كيفاش نرجعو سكن opgi على اسمك

[سهيلة21]

السلام عليكم
راجلي شرا سكن بصيغة opgi خلصنا كامل الديون ودرنا دماند عقد باش نرجعوه في اسم زوجي بصح رانا خايفين يلا يدور علينا المالك الاصلي لانو قالولنا العقد يخرج في اسمه ومن بعد يكتبلكم العقد جا قولولي واش لازم نديرو من فضلكم صرات حالات ناس عاودو استرجعو بيوتهم من بعد ما باعوها ميخافوش ربي شكون لي يعرف اي حاجة نديروها باش متروحلناش السكنة الله يخليكم خسرنا عليها بزاف الكرا وزيد الدين القديم
نعلمكم انو كونتار الما الضو رجعناه في اسمنا

[khaled14]

سلام عليكم، اذا كان عندكم عقد تنازل ممكن انكم تتوجهو مصالح opgi وتستفسرون ان كان بامكانكم تكوين ملف للتنازل عن السكن باسم زوجك لنو الدولة رح تباشر عمليات تسوية ملفات السكنات التي تنازل أصحابها الأصليين عنهاو ذلك لفائدة شاغليها الجدد،
طبعا السكانت المسلمة قبل الفاتح جانفي 2004.
اما اذا تم تسوية ملف التنازل لصلح صاحبها الأصلي في اطار قانون 03-269 فانكم ستنتظرون مدة 10 سنوات كي يتنازل لكم عن السكن بدءا من تاريخ تحرير العقد.
اما اذا تم التنازل مباشرة من طرف opgi دون المرور على مصالح املاك الدولة وذلك في اطار تطبيق المادة 40 من قانون المالية سنة 2001
فبمجرد اتمام عملية التنازل يمكنه ان يبرم مع زوجك عقد البيع عند الموثق وتصبح ملكية السكن كاملة
والله أعلم

[عبد الغني زين]

سلام عليكم اختي .. انا غادي نحكيلك حكايتي ... الوالد نتاعي باع سكن هكدا .. وحنا مش موافقين ورانا ساكنين في f2 والاب دار حياة اخرى لوحده المهم ... صح العقد يخرج باسم المالك الاول .. على هاد الشي قال لينا الرجل يعطينا شوية دراهم ويكتب ليه العقد باسمه .... احنا نقولك الصح خلينا كلش على ربي وما راناش باغيين ناكلو الحرام ونخرجوه هكدا .. ابدا بينه بين مولاه .. لكن ما نضمنش في السيد الي باع ليكم ... كيما قلتي الناس ما ترحمش .... نتوما الحل الي ديريه شوفو كاش عرف في لوبيجي ختي ممكن يساعدكم ولا يعطيكم حل

[سهيلة21]

المشاركة الأصلية كتبت بواسطة khaled14

سلام عليكم، اذا كان عندكم عقد تنازل ممكن انكم تتوجهو مصالح opgi وتستفسرون ان كان بامكانكم تكوين ملف للتنازل عن السكن باسم زوجك لنو الدولة رح تباشر عمليات تسوية ملفات السكنات التي تنازل أصحابها الأصليين عنهاو ذلك لفائدة شاغليها الجدد،
طبعا السكانت المسلمة قبل الفاتح جانفي 2004.
اما اذا تم تسوية ملف التنازل لصلح صاحبها الأصلي في اطار قانون 03-269 فانكم ستنتظرون مدة 10 سنوات كي يتنازل لكم عن السكن بدءا من تاريخ تحرير العقد.
اما اذا تم التنازل مباشرة من طرف opgi دون المرور على مصالح املاك الدولة وذلك في اطار تطبيق المادة 40 من قانون المالية سنة 2001
فبمجرد اتمام عملية التنازل يمكنه ان يبرم مع زوجك عقد البيع عند الموثق وتصبح ملكية السكن كاملة
والله أعلم

شكرا اخي احنا سوينا التنازل لضاحبها الاضلي بقا غير نخلصو ونرفدو العقد باسمه وبعد 10 سنوات يمكن يتنازل عليها نقولك الصح احنا دروك وماناش ضامنينه كيفاش بعد 10 سنوات لوكاش كاش مايصرالو تقدر تشرحلي المادة 40 قانون المالية 2001 احنا عندنا بيع عرفي وحولنا الكونتار تاع الضو على سمنا حتى الكرا يجى على اسمنا
شكرا لك وجعله الله في ميزان حسناتك

[سهيلة21]

المشاركة الأصلية كتبت بواسطة عبد الغني زين

سلام عليكم اختي .. انا غادي نحكيلك حكايتي ... الوالد نتاعي باع سكن هكدا .. وحنا مش موافقين ورانا ساكنين في f2 والاب دار حياة اخرى لوحده المهم ... صح العقد يخرج باسم المالك الاول .. على هاد الشي قال لينا الرجل يعطينا شوية دراهم ويكتب ليه العقد باسمه .... احنا نقولك الصح خلينا كلش على ربي وما راناش باغيين ناكلو الحرام ونخرجوه هكدا .. ابدا بينه بين مولاه .. لكن ما نضمنش في السيد الي باع ليكم ... كيما قلتي الناس ما ترحمش .... نتوما الحل الي ديريه شوفو كاش عرف في لوبيجي ختي ممكن يساعدكم ولا يعطيكم حل

بارك الله فيك

[khaled14]

سلام أختي ان شاء الله سمعت من صديق لي ان الدولة بصدد تسوية وضعية السكنات للناس اللي شراو المفتاح وما تتقلقيش عما قريب غادي يبداو يسو الوضعية انصحك بالتوجه لمديرية أملاك الدولة لولايتكم للاستفسار أو مفتشية أملاك الدولة وكذلك توجهوا واستفسروا في مقر الدائرة مصلحة السكن وإن شاء الله راها فيها خير لا داعي للقلق المهم انو هذ الشخص ما يكونش تقدم بملف التنازل باسمه لدى مصالح الدائرة

[اسماء الصيدلانية]

بالنبة لسكن opji هل يمكن بيع السكن بعد انتهاء جميع اقساط الكراء

[*رحيق الجوري*]

ربي معاكم حبيت نطلع موضوعك لانو يهمني

[*رحيق الجوري*]

ربي يسهل عليكم وتتهنو ان شاء الله

[didousoft]

بالنسبة لوضعية الاخت سهيلة عقد البيع يحرر باسم المستفيد الاول من السكن و باعتباركم شريتو حق العتبة موش انتم المستفيدين من السكن فانكم ملزمون بالانتظار لمدة 10 سنوات ليستطيع المستفيد ان يبيعكم السكن و ذلك لكون المشرع الجزائري قد منع على المستفيدين بيع السكنات الا بعد مضي 10 سنوات .

اما بالنسبة للاخت التى سالت عن امكانية بيع السكن بعد اتمام اقساطه فلا يمكن بيعه لكونه مشروطا بالمدة المقدرة ب 10 سنوات الا اذا لم يتضمن العقد صراحة ذلك