لماذا تسمون البيضة عضمة يا أصحاب الشرق الجزائري ؟؟؟ - الصفحة 4

Mimicha FCB · 2012-10-03, 16:54

و حنا تاني نقولوا عضمة و كل واحد و لهجته و هذي حلاوة اللهجة الجزائرية

همسة فرح · 2012-10-04, 17:40

اول مره نسمع بيها احنا نقولو بيضه

homme libre 05 · 2012-10-11, 12:58

اقتباس:

المشاركة الأصلية كتبت بواسطة طيف الأمنيات

نقولو عضمة في جيجل وحد المرة فالجامعة سقسات طفلة من ولاية اخرى وحدة جيجلية قالتلها واش عطاوكم فالريستو قالتلها عضام قالتلها ملا مانيش داخلا هدو يحسبو فينا كلاب ولا مهابل هههه وشوية شوية لخرى فهمت وفهمتها يعني كل منطقة بلهجتها
ايا نعطيكم كلمات اخرين ونشوفوا شكون يفهمهم " الجواجلة ما يعيدوش "
* الطو
*واللي يفهم هادي نستعرف بيه : البري برات والبطي بطات
*مريط
شكون يجيبهم نزيدلو نقطة فالتقويم ههههههههه

---------------
الطو ... معناها الضوء
مريط ... مريض
الباقي الله اعلم ههه

homme libre 05 · 2012-10-11, 13:03

اقتباس:

المشاركة الأصلية كتبت بواسطة انانيس

ههههه فعلا ناس الشرق يقولو عظمة مي مافهمتش حبة بيض كيفاه تقولوها حبة عضم ولا عظمة ولا نحير فتعدد اللهجات وعلاه فرايكم سبب الاختلاف لعى العلموم حنا نولو بيض فشلف

---------
بيضة = عضمة
حبات بيض = عضام

**الفارسة الملثمة ** · 2012-10-11, 13:03

اقتباس:

المشاركة الأصلية كتبت بواسطة طيف الأمنيات

نقولو عضمة في جيجل وحد المرة فالجامعة سقسات طفلة من ولاية اخرى وحدة جيجلية قالتلها واش عطاوكم فالريستو قالتلها عضام قالتلها ملا مانيش داخلا هدو يحسبو فينا كلاب ولا مهابل هههه وشوية شوية لخرى فهمت وفهمتها يعني كل منطقة بلهجتها
ايا نعطيكم كلمات اخرين ونشوفوا شكون يفهمهم " الجواجلة ما يعيدوش "
* الطو
*واللي يفهم هادي نستعرف بيه : البري برات والبطي بطات
*مريط
شكون يجيبهم نزيدلو نقطة فالتقويم ههههههههه

ههههههههههههههههههه انتيا هايلة صح

رحيق الايمان · 2012-10-11, 13:27

حنا في الشرق نقولو عضمة و ما نقولوش بيض و ممكن سبب التسمية لانه البيضة تكون صلبة شبيهة بالعظم
للافادة في الشرق خاصة في تبسة جمع كلمة بيضة راه كلمة عيب ماعدا كي نقولو حبات بيض اما الجمع الاخر او المثنى راه خط احمر الا قلتوها كيما صار لصاحبتي في الجامعة تتقلب عليكم ههههههههههههههه

دادا22 · 2012-10-11, 14:55

اقتباس:

المشاركة الأصلية كتبت بواسطة samirovich

عندما كنت أؤدي الخدمة الوطنية
جلست لأتناول الغداء مع مجموعة من زملائي وهم من مختلف أنحاء الوطن
وبينما نحن نأكل قال لي أحدهم (وهو من الشرق) من فضلك ناولني "عضمة"
فأستغربت من طلبه وقلت له ...أنا لم أنتهي بعد من أكل نصيبي من اللحم !!
فقال لي لااااااااا اريد عضمة عضمة وأشار الى البيض
فأدركت منذ ذلك اليوم أنهم يقولون للبيض عضام

لماذا تسمي نفسك سميروفيتش؟

k_med · 2012-10-14, 12:16

في سطيف يقولو بيضة ماشي عظمة

hind mimi · 2012-10-14, 12:22

انعم نقولوا عضمة جامي نقولو بيضة احنا الجواجلة
طبعا من الشرق الجزائري

minaflower · 2012-10-14, 14:19

[b]

حنا نقولو البيض
ضحكتني كي حطيتو يحوس يمشش لعظم لي في يدك تخيلتها هههههه:d
حبيت نجاوب طيف الأمنيات على سؤالها ، و أنا مانيش جيجلية
الطو: الضو
مريط: مريض
بري برا و بطي بطات: هادي ساهلة و تعني
.
.
.
.
.
..
.
.
.
.
.
.
.
.
طولت عليك بزاف ، أيا خلاص دوك نجاوبك
.
.بري برات يعني: وحدة مريضة و رتاحت
بطي بطات يعني: طولت
أي: وحدة مريضة ارتاحت بصح طولت
هي و لا لالا؟؟؟؟؟؟؟؟؟؟؟؟

[/b]

amoros · 2012-10-14, 23:42

في مسيله نقولو البيض انا مره رحت عند صاحبي بالغرب الجزائري فرح بيا مليح في الليل دارولنا عشا طعام بربوشه واللحم لكن تفاجات لما جابولنا طرف واحد فوق الطعام انا الحق فهمت بالي صاحبي ماعندوش وزوالي شراولي اللحم غير ليا لكن لما بدينا ناكلو الطعام كل واحد بدا ينتف من اللحم انا ماشتيتش هاذي لكن بعدها فهموني كل واحد وعادتو

saya yumi · 2012-10-15, 15:29

قسنطينة تاني حنا نقولو عضمة

cheyma · 2012-10-19, 11:23

في ولاية جيجل مثلا يقولو "عضمة" أو بالأحري "حالعضمة" هههه و كذلك يقولو "ولاد الجاج" شفتو بلادنا شحال فيها اللهجات تحيا الجزاير

sarah bio · 2012-10-19, 11:55

هههههههه

حنا تاني في سطيف كاين الي يقولو عضام

وكاين الي يقولو بيض

samsouma94 · 2012-10-23, 14:59

يخي يخي......... كل واحد وكيفاش هدرتو ياك المهم تفهمو على بعض وادا واحد مفهمش كلمة سمعها معليهش يفهموه زيد عليها هده دارجة ماهيش عربية فصحى وينو البروبلام بيضة ولا عضمة ياك عرفتوها