طريقة صنع العسل بالصور و التفاصيل ,,,حصري

[ام ملاك.]

شكرا ربي يخليكم

[oumzaid]

بارك الله فيك شكرا

[ام ملاك.]

وفيك بركة اختي ربي يحفظك

[idron0]

هايلة يعطيك الصحة

[ام ملاك.]

[lahna moka]

شكراااا اختي على الوصفة بارك الله فيك

[nawal_02]

المشاركة الأصلية كتبت بواسطة مونية ك

السلام عليكم
دخلت وقريت طريقة صنع العسل من في الكوكوت مينوت مادخلتليش لراسي ماشي نهدر في اللي كتبتها بالاك هي لقاتها ونقلتها يعني مش مجربة. لانو العسل باش يولي عندو لون عسلي شباب لازم يذوب وحدو قبل مايتخلط بالما ولا يولي عسل ابيض
المهم طريقتي دايما نديرها ومجربتها
تجيبي سكر قيس 2 كيسان وكاس ماء وشوية قارص ولا الشب
تحطي السكر وحدو في الكسرونة وتشعلي النار عليه وخليه يذوب وحدو وانت اقعدي حركيه حتان تبداي تشوفي اللون نتاعو ولا عسلي لازم النار تكون ناقصة باش مايتحرقش
امباعد كي تشوفيه بدا يولي عسلي في اللون (ماشي لازم يذوب قع السكر المهم يمد اللون اللي راكي حاباته)فرغي الماء فوقو ونقصي للنار وخليه راح تشوفي بللي المغرف اللي كنت تحركي بيها لصقت ماعليش ماتخافيش خليها من بعد يذوب السكر نحيها وثاني الماء يبدا يطير ويتطرطق ثاني ماتخافيش
نقصي للنار مليح وخليه حتان يبدا يغلي
وكيفاش تعرفي بللي طاب العسل انتاعك تشوفي بللي تشكل فوقو فقاعات صغار وبزاف فوق الوجه نتاعو لا شدي مغرفة دخليها فيالعسل وخرجيها وخليها تبرد من بعد مسي ها بصبعك اذا بدا يتلاصق معناها خلاص طاب واذا شفتيها كي الما زيديلها شوية
ماتنخدعيش العسل كي يطيب وهو سخون مايكونش ثقيل ولا جامد يكون سائل يعني لازم تجربي بالمغرف كيما قتلك
وكي يطيب في الخر اعصريلو شوية قارص واذ اعندك الشب ديريه مع الماء يعني من الاول
انشاء الله نكون فدتكم
المهم انكم كل ما تديرو السكرالماء يكون نصف كمية السكر
راني جبتلكم الصور اليوم خدمتو صور جديدة
الكمية اللي درتها
4 كيسان سكر 2 كيسان ماء





انا هذا اللون اللي نحبو ومانحبوش يكون غامق بزاف

هنا درت الماء شوفو كيفاش المغرف لاصقة نورمال ماتخافوش



وهنا كي طاب شوفو شحال شباب لونو عسلي وبنين نسيت ماصورتش المرحلة اللي درت فيها عير القارص تقريب مغرفة صغيرة برك ورونديلة نتاع القارص رميتها فيه

شوفو هنا كيفاش خفيف ماشي ثقيل بزاف خاطرش مازالو سخون

هنا صورة اقرب

وهنا كي برد شوفو شحال هايل هذا واش بقى درت اكثر من نصف اللي خدمتو وسقيت بيه البقلاوة غدوة نحطهالكم ان شالله

مشكورة وربي يجازيك ممكن طريقة البقلاوة بالتفصيل لكل المراحل لانها ما تخرجليش وحايبة نعرف وين المشكلة....
ربي يجازيك

[ام ملاك.]

المشاركة الأصلية كتبت بواسطة nawal_02

مشكورة وربي يجازيك ممكن طريقة البقلاوة بالتفصيل لكل المراحل لانها ما تخرجليش وحايبة نعرف وين المشكلة....
ربي يجازيك

اختي انا جربت بقلاوة الاخت ام كوثر راهي تجي بنتها رهيبة وسهلة في الخدمة ربي يعطيها ماتتمنى الاخت ام كوثر سهلت علي البقلاوة اللي نحبها ونعجز باش نخدمها بصح درك جامي نزيد نعجز من كثرة سهولتها وبنتها اممممم
هذا الرابط ادخليلو وتبعي مليح وان شالله تنجحلك هذا رابط تطبيقي وفيه الرابط الاصلي نتاع الوصفة
https://www.djelfa.info/vb/showthread.php?t=1228142

[zamilio]

نفس طريقتى شكرا

[ام ملاك.]

شكراااااااااااااااااااااااااااااااااااااا

[tatadamizour]

يعطيك الصحة حتى انا هكذا موالفة نديرو والحمد لله ينجحلي في كل مرة

[ناديـة]

هذه نفس طريقتي علمتني إياها أمي منذ كنت صغيرة

[houria26]

استغفرك اللهم واتوب اليك

[عطرالذهب]

يعطيك الصحة حبيبتي

[nounoudjs]

بارك الله فيك