~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[omelbanin]

صباح النور يا سيرينو كيف الحال ؟
ايا ام هاجر اعطينا رابك في الموضوع نتاع اليوم.

[حياتي كلها امل]

صراحة الموضوع الي طرحتيه يا ام هارون موضوع مهم جدا.
نتكلم عن نفسي شخصيا انا زوجي يعاوني في الاولاد كي يكونو مراض او حتى كي يمرضو في الليل او كي يشوفني عيانا اومريضه يديهم برا ويلعب معاهم بزاف والحمد لله.
لكن المشكلة انه كي يعمل امر خطا او يكونو عاملين فوضى في المنزل مهما كانت شدتها(كيشغل زلزال)مايتحركش او يقولهم اسكتو او بركاو من الفوضى حتى انا نتقلق نقول عيط عليهم شويا.
والامر الي يقلقني جدا اني كي ننهيهم على امر يجي ضدي ويبد يلقالهم في الاعذار وكل مرة انقولو كي نهدر معاهم مجيش ضدي مرة اخرى ميولوش يديرو لكلمتي حساب ،انا رغم هذا نحب داءما نخلي هيبة الاب موجودة كي يجو يعملو شيء خطا نقوللهم باباك مايحبش او حتى نسال ابيك .

[سيرين 5]

المشاركة الأصلية كتبت بواسطة حياتي كلها امل

اهلا سرين يارب تكوني ريحتي شويا من الحساسية

الله يسلمك حياتي كلها أمل حمد لله ريحت مي راني نكمل في الدواء و اليوم بدأت تطبيق برنامج 1200 و راح نكتب تقارير يومية لواش راني ناكل ههههههههه في موضوعي طبعا هههههههه

[سيرين 5]

المشاركة الأصلية كتبت بواسطة omelbanin

صباح النور يا سيرينو كيف الحال ؟
ايا ام هاجر اعطينا رابك في الموضوع نتاع اليوم.

لاباس الحمد لله شكراااا أم البنين

[omelbanin]

بالنسبة لموضوع ،انا زوجي كل جانب كيفاش ،جانب النظافة يزقي عليهم ،مثلا قوللهم نوضو اغسلو يديكم اورجليكم حاشاكم.
بصح انا عندي مشكل انو ما يخرجهمش معاه ، كي يجي رايح للمسجد نلسقهم فيه بسيف.
من جانب الدراسة ما يقوللهمش كامل نوضو تقراو تلفايني غير انا نهدر .

[سيرين 5]

أنا بنتي مازالت رضيعة ما عندنا ما نربو فيها ههههههه رانا غير نلعبو معاها ههههههه

[روضة 88]

موضوع شيق مع انه ابني مزال بيبي
بصح نشارك بردي

الاب في المجتمع الجزائري يعتبر المراة هي المسؤولة الوحيدة في تربية اولادها سواء من ناحية النظافة او الاخلاق او التعليم .....

والاباء يختلفون كاين لي يهتم بنظافة اولاده ويسقي عليهم على جال هذا الامر .
وكاين لي يهتم باناقة اولاده تلقايه اذا عندهم خرجة هو لي يحب يلبسهم و يعدللهم.

ونزيد نقلكم المجتمع الجزائري مزال مش متفهم حقيقة دور الاب تلقاي اذا خرج بنو الصغير برا يقولو ها المراة في الدار شابعة راحة وهو راه في الشمس متميزر مع الاولاد .....
ومن هذا المثال انواع.

انا نحب الاب او الام تكون عندهم ه

[روضة 88]

نحب الاولاد تكون عندهم هيبة من الوالدين صح يدلوهم و يلعبو معاهم بصح في امور التربية والتعليم لازم يزيرو اولادهم

[omelbanin]

كيما قلتي ختي ،انا زوجي كي نقولو عياوني دراري ،ولازم انا نوريلهم كلش ؟
يقولي هده سنة الحياة وهذاهو دور المراة .

[حياتي كلها امل]

وين راكم يافرشات

[arwa alaa]

والله رانا غير هنا راني نتبع فيكم بصح مقدرتش نكتب النت شوية ضعيفة

[arwa alaa]

انا راجلي ميعونيش في الاولاد الطفل يخرجو والبنات هذا وين بدى ينوب ربي ويخرج بالوحدة لانو ميقدرش عليهم في زوج وميهدرش معاهم حتى كون يقلبو الدنيا وكون نعيط عليهم قدامو يقولي عندك لينار كيفاش تحبيهم يكونو وهما ميخرجوش ويبدى قصة حياتو حنا كنا نلعبو ونديرو ونديرو ........
والقراية نتاع وليدي ميقولوش نوض خلاص تقرى يقولك سنة اولى كون تضغطي عليه يكره القراية المهم فيلسوف .......وميقريهش انا نرقد في اليل البنات ونقريه يقولك انا نستكلف بالبرى ونتي في الدار ............ومفسد طبايع وليدي مفششو بزاف وواش يقول يمشي ..........

[omelbanin]

كنت في دار شيخي هذا وين جيت رحت نطل عليهم، موقبيل درت رد بالتخبية غير كي عجبني الموضوع و فت حطيتو،كون يفيقولي يقلولي راكي تهدري في الفيس بوك .

[omelbanin]

انا ولادي حبيت ندخلهم يديرو رياضة،و ،حبيت ندخلهم للجامع ،بصح كي باباهم ماشي حامق،كل بداية سنة نقولو سجلهم ،يقولي ضرك ،ضرك ...حتان يخلاصو البلايص . وزيد جاو دراري ، يوصلو لسن معين لازملهم الاب يكون واقف.

[omelbanin]

واش بيكم ،وين راكم ام لينا ،ام راضية ،ام متين ،والاخريات......، واقيلة ما عجبكمش الموضوع.