وليدي عندو 8 شهور و كره البيبرون واش نديرلو ساعدوني

[زينوبة ام سامي]

السلام عليكم
وليدي عندو 8 اشهر في الاول بسيييييف بش بدا ياكل
و الحمد لله كير ولا عندو 6 شهور ونص ولا ياكل ما شاء الله عليه
و من 15 يوم لاحظت بلي ولا مايحبش يرضع البيبرون نتاعو كيما نحاول معاه نفشل
كي يشوف المغرف يحب ياكل و كي يشوف البيبرون يدور راسو هههههههههههه
ساييت جوعتو قلت زعما يستسلم و ياكل والو
و بعدها ما نتحملش نخليه جيعان نروح نمدلو حاجة ياكلها
و هاد ليومين درت معاه الحيلة باش نمدلو الحليب و الفوائد نتاعو
مثلا نرحيلو الخضرة نتاعو بالحليب و اكيد نمدلو البيسكوي بالحليب بالاضافة للياغوت المخصص للضرع
ولاكن نحسو ماشي كافي حابا يرجع يحب البيبرون و يرضع حليبو مازالو صغير و محتاج للكالسيوم


واش ندير انصحوني

[أماني وأمال]

السلام عليكم : متقلقيش روك أختي هذه فرصة تعوديه يشرب في الكاس الصغير نتاع ليببي كلنا نعرفه أحسن من البيبرون يقعد غير يتعب في قلبوا وكيما راكي تقولي في عمرو ثمنية أشهر أعطيلوا ياكل كل شي ماعدا الحوايج الثقيلة

[ام عبودة]

والله كيما قالتك ما تقلقيش روحك انا راني كنت قبل اسبوعين مع اولادي الكبار 5و6 سنين يحب الحليب في البيبرون وما نحكيلكش روحي الى موضوعي ---- من التي تعاني مثلي ------ وشوفي ختاتنا واش يحكو
المهم نرجعلك الحمد لله راه ياكل بالمغرف وهذا الوقت اللى لازم يتعلم فيه وجربي الكاس تاع لي بيبي خيير والله فكك يا ختي من البيبرون راه فطمانو صعييييييب

[bibicha]

الحل الانسب اختي اما تشريلو بيبرون مغري يعني شباب بالالوان و يكون شكلو مختلف و جذاب تلقايهم غاليين لكن ملاح ولا الكاس لي فيه ثقابي تان مليح و شوفي ماين فيه رسومات اكيد يحبو ان شاء الله

[عُمرُ]

السلام عليكم..
سبحان الله..الكثير من الأمهات يطرحن إشكال أنهن لم يستطعن التخلص من الرضاعة وأنتِ تشتكين العكس..سيدتي ..
مادور البيبرو غير تمرير الحليب لطفلك ؟؟؟ لاشيء ..
إذن لامشكلة قدمي له الحليب بالطريقة التي يشتهيها وحافظي على الكمية المناسبة له في هذا السن..ويبدو أنك تدركين أن مزج الحليب بمواد أخرى مغذية بالكمية المناسبة لايجعل طفلك يعاني من نقص بخصوص فوائد الحليب ..
دعيني أقول لك..
أن الرضاعة أو البيبرون هو عادة سيئة في التغذية ولابديل عنها في الشهور الأولى ويبدو أن طفلك ماشاء الله عليه ذكي ولقد تفطن لفضاعة هذه الوسيلة مبكرا فعاونيه بدل أن تجوعيه ..حرام عليك...

[زينوبة ام سامي]

يطيكم الصحة كامل
و الله طمنتوني
راح نجرب نولفو الكاس تاع لي بيبي
و نعطيلو حوايج اخرى مغدية بالحليب
شكرا الف مرة لكل من عمر bibicha ام عبودة اماني و امال

[maramelmess]

ما ديريش غلطاتي ختي لعزيزة أنا بنتي 3 أشهر كرهت البيبرو تحب غير ترضع حليبي قالولي كامل مليح كملت رضعتها حتى لعامين و نصف و درك عندها قريب 4 سنين ما تشربش كامل الحليب قد ما سييت معاها والو
سييفيه عليه يا لوكان ديريلو شويا سكر ، بدليلو البيبرو حطيهولو في كاس
شربيه بالمغرفة المهم يشرب الحليب باش ما يكرهوش
و الله يكون في عونك

[ام سارة 285]

اختي جربيلو الكاس انتاع الاطفال احسن والله البيبرون ماهو مليح راهو يسوسلو اسنانو عوضيلو الكالسيوم بالفرماج و الياوورت و البيض راهو صفار البيض فيه الفيتامين د و زيدي حوسي في الانترنت على الاغذيه اللي فيها الكالسيوم و نوصيك حاجة ما تخلطيش الاغذية اللي فيها الحديد مع الاغذية اللي فيها الكالسيوم لانو راح يمنع امتصاص الحديد و احمدي ربي كي راهو ياكل انا بنتي عمرها 3 سنوات نحيتلها البيبرو كانت تحب غيرالبيبرون و ما تحبش الملعقة و اضطريت اني نديرلها حساء الخضر في البيبرو باش ترضعو و كانت تحب تشرب الحليب ماتاكلش خلاص قلت خليها تشرب الحليب لكن لقيت ضروسها سوسو و قررت نحيلها البيبرو و عادت تشرب في الكاس و نوكلها الياوورت والفرماج و كونديا صغير والحمد لله ....وشوفي الاخت ام عبودة عانات مسكينة مع اولادها و الحمد لله راهي تهنات
و اذا شفتيه ينبت في الاسنان اديه لطبيب قوليلو يمدلك الدواء انتاع الكالسيوم و وكليه مليح و ما تخافيش انشاء الله ربي يحفظو