فراشات تنطلق من جديد نحو نفسية راضية مسترخية همتها من حديد - الصفحة 8

أمة الله 84 · 2015-09-15, 11:04

السلام عليكم
صباح الخير على كل الفرشات النشيطات
إن شاء الله تكونو بخير و ربي يوفق كل فراشة معنا في إنتظار حضور القائدة حبيبة إن شاء الله المانع يكون خير يارب.

منال100 · 2015-09-15, 13:54

السلام عليكم
واش راهم الفحلات مع الاستعداد للعيد رب يخلي ايامكم كلها أعياد
ام نسيبة الشطورة يعطيك الصحة رب يعونك ويسهل عليك وهذاك الشعر راني قريتو واستمتعتبيه خاصة البيتين الاخيرين
انا البوتاجي انتاعي صغير طول معمر ما يبان فيه والو
ام صابرين يعطيك الصحة ورب ان شاء الله يساعدك في اعمالك نعرفك مرا ونص
رب يساعدكم جميعا

ام آدم · 2015-09-15, 18:02

السلام عليكم يا لبنات
ادعو لبنتي بالشفاء راهي طاحتلي امس من الدروج على راسها من الخلف وغابت عن الوعي راهم قالولنا راقبوها 72 ساعة
ادعولها ما تكون حتى مضاعفات ربي يحفظلكم وليداتكم ان شاء الله

أم ريتاج زهرة · 2015-09-15, 18:08

اقتباس:

المشاركة الأصلية كتبت بواسطة ام آدم

السلام عليكم يا لبنات
ادعو لبنتي بالشفاء راهي طاحتلي امس من الدروج على راسها من الخلف وغابت عن الوعي راهم قالولنا راقبوها 72 ساعة
ادعولها ما تكون حتى مضاعفات ربي يحفظلكم وليداتكم ان شاء الله

ربي يشافيهالك يا حبيبتي و يخليهالك و إنشاء الله ما يكون غير الخير و سرعان ما تفوت 72 ساعة طمنينا عليها

فراشات العمر · 2015-09-15, 18:09

الله اكبر الله اكبر
يا اختي ربي يكون في العون يا رب بعد عنها كل شر قومي ببنتك وخليك من الباقي واجريو بها من طبيب لاخر
ان الصدقة لتطفئ غضب الرب
تصدقي حتى بحليك لابعاد شر واحتسبي اجرك

فراشات العمر · 2015-09-15, 18:16

اقتباس:

المشاركة الأصلية كتبت بواسطة أم نُسيبة العامرية

اهلا فراشات العمر واش حوالك عندي بزاف ماشفتكش توحشتك

و

يا اختي التوؤم ههههههههه سمينات يتوحشك الخير
رني حاصلة مع مكينة الخياطة ماعلاباليش واش بيها اذا بغيتي شوفي الرد نتاعي دايراتو في الصفحة الاخيرة
https://www.djelfa.info/vb/showthread...743529&page=11

أمة الله 84 · 2015-09-15, 18:28

اقتباس:

المشاركة الأصلية كتبت بواسطة ام آدم

السلام عليكم يا لبنات
ادعو لبنتي بالشفاء راهي طاحتلي امس من الدروج على راسها من الخلف وغابت عن الوعي راهم قالولنا راقبوها 72 ساعة
ادعولها ما تكون حتى مضاعفات ربي يحفظلكم وليداتكم ان شاء الله

يارب يشافهالك و متكونش حتى مضاعفات أني بنتي راه بسخانة مهبطتش من 39 قالولي قراجمها و الله راني مقلقى عليها
اللهم إشفي مرضنا و مرضى كل المسلمين

hafidha20010 · 2015-09-15, 19:17

أم آدم ما تخفيش ارمي تكالك على الله هو يتكفل بها
ان شاء الله ما يكون غ الخير بصح راني ما فهمتش مليح هل افاقت ام مازالت فاقدة للوعي لا قدر الله
ان شاء الله رب يبعد عليها كل شر يا رب يا حنان يا كريم يا عظيم الشأن لا تردنا خائبين اشفها وعافها واسمعنا عنها الا الخير
اللهم اشف مرضانا في كل مكان
سلام

ام هزار · 2015-09-15, 19:59

اقتباس:

المشاركة الأصلية كتبت بواسطة ام آدم

السلام عليكم يا لبنات
ادعو لبنتي بالشفاء راهي طاحتلي امس من الدروج على راسها من الخلف وغابت عن الوعي راهم قالولنا راقبوها 72 ساعة
ادعولها ما تكون حتى مضاعفات ربي يحفظلكم وليداتكم ان شاء الله

قدر الله و ما شاء فعل .... اللهم اشفها شفاء لا يغادر سقماااااااااا ........... قلبي معاك يا اخيتي ......... عليك بصدقة السر... لا تنسي طمنينا

oum sabrin · 2015-09-15, 21:55

اقتباس:

المشاركة الأصلية كتبت بواسطة ام آدم

السلام عليكم يا لبنات
ادعو لبنتي بالشفاء راهي طاحتلي امس من الدروج على راسها من الخلف وغابت عن الوعي راهم قالولنا راقبوها 72 ساعة
ادعولها ما تكون حتى مضاعفات ربي يحفظلكم وليداتكم ان شاء الله

اختي ام ادم ان شاء الله ما يكون غير الخير ربي يشفيها عاجلا غير اجل و ما يكون عندها حتى مضاعفات امييييين يا رب
طمنينا عليها من فضلك او الله قطعتيلي قلبي الله المستعان

oum sabrin · 2015-09-15, 22:12

اقتباس:

المشاركة الأصلية كتبت بواسطة أم نُسيبة العامرية

اهلا فراشات العمر واش حوالك عندي بزاف ماشفتكش توحشتك

وتوحشت أم آدم و أم مؤمن و أم صابرين و شي بيبا و زينب وكل الفراشات المتألقات
و أم يسرى و أم سلمى و أم فاطمة و رقية الناجحة و بعيدة المنال
ومنال و موستاليمو يادرى واش خبارها
ام ياسيم و أم ريتاج واش حوالكم
الي نسيتها تسمحلي نحبكم كلكم

على السلامة حبيبتي واش راكي هدي غيبة ليك وحشة واش راكي مع ضرسك ان شاء الله يكون زل عليك شويا

اقتباس:

المشاركة الأصلية كتبت بواسطة منال100

السلام عليكم
واش راهم الفحلات مع الاستعداد للعيد رب يخلي ايامكم كلها أعياد
ام نسيبة الشطورة يعطيك الصحة رب يعونك ويسهل عليك وهذاك الشعر راني قريتو واستمتعتبيه خاصة البيتين الاخيرين
انا البوتاجي انتاعي صغير طول معمر ما يبان فيه والو
ام صابرين يعطيك الصحة ورب ان شاء الله يساعدك في اعمالك نعرفك مرا ونص
رب يساعدكم جميعا

واش راكي حبيبتي منال واش ر اكي دايرة مع الدخول المدرسي و اجواء العيد ربي يخلي كل ايامنا عيد
الله يسلمك انت تان مرا و نص ما شاء الله عليك
انا اليوم ما درتش التنظيف العميق راني مريضة لوكان نقولكم وين جاتني دملة حاشاكم تحت الابط دارت فيا حالة حتى رحت اليوم عند طبيبة الجلد اعطاتني مضادات حيوية و قاتلي راهي غلقتلك الغدة العرقية من اليوم le rasoire ممنوع و الستيك كذلك قاتلي لازم تنحي بالرجينة و انا ما نحملهاش وااااع

دبرو عليا لي جربت براون تقولي تجربتها باش نشري واحدة ربما تساعدني و يتحل المشكل
سلامي الحار لكل الفراشات كل واحدة باسمها توحشتكم بدون ذكر الاسماء نخاف ننسى و تزعفو عليا ما رانيش مركزة بزاف

أم عبد الله ياسين2 · 2015-09-16, 05:44

السلام عليكم ، توحشتكم ، ربي يشافي مرضاكم يا رب و يفرج همكم ، ادعو لأمي راهي في حالة في المستشفى جاتها بعيد الشر عليكم البنكرياس مهري و الحجر في المرارة و الله كانت هايلة في دقيقة مسكينة تبدلت حابتها ،
ام ادم ما يكون شر عند بنتك ، ام نسيبة حبيبة قلبي و الله راني من حاجة لحاجة و الله مقعدت باش نعيطلك ، ام صبرين منال ، بعيدة المنال ، رقية ، ام مومن ، زهرة ، ام هزار و كل الفرشات ربي يخليكم و يقدركم يا رب

ام صبرين ، بالنسبة لبراون مليحة بصح توجع بزاف تحبي نصورهالك ماشي مشكل انا نحي بها حشاك رجليا و لكن عندي ماكنة الرجينة بالشمع تاع فات هايلة و متوجعش غدوة نصورهملك في الزوج ، الدملة انا مدارية ندير بصلة في زيت الزيتون و نحطها عليها طيب و حدها و حشاك يخرج هداك الخماج ،
الأعمال المنزلية راهي فوق راسي من غدوة نبدى التطبيقات بالاذن الله
لا تنسو امي من دعائكم في هذه الأيام المباركة ، سلامي ليكم أحبكم في الله

فراشات العمر · 2015-09-16, 06:35

السلام عليكم
صباح الخير عليكم كامل فرشات حبوبة
الفراشة لي بنتها عندها الحمة راني دايرة موضوع شكون تشارك معايا https://www.djelfa.info/vb/showthread.php?t=1861409

غزالة1 · 2015-09-16, 08:13

السلام عليكم
ا

للهم اشفي مرضى المسلمين
اللهم اشفي بنت ام ادم و اعطهم القوة و الايمان
اللهم اشف ام ام عبد الله و كن معها يا رحيم

قلبي معكم حبيباتي
لا تنسو طمنونا ا بالاخبار
سلام

amel... · 2015-09-16, 11:59

صباح الخير عليكم و ان شاء الله كامل تكونو بخير و الصحة الحمد لله

ان شاء الله كل واحد عندو مريض ربي يشافيهولو ... امين

كنت نقرا في الاشياء لي كتبتهم الاستادة حبيبة و دايرة ورقة ونهز فيها معلومات ... معولة ندير برنامج لي يساعدني خاصة اني بديت خدمة هاد ليام ادعيولي

نكمل فيها او يرزقني ربي باخرى تكون دايمة

فرحانة كي عندي خواتات في هاد اللمة ... ان شاء الله ربي يباركلنا فيها و باعتبار الاغلبية فيكم متزوجين يا ريت تجاوبوني على هاد الانشغال

و تدعيولي ربي يكملي بالخير و يفرحني ... اي توجيهات و لا نصائح متبخلونيش لربي يحفضكم

https://www.djelfa.info/vb/showthread.php?t=1864945

اخت حبيبة راني حابة تلتزم و نكمل باه تولي عادة عندي باه كي يكتب ربي يلحق الوقت لي نكون فيه في دار ناسي يقولي علي فحلة و شابة ماشي خايبة

سلامي لكل وحدة باسمها ... ان شاء الله تقبلوني بيناتكم