مساعدة يخصوص المخبز ارجوكم حالا

maiar · 2012-08-23, 20:11

السلام عليكم و رحمة الله و بركاته

والله راني في حيرة درت الوصفة تع المخبز

500 غ لوز مرحي و 300غ سكر رطب و ساشي افاني و لميت ب 2 بيضات
و كي حطيتو يطيب هبط و تشقق و فسد الشكل تاعو قلت نحبس حتى تعاونوني واذا مكانش حل
اذا ممكن العقدة لي بقاتلي نقدر ندير بيها قاطو خلاف و القاطو لي فسدلي نقدر نزيد نرحيه و ندير بيه قاطو خلاف

ربي يحفظكم نحب اقتراحاتكم و الحلول

الوهرانية 1 · 2012-08-23, 20:26

حبيبتي ممكن السكر يكون مخلط احيانا يخلطوه بالمايزينة
المهم من رايي انكي تتوقفي لانو الحلوى اذا تقلقنا منها منقدروش نكملوها
العجينة الي بقات ليك زيدليها 2 بيض وكي ترجع جارية حطي عليها 2 ملاعق زبدة دايبة وخلطي مليح ثم اضيفي الفرينة وكيس خميرة حلوى تدريجيا حتى تتلم العجينة من جديد شكليها حسب الرغبة بعد ما تطيب غطسيها في الشوكولا ولا المربى
ورمديها في فتات المخبز الي تشقق ليك ما ترميهش
فتيه بيدك ثم زيدي علي شوية نواد كوكو ادا عندك وطحنيه في الربو رقيق
ممكن تزيني الحبات بعد ما ترمديهم بخطوط شوكولا
والله الموفق
نتمنى اني افدتك

ميمنة الجزائر · 2012-08-23, 23:17

ميار كثرتي السكر اسمحيلي ماشفتش كون بعثتيلي ميساج اموا عاونتك حنونتي

يعني المخبز الوز ثلاث كيلات وبكيلة سكر غير زوج صباع فهمتي وفاني ويجيك يهبلل وما يطيحش ولميه بشوية زبدة ماشي جارية او بوماد وكي تطيبيه

ما يطيبش من فوق غير من تحت برك باه يجيك طري

ولا تشققلك راه يجيك حطبة يعني لازم تغطسيه في العسل المخفف باه يطرالك ومن بعد باه تقلاسيه يارب وتقريه قبل الوقت

والاخر ديريه داخل اي حاجة مثل التشاراك ولا الالعرايش وربي يهنئك حنونتي

maiar · 2012-08-24, 08:47

اقتباس:

المشاركة الأصلية كتبت بواسطة الوهرانية 1

حبيبتي ممكن السكر يكون مخلط احيانا يخلطوه بالمايزينة
المهم من رايي انكي تتوقفي لانو الحلوى اذا تقلقنا منها منقدروش نكملوها
العجينة الي بقات ليك زيدليها 2 بيض وكي ترجع جارية حطي عليها 2 ملاعق زبدة دايبة وخلطي مليح ثم اضيفي الفرينة وكيس خميرة حلوى تدريجيا حتى تتلم العجينة من جديد شكليها حسب الرغبة بعد ما تطيب غطسيها في الشوكولا ولا المربى
ورمديها في فتات المخبز الي تشقق ليك ما ترميهش
فتيه بيدك ثم زيدي علي شوية نواد كوكو ادا عندك وطحنيه في الربو رقيق
ممكن تزيني الحبات بعد ما ترمديهم بخطوط شوكولا
والله الموفق
نتمنى اني افدتك

بارك الله فيك اختي
والله اني درت قاطو مغطس فالمعجون و فالشكولا و النواد كوكولذلك حبيت نبدل و ندير نوع اخر تع الطلية

maiar · 2012-08-24, 08:51

اقتباس:

المشاركة الأصلية كتبت بواسطة ميمنة الجزائر

ميار كثرتي السكر اسمحيلي ماشفتش كون بعثتيلي ميساج اموا عاونتك حنونتي

يعني المخبز الوز ثلاث كيلات وبكيلة سكر غير زوج صباع فهمتي وفاني ويجيك يهبلل وما يطيحش ولميه بشوية زبدة ماشي جارية او بوماد وكي تطيبيه

ما يطيبش من فوق غير من تحت برك باه يجيك طري

ولا تشققلك راه يجيك حطبة يعني لازم تغطسيه في العسل المخفف باه يطرالك ومن بعد باه تقلاسيه يارب وتقريه قبل الوقت

والاخر ديريه داخل اي حاجة مثل التشاراك ولا الالعرايش وربي يهنئك حنونتي

ان شاء الله بارك الله فيك من البارح و انا نخمم و لقيت الحل والله ماتولهت نبعثلك صح بلاك السكر لاني ضربت المقادير في 3 درت كيلو و نص تع لوز مرحي مع 900غ سكر
شوفي نجرب الحل و اذا صلحلي نقولك مممممممواح يا العزيزة

kakinova · 2012-09-12, 22:26

ممكن تستعملي العسل عاقد مكان السكر مع الزبدة و الفاني و تلمي بشوية بيض

انا نستعمل البياض فقط للمخبز باه يجي خفيف و طري

و السكر من الأفض تنقص حتى يجيك مع القلاساج ماشي حلو بزاف و تستطعمي ذوق المكسرات

oum malouka · 2012-09-12, 22:45

salam el okht el mkhabaz mayhabch el sokor bzaf mea lglacage ywali hajra alor zidi la poudr entae louz et recuperer la pate diyalak