الخيانة الزوجية

[مشكلتي]

السلام عليكم
انا امراة متزوجة و ام لطفلين متزوجة منذ 7 سنوات مشكلتي مع زوجي انه لا يزال يفكر في علاقاته السابقة و لا زالت الاتصالات تتهاطل عليه من الفتاة التي كان معه في السابق ولم يتزوج بها مشكلتي اني سمعت زوجي يتحدث عبر الهاتف و يعبر عن مدى حبه و اشتياقه لها و يطلب منها الرد عليه
انا لم اواجه زوجي بما سمعت لانه لا يعترف بخطائه و في نفس الوقت صدمة صدمة كبير
لا استطيع انا اطلب الطلاق من اجل اولادي
ولا استطيع انا اوجهه لانه لا يعترف باخطائه
ادعولي ربي يكون في عوني ربي يحفضكم يا اخواتي ادعولي بالك ربي يقبل دعوة واحد فيكم

[* حبّ الله *]

يا رب......يا رب..... يسر امور هذه المرأة .... وابعد الشيطان و وساوسه و فتنته في تفريق شمل هذه الاسرة ......آمييييييين

[*فاتن*]

ربي يفرج عليك اختي و يبعد عليكم بنات الحرام الي مايخافوش ربي و يخربو الديار العامرة
شوفي اختي دايما ادعي ربي و قيمي الليل و اكتري من قراءة القران و حاولي تجدبي زوجك لعندك و تبعديه عن هاد الطريق بدون ما تبينيلو بلي شاكه فيه اووانك عارفة بعمايلو و نشاء الله مايكون غير الخير قلبي معاك ختي

[Zahra 30]

ربي يفرج عليك اختي
حسبي الله ونعم الوكيل
اللهم من أراد بك سوء اللهم اجعل كيده في نحره
اللهم اجعل هذه المرأة قرة عين بعلها و اجعله قرة عينها
يارب بعد عليها و على زوجها بنات الحرام و أولاد الحرام
اللهم اهدي زوجها و رده اليها ردا جميلا
حسبنا الله و نعم الوكيل في مثل هذه العباد الذين لا يخافون الله و يفرقون بين المرىء و زوجه

[قاصِرَةُ الطّرْف]

السلام عليكم
لا حول ولا قوة الا بالله، لن اقول لك اخربي بيتك بيدك بل اقول لكِ أهربي بسرعة الى الله وسيفتح لكِ مخرجا بإذن الله ( اسرعي الى سجادتك وتضرعي لربك فهو يمتحن صبرك)..صارحيه بما يزعجك و تكلمي معه و حذريه من خطورة هذا الفعل قبل ان يتمادى في فعلته ويصبح شيئا أخر...واسال الله ان يهديه و ان يصبرك و ان يبعد عنكما الشر ما ظهر منه و ما بطن...المشكلة في الحياة الزوجية انه لا توجد صراحة فلو صارحك لإستطعتما حل المشكلة معا وبدون لف ولا دوران.

[mid_life]

ربي يفرج عليك اختي و يبعد عليكم بنات الحرام الي مايخافوش ربي اصىبري احتى هذا ابتلاء من ربى ادعى ربى وقوم الليل ومتبينلوش انك عارف

[sarl02]

وما الحب الا للحبيب الاولي كيما قال الشاعر بكري ....

[مسلمة81]

ربي يهدي زوجك يا اختي هدا كله من البعد على الدين حاولي تتقربي اكثر من الله عن طريق الصلاة و الدعاء

[لحن الحياة.]

يا الاخت ما تطلقي ما والو تضيعي ولادك برك ومن الاحسن تخليه يتزوجها اذا كان حاب رايحة تزيدي تكبري في عينو ..(اصلا اذا عول الرجل يجيب الثانية ما تمنعو حتى حاجة ) وكاين ضرة مليحة بالاك هذي تكون ناس ملاح معاك انت المهم راكي بدارك و بوليداتك

[قدوتي رسولي]

ربي يفرج عليك

[- بصمة خير -]

ربي يفرج همك و يسخر زوجك لك
ادعي بدعاء تسخير الزوج
و صلي ركعتين في الليل و ادعي
**********
مليح كما ماصارحتيهش
فكري واش ممكن كانت ديرلو المرا هذيك و انت ماكيش ديريه له
حتى بقا متعلق بيها
ان شاء الله تكوني فهمتي قصدي

[naimatahar]

بلاك اتصارحيه خليك عادية و حولي تفهي اين تقصيرك

[ام رضوان]

ربي يفرج كربك
نصيحتي لك اختي حاولي تجبدي زوجك ليك
وادعي ربي يبعدو عليها بعد السماء عن الارض وكل ما تصلي ادعي ربي يجعل كيدها في نحرها هي ظالمة وانت مظلومة ودعوة المظوم مستجابة باذن الله وكون فحلة وما تخليش مراة كيفك كيفها تخربلك بيتك
اذاكانت محباتو فيها بالحرام انت حببيه فيك بالحلال وكل وحدة وطريقتها
واما اللي يقلك خليه يتزوجها وخليه يعدد....... الخ نقولهم ياو كون جاو يعدلو ويطبقوالشيءاللي قالو ربي والنبي ماعليش بصح الرجال يعرفوربي غير في التعدد
وزيد الاخت راهي قالت يكلمها بالخفاءيعني يديرو في الحرام ميش جا قالها رايح نعدد
المهم اختي ادعي ربي هو العالم بحالك. ربي يهنيك. امين

[مجرّد إنسان]

ما يقوم به زوجك شيء منكر
وأنت مطالبة بتغيير المنكر خاصة أنّ الأمر يتعلق بزوجك الذي هو أقرب الناس إليك
يقول رسول الله عليه الصلاة والسلام :
( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم
فأنت الآن بين التغيير باللسان والتغيير بالقلب لأنّ التغيير بالليد في هذه الحالة مستحيل
والتغيير باللسان هو الأفضل بشرط أن لا يترتب عليه منكر أكبر

[أم عبد الرحيم يوسف]

ربي يفرج عليك أختي أولا راجعي حياتك معاه كاش ماراكي منقصة عليه حاجة لقاها عندها ثانيا كيما قالولك الاخوات أنتي هي الصح راكي مرتوا في الحلال وأم أولادوا حاولي تجبديه ليك بحنانتك وشطارتك وتأكدي لما ديري نية الاصلاح ربي راح يكون معاك