زواج الصم البكم

[alaaemica]

السلام عليكم اخوتي
انا اليوم حبيت نحكي على موضوع شاغلي بالي و احترت فيه
القصة انو انا عندى ولد عمي مايسمع ما يهدر و في عمرو 28 سنة و امو حابة تخطبلو هيا بدات تحوس على طفلة حوست حوست و مبعد خطبت بنت اختها بعد مي بنت اختها لاباس عليها تهدر و تسمع و قاريا و كلش
نتوما واش رايكم و لوكان يا شباب يجي واحد يخطب اختك تمدها ولا تعارض
ونتوما يا بنات ما رايكم بكل صراحة
لانو الواحد ما تديهش العواطف كاين بزاف مشاكل راح يصراو مثلا مع اللول تكوني ما تفهميهش كي يحب حاجة
ولا كي يشوفك تهدري فالبورتابل يغير ولا كي تخرجي و تتصاوبي مع اصحاب المحلات و هو ساكت يولي يتقلق و يقلقك تعود مسؤوليتك كبيرة بزاف
هذا راي و كل واحد يدخل للموضوع يمد رايو

[salam algeria]

هاذي صعيبة و عمري ما فكرت فيها لكن الحاجة لي نعرفها ان هاذ الفئة راهي عندها الحق في الزواج و بناء اسرة كيفها كيف الناس العاديين

[aihemsara]

و الله صح صعيبة و حتى انا جامي خممت فيها,,
بصح كي تجي تشوفي تلقاي بلي هو تاني راجل كامل مكتمل و هاديك حاجة تاع ربي سبحانو
و لي خلق ما يضيع,, و كاين بنات بزاف يقبلو عادي (لكن انا شخصيا ما نقدر الله غالب حاجة فوق طاقتي)
كاينة مراة من مدة 5 سنين ولا اكتر كي نروح لدار خالي نشوفها شايدة في يد راجلها و تخرجو يدورو مع البحر لانو كفيف
هادي تاني صعيبة بصح ربي بعتلو مراة ما شاء الله

[بلسم غرام2018]

هاذي صعيبة و عمري ما فكرت فيها لكن هاذ الفئة راهي عندها الحق في الزواج و بناء اسرة كيفها كيف الناس العاديين

[Manoula oran]

سلاام عليكم اخواني انا عندي بنت عمي ما شاء الله راهي باغية تتزوج برجل مثلها لانها لا تتكلم و لا تسمع تتكلم بالاشارة و هي من وهران

عمرها ٢٦ سنه انا الحق شفتني psq شابة و صحباتها كامل تزوجو ارجوو الرد هههه و صح فطوركم باغي نسقسيك alaaemica ابن عمك وين يسكن و نتمنى متفهمنيش غلط

[ملكتي بلا مملكة]

win rah al mochkile al mohime fi al hallale raho kifah kif anas man hakah f mra yatzawaj biha w t3awnah fi dinah

[~طَـــمُـــوحْ~]

والله ولا اسهل علاه هو ماشي انسان ؟

وادا عاد هو صم لازم نجيبولو وحدة كيفو ..مستحيل

والله نعرف واحد كيما هاد الحالة ومتزوج وعندو 2 اطفال لاباس عليه وعايش لاباس

العيب والله ما في الحاجة اللي جات من عند ربي العيب في العقلية ..اكيد مع الوقت يتفاهمو وربي يكملهم