مادلان التين الجاف منكه بالحمضيات من مخاميخي

[om kamilia]

السلام عليكم ورحمة الله وبركاته
بسم الله الرحمن الرحيم




اليوم راني كرر وحد الموضووع تاع المادلان
كما تعرفو كاامل دراري يحبو هذا النوع الخفيف وعلاش ما نمدوش لاولادنا اكلات طبيعية بشوية حيل راح يتلذذو بفواكه ولا خضر ما يحبوهاش وحتى الكبار وطبعا
اليوم مادلان بالكرموس اليابس أو التين االجاف أو إينِغْمان أو ثازرث كل واحد واش يسميها

في الحقيقة مكانش عندي هذي الفاكهة باه نعاودها درت التمر هههه وأكيد التمر و كل الفوااكه الجاافة مسموحة بالمشاركة ي هذو المادلان أو كاب كيك أو مافن كما تحبو


نمر للمقادير
3 حبات بيض
فانيليا
نحتاج علبة ياورت بنكهة الليمون او البرتقال إن وجد
بنفس العلبة كيلة سكر وهنا ننقص أو نزيد حسب الحلاوة لي تحبوها ولآ حشيتوها بالمربى ننصحكم نقصو 2 مغارف كبار

خميرة كميائية باكي ونص

زاست ليمون والبرتقال كثروا منها هي السر

كيلة زيت ناقص2 مغارف

كيلة مايزينة و لآ نص كيلة سافن آب أو أي مشروب غازي بنكهة الليمون أو نص كيلة حليب

كرموس يابس مقطع ونكونو شمخناه شوية في ماء الزهر ورمدناه في الفرينة

فرينة تقريبا ثلاث كيلات تقدرو تزيدو واحدة و لآلآ زدتو سافن آب أو الحليب

طريقة التحضير

نحط السكر وصفار البيض وفانيلا نضرب مليح حتى يبيض اللون نضيف الزيت
على شكل سرسوب نضيف الفرينة منخولة مع الخميرة الزاست و المايزينة والياوورت و المشروب الغازي إن لم نستتعمل مايزينة

نشوفو الخليط ولآ بدى يعقد شوية خلاص نخفوه ببياض البيض لي ضربناه كالثلج

ندهنو ول المادلان ونرشو عليه فرينة ولآ نحطو كيسات نصبو الخليط 3 أرباع نخلوه 10 دقائق المدة لي يخن فيها الفرن على 150 حتى نشوفوه بدى
يتحمر من تحت نزيدو نحمروه خفييف من فوق
يبرد شوية
نحوه ونزينوه
التزين كما تحبو
لحشو يتماشى بزاف معاهم هذو الانواع تاع المربى
رب التمر ومربى المشم مربى البرتقال

انا حكمت سورانغ جديدة غير مستعملة عمرتها مربى تاع الرمان مش حلو بزاف


وزينت من فوق خفيف انتم و أذواقكم
وبالصحة والراحةا




















































وبالنسبة للسكر الكيلة تزيدو عليها إذا ما استعملتم مربى حلو و تزين حلو لانها هكاك راهي معتدلة الحلاوة.

المايزينة والحليب و المشروب الغازي استعملوا واحدة فقط منهم وانا مكانش عندي درت مغرف كبيرة عصير ليمون ومغرف حليب





























و لآ عجتكم الوصفة وجربتوها دعولي دعوة خير لأخي بالشفاء العاجل
أي استفسار راني ي خدمتكم نجاوبكم حسب تجارربي البسيطة

[raboha]

اللهمّ اشفه شفاءً ليس بعده سقما أبداً، اللهمّ خذ بيده، اللهمّ احرسه بعينيك الّتي لا تنام، واكفه بركنك الّذي لا يرام، واحفظه بعزّك الّذي لا يضام، واكلأه في الليل وفي النّهار، وارحمه بقدرتك عليه، أنت ثقته ورجاؤه يا كاشف الهم، يا مفرّج الكرب، يا مجيب دعوة المضطرين، اللهمّ ألبسه ثوب الصحّة والعافية عاجلاً غير آجلا يا أرحم الرّاحمين، اللهمّ اشفه اللهمّ اشفه اللهمّ اشفه، اللهمّ آمين
أولا بديت لدعوة لخوك ربي يخليهولكم يا رب
بارك الله فيك على الوصفة الجد رائعة
و عجبتني فكرة القازوز أكيد نجربها
و خسارة هذو الحيل للأطفال مينفعوش حتى الكبار ميحبوش ياكلوهم
يحبو المادلان و بس لا زيادة

[om kamilia]

شكرا عزيزتي ربوحة هذا وين ككملت تعديل الصور عجبني بزاف دعاء يعطك الصحة وشكرا على مرورك الطيب
صح الاطفال لكن بحيل وادخال الاذواق لي يحبوها نقدرو نكلخو لهم وبالتالي نرحو شوية فيتامينات لصحتهم

[ام حمزة22]

السلام عليكم


ام كاميليا ربي يجلزيك ويحفضك يعطيك الصحة على الوصفة المادلان راهم يشهو لحقتني ريحتهم المعطرة هههههههه

ربي يشفيلك خوك عاجلا غير اجلا

[ام سارة18]

أم كاميليا شكرا على الوصفة فكرة هائلة للأطفال يعطيك الصحة

[ام عبدو و ملاك]

ااااااااام ام كاميليا ماشاء الله شهيتيني مع الصباح بارك الله فيك و ان شاء الله نجربو

[أم ياسين الزهراء]

الله يعطيك الصحة هايل

[oum ibrahim]

يعطيك الصحة ام كامي فعلا لازم نتحايلو على الاولاد باه يا كلو اشياء صحية و ربي يشفيلك خوك و يمتعو بالصحة والعافية

[oum islem]

ربي يشفي خوك ام كاميلي عاجلا يا رب
ويعطيك الصحة على كامل وصفاتك الصحية
جزاك الله خيرا

[x ام رحاب x]

شكرا حبيبتي على الوصفة الرائعة جعلها الله في ميزان حسناتك
وربي يشفي خوك شفاء مابعده سقما اللهم البسه ثوب العافية امييييييييييييييييييييييييييييين

[ام سوهيل]

ام كاميليا ربي يجلزيك ويحفضك يعطيك الصحة على الوصفة المادلان راهم يشهو لحقتني ريحتهم

[دائمة الشكر]

ام كاميليا روعة روعة يعطيك الف عافية
ربي يشافي خوك ويلبسه ثوب الصحة والعافية اللهم امين

[ام اروى وعاصم]

اسا ل الله العظيم رب العرش العظيم ان يشفي اخاك شفاء عاجلا وشكرا على الوصفة

[آسيا 27]

اممممممممممممممممممممممممممممم بزاااف 444444 الله يعطيك الصحة ام كامي

[raboha]

المشاركة الأصلية كتبت بواسطة om kamilia

شكرا عزيزتي ربوحة هذا وين ككملت تعديل الصور عجبني بزاف دعاء يعطك الصحة وشكرا على مرورك الطيب
صح الاطفال لكن بحيل وادخال الاذواق لي يحبوها نقدرو نكلخو لهم وبالتالي نرحو شوية فيتامينات لصحتهم

متشكرينيش ختى و الله قلبي معاك الخو عزيز بزاف و كان نصيبو حاجة متوشيهم
ربي يشافيه
و راني شفت الصور و الله يشهو و كيما قتلك بناتي مياكلوهمش حتى و تتزين بالشانتي و لا الشيكولا بصح يفيقو
غير ياوورت فرويتي و الله ينحو قاع الفاكية و لا مياكلوهش
عليا أنا كاش نهار نجربهم و نوريلك تطبيقي
سلام خيتي و ربي يشافي خوك