حابة وحدة تعلمني لخياطة

[nouhati]

السلام عليكم يا لحراير والله ماني عارفة كيفاش نبدالكم بصح والله قلبي محروق حابة نتعلم لخياطة بصح لازملي وحدة تصبر معايا انا راسي خفيف وحابة وحدة تعلمني لقنادر انتاع الصيف خطوة بخطوة بالكاغط او الجرنان او البلاستيك معناتها بالباترون باه نقدر انطبق ونصور و نوريلها واش درت والله ديرو معايا معروف كبير وتربحو فيا اجر وشكون اللي تطوع ويكون عندها وقت ياخواتاتي حابة نتعلم ونخيط ليا ولبناتي على بالكم نحلم انني نتعلم ونحط لقماش ونخيط ونلبس صنع يديا.

[قصي عبد الرحيم]

السلام عليكم أختي العزيزة شوفي ما يتحرق قلبك ما والو الخياطة راهي ساهلة لمن أراد تعلمها أنتي شوفي كاش خياذة قدامك قريبة ليك تعلمك و لإلا عندك ورشات الأخوات سطايفية و سارة 5 و كرونو راهي كافية وافية بالخطوات ة التفسير الممل .

[وناسة مريم]

انا تاني حابة نتعلم اختي لعزيزة كيفاه نعمل باه نتصل بالاخوات اللي ذكرتيهم تعيشيي نستنج ردك ان شاء الله

[mariana1]

قاتلك روحي لمواضيع السطافية وسارة 5 و الأخت كرونو راهم في المنتدى ونقلي عليهم

[سماح 88]

تابعي الورشات الي في المنتدى راح تتعلمي واسالي على الحاجة الي مفهمتهاش

[arwa alaa]

انا ميبانوليش الصور

[amel...]

مساء الخير ... انا شخصيا استفدت من الورشات و تاني كنت نشوف فيديوات من اليوتيوب و لقيت فيهم حوايج بزاف
ان شاءالله ربي يوفقكم

[manar.maram]

sarah 5 علميني لخياطة بلييييييييييييييييييييييز

[اكرام13]

انا تاني راني نتعلم

[بعيدة المنال]

أضم صوتي الى أصواتكن نتمنى وحدة من الأخوات في المنتدى تتكرم علينا بإعادة فتح مدرسة تعليم الخياطة من الصفر حتى نتعلموا دوقة دوقة راهم أغلبية الورشات اتحذفوا منها الصور وكمبتدآت لا نستطيع التعلم من الكلام فقط أرجوووووووووووووووووووكن

[oum souhaib]

انا رانى معااكم ياريت وحدة تطوع وتعلمنا لخياطة من الصفر حابة روبات نتاع دار برك

[biberse1192]

ana tani 7aba nat3alam t3ichou

[بعيدة المنال]

هيا وحدة فيكم تضحي بوقتها وجهدها وتعلم اخياتها وتنال الثواب من عند ربي بقدر دعاء المحتاجات

[yacin2015]

انا راني حاب نتعلم الخياط منالف الى الياء ولي تعلمني نطلبلها ربي في كل صلات

[aya33]

ان شاء الله يفتح موضوع نتعلمو منوا وربي يجازيهم الجنة وتاني كاين الاخت ام حمزة ربي يبارك خياطة 44444444 وتواضع لامثيل