قصتي مع الخدمة الوطنية اقرأها بموضوعية

[just do it]

المشاركة الأصلية كتبت بواسطة khalil16

أخي الكريم لا أظن أن هناك جزائري بكل قواه العقلية يريد تأديتها ....
فما يخص الحلول للأسف نحن ننتظر حلول من الذين خلقو لنا هذا المشكل "الدولة"...لكن يجب علينا نحن ايجاد حلول لتفعيلها

ربما يجب علينا أن:
نقوم تحضير الشباب عبر الانترنت لقيام بمظاهرة عبر كل تراب الوطني على الاقل خطوة اولى...ثم بعد ذلك توعية الشباب على هجر مراكز التسجيل
لاصال صوتنا ...ثم القليل من هذا وقليل من ذلك ربما ياتي الفرج

اخي مدابينا كيما قلتلك ولكن الغاءها تماما تقدر تقول مستحيل لانو متقولش كاين الي متعاقدين بزاف لان الجيش رافدينو الاحتياط بزاف
من جهة اخرى نسبيا نعرفو بلي الجزائر متخلفة وفقيرة منحكيوش على الخيانة نهدرو على الواقع وحنا الاحتياط الدولة راها توفر ميزانية كبيرة بسسببنا وهذي نقولها ايضا للي حاسب الدولة خاسرة كي راهي دخلنا وووو
ساشرح نفترض ان الدولة وظفت 30 ملازم عامل ميزاينتهم على الاقل 180 مليون في الشهر
الحقت 30 واحد ملازم احتياطي يعني حنا ميزانيتهم لا تتجاوز 60 مليون
يعني رابحا معاك 120 مليون في الشهر في هذا المثال البسيط فقط
وقس على ذلك الجندي الاحتياطي والمتعاقد وووو
يعني الدولة ناجحة معانا وحنا الي متحشيتلنا وهما يقولك بلي تتعلم تحارب ههه رب عذر اقبح من ذنب السلاح عندك سمانة ولا شهر تكون طير فيه
حسبنا الله ونعم الوكيل في من يضيعون اعمار الشباب هذا وش نقولو

[khalil16]

المشاركة الأصلية كتبت بواسطة just do it

اخي مدابينا كيما قلتلك ولكن الغاءها تماما تقدر تقول مستحيل لانو متقولش كاين الي متعاقدين بزاف لان الجيش رافدينو الاحتياط بزاف
من جهة اخرى نسبيا نعرفو بلي الجزائر متخلفة وفقيرة منحكيوش على الخيانة نهدرو على الواقع وحنا الاحتياط الدولة راها توفر ميزانية كبيرة بسسببنا وهذي نقولها ايضا للي حاسب الدولة خاسرة كي راهي دخلنا وووو
ساشرح نفترض ان الدولة وظفت 30 ملازم عامل ميزاينتهم على الاقل 180 مليون في الشهر
الحقت 30 واحد ملازم احتياطي يعني حنا ميزانيتهم لا تتجاوز 60 مليون
يعني رابحا معاك 120 مليون في الشهر في هذا المثال البسيط فقط
وقس على ذلك الجندي الاحتياطي والمتعاقد وووو
يعني الدولة ناجحة معانا وحنا الي متحشيتلنا وهما يقولك بلي تتعلم تحارب ههه رب عذر اقبح من ذنب السلاح عندك سمانة ولا شهر تكون طير فيه
حسبنا الله ونعم الوكيل في من يضيعون اعمار الشباب هذا وش نقولو

نعم عندك الحق واش راك التقول...
لكن فيما يخص الغاءها تماما ....يا أخي نحن كجزائريين دائما نحبو الكمال فيكلش... يعني مثل الموظف جديد يريد من اليوم الأول أن يعطوه ترقية و سيارة و....ياأخي نحن لا نبحث عن الغائها من يومها...لا. نحن نريد تخفيض أضرارها تدريجيا...
مثل زيادة تخفيض المدة من شهر الى 5 أشهر وهدا تدريجيا على مرور السنوات يعني كل سنة أو سنتين يتم تخفيضها على الأقل شهر
أنا لا أعلم راتب المتعاقد لكن أعرف أنه أضعاف راتب المجند...لذلك زيادة الرواتب
هناك مشكلة العاملين هناك مثل من يتقاضى في عمله 5 ملايين تم يذب لتأدية الخدمة الوطنية ب 19 ألف دينار

هذا كله لا يأتي لوحده..فيجب علينا التحرك و ايصال طلباتن...ا و كما يقولو السامط يغلب لقبيح

[just do it]

المشاركة الأصلية كتبت بواسطة جمعي البشاري

لي ضد الفكرة يعطينا حلول واقعية -((((- عايشين في حكم عسكري + 70 % شعب جاهل )))
ولازم نحوا من راسنا المقارنة بالغير ..يعني كل واحد يضع هدفه على حسب قدرته
++++++
العمر قصير والوقت لايرحم وما أجمل القلوب الطيبة
‫#‏تصبحون‬ علی خير

احسن ما قلت اخي بارك الله فيك نريد حلولا وليس مقارنة بالواقع لانو انا متفيدني حتى بحاجة كي نهرب لانو فلان راه هارب لانو كلها وظروفو كاين الي تاكل على روحو وكاين الي يحتاجها باه يخدم وكين الي يرعى الغنم ميدخلش قع للبلاد كلها وكيفاش
اتحفونا بالحلول ولا قصص ان امكن
خير لك ان تشعل شمعة من ان تمضي العمر تسب الظلام

[الصديق قروف]

اعجبني موضوعك
انا راني روشارش عمري 24 سنة وناوي نروح
ياخويا كرهت
‏ مليح لهنا
انا مخلونيش نروح كي عيطولي وراني نادم كي مرحتش

[أحمد زابانة]

هذا الجيل الصاعد أغلبه عاصي للنظام ... و من الصعب ان يفرض عليه النظام ما يشاء

[just do it]

ههه
رئاسيات مفصول فيها مسبقا وماهي الا شكليات يزيدو يغريو الشعب
ليس الشعب هو من يقرر الرئيس ايادي خفية هي الي راهي تحكم حنا رانا خضرة فوق طعام

[جمعي البشاري]

كل واحد حر ولم نفرض راينا اخي الكريم
لازم والواجب علينا ان نضع هدفا في هذه الحياة
(ادا راك تبع السياسة تاعنا فعليك السلام ) راح تبقى في دائرة مفرغة ان لم تكن ابن النظام
نحن نقدم نصائح فقط في سبيل الله
والكلمة الاخيرة تعود الى الشخص وتفكيره ونظرته للحياة

[xbourasahmedz]

حال الجيش كحال باقي مؤسسات الدولة فالفرد فيها ابن الشعب يتاثر بما يتاثر به المدني اجل تحصل تجاوزات وقد لاحظت منها اثناء تادتي لواجب الخدمة الوطنية اقول الوطنية ولكن ما يجب على بقية اخواني ادراكه فوالله الطيبون للطيبات فمذ التحاقي اول يوم الى خروجي لم ولله الحمد اتعرض الى اي اهانة من اي كان بل الحمد لله من الله علينا وان تعرفنا باطارات سامية رائد مقدم عقيد لم يتوانو في اعطائنا الفرصة لاثبات كفائتنا في الميدان بل وفي تخصص دراستنا وكاننا لم نكن عسكريين بل مدنيين بلباس عسكري حقيقة حمدت الله وادركت انه مادام اولاء الرجال في ج و ش فلا خوف ابدا على ميراث الشهداء الجزائر والله كان منهم من يدخل الساعة 8 صباحا ويغادر 4مساء وكانه روبوت مبرمج فلله درهم افراد ج و ش اجل يبقى الاستثناء قائما وكما يقال لولا الفوضى لما عرف النظام اجل من استطاع تحصيل بطاقة الاعفاء خير ومن لم يستطع وكتب عليه تاديتها فكل الخير في تاديتها الشيئ الذي يجب ان يلاحظ اليوم انه اصبح للشهادة دور اساسي في توجيه افراد خ و بالاخص نحن حملة الشهادات الجامعية الى اماكن تلائم طبيعة شهاداتنا بدل التوجيه العشوائ الى الوحدات

[just do it]

المشاركة الأصلية كتبت بواسطة xbourasahmedz

حال الجيش كحال باقي مؤسسات الدولة فالفرد فيها ابن الشعب يتاثر بما يتاثر به المدني اجل تحصل تجاوزات وقد لاحظت منها اثناء تادتي لواجب الخدمة الوطنية اقول الوطنية ولكن ما يجب على بقية اخواني ادراكه فوالله الطيبون للطيبات فمذ التحاقي اول يوم الى خروجي لم ولله الحمد اتعرض الى اي اهانة من اي كان بل الحمد لله من الله علينا وان تعرفنا باطارات سامية رائد مقدم عقيد لم يتوانو في اعطائنا الفرصة لاثبات كفائتنا في الميدان بل وفي تخصص دراستنا وكاننا لم نكن عسكريين بل مدنيين بلباس عسكري حقيقة حمدت الله وادركت انه مادام اولاء الرجال في ج و ش فلا خوف ابدا على ميراث الشهداء الجزائر والله كان منهم من يدخل الساعة 8 صباحا ويغادر 4مساء وكانه روبوت مبرمج فلله درهم افراد ج و ش اجل يبقى الاستثناء قائما وكما يقال لولا الفوضى لما عرف النظام اجل من استطاع تحصيل بطاقة الاعفاء خير ومن لم يستطع وكتب عليه تاديتها فكل الخير في تاديتها الشيئ الذي يجب ان يلاحظ اليوم انه اصبح للشهادة دور اساسي في توجيه افراد خ و بالاخص نحن حملة الشهادات الجامعية الى اماكن تلائم طبيعة شهاداتنا بدل التوجيه العشوائ الى الوحدات

بارك الله فيك
ها الناس الي تعرف تطرح ارائها مش بحال ,,,,,,
اما عن الاحترام فانا كذلك فوتها بقدري هي القاعدة احترم روحك يحترموك وعرف مع من تتمشى ووين تحط رجلك
انا ايضا كنت ضابط تخيلو كنت كي نلقى الجنود نقولهم متحيوليش هنا خوفا انا احترمني نحترمك ومادابيا كي تلاقاني فالسيفيل تما تحيلي واليوم الحمد لله نهار كملت قع باقي خاطرهم عليا وجامي وصلونا غي داك الي نشوف زعما مطيح بيا وممقيمنيش هذك نشظفو

[just do it]

مشاركة العضو
nechebra




السلام عليكم...الخدمة الوطنية مشكل يلاحق كل الشباب لي خلص الجامعة او لي حبس قبل.. كاين جدال كبير بين مؤيد و معارض .. انا يا جماعة وقت فات كنت نقول مستحيل نروح لكن لقيت روحي اليوم لابس الكومبا..ولكن كيفاش وصلت وين جيت ليهم هي معطيات يخدمها الشاب في راسو .انا خلصت الجامعة في عمري 24 صافي كي نفوت نولي 25 معناها راني صغير ونحيت عليا عائق كبير من الطريق .. نعرف ناس خلصت و راهم وصلو ل 30 سنة بلا خدمة بسبب لارمي ... كوني انا راني لابس ننقللكم انتم الشباب لي وسوسوكم منها و خايفين ولا كارهين تعڨبو .. انا راو مزالي 5 اشهر و نصف و نخلص و هدرولنا لي خرجو قبلنا و عشناها ... صدقوني كيفاش فاتت معلباناش و ماش هاذي الحاجة لي تستاهل تضيع 5 او 6 سنوات و تضيع ديبلومك بسببها .انا ننصح خاوتي لي تسمحلو ضوروفو باش يفوت غير ينحي عليه هكذا يتفرغ للبحث على عمل و يسطر حياتو خير ما تتشتت أفكارو بين لارمي و اىخدمة و الضغط يزيد ...هذا رأي و واش راني نشوف من منظوري الخاص .. ما ننصح خاوتي في الله بالتهرب .. افرزها يا لا يجند يا تؤديها و تقص هذا السوجي من بالك و تنساه و لي عندو تجارة الله يعينو و لي يخرج من هذا البلاد ربي يقدرو و كل واحد و رزقو وين و السلام عليكم

[salim chekkar]

انا نصيحتي للشباب اهرب ليها و ما تهربش منها
انت لي في يدهم . ما تقدرش تخدم ما تقدرش تسافر الاز .تشوف الجدارمية تموت من الخلعة
احمدوا الله او العسكر الان مدة عام .فيها تشيبة مليحة .الخرجة للجبل ما كاش .الحدود ما كاش .محسوبة في التقاعد
حنا في ال 2002 جوزنا 18 شهر ندو 1450 دج .خدمنا الديتاشيات في جيجل و قلنا الحمد لله
كامل عندنا مستويات جامعية .ان قريت في الجامعة ثاني و شمخت االديبلومات ليسانس و تاع جامعة التكوين المتواصل ضرك راني مع التجارة و عندي صحابي راهم +30 سنة و مازال يدي المصروف من عند دارهم
الجيل هذا ما فهمتوش يا خواف يا حابس كيفاه ما يقدرش يفوت عام في كزيرنة و يقبل يفوت سنين مكالي الحيوط شاد في خيط راشي
انا عندي عام امر واقع و لا سنين في الاوهام
و طبقتها على خاوتي اخرهم دخل في ماي هذا قتلو روح ومن بعد ربي يفرج و الحمد لله في مدة قصيرة تبدلت لو العقلية .و بالعكس زاد عرف رجال و تعلم بزاف صوالح ابسطها انو ولا يعرف يركب الكليماتيزور. خويا لاخر ثاني ديبلوم في السكريتاريا من التكوين و ماكاش خدمة .بالصح جاب رخصة سياقة و تعلم كهرباء السيارات في البليدة و راه خدام على روحو .انا الرسالة لي حبيت نوصلها .الخدمة العسكرية امر واقع على اولاد الشعب .بالصح هوما ما خاسرين والو انت لي سنين من عمرك راحت تستنى في الاعفاء .امالا اهرب ليها و ما هربش منها على خاطر ما تجي غير فيك

[just do it]

المشاركة الأصلية كتبت بواسطة salim chekkar

انا نصيحتي للشباب اهرب ليها و ما تهربش منها
انت لي في يدهم . ما تقدرش تخدم ما تقدرش تسافر الاز .تشوف الجدارمية تموت من الخلعة
احمدوا الله او العسكر الان مدة عام .فيها تشيبة مليحة .الخرجة للجبل ما كاش .الحدود ما كاش .محسوبة في التقاعد
حنا في ال 2002 جوزنا 18 شهر ندو 1450 دج .خدمنا الديتاشيات في جيجل و قلنا الحمد لله
كامل عندنا مستويات جامعية .ان قريت في الجامعة ثاني و شمخت االديبلومات ليسانس و تاع جامعة التكوين المتواصل ضرك راني مع التجارة و عندي صحابي راهم +30 سنة و مازال يدي المصروف من عند دارهم
الجيل هذا ما فهمتوش يا خواف يا حابس كيفاه ما يقدرش يفوت عام في كزيرنة و يقبل يفوت سنين مكالي الحيوط شاد في خيط راشي
انا عندي عام امر واقع و لا سنين في الاوهام
و طبقتها على خاوتي اخرهم دخل في ماي هذا قتلو روح ومن بعد ربي يفرج و الحمد لله في مدة قصيرة تبدلت لو العقلية .و بالعكس زاد عرف رجال و تعلم بزاف صوالح ابسطها انو ولا يعرف يركب الكليماتيزور. خويا لاخر ثاني ديبلوم في السكريتاريا من التكوين و ماكاش خدمة .بالصح جاب رخصة سياقة و تعلم كهرباء السيارات في البليدة و راه خدام على روحو .انا الرسالة لي حبيت نوصلها .الخدمة العسكرية امر واقع على اولاد الشعب .بالصح هوما ما خاسرين والو انت لي سنين من عمرك راحت تستنى في الاعفاء .امالا اهرب ليها و ما هربش منها على خاطر ما تجي غير فيك

بارك الله فيك خويا رك عونتني يعطيك الصحة
والله شعب يقولك متفوتهاش وميعطيناش حل خالعهم الجيل تع اليوم قالك ميسايرش النظام
يطلع سروالو قبلا ويحسن تحسينة تع رجال ويمشي مشية الرجال تما عاد نخمم وش صح جيل يغير النظام ولا لالا
شباب غي تع اكتيفي وراها لاصقة وتحسينات تع ,,,, وتاناش ويدخل للفيس بعضوية انثى تقولي مقابلش النظام
الحمد لله الي مازال كاين اعضاء راهم يخممو بعقلانية ويخممو وش يفيدو هو مش وش دار فلان وعلان

[smaily]

يا أخي "just do it" نت راك مسمي الموضوع "قصتي مع الخدمة الوطنية" أنا كي دخلت للموضوع قلت نقرى على تجربتك لداخل بصح أغلب النقاش كان على تجوز و لا ماتجوزش
أنا صراحة نشوف الخدمة العسكرية فرصة لتكوين الذات + فرصة لللعودة إلى ممارسة الرياضة (نخدم الكور تاعي ) +عندي مجموعة من الكتب أوماعنديش الوقت باش نقراهم قلت ندخل لتماك على الأقل لواحد يتفرغ من المشاغل تاع الدار والاصحاب و الفايسبوك + أنا نقرى أولى جامعي وراني حاب نعاود الباك قلت ندير مترشح حر ونجوز لارمي فنفس الوقت وهكذا راني متأكد بلي مانيش رايح نندم على هذا العام طول حياتي بصح العكس راح يكون نقطة تغيير فحياتي كامل
نتمنى تمدلي رايك في كل واش قلتلك باش على الأقل نستفاد من خبرتك في المجال وشكرا مسبقا

[just do it]

المشاركة الأصلية كتبت بواسطة smaily

يا أخي "just do it" نت راك مسمي الموضوع "قصتي مع الخدمة الوطنية" أنا كي دخلت للموضوع قلت نقرى على تجربتك لداخل بصح أغلب النقاش كان على تجوز و لا ماتجوزش
أنا صراحة نشوف الخدمة العسكرية فرصة لتكوين الذات + فرصة لللعودة إلى ممارسة الرياضة (نخدم الكور تاعي ) +عندي مجموعة من الكتب أوماعنديش الوقت باش نقراهم قلت ندخل لتماك على الأقل لواحد يتفرغ من المشاغل تاع الدار والاصحاب و الفايسبوك + أنا نقرى أولى جامعي وراني حاب نعاود الباك قلت ندير مترشح حر ونجوز لارمي فنفس الوقت وهكذا راني متأكد بلي مانيش رايح نندم على هذا العام طول حياتي بصح العكس راح يكون نقطة تغيير فحياتي كامل
نتمنى تمدلي رايك في كل واش قلتلك باش على الأقل نستفاد من خبرتك في المجال وشكرا مسبقا

احسن رد على الاطلاق والله العظيم غي عجبني تخمامك
نرسلك تحية حارة
هاذا راي مليح ناس تستفاد منو مش يقولك هرب ومتفوتش ايا ومن بعد
ربي يسهل عليك خويا ويساعدوك فالباك قع متخفش والوقت طلب ربي غي يقيسوك فالصحراؤ لان الخدمة ناقصة بزاف يبقالك الوقت احسن من المدارس لكبار
اما عن عنوان الموضوع انا ياخويا مفتحتهش للنقاش علابيها خرجت عن الموضوع
وسببب العنوان بموضوعية لاني العام الي فات طرحت موضوع مشابه ايا بقات غي كافر الي مقلهاليش مخولولي مبريزي شيات الدولة نت فوتها رك حاب الناس قع تفوتها بزاف اتهامات
ايا انا كتبتلهم بلي رني داير كونطرا مع الدولة كيما نقنع عشرة شباب باه يفوتوها يعطوني جائزة هههه
علابيها قلت موضوعية باه من دخلش فالاتهامات والنقاش لكن,,,

[smaily]

صراحة حتى أنا عجبني تخمامك قضية تدوين الأهداف و مقارنة السلبيات بالإجابيات و الاستشارة هذا راح يخليك تتخذ القرار بموضوعية بعيدا عن هراء المجتمع المحبط ، فقط بالنسبة للباك هل فيه إمكانية للخروج لتأدية الإمتحان لأني مانعرفش أوقات الإجازة + هل فيه إمكانية باش نجوز ضابط صف في بجاية لأنهم يقولو بلي مليحة