دورة صيفية جديدة

[ام شمسو محمد]

لمن يفتقدون البركة في البيوت
[ سنّة مهجورة بعد الوضوء ]

خَرَّجَ الحديث العلامة ناصر الدين الالباني رحمه الله " فقدنا البركة في بيوتنا بسبب عدم علمنا لسنة نبينا محمد صلى الله عليه وسلم قول: ( اللَّهُمَّ اغْفِرْ لِي ذنبي ووسع لي في داري وبارك لي في رزقي ) بعد الوضوء.

عن أبي موسى الأشعري رضي الله عنه قال: أتيت رسول الله عليه الصلاة والسلام بوضوء فتوضأ فسمعته يقول: (اللهم اغفر لي ذنبي ووسع لي في داري وبارك لي في رزقي) فقلت يا نبي الله ، سمعتك تدعو بكذا وكذا ، قال: ( وهل تَرَكْنَ من شيء ) رواه النسائي في السنن الكبرى وابن السني في عمل اليوم والليلة وصححه الحافظ النووي في الأذكار وله شاهد عن أبي هريرة رضي الله عنه رواه الترمذي وقال: حديث غريب. وحسنه الألباني في صحيح الجامع

[ام هزار]

امين اختي ام شميسو بارك الله فيك و جعل ما تقدمينه في ميزان حسناتك
ساعمل بالسنة المهجورة بادن الله

[crono]

المشاركة الأصلية كتبت بواسطة ام شمسو محمد

اللهم صل على محمد وعلى آل محمد كما صليت على إبراهيم وعلى آل إبراهيم وبارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد ربي رجوتك ان تسعد قلوب الفراشات وتعطيهم ما يتمنونه وعطر صدرورهم بالإيمان وارزقهم الخلود في الجنان وانا معهم يا رحمن ... يارب اجعلنا من أهل الرحمة والمغفرة ومن عتقائك من الناراللهم آمين يارب العالمين.اللهم ارزقنا الجنة بغير حساب ولا سابقة عذاب اللهم اميييييييييين

آمين يارب العالمين اختي ام شميسو ولك بالمثل وسعد الله صباحك و
بارك الله فيك على النصائح القيمة اللي ذكرتينا بيها
جعل ما تقدمينه في ميزان حسناتك

[crono]

اصبحنا واصبح الملك لله والحمد لله
اللهم اعنا على ذكرك وشكرك وحسن عبادتك

اللهم صلي وسلم وبارك على سيدنا محمد

استغفر الله العظيم الذي لا اله الا هو الحي القيوم و اتوب اليه

لا اله الا انت سبحانك اني كنت من الظالمين

ان شاء الله تكونو كامل بخير كل وحدة باسمها ربي يهنيكم و يرزقكم ماتتمنون اااامين.

انا الويكاند منخدمش غير الروتينات اليومية خاصة مع التعب
مع ذلك تبقى الاعمال المنزلية ما تخلاصش

اليوم بنتي نقات الكولوالر ومسحت الفايونس وسيقت الحوش
ونا راني مع الفطور درات غراتان كورجات بالبطاطا و عجنت مطلوع غليتو يخمر

كل البنات ربي يوفقكم و يعاونكم في اشغالكم
و لي عودة ان شاء الله

[crono]

اخواتي العزيزات لا تنسوا صلاة الاوابين صلاة الضحى

[ام هزار]

اهلا كرونو شكرا اختي على التدكير
ام شمسو يا ريت تحطيلنا خطة نمشيو عليها و مسش شرط تابعينا المهم نكونو موحدين هيا واش قلت يا اختي ظ انتظر منك الرد

[ام شمسو محمد]

السلام عليكم
حياكم الله كرونو و ام هزار و دمتو منورين و مزهيين منتدى الجلفة العزيز على قلوبنا اللي راهو يافل و يغيب
طالبتي ببرنامج حبيبتي ام هزار و انا اشكر كثيرا تزكية القائدة كرونو لي لوضع هذا البرنامج ...و لكن رايي ببساطة اننا في عطلة الصيف لذلك يصعب كثيرا علينا اداء العمل المنزلي روتيناتو فضلا على التنظيفات العميقة ...و انا شخصيا متمسكة بشدة بالروتينات باش مانضيعهاش ههههه...و وضعت لنفسي خطة طوارئ لمحاربة اكثر الاماكن فوضى حتان تخلاص العطلة في غرفة النوم مثلا الهدف هو الخزانة مانخليهاش تتفاقم ...في المطبخ الفرن نديرلو تنظيف عميق كي تسمح الفرصة ههههه....الحمام اعزكم الله محتاج للقليل من الصيانة ...اما باقي الاماكن فاكتفي بعد الروتينات بالساعة الاسبوعية اللي تهتم بملاحقة الغبرة و البقع و الاثار و تلميع الزجاج ...
السخانة في حد ذاتها معيق فضلا على مفهوم العطلة و الخرجات و الضيوف و الاعراس و المناسبات ...مما لا يسمح بالوقت الكافي لذلك اجد من الصعوبة التركيز على تنظيفات عميقة و اتفهم هنا غياب الاخوات و لكن الدورة صيفية و مقتصرة على الاعمال البسيطة و المتعلقة بالصيف لذلك اطلب من الاخوات التفاعل و وضع افكارهن لانها بالتاكيد مفيدة
هنا المشكل حبيبتي ام هزار ...مهما تديري كي تكوني وحدك ما يفيدش ...التفاعل شرط اساسي للازدهار و الحضور القوي للفراشات هو اللي يمد معنى لاي دورة ...و اتفهم انكن كعاملات تركزن على العطلة للقيام بالاعمال العالقة و لكني ناكدلك كماكثة في البيت بلي عندنا اعمال عالقة ايضا و لكنه الصيف ام هزار و انت بالتاكيد متعبة من السنة الطويلة و من حقك تنالي بعض الراحة سبحان الله حتى اجسامنا تتوقف على العمل بكل طاقتها و تاخذ عطلة ههههه

[ام شمسو محمد]

معاشر النساء احذرن من الغيبة اسال الله العظيم ان يجيرنا منها و ان يكف السنتنا عن ذكر الناس

[ام شمسو محمد]

المشاركة الأصلية كتبت بواسطة nihal159

السلام عليكم و رحمة الله و بركاته؛ تحية طيّبة لجميع الفراشات المشاركات في هذي الدورة.
ملي بدات الدورة و أنا متتبعة وفيّة للبرنامج هههههههه لكن في صمت؛ و ليوم ذخلت على روائع و إبداعات أختي كرونو؛ ماشاء الله؛ حشمت من روحي نشوف كل هذي لفحولة و الشطارة و النشاط و نبقى ساكتة؛ الله يبارك ماقدرتش نعبّر من شدة إعجابي بيك؛ ماشاء الله و لا قوة إلا بالله.
أنا كما تعرفوني؛ عاملة؛ لكن مش كل يوم نخرج؛ يعني نهار على نهار فقط نروح نشوف الخدمة؛ لبار قعدت فالدار؛ نضت الصباح على 5 و نص ؛ فالصيف نحب نخدم خدمتي مع الصباح.
نقّيت الثلاجة و مسحت الرفوف؛ و غيّرت غلافات لمخايد نتآعي و ليدرا.
سيّقت الطيراس كما يحب الخاطر؛ و غسلت لي طابي تاع الكوزينة و الحمام حاشاكم و الديصوندلي تاع غرفتي.
كي ناظو الأطفال؛ فطّرتهم و نضفتهم و خليتهم يلعبو؛ و درت لغذا و سيّقت حاشاكم فقط.
لفراش تاع الشتاء؛ الحمد لله كمّلت غسلتو و خبيتو.

مرحبا اهلا و سهلا بالفراشة الانيقة نهال ...انيقة في التفكير و الحضور و الكاريزما و الحديث و الانجاز
يسرني كثيرا وجودك معنااؤكد مجددا :انت مكسب رفيع لكل من تنشد الكمال ....بكل صدق و بدون مجاملة نعتبرك فحلة
لذلك ماتغيبيش استمري في الهامنا و لو بطرح يومياتك و مشاركة خواطرك و افكارك ...و زرع روح الغيرة (الايجابية) في فراشاتنا

[حياتي كلها امل]

السلام عليكم كيف احوالكم ام شمسو كلامك صحيح انا عن نفسي انحاول قدر الامكان نلتزم بالاعمال الاسبوعية والساعة الاسبوعية لكي لاتنفلت الامور من ايدينا
في فصل الصيف اليوم طويل تقدري تقسمي الاعمال بين الصباح والمساء
وتعملي نظام تمشي عليه وعن نفسي في المساء نحب نركز على الاماكن الساخنة نتهنى منها مثلا اول امس سرجت تحت البوتاجي وامس ليزليمو تاع المطبخ وهكذا

[ام هزار]

اهلا ام هاجر الحمد لله كي طليتي
ام شمسو اختي انا معاك 100في 100 في واش قلت و حتى انا صحتي ما تسمحش بالمجهود الكبير و المرهق كيما يعرفو بعض الفراشات عندي الم في ظهري مبرح عافاكم الله ينوضلي بين الحين و الاخر فقط اردت ان نسترجع روح العمل الجماعي باه الدورة ما تفقدش طابعها الحماسي و علابالي نص لبنات يطلو و يروحو كي ما يلقاوش هدا العنصر متوفر و متجدد يوميا
المهم ما نخطيوش المنتدي و تحديدا هدا القسم و الله من وراء القصد

[أمّ عبد الله]

السلام عليكم ورحمة الله وبركاته
دورة رائعة .... جزاكم الله خيرا على كلّ ما تقدمونه من أفكار وتدابير وخبرات
جعله الله في ميزان حسناتكن

[arwa alaa]

صباح الخير واليمن والبركات على كل الفراشات الحبيبات

[nihal159]

صباح الخير فراشات المنتدى.
أم شمسو؛ أخجلتني بكلماتك الجميلة و التي لا تصدر إلاّ من إنسانة راقية و طيّبة مثلك.
فالويكاند؛ لمّعت ليزيليمون تاع الكوزينة بملمّع الخشب؛ و من الذاخل الحمد لله راهم مرتبين؛ لأني نررتبهم يوميا هههههههه( أنا سوسة مش إنسان ههههههه)؛ لمّا نكمّل غسيل الأواني؛ نتركهم يقطرو و من بعد نشّفهم بقطعة قماش و نرتبهم ذاخل ليزيليمون و في نفس الوقت نغتنم الفرصة أني نرتّب شوية الحالة؛ مثلا لي بوغث مونجي نرتبهم حسب شكالهم الهندسية؛ دوائر أو مربعات و نذخّلهم في في بعض من الحجم الكبير إلى الصغير؛ نفس الشي بالنسبة للمؤونة مثلا السكر و المقرون و الروز و ما إلى ذلك؛ كل ما نحتاج حاجة نستعملها؛ نشوف إذا خزانة المؤونة غير مرتبة ؛ نرتبها شوية؛ و لو أنّي مانكمّلش نرتبها كاملة؛ لكن كل مانطل عليها نرتبها شوية و هكذا تبقى مرتبّة كل الوقت.
بالنسبة للحيط لي لاصقة فيه لاكوزينيار؛ تقريبا نهار على نهار نمسحو بقطعة قماش فيها الجافيل وهكذا نتأكّد أنو مايلصقش فيه قطرات الزيت و يبقى نقي؛ لأنّو هذاك الحيط أكبر تحدّي بالنسبة ليا؛ كي نشوف قطرات الزيت عليه تبانلي المطبخ كامل متسّخ.
كلّ ما نتفكّر روتيناتي نكتبلكم باش نستفادو من بعض.
بالنسبة للجانب الجمالي؛ راني نستعمل مكعبات من خليط البطاطا و الخيار مجمّدين فالثلاجة؛ كل يوم نسستعمل مكعّب على كامل وجهي باش نتخلص من الإرهاق و تستعيد بشررتي حيويتها.
نستعل ماسك يومي؛ أساسه الياغورت الطبيعي؛ و كل يوم نضيفلو مكوّن مختلف؛ مثلا: مرة نضيفلو قطعة موز مهروسة؛ مرة ملعقة عسل صافي؛ مرة ملعقة من خميرة الخبز.

[ابني نور عيني]

مساء النور شطوراتي واش أحوالكم
توحشتكم كامل و نسلم عليكم وحدة وحدة ...
راني شوية كسولة هاذ الصيف ، درت تنظيف عميق للبيت كامل بعد رمضان بأسبوع ، أما الان أكتفي بروتيناتي اليومية و تنظيف أسبوعي شامل للمنزل ...