرااااا باعتباري ولدت بعد اختاي رحمهما الله
فلم يكن يضربني فقط يعاتبني
وحتى امي......ايضاااااا....تربيت بكل هدوء وكان عقلي اكبر بكثير من سني
ولا يزال والداي الى الان يذكران حسن ادبي وتربيتي
لكن اخوتي الذين من بعديييي......خلصو كل شيء

[Dr GENIO]

الطريقة المثلى هي الكلام له منذ الولادة فيتعود وتقويمه على سبيل الحق

[نبراس الصداقة]

والله فكرتيني فهادوك ليامات يا خو
وضحكت صح من قلبي كي تفكرت
انا بابا ربي يخليه عمرو ماضربني
حتى مرة نتفكر ضرب خواتي و جا يضربني
خليتو يجري من ورايا حتى شبع
ومن بعد قعدت في الارض و غطيت راسي
توييو حبسو في السماء ماقدرش
يضربني
على خاطرني الصغيرة تع الدار
بالصح ماما شبعت فيا صح
خصوصا بالكلاكات
وهو السلاح المشهور لانه حتى بعد يصلح
ماكنتش شقية بزاف كنت عاقلة بالصح ساعة ساعة نهيج
ولله الحمد اكيد في وقتها منحسوش بقيمة وش يعملو علاجالنا
مي درك الحمد لله كل الي علمتهولي لقيتو و الضرب هاداك خرجني مرأة صح
والحمد لله حتى اخلاقي يشهدو بيها الحمد لله
وانا و ماما صحاب الحمد لله و هي كل حاجة بالنسبة ليا الام و الاخت و الصديقة
الجيل تع درك ربي يستر منو راهم ماشيين غير في العناد
جزيل الشكر على الموضوع القيم
رجعني ليامات زمان
اسفة على الاطالة اخي

[soriaalg]

السلام عليكم موضوع طريف جدا قريت واستفدت وضحكت مليح بالنسبة ليا لا اتذكر انني عوقبت لكن الشيء السيء لي نديرو كنت نلصقها في اختي مسكينة ونعيط عليها نقولها كي يسألوك قولي انا لي درت وهي تخاف تقول ايه انا وهم عارفين بلي خاطيها على هذيك ما يضربوهاش وانا نخرج سلامات
بالنسبة لاولاد جيرانا صغار متربيين عندنا كاين تطبيق في البورطابل يقولولو شرطة الاطفال اذا تسمعو بيه داير فيهم الرعب اي شيء نتصل بهم وهم يولو يرعدو بصح شوي شوي فاقولو مثل ما فعل احد اطفال ولاد الجيران امو ديما تخوف فيه بشرطة الاطفال مرة من المرات دار حاجة مش مليحة جات تعيط عليه سباتو رفد التليفون وعيط لشرطة الاطفال قالهم ارواحو تدو ماما راهي تسب:1::1::1:

شكرا جزيلا على الموضوع القيم :19::19::19:

[ام راضية]

اولا شكرا علي الموضوع الرائع
رجعتنا لايام نتمني ان تعود حتي لحظة منها
والدي رحمه الله كان اسلوبه المقاطعة ما يتكلمش معانا كي نغلطوا حتي نعترفوا ونروحو نطلبو منوالسماح
والدي رحمه الله كان يحب نشرة الاخبار والسياسة كي تكون نشرة الاخبار يلزم نجمدوا في بلايصنا
وانا احب السياسة مثله رغم ما اعانييه في منتدي الاخبار
ربي يرحمه
امي حفظها الله كانت متسامحة معنا لابعد الحدود

[kousouvali]

نتاع ظرك ما ينفع معاهم لا هريسة لا فلفل الغيلو العضوية نتاع الفيسبوك و احرمو من لانترنت شهر و شوف كيفاه يتريقلا كيما الساعة

[hfhgffgvf]

حنا الاب تاعنا كان قاع ما يشقيش روحو يخزرنا هاديك الخزرة الشينة صدقوني نيبسو في بلاستنا من الخوف و ما نعاودوش بصح ضرك شوف الحاجة الي يحبها الطفل و نحيهالو و يولي يمشي على صراط

[المتيقنة بالله سارة]

ههههههههههههههههههههههههه والله غير قتلوني ردود تاع الاعضاء تقريبا كامل خلصناها فالصغر....انا وحدة عندو ما ضربني بابا الله يهديه كان كي يتقلق ونجي في طريقو يضربني.........رغم اني كنت عاقلة وجامي اشتكاو مني.....والخلعة لكبيرة كنت نديها نهار يعطونا دفتر باش بابا يشوف الرتبة ويمضيلي وتاحق كنت مجتهدة..........مي نشفى خطرة جيت الثانية...قتلني بالضرب ربي يسمحلو.......ضركا خاوتي وين وقرايتي وين...........مي الضرب خلصتو انا وعلى قباحة خاوتي مداوش ضرب لي ديتو انا............حسيت روحي تحقرت:1::1::1::1::1::1::1:.....وقيلا كي جيت لكبيرة تعلمو فيا

[panpouna]

كن بابا لي يلقاها قدامو يضرب بيها نتا وزهرك و واش يطيح تحت يدو سورتو كي يكون يراجعنا ف الدروس انا جدول الضرب تعلمتو بضرب اما ماما كانت ما تضربش عند اول غلطة تلمهم مليح و تحكمنا بلبليغة حشاكم و تعطينا طريحة مسقمة والهريسة تاني كان خويا كي يتعلم السب من الطريق تديرلو مغرف هريسة في فمو.و خطرة ماما دربت خويا وجات تضربني هربت و كانت مطبقة لفراش فوق بعضاة فوق كرسي وكان واصل قريب للبلافون طلعتلها لفوق قاع يخي كي شافتني رمات لبليغة وتطرقت بالضحك وانا سلكت من الطريحة جات غير في خويا مسكين:1::1::1: