هل من وصفات لمرضى السكري؟

[mariana1]

أطلب من الأخوات اللي عندها حلويات خاصة بمرضى السكري والأحسن لو تكون مجربة زوجي مريض جديد بيه . وجزاكم الله خيرا وعيدكم مبارك وتقبل الله منكم الصيام والقيام

[sarra5]

مثلا المقروط دون وضع العسل عليه

الدزيريات دون سقيها بالعسل

الكروكون

[امل العاتر]

مبدئيا كل الحلويات شبه ممنوعة لأن بها نشويات وهي عبارة عن سكريات معقدة ...لكن اذا كان عنده سكري نوع ثاني يمكن يأكل أي نوع لكن بنسبة قليلة جدا وان يقوم بحركات رياضية تساعد في حرق السكريات ..اما اذا كان من الاول (يعالج بالانسولين ) فيجب استشارة الطبيب ..لان استهلاك طعام به نسب كبيرة من السكريات والنشويات سيتعبه ..

[XicaWapa]

حتى انا نحوس على حلويات هكا .. مي ديما كي ندير نقص الكيلة تاع السكر .. بابا مسكين مريض به و زيد يضرب الانسولين .. و لا نعطيولو مقروط بلا عسل ، قريوش بلا عسل تاني و خلاص ...

[omranesouhila]

هذا الموضوع مليح يعطيك الصحة
الاحسن انك اديريلي مشوك بلا سكر في العجينة وبلا عسل
احسنلوااا
وربي يشفيه

[rahimmiga]

اناابني مريض بالسكري عمره 8سنوات ويستطيع اكل الكروكي وايضا البوتي فور ولكن مع حقنة السريعة وايضا عدم الافراط بالاكل ضواقة فقط

[RANIA 2001]

ربي يشفي جميع المسلمين والمسلمات

[أم أحمد عبد الصمد]

في هذه الحالة لازم تستشيري الطبيب ربي يشفيه و يشفي جميع المرضى ياااااااا رب

[maya1991]

السلام عليكم اولا ربي يشفيه ويشفي جميع المسلمين
صراحة ما عنديش خبرة باش نقولك اسمحيلي

[hamtaro85]

حبيبتي انا عندي ليك زوج حلويات خاصة بمرضى السكري و للامانة مدتهم السيدة سليمة يعلى في الاذاعة جربيهم بدون خوف و فرحي عائلتك و الله يرزق الشفاء ان شاء الله
بالنسبة للحلوى الاولى هي سابلي
نحتاج علبة مرغرين 250 غ طرية + علبة فلان light ذوق شكلاطة + مغرف كاكاو+ 1 نوارة + مغرف لافاني و نلم بالفرينة الخاصة بمرضى السكري نتحصل على عجينة طرية و نحلها بالحلال و نقطع مثل الصابلي و ندخلها الفرن ثم نلصق بالمعجون و لازم يكون خاص بمرضى السكري و اذا ما لقيتيش هذا المعجون لصقيها بمعجون عادي و لكن و هي خضراء ماشي طايبة و ندخلها للفرن بعد ما نمسحها بالبيض و نذرذر جلجلان و تقدم بالصحة و الراحة


بالنسبة للحلوى الثانية هي موسكوتشو
نحتاج 5 صفار بيض+ مغرف سكر خاص بمرضى السكري+و نخلط مليح مع مبشور القارس و نضيف كاس نشاء مع 3 بياض البيض مضربين ثلج و نفرغوه في مول الكايك و نطيبها كي تخرج من الفرن نرش عليها شوية سكر ناعم خاص بمرضى السكري و يقدم بالصحة.

ملاحظة مهمة.
حبيباتي لما يكون عندك مريض بالسكري بالبيت لازم تكوني حذرة جدا في المقادير تاع الاكل ديالهم يعني ما تستهزاوش بانواع السكر مثلا او المعجون لازم يكون light و كل المواد متوفرة في الاسواق و الحمد لله في الاخير نقلكم ربي يرزق الشفاء ان شاء الله و دعوة خير تكفيني.سلااااااااااام: 19:

[satomome]

rakoumr ghaltine y'a akhaouati de dire sonar car la farine et la semoule fiha bezef nombre de glucidesalor il faut faire attention meme sans sucre et seulement la farine avec les oueds rahi plein
salam et rabi yechfina ajma3ine
saha aidkoume

[mariana1]

المشاركة الأصلية كتبت بواسطة sarra5

مثلا المقروط دون وضع العسل عليه

الدزيريات دون سقيها بالعسل

الكروكون

جزاكم الله خيرا فعلا هو ما أقوم به ومبعدة قدر الامكان على الحلوى اللي فيها سكر

[mariana1]

المشاركة الأصلية كتبت بواسطة امل العاتر

مبدئيا كل الحلويات شبه ممنوعة لأن بها نشويات وهي عبارة عن سكريات معقدة ...لكن اذا كان عنده سكري نوع ثاني يمكن يأكل أي نوع لكن بنسبة قليلة جدا وان يقوم بحركات رياضية تساعد في حرق السكريات ..اما اذا كان من الاول (يعالج بالانسولين ) فيجب استشارة الطبيب ..لان استهلاك طعام به نسب كبيرة من السكريات والنشويات سيتعبه ..

جزاك الله خيرا ، سكره من النوع الثاني يتناول الكاشيات راهو في البداية أشكرك للإهتمام

[mariana1]

المشاركة الأصلية كتبت بواسطة xicawapa

حتى انا نحوس على حلويات هكا .. مي ديما كي ندير نقص الكيلة تاع السكر .. بابا مسكين مريض به و زيد يضرب الانسولين .. و لا نعطيولو مقروط بلا عسل ، قريوش بلا عسل تاني و خلاص ...

ربي يشفي الوالد أنتاعك أنا تفاديت الحلويات تماما رمضان هذا ما خدمتش حبة قريوش بما أنني خايفة على سكرو وشفى الله مرضى المسلمين جميعا

[mariana1]

المشاركة الأصلية كتبت بواسطة omranesouhila

هذا الموضوع مليح يعطيك الصحة
الاحسن انك اديريلي مشوك بلا سكر في العجينة وبلا عسل
احسنلوااا
وربي يشفيه

بارك الله فيك على الاقتراح وربي يحفظلك صحتك