صك الغفران السورسي...واللي ماعندوش يموت بالهم...بلاد ميكي - الصفحة 2

*أميرة الكون* · 2011-10-15, 00:00

انا اني إمراة و راهو عندي أربعة باك علوم و قريت نكرهت و عندي كلاسور تاع الشهادات عندك ما تتفرج لكن للأسف ني خدمة ني والو
قالولي تعري و لا تقعدي فالدار رحت إلى لانام كسرتلهم راسهم ما قيمونيش قالي وحد الحيوان يخدم تم مكانش لي بوست تاع الكيمياء قلتلو و الإدارات قالي مكانش و قلتلو حابة يا سيدي نخدم مراقبة قالي الله غالب مكانش
جات طفلة كانت تقرا معايا زعمة سيفيليزي مخلصة حقوق ل م د موصيين عليها تعرفو قيمها و قريب يولدها منصب وزير ماش منصب إداري
قلت أنا كيفاه انا عندي شهادة فالإعلام الآلي و شهادة في الكيمياء و شهادة في الفرنسية و روح مازالني نقرا و واحد ماشافني جريت نكرهت والوووووووووووووو مدير قالي إلى تباتي معايا ليلة نجيبك تخدمي عندي و واحد آخر قالي إلى تخرجي معايا نشوفلك معريفة ف لانام إييييييييييييييييييييييييه قلت نسنى مكتوبي معليش ، مي الله غالب غايضتني روحي بزاف انا نقولهم حابة نقري و هوما يقولولي لازمك تعري ........................ مي والله نبقى نجري و نجري و بربي الفوقاني نخدم و نحكم في الرخاص اللي حقروني على خاطر قلبي واسع و عندي أمل في ربي كبير و عندي مقولة ديما نهدرها و حافظتها

كل ظالم جبار سيجبره الزمان على ان يظلم و يداس .........................فانتظر يا ظالم و شهاداتي لن تعلق على حائط منزلي بل على حائط مكتبي بإذنك يا رب

ibn rochd · 2011-10-15, 00:26

اختي mirandamiry اصبري فمن ترك شيئا لله عوضه الله خيرا منه اما هذوك المرخس الطامعين في اعراض الناس فلعنة الله عليهم جميعا الى يوم الدين حثالة البشر

*أميرة الكون* · 2011-10-15, 00:36

هذيك هي خويا ، ما راني طامعة في حتى كلب بن كلب كاين ربي و هو رايح ينصف كل مومن
يا نعيش رافعة راسي في السما رغما عن كل الرخاس يا نموت و نعلبوها دنيا هذا ما نفهم

ibn rochd · 2011-10-15, 00:40

اقتباس:

المشاركة الأصلية كتبت بواسطة mirandamiry

هذيك هي خويا ، ما راني طامعة في حتى كلب بن كلب كاين ربي و هو رايح ينصف كل مومن
يا نعيش رافعة راسي في السما رغما عن كل الرخاس يا نموت و نعلبوها دنيا هذا ما نفهم

يعطيك الصحة اختي باينة فحلة بنت فحلة هاذي هي التربية تاع الصح

*أميرة الكون* · 2011-10-15, 00:42

الله يخليك ، انا و الله دخلت للموضوع بدافع الفضول سع لقيت روحي نحكي في حكايتي باه يفهموها الغاشي بلي البلاد هذي ماهي تاع نسا ماهي تاع رجالة تاع .........
و بسسسسسسسسسسسسسسسسسسسسسسسسس

ibn rochd · 2011-10-15, 00:47

ربي خير منهم والحمد لله ان الرزق بيد الله وحده لو كان بيدهم كان قطعوه على الخلق تفوووووووووووووه عليهم وجوه البخص

*أميرة الكون* · 2011-10-15, 00:52

ربي وكيلهم يعيشو ما يعيشو و يتقلشو ما يتقلشو ، يجي النهار اللي يوليو هازينهم بين اليدين و يجريو بيهم للطبة و كي يكرهو منهم يطيشوهم يموتوكي الكلاب وحدهم يعني مهما طالت رايح يجي ليلهم و يجي نهارنا حنا بإذنك يا رب كون مع الشرفاء

*أميرة الكون* · 2011-10-15, 00:53

أميييييييييييييييييييييييييييييييييييييين ، ارجوك إستجب

ibn rochd · 2011-10-15, 01:04

اختي هناك كلمة في المشاركة رقم عشرين احذفيها فقذ تتسبب في حضر دخولك الى المنتدى المهم ديري في بالك ان اي شيئ كاتبلك راه يلحقك اما عن هؤلاء الاوباش عديمي الضمير فكما قلتي سوف يأتي يوم يحملون فوق النعش وسوف يكون الحساب عسير