سؤالين في الكريات السحرية القافزة فيكم تجاوبني

[أم عروة]

السلام عليكم اخواتي
عساكن بخير

راني نخدم في حامل الفرشاة والمعجون
وخلاصلي الخيط فالنص
هل نقدر نربط الخيط ونعاود ندير خيط اخر
اذا كانت الاجابة نعم
كيفاش نربطو الخيط؟
حتى في الاخير كي نكمل العمل وما تعافش كيفاش ندير للخيط المتبقي
وتاني
كيفاش نبلاصيو خيط اخر

واذا كانت الاجابة بلا
هل لازم نعاود الخدمة من الصفر وشحال ندي من الخييط يعني كثر من متر؟
د
جاوبوني بارك الله فيكن
ومعذرة على الاخطاء راني نكتب من الهاتف
شكرا

[حورية38]

اعقدي الخيط-عقدتين وفوتي الباقي في الخرزوركبي الخيط عادي بتمريره من وين كمل الخيط في حبتين خرز وواصلي العمل
والخيط ماتقدريش تعرفي شحال يكفيك المهم تميزي فقط الطول ومن الافضل دايما تخليه طوي-باش ما-تقطعيش العمل في الوسط -

[أم عروة]

جزاك الله خيرا اختي حورية
افدتني فعلا

[mimimouni]

حبيت برك نزيد نقولك انا كي نعقد الخيط نزيد نحرقه بالبريكي باه مايتحلش
ننتظر نشوف واش خدمتي
في امان الله

[أم عروة]

فكرة ممتازة
يعطيك الصحة اختي ميمي على الاضافة المفيدة
بإذن الله غير نكمل العمل نصورهولكم للعلم راح يكون اول عمل ليا فالكريات
شكرا