فراشات تنطلق من جديد نحو نفسية راضية مسترخية همتها من حديد

[منال100]

نحن سندك بعد الله سبحانه وتعالى
رفقتنا ستصير الحياة أسهل
سمي الله وادخلي برجلك اليمنى

[ام آدم]

المشاركة الأصلية كتبت بواسطة عبير الجوري

السلام عليكن جميعا
بكل الود و كل الحب أتمنى أن أكون بينكن محلقة في سمائكن الرائعة علني أستطيع أن أصحح بعص ما يخجلني من نفسي و يكثر عليها العتب رغم أن ظروفي صعبة جدا جدا و لكن .... و ما نيل المطالب بالتمني و لكن تؤخذ الدنيا غلابا
سلامي لك حبيبة و لكن من ستكون لي سندا و قدوة طبتن

اهلا و سهلا اختي
كلنا لدينا ظروف و لكنا بفضل الله و بفضل دعمنا لبعضنا البعض سنعمل على اجتيازها
يدا بيد اختاه نحو بر الامان ان شاء الله

[عبير الجوري]

بيت عامر و أهل طيبون هكذا تكون خصال الكرام
لكم مني ألف تحية و الف شكر و مليون جعلها الله في ميزان حسناتكن
اللهم اجمع كلمتنا على التقوى و سهل لنا ما تحب و ترضى اللهم آمين إلى الأمام

[الوردة الندى]

كلمات تكتب بماءالذهب بوووووووووووووووووووووووركت

[oum sabrin]

واش راكم حبيباتي الفراشات اتمنى تكونو كامل بخير
وينكم كاش همة
اختنا عبير الجوري مرحبا بك في بستان الفراشات النشيطات اتمنى ان تلقي ظالتك معنا بالتوفيق لك و لكل الفراشات
انا بالاضافة للتطبيقات لي حطتهم الاخت حبيبة راني بديت ندير تنظيف عميق مع غسل الستائر و الشورا لكل الغرف تحضيرا لعيد الاضحى بحول الله
اليوم درت معكرونة باللحم المفروم و ديت بنتي للمرسة و الان نروح لغرفة ابنائي
الى الامام سر

يومكن موفق

[البحر الصافي]

صباح الخير على كل الفراشات النشيطات

[أمة الله 84]

السلام عليكم
صباحكم بالخير اجميعا كل الفرشات الناشطات إن شاء الله تكونو بألف خير
راني اليوم كيما أم صابرين مع تطبيقات تاع حبيبة و تنظيف عميق لغرفتي و غسل تجهيز لعيد الأضحى إن شاء الله
هيا يا فرشات همة و نشاط.

[عبير الجوري]

السلام عليكم جميعا
باسم الله - و كما تعودت في صغري - سأسرد لكم ما حصل لي بالأمس (أول يوم لي في مدرسة الفراشات)
لقد تعودت أن أدخل البيت بعد عناء العمل المتواصل منهكة تعبة كارهة و لا اعمل إلا ما هو ضروري

أما بالأمس

فقد دخلت كلي همة و نشاط و أصدقكم القول أني لم ألتزم 100/1000 لكن أخذ بيتي مني نصيب و أولادي راجعت معهم قليلا بدون الانفعال و النرفزة المعتادين كما أني انتبهت لجانبي الجمالي الذي قاطعته مدة ليست باليسيرة و نومت حبيباي التوأم (هالة و هيثم) بملء الحنان و الود و قبلت الجبينين داعية الله أن يحفظهم و يعينني على تربيتهم و أسلمت و جهي للذي فطر السموات و الأرض و كلي رضى عن نفسي و عن ما حدث لي من تغيير في هذا اليوم الجميل بوركتن جميعا

[zara08]

السلام عليكم اخواتي الفراشات انا سأنضم اليكن و كلي نشاط بدأت بتطبيق كل تعليمات أستاذتنا حبيبة و أرجو ان ان تقبلنني معكن في هذا البستان المليئ بالنشاط و الحيوية

[hafidha20010]

عيد الاضحى سيكون يوم الخميس 24 سبتمبر شدو الهمة يا بنات
انا بديت بالمطبخ باه نزهى بيه شوية قبل من العيد لانه بعد تشويط الزليف كل حاجة تولي تخلع
اعطوني كاش نصائح باه تبقى الكوزينة نظيفة
معنديش مكان واح آخر نشوط فيه
سلام

[البحر الصافي]

مساء الخير فراشات اخت حفيضة احسن شيء انك تخلي تنظيف الكوزينة بعد العيد ادا ما عندكش وين تشوطي البوزلوف لانها راح ترجع اكثر مما كانت هدااقتراحي ادا حبيتي

[فراشات العمر]

السلام عليكم
اختي حبيبة لما نوقف مع المراة واش نقول او واش نخمم
راني عقاب الجانب الجمالي

[وفاء الياسمين]

السلام عليكم
واش حوالكم توحشتكم بزززززززززززززاااااااااااااااااااااااف يارب يلاقينا دائما في ساعة خير و يجعلنا سند لبعضنا

فرحت كثير و دمعو عينيا لما قريت كلام عبير الجوري و كل الوافدات الجديدات حفظهن الله

سبحان الله من يقول ان عالم افتراضي سيصلح عالم واقعي
الحمد لله على نعمة الانترنت
والحمد لله على وجود حبيبة الغالية و الحمد لله أنَّه سخرها لنا لتساعدنا
بارك الله فيها و في جهدها



أنا راني انوض صبح نخدم غير خفيف خفيف
لأن عندي خياطة بزاف لازم نكملها
خاصة اليوم راني مطلوبة في عرس خالة راجلي نروحو في الليل باش نطيبو
نوجدو كلش في الليل و صبح نحطوه يطيب

و لازم نخيطلها 6 دراوات بمخايدهم باش يتغطاو بيهم ضيافها و مازال مابديتهمش
جلبابي هذا وين فصلتو نسبق فيه نخيطو

و لازم نكمل قفطاني الليوم اذا كفاني الوقت

ربي يوفق كل طالب خير في الدنيا و يصلح كل من عجز عن همه

ربي يبارك في جمعتنا و في لمتنا

تحياتي لكل حبيباتي الفراشات

[وفاء الياسمين]

المشاركة الأصلية كتبت بواسطة فراشات العمر

السلام عليكم
اختي حبيبة لما نوقف مع المراة واش نقول او واش نخمم
راني عقاب الجانب الجمالي

اهلا فراشات العمر واش حوالك عندي بزاف ماشفتكش توحشتك

وتوحشت أم آدم و أم مؤمن و أم صابرين و شي بيبا و زينب وكل الفراشات المتألقات
و أم يسرى و أم سلمى و أم فاطمة و رقية الناجحة و بعيدة المنال
ومنال و موستاليمو يادرى واش خبارها
ام ياسيم و أم ريتاج واش حوالكم
الي نسيتها تسمحلي نحبكم كلكم

[حنونة ومجنونة]

السلام عليكم انا اول مشاركة لي في المنتدى وحبيت تعاونوني عندي بيت صغير وكانو كبير في القضية عندي 3اولاد ربي يخليهم بحال من ينظف وقت أمطر وزوجي يخدم شهر بشهر يعني لو نتحزق شهر تتهاون الشهر آخر كيفاش نضم روحي دائما على أعصابي وكيف يروح زوجي للخدمة شهر وانا منظمة سوء في المصروف او النظافة او الطبخ في كل شىء وام الشهر إيجي فيه كارثة المنزل يصبح بركان الطبخ مرا تطيب ومرت من البرا أولادي ماعادش نحكم فيهم النوم وقت متأخر سوا انا او الأولاد النهوض كيفكيف المهم كارثة دبور عليا كيفاش ندير ومعانتي كثيرة لكن منيش حابة نطول عليكم