حائرة في تصميم المطبخ

[رحيق الايمان]

و اخيرة راح تولي عندي كوزينة ههههههههههه
للاسف للان ما قررتش كيفاش نديرها نتمنى تساعدوني هي 2.80 على 3 كل فكرة تجي في راسي كي نتخيلها ماتصلحش المهم الطاقة تاعها جايى في الحيط تاع 3 و الباب جاي في طرف الحيط تاع 2.80 يسمى ابعاد الكوزينة تكون 1.6 *3*2.8

[*سندوسة*]

[wassila21]

إيمان حاولي ترسميهالنا ممكن نساعدك، كوزينتي قد كوزينتك

[رحيق الايمان]

شكرا اختي سندوسة

[رحيق الايمان]

وسيلة كوزينتي جاية بالطول و الباب جاي في الحيط تاع العرض و الطاقة راح نبدلها في حيط الطويل

[بريق الدجى]

اختي الكريمة حسب رايي تصميم المطبخ يجي على حسب النافذة و الباب و منافذ التهوية
يعني حوض الماعن يجي غالبا تحت النافذة
و الكويزينيار تجي غالبا مع الحيط لي يخرج لبرا و فيه فتحة التهوية باه تجي فيها لاأوت
و كي تحددي هاذو يجيك التصميم ساهل من بعد

[رحيق الايمان]

المشاركة الأصلية كتبت بواسطة بريق الدجى

اختي الكريمة حسب رايي تصميم المطبخ يجي على حسب النافذة و الباب و منافذ التهوية
يعني حوض الماعن يجي غالبا تحت النافذة
و الكويزينيار تجي غالبا مع الحيط لي يخرج لبرا و فيه فتحة التهوية باه تجي فيها لاأوت
و كي تحددي هاذو يجيك التصميم ساهل من بعد

يعطيك الصحة اختي تبهتيني لموضوع التهوئة
يسمى عندي غير حيط واحد نقدر ندير فيه خاطر بقية الحيوط مافهمش تهوئة يعني الحيط 4 م يطل على الشارع الي انا ناوية ندير فيه طاقة هو الي يصلح

[wassila21]

أسمحيلي إيمان كنت بلا أنترنيت، المهم، الحيط الطويل قلتي يطل على برا؟ في الطرف دياله ديري الكويزينيارو يجي معاها البوطاجي و فوقه التاقة، و ديري تاقة كوليسونت باش ما ديرلكش الضيق ، و الحيط الطويل الثاني ديري في الكوان دياله فريجيدار ، يجي مقابل الباب، يعني كي تدخلي من الباب يقابلك الفريجيدار و ديريه يتحل لجهة البوطاجي، و ديري طابلة صغيرة لصقيها مع الحيط الطويل الثاني
و إذا حبيتي ديري بلاكارات فوق البوطاجي ، ما تكثريش باش ما تضياقكش الكوزينة، إن شاء الله قدرت نفهمك شوية