غلطات الديكور ....................... مع زُخْرُفَةٌ

zokhrofa · 2017-07-26, 22:44

السلام عليكم خواتاتي

هذا اوّل موضوع لي في قسم الديكور اضن و الله اعلم ههههههه نسيت

المهم حبيت نبدأ بعاكم دروس في الديكور لي ربما تكون الكثيرات تديرها في دارها او على الاقل شافتها في منازل اخرى

اوّل درس

الزربية

اذا شفتو في المجلاّت و المحلاّت المخصصة للأثاث ولات حاجة منتشرة بزاااااااااااااف انو السجّادة تكون فقط تحت الطاولة فيما يخص الصالون

و الحقيقة انو الديكور الصحيح هو ان تكون الزربية او السجّادة تحت كل قطع الصالون

طبعا راح يجيك غالي انك تشري زربية كبيرة بزاف انا معاك في هذه النقطة

لكن على الاقل خلي الارجل الأمامية للكراسي او الفوتايات فوق السجادة

لأنّو لوكان تديريها غير تحت الطاولة راح يبان الصالون فارغ حتى ولو كانت الغرفة صغيرة

و هذه بعض الصور باش تفهمي على واش راني نهدر

اوّلا الطريقة الخاطئة

ثانيا الطريقة الصحيحة

و ارجوا من كل وحدة تعطينا تعليق على واش هو احلى

انو السجادة تكون تحت الطاولة فقط ام تحت كل قطع الصالون

انا رايي تعرفوه هههههههههه

أريج13 · 2017-07-27, 13:17

السلام علكم و رحمة الله و بركاته
اختي زخرفة شكرا لك على ما تقدمين....دائما نستفيد من افكارك المختلفة و المتميزة....
اما فيما يخص السجاد انا ايضا افضل الطريقة الثانية
اولا من الناحية الجمالية وضع السجاد اسفل كل قطع الصالون يعطي منظرا احسن و اجمل من وضعه اسفل الطاولة فقط....
ثانيا من ناحية التنظيف السريع (انا لا اتحدث عن التنظيف العميق)او اليومي و خاصة في وجود المكنسة الكهربائية ...يمكنك تنظيف السجاد من العوالق دون تعب ......هذا رايي و الله اعلم.....

ام سراج وملاك · 2017-07-27, 19:31

دائما متميزة في الانتقاء
سلمت على روعه طرحك
بالنسبة لي فانا افضل الطريقة الصحيحة ايضا
نترقب المزيد من جديدك الرائع

zokhrofa · 2017-07-27, 20:37

اقتباس:

المشاركة الأصلية كتبت بواسطة أريج13

السلام علكم و رحمة الله و بركاته
اختي زخرفة شكرا لك على ما تقدمين....دائما نستفيد من افكارك المختلفة و المتميزة....
اما فيما يخص السجاد انا ايضا افضل الطريقة الثانية
اولا من الناحية الجمالية وضع السجاد اسفل كل قطع الصالون يعطي منظرا احسن و اجمل من وضعه اسفل الطاولة فقط....
ثانيا من ناحية التنظيف السريع (انا لا اتحدث عن التنظيف العميق)او اليومي و خاصة في وجود المكنسة الكهربائية ...يمكنك تنظيف السجاد من العوالق دون تعب ......هذا رايي و الله اعلم.....

اهلا اختي أريج

صحيح و انا معكي في قضية التنظيف اضن هو احسن شيء انو يكون السجادة تحت كل القطع على الاقل عندما تنظفي لن تضطري ترفديها باش تزيدي تنظفي الارض

zokhrofa · 2017-07-27, 20:38

اقتباس:

المشاركة الأصلية كتبت بواسطة ام سراج وملاك

دائما متميزة في الانتقاء
سلمت على روعه طرحك
بالنسبة لي فانا افضل الطريقة الصحيحة ايضا
نترقب المزيد من جديدك الرائع

شكرا اختي ام سراج على الاطراء

ان شاء الله ترقبو هههههههه عن قريب تان تان تان اشهار ههههه

ام محمد صابر · 2017-07-27, 23:40

موضوع مفيد شكرا

zokhrofa · 2017-07-27, 23:42

عفوا اختي اهلا بيك في كل وقت

نبض الفؤاد · 2017-07-29, 20:14

موضوع جميل تشكرين على الجهد المبذول......................

zokhrofa · 2017-07-29, 23:21

اهلا اختي و شكرا على الاطراء الجميل

ام جعفر وباسم الحبيب · 2017-07-30, 15:14

زخرفة على ثقتنا في رفعة ذوقك اتمنى لو انك تخصصي لحبيباتك صفحة خاصة بفن اتيكيت ترتيب البيت : غرفة الاستقبال.. المطبخ .. الحديقة .. اجمل تحية لكن اخواتي

zokhrofa · 2017-07-30, 17:24

اهليييين شكرا جدا ان شاء الله اختي

zokhrofa · 2017-07-31, 16:20

الدرس الثاني

الستائر

بزاف من الناس يديرو الستاير الريدو يعني بزاااااااااف صغيرة او بزاف فصيرة او بزاف طويلة و طايحة في الارض

يعني عشوائيا بدون دراسة مسبقة للأمر

لذلك اليوم نشوفو مع بعض هذا المشكل و الحل ديالو

اوّل حاجة لازم تعرفوها هو واش هو الستايل لي راح تديريه في الغرفة

يعني هل هي ستائر امريكية لي هي تكون طويلة و قايسة الارض و باش تحليها تجبديها نحو الجانب الايسر او الجانب الايمن

هاذي صورة

لي لازم تكون طايحة في الارض و من الاحسن طيح بزاف يعني ماديريهاش مرفودة على الارض

ام رومانية لي تترفد للفوق

هذه صورة لها

بالنسبة للتعلاق تاع الستائر

من الاحسن تلصقو الستائر مع بداية الحيط يعني تلحق السقف و ماشي عند بداية النافذة مثل الصورة

و اذا امكانياتك ملاح من الاحسن يكون الديكور متقن اكثر بحيث تديريه مغلق يعني بيت الستارة (encastré )

لكن في حال ما اذا ماراكيش حابة ديريها مع السقف ديريها في الوسط يعني بين السقف و بداية النافذة و ليس قريبة بزاف للنافذة

الخلاصة كل ما طلعتيها للسقف تولي شابة

و كل ما عرضتيها تولي شابة

و كل ما قاست الارض تولي احلى

ام سراج وملاك · 2017-07-31, 19:34

شكرااااااااااااا اختي زخرفة قعلا موضوع رائع في انتظار جديدك دوما

zokhrofa · 2017-07-31, 22:49

عفوا اختي ام سراج

قوليلي انتي واش تحبي؟

ام سراج وملاك · 2017-08-02, 21:50

السلام عليكم ورحمة الله تعالى وبركاته
اولا اعتذر عن تاخري في رد
فعلا اختي زخرفة اشاطرك الراي فالستائر لها دور فعال في اعطاء منظر رائع من الجمال والرقي للمنزل فأي امراة تختار من الستائر ما يتماشي مع بيتها من حيث اللون والجوده فكل حجره في المنزل لها ديكور معين بالنسبة لي احب الستائر البسيطة والجميلة وتكون طويلة والتي تعطي منظر جميل لغرف المنزل فذوقي في اختيار الستائر هو نفس ذوقك شكرااا على هذا الموضوع الرائع في انتظار جديدك دوما بارك الله فيك