حبيت داري وحدي !!!

[رقة زمان]

المشاركة الأصلية كتبت بواسطة nabil.novi

على الأقل انتي راكي قلتيها قبل ما تزوجي ماشي البعض كي تلحق للدار تقلب العقلية

صح كاين منها ....بزاف الي يطلقو على هاد الموضوع

[عبد الرحمان 1111]

المشاركة الأصلية كتبت بواسطة قريت و ندمت

رابط السؤال : https://fatwa.islamweb.net/fatwa/inde...twaid&id=43879

السؤال

أعمل مهندسا بإحدى الشركات المرموقة ومند سنتين أكرمني اللة بالزواج و لي الآن ابنة اسمها سلمى. مشكلتي بدأت عندما توفي والدي منذ سنة وأضحت أمي المسنة وحيدة في بيتها. زوجتي رفضت الإقامة مع والدتي ودائمة الشجار معي حتى على زياراتي المتتابعة لها ظنا منها أن وقتي كله أصبح ليس ملكها. حاولت مرارا وتكرارا أن أوضح لها مكانة الأم في الإسلام لعلها تقتنع و لكني فشلت وكانت في كل مرة تأخدها الغيرة الأمر الذي أدى إلى اتساع هوة الخلاف بينا ووصل إلى الطلاق في كثير من الأحيان.
أرجو من فضيلتك الرد بأسهاب عن طبيعة هذة المشكلة موضحا الصفات التي يجب أن تتحلى بها الزوجة والأكثر أفضلية تكون لمن للزوجة أم للأم.
.
الإجابــة

الحمد الله والصلاة والسلام على رسول الله وعلى آله وصحبه، أما بعد:

فلا شك أن للأم منزلة عظيمة في الإسلام، وأن من الواجب البر بها والإحسان إليها، قال تعالى: وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَاناً (الإسراء: 23).

وروى البخاري ومسلم عن أبي هريرة رضي الله عنه قال: جاء رجل إلى النبي صلى الله عليه وسلم فقال: يا رسول الله: من أحق الناس بحسن صحابتي؟ قال: أمك، قال: ثم من؟ قال: أمك، قال: ثم من؟ قال: أمك، قال: ثم من؟ قال: أبوك.

وروى ابن ماجه من حديث معاوية بن جاهمة السلمي الطويل وفيه: فقلت: يا رسول الله: إني كنت أردت الجهاد معك أبتغي بذلك وجه الله والدار الآخرة، قال: ويحك أحية أمك؟ قلت نعم يا رسول الله، قال: ويحك الزم رجلها فثم الجنة..

هذه بعض النصوص التي تبين مكانة الأم، والذي ننصحك به هو أن تجتهد في إقناع زوجتك، وأن تستعمل أحسن الأساليب، وأن تتحين أفضل الأوقات لذلك، فإن اقتنعت فالحمد لله، وإلا، فحق الأم في هذه الحالة مقدم على حق الزوجة.

قال ابن حزم في "المحلى": وإن كان الأب والأم محتاجين إلى خدمة الابن أو الابنة -الناكح أو غير الناكح- لم يجز للابن ولا للابنة الرحيل ولا تضييع الأبوين أصلا، وحقهما أوجب من حق الزوج أو الزوجة. انتهى المقصود.

وراجع الجواب رقم:1249، والجواب رقم:2114.

والله أعلم.

.
إقرأو جيدا هذه الجملة

وإلا، فحق الأم في هذه الحالة مقدم على حق الزوجة.

المدافعين عن المسكن المنفرد للزوجة و السماح في والديهم . ما تعليقكم على هذه الفتوى ؟ ... ليس لكم أي عذر

[hodayena]

المشاركة الأصلية كتبت بواسطة ambitious man

مينذاك من بعض الردود نحير علابالكم.... قالتلو يتم وليدو , شغل هذا الطفل ربحوه في باكي اومو ولا جاي غير منو برك... حتى وان هو اخطأ وظلمك يا بنتي قولي يتم ولدنا خسارة مش ولدو... عجاجيب في بنات هذا الوقت والله
بالعودة الى الموضوع . الناس عقليات وكل واحد وش عاش كاين لي عاشت لمرار مع اهل زوجها (والمشكل ديما امراة اما يماه او زوجتو ) وشفناها في الواقع ... وكاين لي عاشت لابال في مع اهل زوجها وشفناهم بعينينا... يعني كل واحد ووش عاش الله يحسن العون على كل حال... هي في معظم الاحيان كي تكون الام والزوجة برك ما يصراوش بزاف مشاكل بصح كي بدخلو الخواتات الحرب الثامنة عشر تنوض والله المستعان
بخصوص المنزل المنفرد من حق الزوجة بلا مزية حتى واحد... بصح كاين شي نساء كي يجي يخطبها تقولو طعيمة ولبينة وربي يهنينا وتقولو مع اهلك معليش بصح بجوز يوم تبدى تغنيلو داري وحدي... انا احبذ في الخطبة قال انا ما نسكنش مع اهلك وهو حر يقبل ولالا خرمن المشاكل من بعد
وكاين ثاني الرجال لي ني خدمة ني والو ويجيب بنت العز يمرمدها
انا شخصيا لوكان ما نكونش خدام قادر على الحصول على طابق فوق دارنا وحدي وقادر على اعطاء الزوجة العيش الرغد نفضل نقعد مع يما نبرها ونصرف عليها برك افضل من نجيب زوجة ونعكر حياة الجميع
وربي يفرج على كل مغبون ان شاء الله

اخي الكريم هنا نهدرو بالعامية نقولو ولدةو ولا يقول ولدها المهم المعنى صابو في باكي امو مصابوش المهم ادا لم يعجبك طرقة الكلام كي تصحح ماشي بالاستهزاءوالتمسخير وكيما حال بنات اليو كيما حال دكور اليوم

[Ambitious man]

المشاركة الأصلية كتبت بواسطة عبد الرحمان 1111

خويا ambitious man

أظن بأنه ليس هناك شيء يأتي فوق كلام الله و الرسول و فوق الاسلام

و لو قرأت جيدا الفتوى المقدمة - أعلاه - . لعرفت انت و من يوافقك في الرأي بأن حق الأم مقدم على حق الزوج

طبعا بدون ظلم للزوجة
.
المهم خاوتي كل واحد يعيش كيما حاب لكن تذكروا فقط أن ما يقوم به الكثير في هذا الوقت اتجاه والديهم غلط و خطأ كبير - حتى و لو تحججوا بحجج واهية
.
.


يعني باش مرتك تدورلك ب.....
تروح تسكن وحدك و بعيد على والديك

بففففففف تخمام عيان بزااااااااف حبيبي

شكرا ياغالي .. الله ورسوله لم يجعلوا اسكان الزوجة في منزل منفرد حراما بل هو من حق الزوجة
ودعني اسألك اسئلة يا حبيبي
هل من حق المرأة ان تعيش في بيت وحدها تاخذ راحتها فيه تدور وتنقلب فيه بكل حرية ام لا ؟
هل من حق الزوجة ان يلاعبها زوجها في اي مكان من بيتها او لا ؟
هل من حق الرجل ان يستحم مع زوجته ام لا ؟
هل ان كان لديك اخوة كامل تسكنوا مع الوالدين ؟
ان كان في الاجوبة ازعاج يا غالي يمكنك ان لا ترد بكل حرية
بالتوفيق

[hodayena]

الوقت هدا تخلط الحابل بالنابل الزوجة عندها بلاصة والام عندها بلاصة ومش ادا خرجت على الم والاب راح ترميهم كاين عايش بعيد على اهله لكن بار بابيه والام خير من الدي يسكن معهم
كاين قوم يتفكر امه غير في الزواج لكن لو تطلب منه طلب اخر يتنرفز ويتعجرف وويقيم الدنيا ويقعدها الام تبقى ام والزوجة تبقى زوجة والرجل الحقيقي الي يخاف الله ويعرف الي ليه ولي عليه مايظلم حتى واحد فيه ويعرف كيفاه يسير البابور ادا الزوجة اخطات في حق امه تعتدر وزيد من فوها هو ايضا مدين بالاعتدار والام حاجة صغير من ابنها تنسيها والام ادا اخطات في حق الزوجة هنا الابن هو الي يعرف كيفاه يحل الموقف لكن باه تسمح في مرتك وترضي والديك بدون دنب هدا تاني تتحاسب عليه وايضا تظلم امك وترضي زوجتك وامك لا حولة ولا قوة تاني حرام

[hodayena]

ربي يهدي خلقو الانسان الي يحط رد ولا اثم سبحان الله

[أثيلة]

والله اخي صح هذا المشكل انتشر بكثرة و حتى قبل ايام كانت اخت فالمنتدى تحكي على مشاكلها ردتلها اخت اخرى قالتلها لو شرطتي دارك وحدك ماكنتيش تواجهي هدو المشاكل
الفتاة لازمها تطول بالها و حتى لو ظلموها تتغاضى وتومل ربي مع الأخير وحدهم راح يحشمو
انا اختي الكبيرة عايشة معاهم دوكا اثنا عشر سنة و الثانية ثلاث سنوات و لم تواجه احداهن اي مشكل
رغم انهم اتهمو اختي الثانية بالفحشاء. الخيانة كون راجلها عسكري و حتى بنتها يقولولها ماهيش من دمنا راجلك موش معاك مين حاتك مي راها ساكتة و قبل اسبوع قالتلها عجوزتها والله يابنتي سمحلي لما شفت المشاكل تاع ناس عرفت بلي ظلمتك بزاف بزاف و من غيرك محال نقدر وحدي
وعني انانحب اهل خطيبي بزاف و حتى هوما يحبوني و يحترموني و يعرفوني من صغري. و راه عندو دارو وحدو لكني قلتلو نسكنو مع داركم لانو دارهم كبيرة و مالازمش نخلوهم وحدهم

[مياسم الصمت]

السلام عليكم ورحمة الله وبركاته
الاخوة الافاضل
ردودكم اعلاه سواء التي تم حذفها من طرف الادارة او التي حذفت من طرف اصحابها

تستحق حظرعضويات اصحابها

نرجو منكم مناقشة الموضوع بهدوء وبكل احترام
والتبليغ عن المخالفة وليس الرد عليها

كما نرجو من صاحب الموضوع متابعة موضوعه
والتبليغ عن كل المخلفات عن طريق ايقونة التبليغ

والا سيغلق الموضوع للغلق

[هدهد74]

[size="7"][size="5"]السلام عليكم أنا ممن كن لا لركزن على داري وحدي لكن الله غالب بعد معناة عام زواج بمعنى الكلمة ,في بداية الزواج كانوا أخوات زوجي و هن ثلاث يمثلن علي وذلك بادعائهم بأمه لا يوجد مصروف في البيت مثل البصل البطاطا القهوة,,,,,,,,,,,,,,,,,,,,,,,,,,,,,,,,,,فأضطر الى الاستغناء عنهم أو شرائهم من مصروفي الخاص وفي الغد هن يطبخن كل انواع الاكلات والمشروبات
وفي يوم من الايام كنت ابحث عن شيء ما فوجدت كمية كبيرة من الخضار البقوليات السكر الزبده الصابون ,,,,,,,,,,,,,,,,,,,,,,,,,,,مخبأة عني ولما تحدث مع الأم نكرت وأصبحت الامور تتكرر يوميا
و اخر مرة منذ مدة أسبوع أردت تحضير العشار بما سأجده في الثلاجة فأتت أخته و أخذت من يدي البصل والزيفون وقالت لي اذا اردت أن تطهو اشتري بمالك الخاص مع العلم أن زوجي و والده كانوا حاضرين و ماقلوا والو و أما الام بدون تعليق,,,,,,,,,,,,,,,,,,,,,,,,,,,,,,,,,,
واش ندير............’.,

[(( هبة الرحمن ))]

الوقت تبدّل ، لا الّرجل مثل زمان ولا المرأة كذلك .
برأيي الشاب الذي يود السكن رفقة العائلة قبل أن تصل العروس إلى بيته يتحدث بحضور أهلها ( حتى يكون شهود على كلامه ) أنه سيعيش مع عائلته إذا روقه الله مستقبلا فنعم الرزق لكن لن يقبل بعد مرور شهور تتراجع الزوجة عن رأيها و تطلب العيش في سكن مستقل ( وتكرهله حياته ) .....يعني الموضوع يحسم من البداية أمام أهلها .

أما رأيي الشخصي في الموضوع فإني أرى الأمر مكتوب ومقدر لأن السكن رزق فإذا قدّر ربّ العباد على أيّ زوجين السّكن بمفردهما لن يمنع عنهما ذلك أيّاً كان ، وإذا لم يشأ ربّ العباد فالخير فيما اختاره الله .
والسكن ليس معيارا للسعادة بين الزوجين ، فكم من زيجات طلقت رغم العيش بعيدا عن العائلة .

[عاشقة الوفاء]

المشاركة الأصلية كتبت بواسطة هدهد74

[size="7"][size="5"]السلام عليكم أنا ممن كن لا لركزن على داري وحدي لكن الله غالب بعد معناة عام زواج بمعنى الكلمة ,في بداية الزواج كانوا أخوات زوجي و هن ثلاث يمثلن علي وذلك بادعائهم بأمه لا يوجد مصروف في البيت مثل البصل البطاطا القهوة,,,,,,,,,,,,,,,,,,,,,,,,,,,,,,,,,,فأضطر الى الاستغناء عنهم أو شرائهم من مصروفي الخاص وفي الغد هن يطبخن كل انواع الاكلات والمشروبات
وفي يوم من الايام كنت ابحث عن شيء ما فوجدت كمية كبيرة من الخضار البقوليات السكر الزبده الصابون ,,,,,,,,,,,,,,,,,,,,,,,,,,,مخبأة عني ولما تحدث مع الأم نكرت وأصبحت الامور تتكرر يوميا
و اخر مرة منذ مدة أسبوع أردت تحضير العشار بما سأجده في الثلاجة فأتت أخته و أخذت من يدي البصل والزيفون وقالت لي اذا اردت أن تطهو اشتري بمالك الخاص مع العلم أن زوجي و والده كانوا حاضرين و ماقلوا والو و أما الام بدون تعليق,,,,,,,,,,,,,,,,,,,,,,,,,,,,,,,,,,
واش ندير............’.,

ربي يكون في عونك ياختي حتى انا نفس حالتك لواساتي كل شي يخص كوزينة مخبي تخيلي فالخزانة تاع حوايجهم حتى فواكه يخبوها فالخزانة زعما باش انا ماناكلش واذا جيت نطيب مانصيب والو نروح نشري ولا نتسلف الله يهدي ماخلق

[عاشقة الوفاء]

السلام عليكم
الموضوع مهم وحساس للغاية خاصة للرجال نظريتهم في هذا الموضوع اغلبيتها غلط في غلط سبب ماهمش عارفين حكايات نساء ومشاكلهم بلا مشكل يديرو مشكل انا عن نفسي هدو نهارات نبني داري لاني بصراحة ماقدرتش نصبر عليهم اكثر من هاك انا جابلي ربي كنة كي تدخل لبيت شيخها معناها دارهم 2 وتاخذ حريتها في كل شي طيب وش تحب تخدم قد ماتقدر بصح العكس كانو كنة شراوها عبيد ليهم تخدمهم وطيع اوامرهم في كل شي حتى اكل تستاذن من من عجوزة وعجوزة تبعثك للوسة ولوسة لختها غير باش يقولولي وش نطيب نهارهداك الوقت يااخي عباد نا فالوقت هذا تبدلو يحبو غير نفسي نفسي وش من معيشة تعيشها معاهم تخيلو انا حتى شومبرا تاعي يتحكمو فيها يلبسولي حوايجي يدخلو شمبرتي يسكرو عليا الباب نبقي انا قاعدا فالمراح وهوما داخل كيفاش حبيتو نقعد معاهم مكاش ادني احترام معاهم ولا حتى دايرلي قيمة حتى قدام ضيافهم يبينو رواحهم هوما كل فالكل وكنتهم باخصة ماتعرف والو هوما لي رجعوها مرا ينعل بو معيشة هاك انا كي قبلت نعيش مع اهلو مش باش يهنوني ويذلوني ويردوني عبيد عندهم

[nabil.novi]

المشاركة الأصلية كتبت بواسطة hodayena

الوقت هدا تخلط الحابل بالنابل الزوجة عندها بلاصة والام عندها بلاصة ومش ادا خرجت على الم والاب راح ترميهم كاين عايش بعيد على اهله لكن بار بابيه والام خير من الدي يسكن معهم
كاين قوم يتفكر امه غير في الزواج لكن لو تطلب منه طلب اخر يتنرفز ويتعجرف وويقيم الدنيا ويقعدها الام تبقى ام والزوجة تبقى زوجة والرجل الحقيقي الي يخاف الله ويعرف الي ليه ولي عليه مايظلم حتى واحد فيه ويعرف كيفاه يسير البابور ادا الزوجة اخطات في حق امه تعتدر وزيد من فوها هو ايضا مدين بالاعتدار والام حاجة صغير من ابنها تنسيها والام ادا اخطات في حق الزوجة هنا الابن هو الي يعرف كيفاه يحل الموقف لكن باه تسمح في مرتك وترضي والديك بدون دنب هدا تاني تتحاسب عليه وايضا تظلم امك وترضي زوجتك وامك لا حولة ولا قوة تاني حرام

عين العقل
كلام متزن و رزين حبذا لو يطبقه الكل في الحياة اليومية

[nabil.novi]

المشاركة الأصلية كتبت بواسطة عاشقة الوفاء

السلام عليكم
الموضوع مهم وحساس للغاية خاصة للرجال نظريتهم في هذا الموضوع اغلبيتها غلط في غلط سبب ماهمش عارفين حكايات نساء ومشاكلهم بلا مشكل يديرو مشكل انا عن نفسي هدو نهارات نبني داري لاني بصراحة ماقدرتش نصبر عليهم اكثر من هاك انا جابلي ربي كنة كي تدخل لبيت شيخها معناها دارهم 2 وتاخذ حريتها في كل شي طيب وش تحب تخدم قد ماتقدر بصح العكس كانو كنة شراوها عبيد ليهم تخدمهم وطيع اوامرهم في كل شي حتى اكل تستاذن من من عجوزة وعجوزة تبعثك للوسة ولوسة لختها غير باش يقولولي وش نطيب نهارهداك الوقت يااخي عباد نا فالوقت هذا تبدلو يحبو غير نفسي نفسي وش من معيشة تعيشها معاهم تخيلو انا حتى شومبرا تاعي يتحكمو فيها يلبسولي حوايجي يدخلو شمبرتي يسكرو عليا الباب نبقي انا قاعدا فالمراح وهوما داخل كيفاش حبيتو نقعد معاهم مكاش ادني احترام معاهم ولا حتى دايرلي قيمة حتى قدام ضيافهم يبينو رواحهم هوما كل فالكل وكنتهم باخصة ماتعرف والو هوما لي رجعوها مرا ينعل بو معيشة هاك انا كي قبلت نعيش مع اهلو مش باش يهنوني ويذلوني ويردوني عبيد عندهم

ربي معاك يا أخت
أكثري من الدعاء بقلب مخلص عسى أن يفرج الله همك في أسرع وقت و يصلح الأحوال

[ManouraHilwa]

يا اخ نبيل بكري كانت يماك مع جداتك وعمتك مع عجوزتها وخالتك كذلك مع عجوزتها ....و لكن الان العائلة يهدروا هذا الهدرة كي يجيبوا الكنة وكي يزوجوا بنتهم يطالبولها بالسكن ........اين العدل .....اللهم صل وسلم على سيدنا محمد