|
قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2015-12-10, 09:17 | رقم المشاركة : 1 | ||||
|
زوجي و الغضب
أنا متزوجة حديثا تقريبا سنة ، أ‘عاني من مشكل مع زوجي ، منذ أن تزوجنا انقلبت حياته راسا على عقب في الأول والدته التي أصيبت بغيرة هوجاء لا توصف و لا تحتمل دوقتنا كل انواع المرار تخيلوا بدون ما يمر علينا اسبوع تزعف من زوجي بدون سبب و تفتعل معه المشاكل و تضل غاضبة حتى يروح يصالحها اخر مرة ضلت غاضبة لاكثر من شهر بدون سبب فقط الغيرة لم تحتمل زواجه المهم ذهب وصالحها و كي يهدر معاها تقولو انت زعفت و شنفت ماشي أنا ...و من جهة أخرى اخوته كل واحد منهم أداقه شيئا من الخصام و كانه بزواجه ارتكب جرما محرما مع اننا عايشين انا وهو مثل الأغراب لا أستطيع حي التحدث معه خارج غرفتنا حتى السؤال العادي لا يمكن ...... المهم زوجي اصبح شديد العصبية و كل مرة يقلي انا نادم على النهار لي خممت في نزوج و الشيء الذي يحز في نفسي اني اذا غضبت منه على شيء لا يحتمل بتاتا ادا حصل و غضبت فهدا مرفوض و ممنوع و يخرج فيا زعاف نتاع كامل الناس و البارحة تخاصمنا بيني و بينه حال اي متزوجين قالي روحي لداركم ناقصني انتي تزعفي ... من كتر ما غضبت والدته و هو يصالحها ممنوع علي ان نختلف او نتخاصم نحن مازلنا متزوجين حديثا و طبيعي نختلف لكن هو لا يقبل مطلقا اي خلاف ولو بسيط يصبح كالثور الهائج كرهت و انا حامل و لا ادري مالحل تقولولي اتجنبي تزعفيه او تناقشيه أقول اني اتجنب اماستطعت و لكن وجود شخصين معا بدون اختلاف أمر غير ممكن كيما يقول المتل المصارن فالكرش و يدابزو
|
||||
2015-12-10, 13:54 | رقم المشاركة : 2 | |||
|
أنت مدركة تمام الإدراك لما يحدث في بيتك |
|||
2015-12-10, 14:51 | رقم المشاركة : 3 | |||
|
.....وجود طفل راح يشغل ام زوجك عنك ....صدقيني راح يغير حياتك كامل ...حاولي اعطي لزوجك الحنان وما تحكيلوش على دارهم كامل احكو عن الطفل القادم .... |
|||
2015-12-10, 14:55 | رقم المشاركة : 4 | |||
|
اختي ربي يسهل حياتكم بصح حاجة معجبتنيش وهي امه راهي غايرة هذي كلمة ليست في محلها |
|||
2015-12-10, 15:06 | رقم المشاركة : 5 | |||
|
اوافق الاخت زبدة ذايبة و ما عندي ما نزيد على كلامها بالتوفيق اختي |
|||
2015-12-10, 15:10 | رقم المشاركة : 6 | |||
|
الامهاة دائما يجبوا المشاكل و الغيرة |
|||
2015-12-10, 15:18 | رقم المشاركة : 7 | |||
|
زبده ذايبه مخلتنيش نعبر قالت كلش الله يبارك معندي مانزيد. |
|||
2015-12-10, 17:45 | رقم المشاركة : 8 | |||
|
اختي الام بعد زواج ابنها تحس بللي جات امرأة و داتو منها هذا امر كامل يفوت عليهم و احنا كي نكبرو و نزوجو ولادنا نحسو هكذا و زوجك لازم يرضي امه لانها كي ترضى عليه يتفتحو في وجوهكم بيبان الخير و تلقاوها في و لادكم. |
|||
2015-12-11, 15:47 | رقم المشاركة : 9 | |||
|
اختي غير اصبري صدقيني راح تتبدل الاوضاع بداية الزواج هي الاصعب ومن بعد تولي الملكة والطفل غادي يحل بزاف مشاكل نتي اصبري وراح تشوفي الخير وماكانش اللي مافاتتش على هادي المرحلة انا كنت وحدي ماشي مع عجوز وكانت حالة زوجي كيما زوجك يزعف ويهيج بصح مع العشرة والوقت والله راني ندير كيمانبغي ونفهمه ويفهمني اصبري حنونة وربي معاك |
|||
2015-12-11, 16:58 | رقم المشاركة : 10 | |||||
|
السلام عليكم |
|||||
2015-12-11, 22:59 | رقم المشاركة : 11 | |||
|
ربي يكون معاك ختي . أنت باينة صبورة و متفهمة . زوجك الله غالب عليه إذا زعف راكي تفهمتي وضعه . صبريه ربي يفرج . إن شاء الله تبنيو و لا تكريو إذا لزم الأمر . |
|||
2015-12-11, 23:22 | رقم المشاركة : 12 | |||
|
الصبر ثم الصير ثم الصبر عندنا مثل يقول اللي ما جوزت ما زوجت راكم في مرحلة بسط النفوذ وهي تجبد من حهة وأنت من جهة والمشكل أنت راك بالحمل ماراكيش قادرة على الغضب و القلق إذن سايسي روحك وبمرور الزمن تهدأ الامور وكل واحد يحكم بلاصتو وإن شاء الله ما يكون غير الخير |
|||
2015-12-12, 00:58 | رقم المشاركة : 13 | ||||
|
اقتباس:
اختي حاولي تتفهمي وضعيته هو راه في الوسط انت ماتكلميهش على امه ولاعلى اخوته انت تعرفي انه الام من شده حبهالابنها تحس انه راح من بين يديها لما يتزوج للاسف كثير من الامهات يفكرواهكدانت فاهمة وواعية ومثقفه تفهمي الامر وحاولي تكوني اكثر حكمة وحاولي تخلي قلبك كبير وخلي عندك حلم وصبر وماتقلقيش روحك ولازوجك هده الدنيا وهده الحياه لابد ان نمر بظروف صعبة ونعيش مشاكل ربي يمتحنا ويجربنا واحنالازم نصبر ونرجع ليه سبحانه دايما حاولي توفري لزوجك جو من الراحة والهدوء وبالاخص وانتما لوحديكما لاتتكلموا عن المشاكل ولاعن اي شيء يبعدكما عن بعض تفهمي وضعه واصبري وادعي الله يكون معك وتقدري تواجهي كل مشكل بحكمة وعقل وهو يحاول يرضي امه ومايخليهاش تزعف يساسها ويساعفها ويحسسها انه يحبها وانه غاليه وهكدا وتعدي وهداليس معناه انه ضعيف الشخصية لا فقط هو لازمه يعمل هكدا حتى يتجنب غضبها وحتى يرضيها معليهش لابد انه يتصرف بحكمة ويحاول يتفهم عقليتها ويمشي على حسابها وانت كدلك خليها تحبك وتكوني عزيزة عليها تقربي منها واكسبي قلبها ورضاها مهما كان يااختي هده امه والام عمرها ماتفوت اولادها بالنسبة لاخوته لاادري فقط تجنبيهم وهو يحاول ما يدخلش معهم في مواقف تجيب له اي مشاكل او اي شيء يزعفه المهم انت وهو تكونوا متهنيين وتسعدوا وماتتقلقوش وتزعفوا وتتخاصموا لاتفه الاسباب وربي معكم ويهنيكم |
||||
2015-12-12, 01:00 | رقم المشاركة : 14 | |||
|
ربي يهدي راجلك |
|||
2015-12-12, 11:04 | رقم المشاركة : 15 | ||||
|
عدت مرة أخرى عزيزتي |
||||
الكلمات الدلالية (Tags) |
الغضب, زوجي |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc