أراءكم في روضة الأطفال

linay · 2013-05-25, 20:54

السلام عليكم
أنا و أختي نريد معرفة أراءكم في السن المناسب لادخال الاولاد الى الحضانة ؟
هناك صديقة لنا ترعى أطفالنا يوميا مقابل مبلغ لكن بنتي البالغة من العمر 5 سنوات و ابن اختي ذو 4 سنوات لم يتعلما شيئا ؟
نفكر في ادخالهما الى روضة أطفال أو التحضيري بما تنصحانا ؟
وماذا بامكان الاطفال تعلمه في الروضة ؟
شكرا على المساعدة بأراءكم وجزاكم الله خيرا .

Tamalou · 2013-05-25, 21:19

بنتك لازم تدخل إلى التحضيري باش ما تلقاش روحها متأخرة أمام زملائها تاع السنة الأولى الي قراو في التحضيري أو الجامع و الي هوما يعرفو الحروف و الأرقام و خاصتا انه كاين دراسة تقول انه الأطفال الي ما قراوش في التحضيري حتكون عندهم مشاكل في دراساتهم المستقبلية.

أم ياسين الزهراء · 2013-05-25, 21:27

اختي نصيحتي لك وانا مجربة بنتي راهي في 5 سنين دخليها العام الجاي للتحضيري كيما وليدي وولد اختك خلوه يلعب مازالو صغير

همس الثريا · 2013-05-25, 21:30

حنا هنا في باتنة عندنا مدلرسة قرآنية و يقريو فيها تحضيري رووووووووووووعة لولاد يهزو حوايج بزاف حروف قران اذكار العاب انشطة
و كي يدخلو المدارس اكثرية يخرجو من الاولين في المدرسة اي من النجباء الله يبارك و يحفظ الأئمة الي قايمين عليها آمييييين

linay · 2013-05-25, 22:02

شكرا على التدخلات القيمة مرحبا بكم .
أعرف الدور الهام للتحضيري لكن من هنا الى شهر سبتمبر المقبل انشاء الله سيصبح عمرها 5 سنوات و نصف , و أتساءل هل مدة شهر مثلا كاف لتعلم بعض الحروف و الارقام .

~~karima1212~~ · 2013-05-26, 01:26

حنونة اسمحيلي نسقسيك كم يبلغ المبلغ المالي لي تمدوه لي تحكملكم ولادكم لخطرش راني حابة نبدى في مشروع الحضانة

غريبة الوطن · 2013-05-28, 15:33

ابن اختك مازالو صغير اما ابنتك فانصحك بالتحضيري

OMGHALIA · 2013-06-05, 14:14

بنتك فى سن ابنتى سجلتها dans une ecole maternelle ما شاء الله تعلمت العربية والفرنسية عندهم برنامج هايل واللى اعجبنى مخصين وقت للترفيه يلعبو مليح المهم فى عالمها الصغير وانا فى رائى السن المناسب ما بين ثلاث واربع سنوات وما تخافيش دخليها التحضيرى باش توالف المدرسة ورايحة تتعلم لانها صغيرة

abou abd elmoumen · 2016-04-18, 16:48

أثبتت الدراسات ان رياض الاطفال تلعب دوراً هاماً في تطوير ذكاء الطفل. وتحسين لغته وتطوير مهاراته فانا انصح كل ام ان تدخل أبناءها. روضة الأطفال. ولا تهتم للسعر. فان رياض الأطفال لها برامج خاصة اما ربات البيوت اللواتي يتكفلن بالأطفال فلا يضعون لهم اي برنامج بل اغلبهم يشغلون لهم التلفاز هذت الاخير تلذي أثبتت الدراسات خطره على الأطفال