من مطبخي خبز البانيني +شاورما اكسبراس من ابتكاري و بطريقتي الخاصة - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم الطبخ و المأكولات > قسم المعجنات و الأطباق الرئيسية

قسم المعجنات و الأطباق الرئيسية وصفات المعجنات و الأطباق الرئيسية حصرية لأعضاء المنتدى

http://www.up.djelfa.info/uploads/141389081779231.gif

 

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

إضافة رد
 
أدوات الموضوع انواع عرض الموضوع
قديم 2013-06-08, 23:10   رقم المشاركة : 1
معلومات العضو
ninafret
عضو مبـدع
 
إحصائية العضو









ninafret غير متواجد حالياً


B10 من مطبخي خبز البانيني +شاورما اكسبراس من ابتكاري و بطريقتي الخاصة

السلام عليكن كنت وعدت بعض الاخوات بتقديم خبز البانيني على طريقتي الخاصة وراني جبتهولكم بالتفصيل الممل راح يجيكم خفيف ولذيذ ومايتشبعش وبعجينتي الساهلة كيما عودتكم اللي مقاديرها مضبوطة وماحتاجش للعجن
وحبيت نبشركم بلي راني اخترعت طريقة جديدة لعمل الشاورما ساهلة وماتحتاجش للفرن وراح تاخد منكم ربع ساعة لا غير علابالي تموتو على الساهل كيما انا وراني سميتها شاورما إكسبراس






في صحن حطي كاس ماء دافي مع ملعقة سكر وملح حسب الرغبة وملعقة كبيرة خميرة الخبز 4 ملاعق كبيرة زيت عادي خلطي بالملعقة




زيدي فوقهم فرينة مغربلة بالتدريج ومعاها نصف باكي خميرة الحلوى وخلطي بملعقة خشب حتى تتحصلي على عجينة طرية ولينى وتلصق شوية برك حطيها في كيس واغلي عليها كيما متعودين وخليها تختمر حتى يتضاعف حجمها اعتقد هاد الخطوات تعودتو عليهم معايا ومافيش داعي للصور
كي تختمر قسميها بالسكين على 4 قطع متساوية



على سطح مدهون بالزيت حلي الكويرة الاولى بالحلال بعد ماتدهني وجهها بشوية زيت لتسهيل العملية





روليها على بعصها كيما تعملي السويس رول وعدليها حتى تاخد شكل الخبزة









حطيها في مول مدهون بالزيت وماتنسايش تحطي الجيهة المفتوحة من تحت



كملي بنفس الطريقة مع باقي الكويرات وبعديهم على بعضهم لانهم يزيدو يخمرو
سخني شوية الفرن حتى يدفى وطفيه ودخلي الخبزات يزيدو يتخمرو فيه حتى يتضاعف حجمهم تماما خطوة مهمة جدا ممكن شي 45د لاننا في الشتاء



كي يتخمرو مليح دخليهم لفرن ساخن وطيبيهم على بياض يعني مالازمش يحمارو
خليهم يبردو تماما حتى يجيك الخبز خفيف وماشي معجن
الحشو اولا تحضير شاورما اكسبراس على طريقة نينا



في مقلات حطي زوج ملاعق زيت وحطي شرائح من السكالوب او صدر الدجاج او الداند غطيهم وخليهم 3دقايق واقلبيهم من الجهة الثانية ثلاث دقائق اخرى بعد ماتغطيهم وفكرة الغطاء انها تخلي الدجاج يستوي من الداخل وفي نفس الوقت يبقى طري من برا






نحيه وفتتيه شرائح بيدك



عاودي رديه في نفس المقلات وزيدي فوقو الخلطة الخاصة بالشاورما واللي هي
ابرشي نصف حبة صغيرة بصل مع زوج سنات ثوم زيديلهم ملعقة كبيرة خل ونصف ملعقة صغيرة من الفلفل الاسود والكسبر المرحي والكمون ومعاهم الملح وملعقة من الهريسة وزوج ملاعق ماءخلطي الكل وصبيه فوق السكالوب فوق النار



وخلطيهم على نار قوية زوج دقايق مع التحريك حتة تدخل المكونات مليح فيه وطفي النار وزيدي زوج ملاعق كبيرة ماء زيدي خلطي امممممم

جهزي سلاطة او خس وطماطم شرائح وقطه جبن وبطاطا مقلية








كي يبرد البانيني حليه بالسكين وحطي طبقة من البطاطا المقلية



وفوقها طبقة من السلاطة وتعمدت نحطها في الوسط حتى ماتذبلش وقت التسخين و



ديري فوقها طبقة من الشاورما والصوص اللي فيها وفوقها قطع الجبن



زووووووووم



اغلقي الساندويتش بلطف وحطيه في الآلة الخاصة بيه حتى يتحمص ويتكومبونصا





وهدا شكلو امممممممممممممممممممممم














واللي ماعندهاش لاماشين آ بانيني نوريلكم طريقة اخرى ماتخافوش مانخليكمش بسخفتكم
الخبز خليه يزيد يتحمر شوية يعني ماتطيبيهش على بياض هكدا



وكي تحشيه غلفيه مليح بورق الالمنيوم



سخني مليح الحداد او الحديد او المكواة اللي نكويو بيها الملابس =لوفار آروباسي= وفوتيها فوق هداك السندويتش المفلف بالالمنيوم حتى تحسي انو رجع رقيق راح تتحصلي على نتيجة هايلة الفرق الوحيد انو مايكونش فيها خطوط نتاع الشواية


وقدميها
جربوه وراح يعجبكم بزاف بزاف
والحشو انتوما اتحكمو في كميتو انا مليت الساندويتشات

ملاحظة المقادير اللي اعطيتهالكم تخرجلكم 4 حبات بانيني كيما اللي في الصورة


وفي الاخير نتمنى يكون عجبكم وقولولي رايكم وراني نستنى تطبيقكم






 

رد مع اقتباس
مساحة إعلانية
قديم 2013-06-08, 23:11   رقم المشاركة : 2
معلومات العضو
ساندي 28
عضو برونزي
 
إحصائية العضو









ساندي 28 غير متواجد حالياً


افتراضي

انا اول واحد ترد امممممممممممممممم يسخف الخبز والشاورمات هايله زالاهم انو طريقتك سهله وشرح مبسط جدا ربي يحفظك اختى ويرزقك بواش تتمناي حنونه شكرا لكي
ندي غير واحده تكفيني راني جعت كي شفتو خخخخخخخخخخخخ
شكرا مرة اخرى اختى امينه







رد مع اقتباس
قديم 2013-06-08, 23:19   رقم المشاركة : 3
معلومات العضو
ninafret
عضو مبـدع
 
إحصائية العضو









ninafret غير متواجد حالياً


افتراضي

اقتباس:
المشاركة الأصلية كتبت بواسطة omnadjem.10 مشاهدة المشاركة
انا اول واحد ترد امممممممممممممممم يسخف الخبز والشاورمات هايله زالاهم انو طريقتك سهله وشرح مبسط جدا ربي يحفظك اختى ويرزقك بواش تتمناي حنونه شكرا لكي
ندي غير واحده تكفيني راني جعت كي شفتو خخخخخخخخخخخخ
شكرا مرة اخرى اختى امينه
العفو حبيبتي ربي يحفظك
تجوعي وانا هنا نعطيهملكم كامل حبيبتي كولي بالصحة والهناء






رد مع اقتباس
قديم 2013-06-08, 23:23   رقم المشاركة : 4
معلومات العضو
ساندي 28
عضو برونزي
 
إحصائية العضو









ساندي 28 غير متواجد حالياً


افتراضي

اقتباس:
المشاركة الأصلية كتبت بواسطة ninafret مشاهدة المشاركة
العفو حبيبتي ربي يحفظك
تجوعي وانا هنا نعطيهملكم كامل حبيبتي كولي بالصحة والهناء
يا عمري على الغسل الصافي شكرا ليك ياغاليه حبيت نسالك وصلاتك رسالتي بعتها عندها مده طويله ونعاود نشكرك مرة اخري على ماتقدميه لنا من وصفات رائعه ومضمونه بارك الله فيك






رد مع اقتباس
قديم 2013-06-08, 23:27   رقم المشاركة : 5
معلومات العضو
ninafret
عضو مبـدع
 
إحصائية العضو









ninafret غير متواجد حالياً


افتراضي

اقتباس:
المشاركة الأصلية كتبت بواسطة omnadjem.10 مشاهدة المشاركة
يا عمري على الغسل الصافي شكرا ليك ياغاليه حبيت نسالك وصلاتك رسالتي بعتها عندها مده طويله ونعاود نشكرك مرة اخري على ماتقدميه لنا من وصفات رائعه ومضمونه بارك الله فيك
حبيبتي العفو وبلا مزية والله اللي عندي كامل نقدمو ودعوة حير تكفيني ماتنساينيش بدعواتك ليا بالذرية الصالحة ورسالتك وصلتني لكن ماعنديش اكثر من الف مشاركة يعني مانقدرش نرسلك رسالة خاصة راني رديت عليك في نفس الموضوع اللي فيه حلويات نفاس مرت سلفي






رد مع اقتباس
قديم 2013-06-08, 23:35   رقم المشاركة : 6
معلومات العضو
faizarbh
عضو برونزي
 
الصورة الرمزية faizarbh
 

 

 
المرتبة الثالثة 
إحصائية العضو









faizarbh غير متواجد حالياً


افتراضي

يعطيك الصحة حبيبتي دائما متميزة ما شاء الله







رد مع اقتباس
قديم 2013-06-08, 23:44   رقم المشاركة : 7
معلومات العضو
المستغفرة
عضو مميّز
 
إحصائية العضو









المستغفرة غير متواجد حالياً


افتراضي

شكرا بارك الله فيك
ربي يرزقك بالذرية الصالحة
شكرا على الوصفات







رد مع اقتباس
قديم 2013-06-08, 23:50   رقم المشاركة : 8
معلومات العضو
ninafret
عضو مبـدع
 
إحصائية العضو









ninafret غير متواجد حالياً


افتراضي

حبيباتي فايزة والمستغفرة شكرا لكن على المرور وربي يتقبل دعواتكن غالياتي







رد مع اقتباس
قديم 2013-06-09, 08:45   رقم المشاركة : 9
معلومات العضو
layla11
عضو مشارك
 
إحصائية العضو









layla11 غير متواجد حالياً


افتراضي

طليتي في قلبي اختي وصفة ساهلة وباين بنييييييييييييييييييينة اممممممممممممممممم ربي يعطيك واش تتمناي وشرح هاااايل







رد مع اقتباس
قديم 2013-06-09, 09:49   رقم المشاركة : 10
معلومات العضو
بسمة فرح07
عضو فعّال
 
إحصائية العضو









بسمة فرح07 غير متواجد حالياً


افتراضي

يعطيك الصحة اختي على وصفاتك السهلة والمضمونة لاني جربت السوفلي ديالك وجاني روووعة شكرا اختي والله يفرحك بالدرية الصالحة في القريب العاجل اميييين يا رب العالمين







رد مع اقتباس
قديم 2013-06-09, 13:23   رقم المشاركة : 11
معلومات العضو
ام عبودة
عضو متألق
 
الصورة الرمزية ام عبودة
 

 

 
وسام مميزة التطبيقات 
إحصائية العضو









ام عبودة غير متواجد حالياً


افتراضي

روووووعة تسلمينا







رد مع اقتباس
قديم 2013-06-09, 14:06   رقم المشاركة : 12
معلومات العضو
SAMAH SAMAH
عضو مميّز
 
الصورة الرمزية SAMAH SAMAH
 

 

 
إحصائية العضو









SAMAH SAMAH غير متواجد حالياً


افتراضي

جزاك الله خيـر
بارك الله في جهودك
وأسال الله لك التوفيق دائما
وأن يجمعنا على الود والإخاء والمحبة
وأن يثبت الله أجرك
ونفعا الله وإياك بما تقدمه







رد مع اقتباس
قديم 2013-06-09, 19:11   رقم المشاركة : 13
معلومات العضو
ninafret
عضو مبـدع
 
إحصائية العضو









ninafret غير متواجد حالياً


افتراضي

العفو حبيباتي الحمد لله انها نالت اعجابكم والف شكر على الدعوات اخواتي
واختي بسمة فرحتيني بتطبيقك للسوفلي زدي جربي البانيني ونتمنى ينال اعجابك







رد مع اقتباس
قديم 2013-06-09, 19:53   رقم المشاركة : 14
معلومات العضو
أم الولدين
عضو مميّز
 
إحصائية العضو









أم الولدين غير متواجد حالياً


افتراضي

أممم كنت نحوس على الوصفة من هذا شعال يعطيك الصحة
تستجق التجربة







رد مع اقتباس
قديم 2013-06-09, 19:59   رقم المشاركة : 15
معلومات العضو
فاطمة1987
عضو نشيط
 
إحصائية العضو









فاطمة1987 غير متواجد حالياً


افتراضي

رووووووووووووووووووووعة ماشاء الله يعطيك الصحة






رد مع اقتباس
إضافة رد

مواقع النشر (المفضلة)

الكلمات الدلالية (Tags)
+شاورما, مطبخي, البانينى, الخاصة, ابتكاري, اكسبراس, بطريقتي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



الساعة الآن 04:32

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
2006-2013 © www.djelfa.info جميع الحقوق محفوظة - الجلفة إنفو (خ. ب. س)
Protected by CBACK.de CrackerTracker