اريدها عاصمية ......ان شاء الله

[ياسين الجميل]

السلام عليكم.

اخواني اتمنى ان اجد زوجة صالحة تكون ان شاء الله من العاصمة علما انني من الشرق والله يعجبوني في عقليتهم و الضرافة نتاعهم و خاصة المعاملة نتاعهم
كي كنت نروح للعاصمة لبعض الامور و االله نحشم منهم من المعاملة الجيدة و الضرافة ديالهم

اوجه سؤالي اليهن مين جاتكم هده الخلاق العالية و مرات نفكر باش نزوج من العاصمة .

اللهم ارزقني زوجة صالحة من العاصمة ....ان شاء الله.

[panpouna]

عندك الحق العاصميات ظريفات بصح ماشي كامل يعني كيما في كل بلاد كاين المليحة و الدونية..ربي يكملك و تلقى بنت الحلال

[YouCefo_dz]

ادعي الله أخي الكريم يوفقك للزوجة الصالحة فلاتدري الخير اين ؟ عاصمية او غيرها.

[حنان العنابية]

اسمحلي خويا نسقسيك سؤال وشبيهم ناس الشرق انا من الشرق يعني من عنابة حبيت نفههم احنا وشبينا دير في بالك كل بلاصة فاها المليح وفاها الدوني واسمحلي كي شاركت بهادي المشاركة قول نحبهم مي مطيحش في الشرق اوك ربي سهلك انشالله

[لؤلؤة الفردوس]

ربي يرزقك بالزوجة الصالحة التقية العفيفة و لو من الفضاء

[السي محمد]

اقصد عائلة ترى ان ابنتها ظريفة

و لا تسأل عن مصدر الظرافة


و ربي يهنيك و يسهل لك امورك

====================

نسيت نقوللك شيء مهم و هو نصيحة ليا و ليك و لكل الشباب

هو الظرافة ليس من معايير الزواج التي وضعها لنا النبي صلى الله عليه و سلّم

شوف للدين ثم للاصل ثم للظرافة

و لكن ما تبنيش حكمك على اساس الظرافة و تنسى الدين و الاصل

[sali-sali]

ههههههه اسمحلي و الله موضوعك يضحك شويا

تنكح المراة لدينها و نسبها و اضفر بذات الدين تربت يداك
يا خي هدي الكل يعرفها؟؟

سقسي على الدين و الاصل و الفصل و الاخلاق و من بعد الظرافة ساهلة
وين ماتروح تلقى القبيح و المليح

على العموم ربي يوفقك

[sarl02]

المشاركة الأصلية كتبت بواسطة السي محمد

اقصد عائلة ترى ان ابنتها ظريفة

و لا تسأل عن مصدر الظرافة


و ربي يهنيك و يسهل لك امورك

====================

نسيت نقوللك شيء مهم و هو نصيحة ليا و ليك و لكل الشباب

هو الظرافة ليس من معايير الزواج التي وضعها لنا النبي صلى الله عليه و سلّم

شوف للدين ثم للاصل ثم للظرافة

و لكن ما تبنيش حكمك على اساس الظرافة و تنسى الدين و الاصل

مالا صاحبك شمسو عندو الحق

[sarl02]

علاش دخلتو في الامور البديهية الي مفروضة في اي زواج يعني الدين والخلق ووو.؟؟....هذا شيء مفروغ منو ..لكن لا حرج في ان تستهوي الانسان نساء جهة او ناحية معينة من الوطن وهذا ممكن بحكم الاحتكاك بذاك المجتمع او المكوث فيه لفترة او لعدة اعتبارات اخرى ...يعني ممكن احد تستهويه بنات الشرق او الغرب او الجنوب وهذا من حقه طالما يسعى لتحقيق غاية الارتباط بالحلال ...واقول لصاحب الموضوع اذا عجبوك العاصميات ما اتخليهاش في خاطرك يا اخي عليك برحلة بحث بعناية وان شاء الله ربي اوفقك في مسعاك.

[مراد12345]

أنا نعرف الكثير من أبناء المنطقة تزوجوا بعاصميات

بصراحة لا أعرف لماذا ؟.؟؟؟؟؟؟؟؟؟؟

[krimo09]

لكن أخي راهي تشبع كرانتيتا

[annaa]

كل واحد و واش يجبده ف المرا

يعني ما تحاسبوهش اذا باغي وحدة ظريفة و من العاصمة
ممكن منجذب للهجة تاعهم

الله يرزقك ببنت الحلال الظريفة الي ترضى بها


و ما رانيش من العاصمة للمعلومة

[سجل أنا جزائري]

انا اصلي من الشرق مي نخدم و نسكن في العاصمة
مي نفضل نجيبها من بلاد خير
عاصميات اغلبهم ما يحبوش يتزوجو مع براني حاشى اذا جاهم واحد توب ( مش كامل اني نهدر بصفة عامة )

[ام محمد منتصر]

ربي يجيبلك ان شاء الله

[السي محمد]

المشاركة الأصلية كتبت بواسطة sarl02

مالا صاحبك شمسو عندو الحق

هههه شمسو ما يعرف والو

بما انه ما ذكرش الشلفاويات