دورة الاستعداد لفصل الشّتاء بيتي مشرق كفصل الرّبيع

[وفاء الياسمين]

المشاركة الأصلية كتبت بواسطة لينة نور

السلام عليكم

وأنا أيضا ،احبك في الله حفظك ربي ورعاك وحقق مناك
.......
....
نعم الاثاث الخشبي مع دخول الشتاء
أرجو أني أفدتك أختاه

و عليكم السلام ورحمة الله وبركاته

قلت لكِ أحبك

أفدتني جدا جدا بارك الله فيك وبارك في مجهودم يا طيبة
و اعتذر بشدة لأني لم ارى ردك آسفة جدا

اقترحي ان تضعيه موضوع مستقل ليستفيد الجميع فعلا هو فكرة جميلة جدا

[Rati Ne]

سلام احلى فراشات اتا اليوم الحمد لله نضت على 7 تاع الباح جهزت القهوة لاولادي سقمت فراشي بعدها ديت وليدي يقرا بعدها غسلت ماعن العشا و القهوة كيف كيف فرست الحالة غسلت الدوش و التوايت رحت جبت وليدي من القراية على 10_30 كي رجعت سيقت الدار و درت الفطور 12 كان جاهز والحمد لله غسلت شوية حوايج بيدي هذا كان اليوم الصباح

[Rati Ne]

انا بالنسبة ليا الحالة النفسية تلعب دور فعال في امكانية القيام باشغال البيت والله احيانا يكون عندك شغل تقولي واش يكملهولي كي تكوني بيان مورالمو ما تفيقيش كيفاش يخلاص ومازال عندك لينارجي باش تزيدي ومنين داك ما عندك والو وتصيبي روحك تطبعي او ما تديري والو سبحان الله ربي يمتعنا بالحالة النفسية الجيدة

[ام متين]

والله حتى انا لما نكون مقلقة شوية تقول جبل فوق ظهري وابسط الاشياء تولي صعيبة لكن هذا حال الدنيا ربي يعطينا القوة والعقل لكي نواصل مشوار الحياة في كل مرة نبدل في الوان الكتابة وهذا كسرا لروتين الكتابة بلون واحد

[الوردة الندى]

[تاج الوقار16]

شكرا ام متين
تفضلي نا في الخدمه

[ام متين]

حاختي تاج الوقار حبيت نسال اذا كان هناك عناوين مميزة للكتب المساعدة للسنة1ثانوي خصوصا ان ابني جيد في المادة ولااريد ان ينزل مستواه وماهي الطريقة المثلى لدراسة المادة

[نهى اسطاوالي]

اهلا بجمييييييييييع افراشات الجميلات
تحية طيبة وتقبل الله منا ومنكم صالح الاعمال

[fatyph2012]

المشاركة الأصلية كتبت بواسطة الزوجة البارة

حبيت نسقسيكم اخواتي
كي تجيني طريق على غير رادة يعني منعولش عليها مثلا البارح كلمتني ماما و جاو داوني لدارنا و انا كان عندي برنامج ماشية عليه مروحت حتى 5 و نص تاع العشية كفاش ندير في البرنامج نحاول نلغي هداك النهار يعني واش كنت مبرمجة و نكمل الجدول عادي و الا اليوم الموالي نكرر برنامج الامس الي تغيبت عليه؟؟

السلام عليكم انا كي يصرالي ظرف خاص اوامر لم احسب حسابه نكمل برنامجي عادي واعمال ذلك اليوم نقسمها على الايام الا خرى واذا كنت مضغوطة اوالاعمال تتاجل اتركها في نفس يومها للاسبوع القادم

[تاج الوقار16]

المشاركة الأصلية كتبت بواسطة ام متين

حاختي تاج الوقار حبيت نسال اذا كان هناك عناوين مميزة للكتب المساعدة للسنة1ثانوي خصوصا ان ابني جيد في المادة ولااريد ان ينزل مستواه وماهي الطريقة المثلى لدراسة المادة

المرجع اللي يعجبني الوافي في العلوم الطبيعيه لكل المستويات
السنه الاولى يتعلم فيها مبادئ التحليل والتفسير والاستنتاج وانجاز نص علمي ومخطط علمي والتعبير العلمي الدقيق يععني احسن شيء يحاول في وثائق الكتاب المدرسي وراح يصححهالهم الاستاذ ويقارن حتى يتعلم
قوليلو يروح لاخر الكتاب يلقى منهجيات العمل يقراهم مليح
وربي يوفقو في الاختبارات

[ام متين]

المشاركة الأصلية كتبت بواسطة تـاج الوقار

المرجع اللي يعجبني الوافي في العلوم الطبيعيه لكل المستويات
السنه الاولى يتعلم فيها مبادئ التحليل والتفسير والاستنتاج وانجاز نص علمي ومخطط علمي والتعبير العلمي الدقيق يععني احسن شيء يحاول في وثائق الكتاب المدرسي وراح يصححهالهم الاستاذ ويقارن حتى يتعلم
قوليلو يروح لاخر الكتاب يلقى منهجيات العمل يقراهم مليح
وربي يوفقو في الاختبارات

اشكرا جزيلا استاذتي الفاضلة على النصيحة والتوجيه سنعمل بها انشاء الله تمنياتي لك بجمعة مباركة طيبة ولكل الفراشات مع هذا الصباح البارد والممطر نتمناه غيثا طيبا

[ام متين]

ربي انهاالجمعة من خير الايام عندك فاكتب لنا الخير فيها واسعد قلوبنا ربي ان لك عباداينتضرون فرجا قريبا فبشرهم وعبادا يسالونك الشفاء فعافهم وعبادا يريدون رحمتك فارحمهم

[ام متين]

اسال الله ان يهبكم نعيم الايمان وعافية الابدان ورضا الرحمان ويسعد ايامكم ويبارك في صحتكم ويجيب دعواتكم

[غزالة1]

السلام عليكم
صباح الخير لكل الفراشات

اللهم اعنا على ذكرك و شكرك و حسن عبادتك

ام متين شكرا على الدعاء و لك بالمثل
سلام

[البحر الصافي]

صباح الخير
اختي ام متين شكرا على الدعاء
اليوم نضت درت لفطور لولادي تقهويت وراني نطل شوي في المنتدى قلت نصبح عليكم
الحمد لله الدار نضفتها في الليل مزال الغداء ومراجعة للاولاد ربي يعينا
انا برنامجي كالاتي
الصالة ديما نضيفة ومغلوقة نطل عليها مرة على مرة الغرف كل صباح تنضيف وترتيب ومسح للارضية بالعملاق
الازرق كنت نستعمل الاخضر لكن عجبني الازرق المطبخ لازم يصبح نضيف والا النفسية تكون تعبانة مع الصباح
تسياق كبير يوم الاحد كي يروحو لولاد يقراو مع تنظيف عميق للدوش والطوالات اكرمكم الله لانهم يكونو دوشوفيه ليلة منقبل
والايام الاخرى تنظيف الحوض والطوالات والارضية تاع الدوش خفيف
سورة البقرة كل ثلاثة ايام
الرقية الشرعية مرة على مرة انا نحب نسمع الشيخ مشاري راشد العفاسي صوتو مريح وليس مخيف جربوه تحسو براحة كبيرة في الشغل
الغداء يكون غداء مليح وثقيل ومغدي ومتنوع العشاء خفيف برك
امتحانات لولاد ربي يعينا ويقدرنا اليوم تبدا المراجعة تاع الصح
ترتيب الخزانة هما يفركتو وانا نرجع لازم ديما واقفة وساعات نحطها كامل الارض ونرتبها ترتيب كبير
باش ماتتعبيش في ترتيب الخزانة لازم كل يوم طبقي طاج واحد وهكذا
الكوزينة في الليل كي تنظفيها وتغسلي لماعن عقبي عليها نشاف مع العملاق والصباح تتمتعي بالنظافة وبقهوة ومزاج مليح
الصباح كي نكون نطيب في القهوة لازم نقرا اذكار الصباح
سورة الكهف كل جمعة نقراها تعلمت هدي العادة من المنتدى ربي يخليهونا