الميراث

[ام نهوله]

من اكثر المشاكل التي اصبحت تواجهها الاسر الجزائريه هو الميراث
فبمجرد وفاه الاب يصبح الجميع بامس الحاجه الى هذا المال حتى و ان كان قليلا
و ربما يخسر الاخوه بعضهم بسبب عدم التفاهم على حصه كل واحد منهم
و في اسر اخرى ممكن تلحق للموت
هل حب المال اكبر من العلاقات الاخويه
سؤالي هل من الممكن ان تخسر اخوك او اختك من اجل نصيبك في الحصه
هل من الممكن ان تتنازل على نصيبك اذا كنت ميسور الحال
هل من الممكن ان تسل سيفك بحثا عن نصيبك
ارجو منكم التفاعل و الاجابه على الاسئله بعيدا عن المثاليات
تقبلو احترامي

[ام نهوله]

و لا رد
الحمد لله الشعب ديالنا ما تهموش الماده زاهد فيها راكم فرحتوني يعني واحد ما واجهاتو هاد المشكله
[/size]

[eBusiness]

لا العكس يا بنت الأكابر الكل أعرب عن الموضوع ربما لأن أغلبهم إنكوى بنار حروب الميراث، كما قلتي بمجرد أن يموت الوالد تبدأ حرب لا رحمة ولا شفقة فيها تنتهي بعداوة وبغضاء بين الإخوة وهذه المشاكل تحدث للأسف مع الكثير من الأسر الجزائرية إن لم أقل أغلبها !!!

[sabrina el-chark]

كاين بزاف لي يستنى باه يموت الاب و يقسم الدار لي ملاح فيها حتى سنتيم
و هذا هو واقعنا المر

[amel03l]

اغلب المشاكل بين العائلات هي بسبب الميراث...نحكيلكم مثلا على حالنا...جدتي ام ابي مازالها في الحياة و لكن مسكينة عندها الزهايمر عندها عامين و ابي كان عندو اختو ماتت عندها اكثر من 40 عام و عمي مات عندو 4 سنين..اولاد عمي 5 ذكور وحا 4 بنات و ولد بعد ما مات عمي اخذو جدتي تتنازللهم في حقها في ميراث عمي و ابي و جدتي ماكانش عندهم مانع ....الله اعلم و لكن اغلب الظن خلاوها تكتب لهم قطعة الارض لي هي حديقتنا المشتركة بين بيتنا و بيت عمي ...و هاديك الحديقة من الوقت لي ترك ابي البيت اولاد عمي يغرسون الاشجار و الخضر و كلشي ..عندها اسبوع امي راحت غرست شجرة..و الله تخيلو قلعوها و رماوها ..النهار لي اخي كان مهمة خارج الولاية....انا كي جيت مالخدمة و حكاولي تقلقت ماشي اول مرة يحقرو امي و مرات مانحبوش نقولو لخويا عندو سكر و هوما الله يبارك 5 رجال نخافو عليه...المهم انا كي وصلت لدار و سمعت رحت للحديقة و هوما منين يسمعو وحدة فينا راحت يبداو يعسو و خرجت مرت عمي و زوج اولادها قلتلهم علاش نحيتو الشجرة قالتلي مرت عمي الحاجة على جدتي هي كتبتلنا النص الكبير لينا و ادا حبيتو تغرسو نقو مكان المزبلة و غرسو و وليد عمي قالي ديجا داركم و ماشي مكانا ماكانش لازم تبنوها ...راسي حبس و قالي عندنا دليل جداتي كتبتهالنا و يجي باباك يهدر معانا..يعني شوفو ورثو جدتي و هي في الحياة و كي جي لشرع ابي هو الوريث الشرعي و في الشرع ما عندهم والو و مام سي كتبتلهم جدتي يقدرو يدو ثلث برك و لكن هوما داو كلشي و راهم يقولو كتبتلنا ...و ممكن صح شافوها امية مسكينة يكونو مدولها تمضي على اوراق و الله اعلم ...و الله مور لحكاية واش دارولها ليما يومين قلبي يوجع ...الحقرة و امرة عمي كل دورا تقول ليما انا عندي الرجال....حسبي الله و نعم الوكيل ..انا و خياتي و خويا مانحوسوش كامل علي الارض مي كي يزيدو كل مرة يوصلو و يحقرو في يما ..و الله تغيضك بالسيف...مسكينة امي ماعندهاش كامل زهر اخوها الكبير و اولادو دا كامل حق خواتاتو و حتى اولاد عمي يقوللها كيما سمحت في ارض باباك ماتحوسيش تغرسي في بلاد جداتي...طولت مي فرغتلكم قلبي

[ام نهوله]

المشاركة الأصلية كتبت بواسطة ebusiness

لا العكس يا بنت الأكابر الكل أعرب عن الموضوع ربما لأن أغلبهم إنكوى بنار حروب الميراث، كما قلتي بمجرد أن يموت الوالد تبدأ حرب لا رحمة ولا شفقة فيها تنتهي بعداوة وبغضاء بين الإخوة وهذه المشاكل تحدث للأسف مع الكثير من الأسر الجزائرية إن لم أقل أغلبها !!!

يشرفني مرورك اخي
لانني متاكده من ان الجميع عاش هذه التجربه من قريب او بعيد طرحت هذه المشكله و كما قلت اخي وااسفاه

[ام نهوله]

المشاركة الأصلية كتبت بواسطة sabrina el-chark

كاين بزاف لي يستنى باه يموت الاب و يقسم الدار لي ملاح فيها حتى سنتيم
و هذا هو واقعنا المر

شكرا على المرور
و الله لامر مؤسف ان يصبح المال اغلى من ابي و انتظر موته لاظفر بالنصيب
انا سمعت ناس يقولو وهذا مايتكلش ضرك على ربي و يخلينا نديرو التاويل

[ام نهوله]

المشاركة الأصلية كتبت بواسطة amel03l

اغلب المشاكل بين العائلات هي بسبب الميراث...نحكيلكم مثلا على حالنا...جدتي ام ابي مازالها في الحياة و لكن مسكينة عندها الزهايمر عندها عامين و ابي كان عندو اختو ماتت عندها اكثر من 40 عام و عمي مات عندو 4 سنين..اولاد عمي 5 ذكور وحا 4 بنات و ولد بعد ما مات عمي اخذو جدتي تتنازللهم في حقها في ميراث عمي و ابي و جدتي ماكانش عندهم مانع ....الله اعلم و لكن اغلب الظن خلاوها تكتب لهم قطعة الارض لي هي حديقتنا المشتركة بين بيتنا و بيت عمي ...و هاديك الحديقة من الوقت لي ترك ابي البيت اولاد عمي يغرسون الاشجار و الخضر و كلشي ..عندها اسبوع امي راحت غرست شجرة..و الله تخيلو قلعوها و رماوها ..النهار لي اخي كان مهمة خارج الولاية....انا كي جيت مالخدمة و حكاولي تقلقت ماشي اول مرة يحقرو امي و مرات مانحبوش نقولو لخويا عندو سكر و هوما الله يبارك 5 رجال نخافو عليه...المهم انا كي وصلت لدار و سمعت رحت للحديقة و هوما منين يسمعو وحدة فينا راحت يبداو يعسو و خرجت مرت عمي و زوج اولادها قلتلهم علاش نحيتو الشجرة قالتلي مرت عمي الحاجة على جدتي هي كتبتلنا النص الكبير لينا و ادا حبيتو تغرسو نقو مكان المزبلة و غرسو و وليد عمي قالي ديجا داركم و ماشي مكانا ماكانش لازم تبنوها ...راسي حبس و قالي عندنا دليل جداتي كتبتهالنا و يجي باباك يهدر معانا..يعني شوفو ورثو جدتي و هي في الحياة و كي جي لشرع ابي هو الوريث الشرعي و في الشرع ما عندهم والو و مام سي كتبتلهم جدتي يقدرو يدو ثلث برك و لكن هوما داو كلشي و راهم يقولو كتبتلنا ...و ممكن صح شافوها امية مسكينة يكونو مدولها تمضي على اوراق و الله اعلم ...و الله مور لحكاية واش دارولها ليما يومين قلبي يوجع ...الحقرة و امرة عمي كل دورا تقول ليما انا عندي الرجال....حسبي الله و نعم الوكيل ..انا و خياتي و خويا مانحوسوش كامل علي الارض مي كي يزيدو كل مرة يوصلو و يحقرو في يما ..و الله تغيضك بالسيف...مسكينة امي ماعندهاش كامل زهر اخوها الكبير و اولادو دا كامل حق خواتاتو و حتى اولاد عمي يقوللها كيما سمحت في ارض باباك ماتحوسيش تغرسي في بلاد جداتي...طولت مي فرغتلكم قلبي

شكرا جزيلا اختي على المرور
المشكل هدا ماراهش غير عندكم بالاك ماكاش دار ما فيهاش هاد الهم وسعي بالك اختي و ربي يحفظلك الام و يطول في عمرا
لازم نعيشو بمفهوم كلشي يخلاص من هاد الدنيا علاش رانا نتكالبو على هم زائل