السلام عليكم اخواتي
وجدت هذا الغراتان في النت اردت ان اشاركه معكن لمن تبحث على اطباق اقتصادية خاصة ان رمضان على الابواب
قراتان البطاطا بالمرقاز : تقلي المرقاز في مقلاة حتى يخرج منو الزيت نتاعو من بعد تنحيه من المصران وتفتتيه حتى يولي كيما اللحم المرحي تخليه بجنب وتحطي في مقلاة حبة بصل مقطعة وشوية زيت تخلي البصل حتى يدبال من بعد زيدي 2 سنات ثوم واضيفي المرقاز خليه يتقلا معاهم شوية زيدي فلفل اسود القليل من الملح والكمون من بعد اضيفي حبة طماطم تكون كبيرة مرحية وملعقة صغيرة طماطم مصبرة ونصف ملعقة صغيرة سكر خليهم يتقلاو امرقي بنصف كاس ماء غطي عليها وخليها حتى تختار في الاخير اضيفي المعدنوس مقطع والزيتون مقطع شرائح ومغلي قلي البطاطا شرائح قطريها من الزيت فرشيها في المول بعد ما تكوني دهنتيه بالزبدة في القاعدة وعلى الحواف حطي كمية المرقاز كامل زيدي فوقها جبن طري وجبن مرحي من جهة اخرى تكوني حضرتي خليط متكون من 3 بيضات فنجال كريمة سائلة كريمة الطبخ و ونصف كاس حليب ملح فلفل اسود برشة جوزة الطيب وسنة ثوم مرحية صبي القليل من هاد الخليط فوق المرقاز وزيدي غطي ه بطبقة من البطاطا ومن بعد صبي كل كمية البيض هنا خليط البيض نتي والمول نتاعك ادا المول كبير ضاعفي الكمية نتاع البطاطا ونتاع خليط البيض ديري البيض حوالي 4 بيضات الى 5 دخليه للفرن يطيب لما يطيب خليه حتى يبرد شوية باه يعرق شوية ويتنحالك من المول وقلبيه في صحن على وجهو وحطيلو الجبن مرحي من فوق
( تقرير عن مشاركة سيئة )، و الموجودة أسفل كل مشاركة .
2015-04-20, 18:07
غرتان المرقاز
العرض العادي
