مقرقشات رااااائعة و حصرية ( لمقرقشة المنقوشة )

ftage · 2013-04-20, 10:45

السلام عليكم حبيباتي حبيت نشاركم بالمقرقشات لي درتهم .. و هي عبارة على شكل جديد لانو العائلة كرهت من الشكل القديم و كيما تعرفوا العين تاكل قبل البطن ..
انا صورت حبة وحدة لانو اختي (مكراشة ) كلاتهم كامل بمجرد اني كملتهم

إلهام07 · 2013-04-20, 11:02

ماشاء الله روووووعة ، أعطيني طريقة اللي درتي بيها الشكل
راني نستنى على أحر من الجمر
الله يبارك خرجتلك تحححححححححححححفففففة
راني غرت منها ، أعطيني الطريقة بسررررررررررعة

أزربي جاوبيني ، وإلا نضربك بعين ، راني حذرتك وانت حرة هههههه ( تهديد )

حبيت نتأكد من حاجة برك ، حنا المقرقشات مختلفة عن القريوش ، ياخي هاذي مقرقشات ماشي قريوش ؟

أم محمد تاج · 2013-04-20, 11:07

على قول إلهام أزربي بالوصفة والطريقة ضرك

رحمة من المولى · 2013-04-20, 11:09

الطريق ضرك و لا ..................

ftage · 2013-04-20, 11:21

هاذو مقرقشات يا حبيبتي و الطريقة ان شاء الله رح نكتبها قريبا لانو النت عندي ضعيف و هبلني ..

ريم الفلى · 2013-04-20, 11:27

الشكل هاااااااايل اعطيلنا الطريقة بليز

وردة زمن · 2013-04-20, 11:29

تسلم اديك جات رائعة كيفاه خدمتيها

أسومة المتفائلة · 2013-04-20, 13:32

ازربي بالوصفة ههههههه
يعطيك الصحة

sousou1910 · 2013-04-20, 13:34

ازربي بالوصفة ههههههه
يعطيك الصحة

أم هيثم محمد · 2013-04-20, 13:56

الطريقة سهلة لاننا حنا استعملناها عندها مدة الطريقة عادية
بداية العجين كيلو فارينة لابال + 250غ لابال ذائبة + بيضة كاملة وقرصة ملح تعمليها بين ايديك مليح تصبح كالرمل تبليها بالماء تقسميها لحوالي 10 حبات تخليها حوالي نصف ساعة ثم توحدي طاجين تاع المسمن ( لحديد) على نار ذليلة تحلي بالوحدة ثم تحطيها تنشف برك فوق الطاجين ماش لازم تطيب وتحطي كل وحدة على قطعة قماش وتغطيها عندما تخلصي كل الكمية تاخذي طابع دائري وتعملي 3 دوائر او أكثر 4 -5 وتستعملي عود الاسنان كوردو وتديريا على شكل tوتحكمي في كل تطبيقة بالكوردو وتحطيها تتقلى ثم لما تكملي عسليها ثم اعملي حبة عقاش ارجونتي في الوسط وما تنسايش اللماع من فوق وانهيت الطرقة
أتمنى أني وفيتكم بالمطلوب وما تنساوش دعوة الخير فقط لانها فعلا رائعة ونحن على أبواب الافراح ان شاء الله فتكون نوعا جديدا على موائدكم ودامت افراح الجميع

عطر الياسمين الاصلي · 2013-04-20, 17:07

بارك الله فيك شكل جميل وجديد بصح والله ما قدرت نفهم الطريقة مليح يا ريت تعاودي تشرحيها وربي يعطيك ما تتمناي

randy fatima · 2013-04-20, 17:12

الشكل هاااااااايل اعطيلنا الطريقة بليزبالصور

linat · 2013-04-20, 17:13

بارك الله فيك

موج و صخر · 2013-04-20, 17:20

شكلها روعة

ftage · 2013-04-20, 17:39

اشكركم حبيباتي على الردود الطيبة واشك ام هيثم على الطريقة لكنها غير الطريقة لي اعتمدتها انا ....
اما الطريقة فهي عادية .. نفس العجينة المعتمدة للمقرقشات واش يعني الشكل يختلف ديري 3 وريقات و ديري حفرة في وسطهم بيد الفرشيطة و حاولي انك تحكي الشكل باصابع يدك من لتحت و بعدها قبل ما تحطيها فالزيت جيبي هذاك المول لي يكون مدور و مفتوح فالوسط و عندو اليد نتاعو و قطسيه فالزيت و كي يغلي الزيت حطي لمقرقشة نتاعك .. و مهمة المول هنا باش يحكم الشكل المطلوب لانو ممكن تتحل لعجينة .. وكي تتقلى حطيها فالورق لي يشرب الزيت و يعدها قطسيها فالعسل و ديريلها لبراق و شهية طيبة .