سلام
حبيبتي حياة تغلي الروز عادي حتى تشوفي حبت الروز دخلها طياب من الاحسن استعملي روز المفور قد ما يغلي في الماء ما يتعجنش يجي كلي مفور والحب مبرزع
اما الصوص انا نقطع البصلة على ربعة ونحطها في الفدر و تاني طماطم ندير 2حبات نقطع الحبة على 4 ونضيفها للبصل نضيفلهم الثوم 2 ولا 3 فصوص نضيف الرند انا دايمن ما يخطينيش في الصوص الحمرء نضيف الظيف الزيت والملح وملعقة طماطم مصبرة ونضبفلهم الماء قيس ما يغطي المكونات نخليهم فوق النار يغلو حوالي 10 دقائق نحي الرند ونرحي الصوص بالخلاط الكهربائي نتحصل على صوص تقيلة هتد الطريقة نستعملها حتى في المعجنات مثل السباقيتي والماقارون
اما الحوت نقليه عادي بعد ما نرمدو في الفارينة
نححط الروز في طبق يدخل الفرن نضيفلو الصوص ونشبحو بالحوت ندخلو الكوشة قيس ما يسخن برك
وشهية طيبة
( تقرير عن مشاركة سيئة )، و الموجودة أسفل كل مشاركة .
2014-08-01, 14:08
العرض العادي
