فرنيات petits fours ذوق وهشاشة

[مرام 92]

المشاركة الأصلية كتبت بواسطة om kamilia

السلام عليكم ورحمة الله وبركاته

بسم الله الرحمن الرحيم


لعيونكم حبيباتي في الكوزينة وخاصة ام اسلام و حويتة و كل من طلب الوصفة


هي وصفة محرفة طبعا
عجتني الوصفة بالكيلة من عند ام وليد جزاها خير , بصح كي جربت الوصفة خرجو لي يابسين حوست على السبب وحرفت فيها
انا نحضر بكمية قليلة لاسرتي الصغيرة طبعا انتم ضاعفوا المقادير طبعا كي تجربو الوصفة و تعجبكم , ان شاء الله تنال رضاكم كما عجبتني حتى حسيت نفسها تاع المخابز
المقادير
انا كيلت بفنجان قهوةصغير:
كيلة مارغارين على حرارة المطبخ تكون كيلة معمرة
كيلة فرينة
كيلة ما يزينة
كيلة ما بين الفرينة و المايزينة نشرح في تحضير

كيلة سكر بودرة( قلاصي)
بالنسبة للسكر تقدرو تنقصو 2 مغارف انا في الحقيقة ما نحبوش حلو بزاف

ملعقة صغيرة خميرة كميائية
فانيليا
3 ملاعق كبار زيت
بيضة متوسطة
ملعقة تحلية حليب مجفف
وطبعا مربى لاصاق الحلوى و شكولا او اي حاجة تزينو بها

طريقة التحضير
نضرب الزبدة ب المضرب الكهربائي وحدها حتى نتحصل على شكل مرهم نضيف الزيت و فانيلا وسكر بودرة و نزيد نضربو حليب و بيضة , نبدى نضيف كيلة الاولى تع فرينة مخلطة بالخميرة الكميائية و نضيف الما يزينة و الكيلة الثالثة الفرينة اكثر من المايزينة يعني و لآ فيها 6 ملاعق ندير 4 فرينة و 2 نشاء حتى نتحصلوا على خليط مش عاقد مش سائل نقدرو نخرجوه من الكيس الحلواني

و على الكيلة ممكن نزيد و لا ننقص حسب نوعية الفرينة وحجم البيضة

نشكل العجينة على صينة مفروشة بورق الطهي ونسخن 5 دقائق قبل و نطيبها في حرارة 150 غير تبدى تحمر م تحت نشعلو من الفوق نحمروه عسوها راهي تطيب بالخف
نخلوها تبرد شوية
نلصقو الحبات ونزينوهم بخطوط الشكولا او نغمسها في جوز الهند او شكولا او مكسرات
كي تبرد خلاص نخبوها في علبة ننثرو شوية فانيلا







































ان شاء الله يعجبكم و ينال رضاكم , هو خفيف لقهوة الصباح قد ما تقعد تزيد طراوة

دعوة فقط بشفاء اخي

و لآ اي استفسار راني هنا باذن الله

بارك الله فيك

[ibtihal18]

روووووووووووووعة بدون مجاملة ربي يحفظك و بالشفا لاخوك ربي يشفيه شفاءا لا يغادر سقما

[omjoujou]

رووووووعة حبيبتي ام كاميليا كلش يطلع من يديك هااااايل
ربي يتمملك حملك على خير ويشفي اخوك

[الرجاء الاماني المجد]

شكرا لك ان شاء الله نجربو

[oum ibrahim]

روووووووووووعة غاليتي ام كاميليا يعطيك الف الف عافية ياااااااااارب

[idron0]

جزاك الله خيرا

[سارة2000]

شكرا على وصفة روعة

[lamis.imen]

روووعة بارك الله فيك ربي يشفي اخوك

[ام سهام 02]

روووووووووووووووووووووووووووووووووووعة ام كامي راه يشهي انتظري تطبيقي حبيبتي

و ربي يشفي خوك و يعطيك وقفة ساهلة امين يارب

[ام ساجد]

هايل حبيبتي ام كاميليا والشكل روعة

يعطيك الصحة

[oum islem]

يعطيك الصحة ام كاميلي
يسلمو يديك وربي يكملك وتسلكي بخير
بارك الله فيك

[ام رضوان]

بارك الله فيك
يعطيك الصحة خرجلك روعة
ربي يشفي اخاك ويلبسه ثوب العافية اميييييييين

[lili lili02]

بارك الله فيك

[mamande3s]

الفنجال شحال يدي فرينة بالميزان

[الوهابية]

Jatek raw3a okhti